လံာ်နၤဃူၣ် 3:15 - Sgaw Karen Common Bible

¹⁵ နမၤဒ်လဲၣ်ဂ့ၤဒ်လဲၣ်ဂ့ၤန့ၣ်, မ့ၣ်အူကအီၣ်သံကွံာ်နၤမ့တမ့ၢ်တၢ်ကမၤသံနၤလၢတၢ်ဒုးအပူၤ န့ၣ်လီၤ. နကဘၣ်တၢ်တြုာ်ပျီကွံာ်နၤဒ်ဒွဲၣ်ဧိၤတြၤဧိၤအီၣ်ကွံာ် တၢ်မုၢ်တၢ်ဘိတဖၣ်အသိးလီၤ. နဂံၢ်အါထီၣ်တ့ၢ်နသးဒ်ဒွဲၣ် ဧိၤတြၤဧိၤအသိးလီၤ.

လံာ်နၤဃူၣ် 3:15 Iomraidhean Croise

လံာ်ယၡါယၤ 66:15

ယွၤကဟဲဝဲဒီးမ့ၣ်အူလီၤ. အဝဲကဟဲဒီးကလံၤမုၢ်အဒံးဆ့ တဖၣ်ဒ်သိးအကစံၣ်ညီၣ်ပှၤတဖၣ်လၢအသးဒိၣ်ဘၣ်ဝဲလီၤ.

လံာ်ယၡါယၤ 66:16

လၢမ့ၣ်အူဒီးနးန့ၣ်အဝဲကစံၣ်ညီၣ်ပှၤဂီၢ်မုၢ်လၢဟီၣ်ခိၣ်ချၢခဲလၢာ် လၢအထံၣ်ဘၣ်ဝဲလၢအတၢ်ကမၣ်အိၣ်, ဒီးပှၤအါဂၤကဘၣ်တၢ်မၤသံအီၤန့ၣ်လီၤ.

လံာ်ယံးရမံယၤ 51:14

ယွၤသ့တၢ်လၢာ်ဆိၣ်တၢ်လၢ အကစၢ်ဒၣ်ဝဲအမံၤအပူၤလၢ အဝဲကပျဲပှၤအါဂၤ ကဟဲထီၣ်ဒုးကီၢ်ဘၤဘူၤလိၣ်ဒ် ဒွဲၣ်အဖုအဂီၢ်အသိး, ဒီးအဝဲသ့ၣ်ကကိးထီၣ်အိၣ်ဒီးတၢ်မၤနၢၤန့ၣ်လီၤ.

လံာ်ယိၤအ့လး 1:4

ဒွဲၣ်ဧိၤတြၤဧိၤတဖုဝံၤတဖုဟဲထီၣ်ဒီးမၤဟးဂီၤကွံာ်တၢ်မုၢ်တၢ်ဘိတဖၣ်လီၤ. တၢ်လၢဒွဲၣ်တဖုပာ်လီၤတဲာ်တ့ၢ်ဝဲန့ၣ်, အဂၤတဖုမၤဟးဂီၤကွံာ်ဝဲလီၤ.

လံာ်ယိၤအ့လး 2:25

တၢ်လၢအလီၤမၢ်တ့ၢ်ဖဲနံၣ်ဧိၤလါဧိၤလၢဒွဲၣ်ဧိၤ သကံၤဧိၤတဖၣ်အီၣ်ကွံာ်တ့ၢ်ဝဲသုတၢ်မုၢ်တၢ်ဘိန့ၣ်ယကဟ့ၣ်ကဒါ က့ၤသုလီၤ. မ့ၢ်လၢယမၢလီၤဒွဲၣ်ဧိၤသကံၤဧိၤတဖၣ်ဆူသုအိၣ် အဃိန့ၣ်လီၤ.

လံာ်ဧၤမိၣ် 7:1

ယအိၣ်ဒီးတၢ်ထံၣ်လၢညါခီလၢတၢ်စိတၢ်ကမီၤခဲလၢာ်အယွၤန့ၣ် လီၤ. လၢတၢ်ထံၣ်လၢညါခီအံၤအပူၤယထံၣ်ယွၤတ့လီၤဒွဲၣ်တဖုဖဲတၢ် ကူးန့ၢ်ဘုလီၢ်လၢစီၤပၤအဂီၢ်ဝံၤအလီၢ်ခံဒီးနီၣ်ဧိၤမံၤဧိၤမဲထီၣ် ကဒါက့ၤအကတီၢ်န့ၣ်လီၤ.

လံာ်နၤဃူၣ် 2:13

ယွၤသ့တၢ်လၢာ်စံးဝဲဒၣ်, “ယမ့ၢ်နဒုၣ်နဒါလီၤ. ယကဒွဲၣ်အူကွံာ်နလ့ၣ်ကဟၣ်ဒုးသုးတဖၣ်လီၤ. နပှၤသုးဖိတဖၣ်ကဘၣ်တၢ်မၤသံကွံာ်အီၤလၢတၢ်ဒုးတၢ်ယၤအပူၤ, ဒီးယကဟံးထီၣ်ကွံာ်ကယဲၢ်တၢ်ခဲလၢာ်လၢန ဟံးန့ၢ်လၢပှၤဂၤတဖၣ်အအိၣ်န့ၣ်လီၤ. ဒီးနပှၤဃ့ၢ်စိာ်ဆှၢတၢ်ကစီၣ်အကလုၢ်န့ၣ်, တၢ်တနၢ်ဟူလၢၤဘၣ်အီၤနီတစုဘၣ်.”

လံာ်နၤဃူၣ် 3:13

နပှၤသုးမုၢ်သံၣ်ဘိလီၤဂာ်ဒ်ပိာ်မုၣ်ပိာ်မၢၤအသိး, ဒီးနထံနကီၢ်ကဆၢထၢၣ်လၢနဒုၣ်နဒါတဖၣ်အမဲာ်ညါတအိၣ်ဘၣ်ဒီးတၢ် ဒီသဒၢအီၤဘၣ်လီၤ. မ့ၣ်အူကမၤဟးဂီၤကွံာ်နတြဲၤတဖၣ်အနီၣ်ဘိ တဖၣ်န့ၣ်လီၤ.

လံာ်စဖါနယၤ 2:13

ယွၤကသူအစိအကမီၤလၢကမၤဟးဂီၤကီၢ်အၤၡူၢ်န့ၣ်လီၤ. ကဒုးကဲထီၣ်ဝ့ၢ်နံၤနဝ့လၢတၢ်ဟးဂီၤအိၣ်သယုၢ်အလီၢ်, မဲးမုၢ်ခိၣ်လၢထံတအိၣ်အလီၢ်န့ၣ်လီၤ.