လံာ်နၤဃူၣ် 2:8 - Sgaw Karen Common Bible

⁸ ဒ်တမၢၣ်တဘိကၢ်ဒီးထံယွၤလီၤဝဲအသိး, ပှၤဂီၢ်မုၢ်ဃ့ၢ်ထီၣ်ကွံာ်ချ့ချ့လၢဝ့ၢ်နံၤနဝ့အပူၤလီၤ. တၢ်ကိးထီၣ်ဝဲ, “အိၣ်ကတီၢ်, အိၣ်ကတီၢ်” ဘၣ်ဆၣ်ဒီးပှၤတဃၣ်ကဒါက့ၤဘၣ်အသး နီတဂၤဘၣ်.

လံာ်နၤဃူၣ် 2:8 Iomraidhean Croise

လံာ်တၢ်ကဲထီၣ်အခီၣ်ထံး 10:11

အဝဲဟးထီၣ်လၢကီၢ်န့ၣ်ဒီးလဲၤဝဲဆူကီၢ်အၤၡူၢ်ဒီးသူၣ်ထီၣ်ဝဲ ဝ့ၢ်တဖၣ်လၢအမ့ၢ်နံၤနဝ့, ရဃိဘိးဒီးကါလး,

လံာ်ယၡါယၤ 13:14

ပှၤတခီဘီမုၢ်ဖိတဖၣ်လၢအအိၣ်လၢကီၢ်ဘၤဘူၤလိၣ်အပူၤကထွးထီၣ် ဃ့ၢ်ဆူအထံအကီၢ်ဒၣ်ဝဲ, လီၤဂာ်ဒီးတၤဟိလၢအထူၣ်ဖျဲးထီၣ် လၢပှၤခးတၢ်ဖိတဖၣ်အစုပူၤ, ဒီးကလီၤဂာ်ဒ်သိလၢအပှၤကွၢ် သိတအိၣ်ဘၣ်အသိးန့ၣ်လီၤ.

လံာ်ယၡါယၤ 38:14

ယကလုၢ်သီၣ်ကသွံဒံဒီးစၢ်ဝဲလီၤ. ယကအုဒ်ထိၣ်လွံၢ်အသိးလီၤ. ယမဲာ်ချံလီၤဘှံးဝဲလၢယကွၢ်ထီၣ်တၢ်ဆူမူခိၣ်အဃိလီၤ. ယွၤဧၢ, မၤပူၤမၤဖျဲးယၤလၢကယဲၢ်တၢ်ကီတၢ်ခဲတဖၣ်အံၤတက့ၢ်.

လံာ်ယၡါယၤ 47:13

နဒိးန့ၢ်ဘၣ်တၢ်ဟ့ၣ်ကူၣ်ဟ့ၣ်ဖးတဖၣ်ဒၣ်လဲာ်, တၢ်စိတၢ်ကမီၤတအိၣ်ဘၣ်ဒီးနၤဘၣ်. ပျဲနပှၤဖးဆၣ်ဧိၤဖီဧိၤတဖၣ်, ဟဲထီၣ်ဆူညါဒီးမၤပူၤဖျဲးနၤ, ပှၤတဖၣ်လၢအမၤလိဆၣ်ဧိၤဖီဧိၤ, ပှၤတဖၣ်လၢအတ့နီၣ်ကူၣ်ဖးမူ ခိၣ်မူကပိာ်လိၤအလီၢ်အကျဲန့ၣ် ဒီးစံးဘၣ်တဲဘၣ်နၤတၢ်လၢအကမၤအသးဒီးနၤတလါဝံၤတလါန့ၣ်တ က့ၢ်.

လံာ်ယၡါယၤ 48:20

ဟးထီၣ်လၢဝ့ၢ်ဘၤဘူၤလိၣ်တက့ၢ်. ဟးထီၣ်လၢတၢ်သဘျ့ အပူၤတက့ၢ်. ကိးပသူထီၣ်တၢ်ကစီၣ်လၢတၢ်သးခုအပူၤဒီးဘိးဘၣ်သ့ၣ်ညါအီၤ လၢတၢ်လီၢ်ကိးပူၤဒဲးတက့ၢ်. “ယွၤအုၣ်က့ၤခီၣ်က့ၤတ့ၢ်အခ့အပှၤအံၣ်စရ့လးလံ.”

လံာ်ယၡါယၤ 59:11

ပဘၣ်တၢ်မၤပျံၤမၤဖုးပှၤဒီးမၤကိၢ်မၤဂီၤပှၤလီၤ. ပဆၢထံၣ်ကစၢ်ယွၤလၢကအုၣ်က့ၤခီၣ်က့ၤပှၤလၢတၢ်မၤအၢ မၤနးဒီးတၢ်မၤကမၣ်ပှၤတဖၣ်အပူၤ, ဘၣ်ဆၣ်ဒီးတၢ်တမၤအသးနီတမံၤဘၣ်.

လံာ်ယံးရမံယၤ 46:5

ယွၤသံကွၢ်ဝဲ, ဘၣ်ဆၣ်ဒီး ယထံၣ်ဘၣ်တၢ်မနုၤလဲၣ်. အဝဲသ့ၣ် ဃၣ်ကဒါက့ၤအသးလၢ တၢ်ပျံၤတၢ်ဖုးအပူၤလီၤ. အသုးဖိတဖၣ် ဘၣ်တၢ်မၤဃၣ်ကွံာ်အီၤ, တၢ်ပျံၤတၢ်ဖုးလုၣ်ဘၢကွံာ်အီၤလီၤ. အဝဲသ့ၣ်ဃ့ၢ်တချ့ဖဲအချ့ ဒီးတကွၢ်ကဒါက့ၤအလီၢ်ခံလၢၤဘၣ်.

လံာ်ယံးရမံယၤ 47:3

အဝဲသ့ၣ် ကနၢ်ဟူကသ့ၣ်တဖၣ်အခီၣ်မ့ၣ်ထးယီၢ်တၢ်အသီၣ်, လ့ၣ်ကဟၣ်တဖၣ် ဃ့ၢ်သဖှိအသီၣ်, ဒီးလ့ၣ်ဖံဘၣ်တဖၣ်သီၣ်ရုၢ်ရုၢ်ရၢ်ရၢ်န့ၣ်လီၤ. ပၢ်တဖၣ်တဃၣ်ကဒါက့ၤဘၣ်အသးလၢအဖိတဖၣ်အဂီၢ်ဘၣ်. အဝဲသ့ၣ်အစုတဖၣ်ကလီၤစဲၤစၢ်အဲးစၢ်အီးလၢအဝဲသ့ၣ် အကပၤန့ၣ်လီၤ.

လံာ်ယံးရမံယၤ 50:16

ပျဲတၢ်ချံတဖၣ်ဘၣ်တၢ်ဖှံလီၤအီၤလၢ ထံကီၢ်န့ၣ်အပူၤ, မ့တမ့ၢ် တၢ်ကူးက့ၤဘၣ်အီၤတၢ်ထၢဖှိၣ်က့ၤဘၣ်အီၤန့ၣ်တဂ့ၤ. ကယဲၢ်ပှၤတခီထံတခီကီၢ်လၢ အအိၣ်ဆိးဖဲန့ၣ်ကပျံၤဘၣ်သုးမုၢ်လၢကဟဲထီၣ်ဒုးတၢ်အဃိဒီး, အဝဲသ့ၣ်ကက့ၤကဒါက့ၤဆူ အဟံၣ်န့ၣ်လီၤ.”

လံာ်ယံးရမံယၤ 51:13

ထံကီၢ်အဝဲန့ၣ်အိၣ်ဒီးအထံကျိတဖၣ်ဒီး အတၢ်ထူးတၢ်တီၤတဖၣ် အါမးဘၣ်ဆၣ်, အတၢ်ဆၢကတီၢ်လၢာ်ကွံာ်လံ, ဒီးအသးသမူအလုၣ်ဖျ့ဘၣ်တၢ်မၤထီၣ်တဲာ်ကွံာ်အီၤလံ.

လံာ်ယံးရမံယၤ 51:30

ကီၢ်ဘၤဘူၤလိၣ်အသုးဖိတဖၣ် ဆိကတီၢ်ဒုးတၢ်ဒီး အိၣ်ဒၣ်လၢအတိာ်တဖၣ်အပူၤန့ၣ်လီၤ. အဝဲသ့ၣ် အတၢ်သးဒူဟးသဒၣ်ကွံာ်အီၤဒီး ကဲထီၣ်ဒ်ပိာ်မုၣ်တဖၣ် အသိးန့ၣ်လီၤ. ဝ့ၢ်အတြဲၤတဖၣ်ဘၣ်တၢ်မၤလီၤပှီၢ် ကွံာ်အီၤဒီး ဟံၣ်တဖၣ်မ့ၣ်အူအီၣ်ကွံာ်လံ.

လံာ်နၤဃူၣ် 1:1

တၢ်အံၤမ့ၢ်တၢ်ကစီၣ်လၢအဘၣ်ဃးဒီးဝ့ၢ်နံၤနဝ့အဂ့ၢ်လီၤ. ဒီးမ့ၢ်တၢ်ကွဲးနီၣ်ကွဲးဃါပှၤအ့လကိၤၡးဖိစီၤနၤဃူၣ် အတၢ်ထံၣ်လၢညါခီန့ၣ်လီၤ.

လံာ်နၤဃူၣ် 3:17

နပှၤပၢၤတၢ်တဖၣ်န့ၣ်လီၤဂာ်ဒ်ဒွဲၣ် ဧိၤတြၤဧိၤတဖုတဂီၢ်အသိးလၢအအိၣ်လၢဝ့ၢ်ခိၣ်ဒူတဖၣ် အဖီခိၣ်ဖဲတၢ်ဂိၢ်အမုၢ်တနံၤန့ၣ်လီၤ. မ့မ့ၢ်တုၤမုၢ်ဟဲထီၣ်ဒီးအဝဲသ့ၣ်ယူၤထီၣ်ကွံာ်ဝဲ, ဒီးမ့ၢ်အလဲၤဆူလဲၣ်န့ၣ်, ပှၤတသ့ၣ်ညါဘၣ်နီတဂၤဘၣ်.

လံာ်လီၣ်ဖျါ 17:1

တုၤနုၤတစု, ကလူးနွံဂၤလၢအအိၣ်ဒီးသလၢနွံဖျၢၣ်န့ၣ် အကျါတဂၤဟဲဆူယအိၣ်ဒီးစံးဝဲ, “ဟဲ, ဒီးယကဒုးနဲၣ်နၤလၢဃဲသဲမုၣ်မံၤဟူသၣ်ဖျါတဂၤ, ဝ့ၢ်ဖးဒိၣ်တဖျၢၣ်လၢအဘၣ်တၢ်သူၣ်ထီၣ်အီၤဘူးဒီးထံကျိအါဘိန့ၣ်လီၤ. ကဘၣ်တၢ်စံၣ်ညီၣ်အီၤဒ်လဲၣ်န့ၣ်လီၤ.

လံာ်လီၣ်ဖျါ 17:15

ကလူးန့ၣ်စံးဘၣ်စ့ၢ်ကီးယၤ, “ထံကျိအါဘိလၢနထံၣ်ဘၣ်အီၤ, လၢဃဲသဲမုၣ်ဆ့ၣ်နီၤဝဲလၢအဖီခိၣ်တဖၣ်န့ၣ်မ့ၢ်ဝဲထံကီၢ်တဖၣ်, ပှၤဟီၣ်ခိၣ်ဖိတဖၣ်, ပှၤကလုာ်တဖၣ်, ဒီးကျိာ်လၢအဘၣ်တၢ်ကတိၤအီၤတဖၣ်လီၤ.