လံာ်နၤဃူၣ် 2:7 - Sgaw Karen Common Bible

⁷ နီၢ်ပၤမုၣ်ဘၣ်တၢ်ဖီၣ်န့ၢ်အီၤ, ဒီးအကုၢ်ပိာ်မုၣ်သ့ၣ်တဖၣ်ဟီၣ်ဝဲယၢၤဝဲဒ် ထိၣ်ကးက့ၣ်ကအုအသိး, ဒီးဒဲလီၤအသးနါပှၢ်တဖၣ်လၢတၢ်သူၣ်အုးသးအုးအပူၤန့ၣ်လီၤ.

လံာ်နၤဃူၣ် 2:7 Iomraidhean Croise

လံာ်ယၡါယၤ 32:12

ဒဲလီၤသုသးနါပှၢ်တဖၣ်လၢတၢ်သူၣ်အုးသးအုး အပူၤတက့ၢ်. အဂ့ၢ်ဒ်အံၤ, စံာ်ပျီလၢဟီၣ်ခိၣ် ညၣ်ထ့ၣ်ဂ့ၤဝဲဒီးစပံးမုၢ်အလီၢ်တဖၣ်ဘၣ်တၢ်မၤ ဟးဂီၤကွံာ်အီၤလံ.

လံာ်ယၡါယၤ 38:14

ယကလုၢ်သီၣ်ကသွံဒံဒီးစၢ်ဝဲလီၤ. ယကအုဒ်ထိၣ်လွံၢ်အသိးလီၤ. ယမဲာ်ချံလီၤဘှံးဝဲလၢယကွၢ်ထီၣ်တၢ်ဆူမူခိၣ်အဃိလီၤ. ယွၤဧၢ, မၤပူၤမၤဖျဲးယၤလၢကယဲၢ်တၢ်ကီတၢ်ခဲတဖၣ်အံၤတက့ၢ်.

လံာ်ယၡါယၤ 59:11

ပဘၣ်တၢ်မၤပျံၤမၤဖုးပှၤဒီးမၤကိၢ်မၤဂီၤပှၤလီၤ. ပဆၢထံၣ်ကစၢ်ယွၤလၢကအုၣ်က့ၤခီၣ်က့ၤပှၤလၢတၢ်မၤအၢ မၤနးဒီးတၢ်မၤကမၣ်ပှၤတဖၣ်အပူၤ, ဘၣ်ဆၣ်ဒီးတၢ်တမၤအသးနီတမံၤဘၣ်.

လံာ်ယဃ့းစက့လး 7:16

ပှၤတနီၤနီၤကဃ့ၢ်ပူၤဖျဲးဆူကစၢၢ်ကလိတဖၣ်, ဒ်ထိၣ်လွံၢ်တဖၣ်ဘၣ်တၢ်မၤပျံၤမၤဖုးထီၣ်ကွံာ်အီၤလၢတၢ်တြီၤ တဖၣ်အပူၤအသိးန့ၣ်လီၤ. အဝဲသ့ၣ်ခဲလၢာ်ကဟီၣ်ကယၢၤဝဲလၢအတၢ်ဒဲးဘးတဖၣ်အဃိန့ၣ်လီၤ.

လံာ်နၤဃူၣ် 2:6

တြဲၤတဖၣ်လၢထံကျိအကပၤပိၢ်ဖး အိးသလၣ်ထီၣ်အသး, နူၢ်ဧိၤစီၤဧိၤအပူၤအိၣ်ပှဲၤဝဲဒီး တၢ်ပျံၤတၢ်ဖုးန့ၣ်လီၤ.

လံာ်နၤဃူၣ် 3:13

နပှၤသုးမုၢ်သံၣ်ဘိလီၤဂာ်ဒ်ပိာ်မုၣ်ပိာ်မၢၤအသိး, ဒီးနထံနကီၢ်ကဆၢထၢၣ်လၢနဒုၣ်နဒါတဖၣ်အမဲာ်ညါတအိၣ်ဘၣ်ဒီးတၢ် ဒီသဒၢအီၤဘၣ်လီၤ. မ့ၣ်အူကမၤဟးဂီၤကွံာ်နတြဲၤတဖၣ်အနီၣ်ဘိ တဖၣ်န့ၣ်လီၤ.

လံာ်မၢ်ကူး 14:66

ဖဲစီၤပ့းတရူးအိၣ်ဒံးဒၣ်လၢတၢ်ဖီလာ်လၢတၢ်လီၢ်လီၤပျီတကဝီၤ အပူၤအကတီၢ်န့ၣ်, ပှၤလုၢ်တၢ်အခိၣ်အဒိၣ်ကတၢၢ်အခ့အပှၤပိာ်မုၣ်အကျါတဂၤဟဲဃီၤ ဝဲဖဲတၢ်ကပၤထံးန့ၣ်လီၤ.

လံာ်လူၤကၣ် 23:27

ပှၤဂီၢ်မုၢ်ဖးဒိၣ်ပိာ်ထီၣ်အခံ, ဒီးလၢအကျါန့ၣ်အိၣ်ဒီးပိာ်မုၣ်တဖၣ်လၢ အဒဲလီၤအသးနါပှၢ်ဒီးဟီၣ်ဝဲယၢၤဝဲလၢအဝဲဒၣ်အဃိန့ၣ်လီၤ.

လံာ်လူၤကၣ် 23:48

ဖဲပှၤဂီၢ်မုၢ်, လၢအပာ်ဖှိၣ်ထီၣ်အသးဖဲန့ၣ်ဒ်သိးအကကွၢ်တၢ်မၤအသး တဖၣ်, ထံၣ်ဘၣ်တၢ်လၢအမၤတ့ၢ်အသးန့ၣ်, အဝဲသ့ၣ်ကိးဂၤဒဲးဒဲလီၤအသးနါပှၢ်, လၢတၢ်သူၣ်အုးသးအုးအပူၤဒီးက့ၤက့ၤဝဲဆူဟံၣ်လီၤ.