လံာ်နၤဃူၣ် 2:5 - Sgaw Karen Common Bible

⁵ သုးခိၣ်သုးနၢ်တဖၣ်ဘၣ်တၢ်ကိးဖှိၣ်အီၤ ဒီးအဝဲသ့ၣ်အခီၣ်ဘၣ်တိၢ်ဖဲအဂုာ်လဲၤထီၣ်ဆူညါ အခါန့ၣ်လီၤ. ပှၤလဲၤထီၣ်ဒုးတၢ်တဖၣ်ဃ့ၢ်သဘျိၣ်ဆူဝ့ၢ်ခိၣ်ဒူ ဒီးဆီလီၤကတီၤဒီသဒၢတၢ်လၢသ့ၣ်ဖူကျီၣ်တိၢ်လီၤ ဝ့ၢ်ခိၣ်ဒူအဂီၢ်လီၤ.

လံာ်နၤဃူၣ် 2:5 Iomraidhean Croise

လံာ်ယၡါယၤ 21:5

လၢတၢ်ထံၣ်လၢညါခီအပူၤန့ၣ်ယထံၣ်ဘၣ်တၢ်အီၣ်အစီၢ်နီၤခိၣ် အိၣ်ကတဲာ်ကတီၤအသးဒီးလီၢ်ဒါတဖၣ်သလၣ်လီၤအသး လၢသမှံၤတဖၣ်ကဆ့ၣ်နီၤလၢအဖီခိၣ်အဂီၢ်လီၤ. အဝဲသ့ၣ်အီၣ်တၢ်ဒီးအီတၢ်လီၤ. သတူၢ်ကလာ်န့ၣ်တၢ်ကိးသတြီထီၣ်ဝဲ, “သုးခိၣ်သုးနၢ်တဖၣ်ဧၢ, ကတဲာ်ကတီၤထီၣ်သုကတီၤတဖၣ်တက့ၢ်.”

လံာ်ယၡါယၤ 5:27

တလီၤဘှံးလီၤတီၤနီတဂၤဘၣ်ဒီးအခီၣ်တဘၣ်တိၢ်နီတဂၤဘၣ်. တမံခ့ဒီးတမံဘၣ်အသးဘၣ်. ယီၢ်တကိးတလီၤဃ့ၣ်နီတခါဘၣ်. ခီၣ်ဖံးပျံၤတထီၣ်တဲာ်နီတဘိဘၣ်.

လံာ်ယံးရမံယၤ 46:12

ပှၤကလုာ်တဖၣ် နၢ်ဟူဘၣ်သုတၢ်ဘၣ်မဲာ်ဆှးအဂ့ၢ်ဒီး ပှၤကိးဂၤဒဲးနၢ်ဟူဘၣ်သုတၢ်ဟီၣ်တၢ်ယၢၤန့ၣ်လီၤ. သုးဖိတဂၤထွဲဘၣ်အဂၤဂၤ, ဒီးခံဂၤလိာ်လီၤဃံၤဝဲလၢ ဟီၣ်ခိၣ်လိၤန့ၣ်လီၤ.

လံာ်ယံးရမံယၤ 50:29

“တဲဘၣ်ပှၤခးချံၣ်ဖိတဖၣ်လၢ ကလဲၤထီၣ်ဒုးကီၢ်ဘၤဘူၤလိၣ်တက့ၢ်. ဆှၢထီၣ်ပှၤကိးဂၤဒဲးလၢ အသူချံၣ်ခးချံၣ်သ့န့ၣ်တက့ၢ်. ကဝီၤဃာ်ဝ့ၢ်န့ၣ်ဒီး ပျဲပှၤဃ့ၢ်ထူၣ်ဖျဲးနီတဂၤတဂ့ၤ. ဟ့ၣ်ကၣ်ဆၢက့ၤအီၤ, လၢတၢ်လၢအမၤတ့ၢ်ဝဲခဲလၢာ်အဃိ, ဒီးမၤအီၤဒ်အမၤဘၣ်တ့ၢ်ပှၤအဂၤတဖၣ်အသိးန့ၣ်, အဂ့ၢ်ဒ်အံၤ, မၤတ့ၢ်တၢ်လၢ တၢ်ထီဒါယၤ, အံၣ်စရ့လးအပှၤစီဆှံတဂၤန့ၣ် လၢတၢ်ပာ်ကဖၢလၢသးအပူၤအဃိလီၤ.

လံာ်နၤဃူၣ် 2:6

တြဲၤတဖၣ်လၢထံကျိအကပၤပိၢ်ဖး အိးသလၣ်ထီၣ်အသး, နူၢ်ဧိၤစီၤဧိၤအပူၤအိၣ်ပှဲၤဝဲဒီး တၢ်ပျံၤတၢ်ဖုးန့ၣ်လီၤ.

လံာ်နၤဃူၣ် 3:18

ကီၢ်အၤၡူၢ်အစီၤပၤဧၢ, နပဒိၣ်ဖးဒိၣ်တဖၣ်သံလံ, ဒီးနပှၤတူၢ်ဒိၣ်ကီၤဒိၣ်တဖၣ်မံမုာ်ဝဲလီၤထူလီၤယိာ်လံ. နပှၤဂီၢ်မုၢ်တဖၣ်လီၤပြံလီၤပြါလၢကစၢၢ်ခိၣ်ကလိ ကျါဒီးပှၤတအိၣ်ဘၣ်နီတဂၤလၢကကိးကဒါ က့ၤအဝဲသ့ၣ်ဆူဟံၣ်န့ၣ်ဘၣ်.

လံာ်နၤဃူၣ် 3:3

သုးမုၢ်ဒီးကသ့ၣ်ကလူၤဃီၤဒုးတၢ်, နးတဖၣ်ကပီၤကပြုၢ်ထီၣ်, ဘီတဖၣ်ကပီၤလ့ၢ်လ့ၢ်, ဒီးတၢ်သံစိၣ်အိၣ်အါအါကလဲာ် ဒီးပှၤအစိၣ်တဖၣ်နဂံၢ်အီၤတဘၣ်ဘၣ်. ဒီးအဝဲသ့ၣ်အခီၣ်ဘၣ်တိၢ်လၢ တၢ်အစိၣ်တဖၣ်န့ၣ်လီၤ.

လံာ်ဃဘးကူာ် 1:8

အကသ့ၣ်တဖၣ်ချ့န့ၢ်ဒံးခ့စံၣ်ပိၣ်တဖၣ်ဒီး လီၤပျံၤဒိၣ်န့ၢ်ဒံးထွံၣ်မံၤတဖၣ်လၢအသၣ်ဝံၤန့ၣ်လီၤ. အပှၤဒိးကသ့ၣ်တဖၣ်ဟဲဒိးကသ့ၣ်လၢကီၢ်အယံၤတဖၣ်, ဒီးအကသ့ၣ်တဖၣ်လဲၤသဖှိတၢ်လၢတၢ်ပာ်ကဖိအသးပူၤလီၤ. အဝဲသ့ၣ်လဲၤသဖှိဃီၤဒ်လံာ်ကြီကြာ်တဖၣ်ယူၤလီၤချ့ သဒံးဒီးစှီၤန့ၢ်အဆၣ်အီၣ်အသိးန့ၣ်လီၤ.