လံာ်နၤဃူၣ် 2:4 - Sgaw Karen Common Bible

⁴ လ့ၣ်ကဟၣ်သုးတဖၣ်ဃ့ၢ်သဖှိတပျုာ်တပျီၤလၢကျဲတဖၣ်, ဒီးဃ့ၢ်ထီၣ်ဃ့ၢ်လီၤချ့ချ့ကလဲာ်လၢဝ့ၢ်ခၢၣ်သးတၢ်လီၢ်လီၤ ပျီအပူၤန့ၣ်လီၤ. ကပီၤကပြုၢ်ဒ်ဆှီတၢၣ်အသိး ဒီးတိၤထီတိၤလီၤအသးဒ်လီဝၢ်ဒံးအသိးန့ၣ်လီၤ.

လံာ်နၤဃူၣ် 2:4 Iomraidhean Croise

တၢ်ကတိၤဒိ. 31:21

ဖဲမူခိၣ်ဖီလီၤန့ၣ်အဝဲတကိၢ်တၢ်ဂီၤတၢ်ဘၣ်. အဂ့ၢ်ဒ်အံၤ, အဟံၣ်ဖိဃီဖိအိၣ်ဒီးတၢ်ကူတၢ်ကၤအလၢၤန့ၣ်လီၤ.

လံာ်ယၡါယၤ 37:24

နမၢလီၤနခ့နပှၤတဖၣ်လၢက, ကတိၤဒိၣ်အကိာ်လၢယမဲာ်ညါဒီးစံးဝဲ လၢနမၤန့ၢ်မၤနၢၤကစၢၢ်အထီကတၢၢ်တဖၣ်လၢကီၢ်လဘၤနိၣ်အပူၤန့ၣ် လၢနလ့ၣ်ကဟၣ်ခဲလၢာ်န့ၣ်လီၤ. နကတိၤဒိၣ်လီၤနသးလၢ, ဖဲန့ၣ်, နကူာ်လီၤကွံာ်သ့ၣ်ဆှိအ့ရ့းအထီကတၢၢ်တဖၣ်ဒီးသ့ၣ်ဆှိအဂ့ၤ ကတၢၢ်တဖၣ်, ဒီးနလဲၤတုၤတ့ၢ်လံလၢသ့ၣ်ဒိၣ်ပှၢ်တီၢ်အယိာ် ကတၢၢ်တတီၤလံန့ၣ်လီၤ.

လံာ်ယၡါယၤ 66:15

ယွၤကဟဲဝဲဒီးမ့ၣ်အူလီၤ. အဝဲကဟဲဒီးကလံၤမုၢ်အဒံးဆ့ တဖၣ်ဒ်သိးအကစံၣ်ညီၣ်ပှၤတဖၣ်လၢအသးဒိၣ်ဘၣ်ဝဲလီၤ.

လံာ်ယံးရမံယၤ 4:13

ကွၢ်တက့ၢ်. ဒုၣ်ဒါဟဲဝဲဒ်တၢ်အၢၣ်တဖၣ်အသိးန့ၣ်လီၤ. အလ့ၣ်ကဟၣ်ဒုးသုးတဖၣ်လီၤဂာ်ဒ်ကလံၤသဝံးတခါအသိး, ဒီးအကသ့ၣ်တဖၣ်ချ့န့ၢ်ဒံးလံာ်ကြီကြာ်န့ၣ်တက့ၢ်လီၤ. ပမၤက့ၤတၢ်တဘၣ်လၢၤဘၣ်. ပဘၣ်တၢ်စံၣ်ညီၣ်ဃါမနၤလီၤ.

လံာ်ယံးရမံယၤ 46:9

ဟ့ၣ်လီၤတၢ်ကလုၢ်လၢ ကသ့ၣ်တဖၣ်လၢ ကလဲၤတၢ်ဒီး ပှၤနီၣ်လ့ၣ်ကဟၣ်ကနီၣ်တၢ်ဆူၣ်ဆူၣ် အဂီၢ်တက့ၢ်. ဆှၢထီၣ်သုးဖိတဖၣ် လၢအစိာ်ကတီၤတဖၣ်လၢ ကီၢ်ကူၤၡးဒီး လံးဘယၢ် ဃုာ်ဒီး ပှၤခးချံၣ်စဲၣ်နီးတဖၣ်လၢ ကီၢ်လူၤဒံန့ၣ်တက့ၢ်.’ ”

လံာ်ယဃ့းစက့လး 23:24

အဝဲသ့ၣ်ကဟဲထီၣ်ဒုးနၤလၢကလံၤစိးတခီ, ဟဲစိာ်ဃုာ်ဒီးသုး မုၢ်ဖးဒိၣ်တဖုအိၣ်ဒီးလ့ၣ်ကဟၣ်ဒုးတၢ်တဖၣ်ဒီးလ့ၣ်ကဟၣ်လၢ အစိာ်တၢ်အီၣ်တၢ်အီဒီးတၢ်အပီးအလီန့ၣ်လီၤ. အဝဲသ့ၣ်ကကဝီၤဃာ် နၤအိၣ်ဒီးကတီၤတဖၣ်, ဒီးခိၣ်သလုးထးတဖၣ်လၢအဒီသဒၢအီၤန့ၣ် လီၤ. ယကဟ့ၣ်လီၤကွံာ်နၤဆူအဝဲသ့ၣ်အစုပူၤဒီးအဝဲသ့ၣ်ကစံၣ် ညီၣ်နၤလၢအဝဲသ့ၣ်အတၢ်သိၣ်တၢ်သီဒၣ်ဝဲတဖၣ်န့ၣ်လီၤ.

လံာ်ယဃ့းစက့လး 26:10

ဖၣ်ဆါခုၣ်ထီၣ်ဒ် တၢ်အၢၣ်ခံးသူလၢအဝဲသ့ၣ်အကသ့ၣ်တဖၣ် ဒုးအိၣ်ထီၣ်ဝဲန့ၣ်ကလုၣ်ဘၢနၤလီၤ. အဝဲသ့ၣ်အကသ့ၣ်တဖၣ်တွံၢ်လ့ၣ်ကဟၣ်စိာ်တၢ်ပီးတၢ်လီတဖၣ်ဒီး လ့ၣ်ကဟၣ်ဒုးသုးတဖၣ်အသီၣ်န့ၣ်ကမၤသထြုးနခိၣ်ဒူတဖၣ်ဖဲ အဝဲသ့ၣ်လဲၤခီဂာ်ဝ့ၢ်လၢအဟးဂီၤအတြဲၤတဖၣ်အခါန့ၣ်လီၤ.

လံာ်ယဃ့းစက့လး 26:7

ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “ယကမၢလီၤစီၤပၤ အဒိၣ်ကတၢၢ်လၢစီၤပၤခဲလၢာ်အကျါ, လၢအမ့ၢ်ကီၢ်ဘၤဘူၤလိၣ် အစီၤပၤနဘူၤကးန့စၢ်လၢအကဟဲဒုးဝ့ၢ်ထါယၢၣ်အဂီၢ်န့ၣ်လီၤ. အဝဲကဟဲဝဲလၢကလံၤစိးတခီ, အိၣ်ဒီးအသုးမုၢ်ဖးဒိၣ်တဖု, အိၣ်ဒီးကသ့ၣ်တဖၣ်, လ့ၣ်ကဟၣ်တဖၣ်ဒီးပှၤဒိးကသ့ၣ်သုးဖိ တဖၣ်န့ၣ်လီၤ.

လံာ်ဒၤနံးယ့လး 11:40

ဖဲကီၢ်စူၤရံအစီၤပၤအမုၢ်နံၤလၢခံကတၢၢ်ဘူးကတုၤဝဲန့ၣ်, ကီၢ်အဲၤကူပတူးအစီၤပၤကဟဲဒုးအီၤဒီးကီၢ်စူၤရံအစီၤပၤကဒုး ဆၢက့ၤအီၤလၢအဂံၢ်အဘါခဲလၢာ်, လၢလ့ၣ်ကဟၣ်ဒုးသုး, ကသ့ၣ်ဒီးကဘီတဖၣ်လီၤ. ဒီးအဝဲကဟဲနုာ်လီၤဒုးထံကီၢ်အါဘ့ၣ်ဒ်ထံအါလုၣ်ဘၢတၢ်အသိးန့ၣ်လီၤ.