လံာ်နၤဃူၣ် 2:3 - Sgaw Karen Common Bible

³ ဒုၣ်ဒါအသုးဖိသ့ၣ်တဖၣ်စိာ်ဝဲကတီၤဂီၤဒီးကူသိးဝဲဆ့ကၤဂီၤတဖၣ်, ဒီးအိၣ်ကတဲာ်ကတီၤအသးလၢကထီၣ်ဒုးတၢ် အဂီၢ်လီၤ. အလ့ၣ်ကဟၣ်ဒုးသုးသ့ၣ်တဖၣ်ကပီၤကပြုၢ်ထီၣ်ဒ် မ့ၣ်အူအသိး ဒီးအကသ့ၣ်တဖၣ်အခီၣ်ပတ့ၤပတိၤအသးလီၤ.

လံာ်နၤဃူၣ် 2:3 Iomraidhean Croise

လံာ်စီၤယိၤဘး 39:23

စုကဝဲၤတဖၣ်လၢပှၤလၢအဒိးအီၤတဖၣ်စိာ်ဝဲန့ၣ်သီၣ်ရဲာ်ရီာ် ဒီးကပြုၢ်ကပြီၤမးလၢမုၢ်အတၢ်ကပီၤအပူၤန့ၣ်လီၤ.

စံးထီၣ်ပတြၢၤ 80:13

ထိးမံၤတဖၣ်ယီၢ်တံၢ်လီၤအီၤ ဒီးတၢ်မံၤလာ်တဖၣ်အီၣ်တၢ်ဖဲန့ၣ်လီၤ.

လံာ်ယၡါယၤ 14:8

လဘၤနိၣ်အသ့ၣ်ဆှိဒီးအသ့ၣ်ဆှိအ့ရ့းတဖၣ်သူၣ်ခုသးခုလၢ စီၤပၤလၢအလီၤဝဲတဂၤအဃိလီၤ. အဂ့ၢ်ဒ်အံၤ, အဝဲတအိၣ်လၢၤ ဘၣ်အဃိဒီး, ပှၤကကူာ်လီၤအဝဲသ့ၣ်တအိၣ်ဘၣ်နီတဂၤလၢၤဘၣ်.

လံာ်ယဃ့းစက့လး 23:24

အဝဲသ့ၣ်ကဟဲထီၣ်ဒုးနၤလၢကလံၤစိးတခီ, ဟဲစိာ်ဃုာ်ဒီးသုး မုၢ်ဖးဒိၣ်တဖုအိၣ်ဒီးလ့ၣ်ကဟၣ်ဒုးတၢ်တဖၣ်ဒီးလ့ၣ်ကဟၣ်လၢ အစိာ်တၢ်အီၣ်တၢ်အီဒီးတၢ်အပီးအလီန့ၣ်လီၤ. အဝဲသ့ၣ်ကကဝီၤဃာ် နၤအိၣ်ဒီးကတီၤတဖၣ်, ဒီးခိၣ်သလုးထးတဖၣ်လၢအဒီသဒၢအီၤန့ၣ် လီၤ. ယကဟ့ၣ်လီၤကွံာ်နၤဆူအဝဲသ့ၣ်အစုပူၤဒီးအဝဲသ့ၣ်ကစံၣ် ညီၣ်နၤလၢအဝဲသ့ၣ်အတၢ်သိၣ်တၢ်သီဒၣ်ဝဲတဖၣ်န့ၣ်လီၤ.

လံာ်ယဃ့းစက့လး 26:7

ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “ယကမၢလီၤစီၤပၤ အဒိၣ်ကတၢၢ်လၢစီၤပၤခဲလၢာ်အကျါ, လၢအမ့ၢ်ကီၢ်ဘၤဘူၤလိၣ် အစီၤပၤနဘူၤကးန့စၢ်လၢအကဟဲဒုးဝ့ၢ်ထါယၢၣ်အဂီၢ်န့ၣ်လီၤ. အဝဲကဟဲဝဲလၢကလံၤစိးတခီ, အိၣ်ဒီးအသုးမုၢ်ဖးဒိၣ်တဖု, အိၣ်ဒီးကသ့ၣ်တဖၣ်, လ့ၣ်ကဟၣ်တဖၣ်ဒီးပှၤဒိးကသ့ၣ်သုးဖိ တဖၣ်န့ၣ်လီၤ.

လံာ်နၤဃူၣ် 3:2

ဒိကနၣ်နီၣ်ဖျ့အသီၣ်ကြဲးကြီး, လ့ၣ်ဖံဘၣ်တဖၣ်အသီၣ်ရဲာ်ရိာ်, ကသ့ၣ်တဖၣ်အစံၣ်ကူၤကူၤ ဒီးလ့ၣ်ကဟၣ်ဒုးသုးတဖၣ်အတၢ်ဆဲးထူဆဲးပျၤအသီၣ်န့ၣ်တက့ၢ်.

လံာ်စကၤရယၤ 1:8

ယထံၣ်ယွၤအကလူးတဂၤဒိးကသ့ၣ်အဂီၤတဒုလီၤ. အဝဲအိၣ်ကတီၢ်ဝဲလၢသမ့ၤဟဒးအထူၣ်တနီၤ အကျါလၢအအိၣ်လၢတၢ်တြီၤပူၤ, ဒီးလၢအလီၢ်ခံန့ၣ်ကသ့ၣ် ဂီၤ, ကသ့ၣ်ဂီၤဃ့, ဒီးကသ့ၣ်ဝါအဂၤတဖၣ်အိၣ်ဝဲဒၣ်လီၤ.

လံာ်စကၤရယၤ 11:2

သ့ၣ်ဆှိသ့ၣ်ဧၢ, ဟီၣ်တၢ်ယၢၤတၢ်ဒီးဟီၣ်ပသူဟီၣ်ပသီတက့ၢ်. အဂ့ၢ်ဒ်အံၤ, သ့ၣ်ဆှိအ့ရ့းတဖၣ်လီၤဃံၤလံ ဒီးသ့ၣ်လၢအအိၣ်ဒီးအလၤကပီၤတဖၣ်န့ၣ် ဘၣ်တၢ်မၤဟးဂီၤကွံာ်အီၤလံ. ကီၢ်ဘၤၡၣ်အသ့ထိးဖၣ်သ့ၣ်ဧၢ, ဟီၣ်တၢ်ယၢၤတၢ်ဒီးဟီၣ်ပသူ ဟီၣ်ပသီတက့ၢ်. အဂ့ၢ်ဒ်အံၤ, သ့ၣ်ပှၢ်လၢအတီၣ်ဘၣ်တၢ်ကူာ်လီၤကွံာ်အီၤလံ.

လံာ်စကၤရယၤ 6:2

လ့ၣ်ကဟၣ်အခီၣ်ထံးတဆိဘၣ်တၢ်တွံၢ်အီၤလၢကသ့ၣ်ဂီၤတဖၣ်, ခံဆိတဆိဘၣ်တၢ်တွံၢ်အီၤလၢကသ့ၣ်သူတဖၣ်,

လံာ်လီၣ်ဖျါ 12:3

တၢ်လီၤတိၢ်လီၤဆီလၢတၢ်နၢ်ပၢၢ်အဂ့ၢ်တသ့အိၣ်ဖျါထီၣ် ကဒီးအဂၤတမံၤလၢမူကပိာ်လိၤလီၤ. ပယိၤဂီၤဖးဒိၣ်အိၣ်ဝဲဒၣ်တဘိလၢအအိၣ်ဒီးအခိၣ်နွံဖျၢၣ်ဒီး အနၢၤအဘိတဆံ, ဒီးလၢအခိၣ်တဖျၢၣ်ဘၣ်တဖျၢၣ်အလိၤန့ၣ်အိၣ်ဒီးခိၣ်သလုး တဖျၢၣ်စုာ်စုာ်လီၤ.

လံာ်လီၣ်ဖျါ 6:4

ဒီးကသ့ၣ်အဂၤတဒု, လၢအလွဲၢ်ဂီၤန့ၣ်ဟဲထီၣ်ဝဲဒၣ်လီၤ. ပှၤလၢအဒိးအီၤတဂၤဘၣ်တၢ်ဟ့ၣ်အီၤတၢ်စိတၢ်ကမီၤလၢ အကဟဲစိာ်တၢ်ဒုးတၢ်ယၤဆူဟီၣ်ခိၣ်ချၢဒ်သိးပှၤကညီ တဖၣ်ကမၤသံလိာ်အသးတဂၤဒီးတဂၤန့ၣ်လီၤ. အဝဲဒၣ်ဘၣ်တၢ်ဟ့ၣ်အီၤနးဖးဒိၣ်တဘ့ၣ်လီၤ.