လံာ်နၤဃူၣ် 2:2 - Sgaw Karen Common Bible

² ဘူးလံလၢယွၤကမၤအိၣ်ထီၣ်က့ၤပှၤအံၣ်စရ့လးဖိ အလၤအကပီၤဒ်အအိၣ်ပာ်တ့ၢ်လံဝဲတချုး လၢအဒုၣ်အဒါတဖၣ်မၤဟးဂီၤကွံာ်အီၤအသိးန့ၣ်လီၤ.

လံာ်နၤဃူၣ် 2:2 Iomraidhean Croise

စံးထီၣ်ပတြၢၤ 47:4

အဝဲဃုထၢတ့ၢ်ထံကီၢ်လၢပအိၣ်အလီၢ်အဂီၢ်, တၢ်န့ၢ်သါလၢအပှၤဂီၢ်မုၢ် လၢအအဲၣ်ဝဲအဂီၢ်န့ၣ်လီၤ. စ့လၤ

လံာ်ယၡါယၤ 60:15

နတဘၣ်တၢ်လဲၤသဒၣ်ကွံာ်နၤဒီးဘၣ်တၢ်သးဟ့နၤ, နတမ့ၢ်ဝ့ၢ်တဝ့ၢ်လၢအဘၣ်တၢ် ညိကွံာ်အီၤဒီးအိၣ်သယုၢ်သညိနီတစုလၢၤဘၣ်. ယကဒုးကဲထီၣ်နၤလၢဝ့ၢ်ဖးဒိၣ်ဒီးဃံလၤတဝ့ၢ်, တၢ်သးခုအလီၢ်တပူၤအစိၤစိၤအဃၣ်ဃၣ်န့ၣ်လီၤ.

လံာ်ယံးရမံယၤ 25:29

ယကစးထီၣ် ယတၢ်မၤဟးဂီၤတၢ်အံၤလၢ ယဝ့ၢ်ဒၣ်ယဲအပူၤန့ၣ်လီၤ. မ့ၢ်အဝဲသ့ၣ်ဆိကမိၣ်ဝဲလၢ ကပူၤဖျဲးဒီး တၢ်စံၣ်ညီၣ်န့ၣ်ဧါ. တပူၤဖျဲးဘၣ်. အဝဲသ့ၣ်ကဘၣ်တၢ်စံၣ်ညီၣ်အီၤ, မ့ၢ်လၢယကဒုးအိၣ်ထီၣ်တၢ်ဒုးတၢ်ယၤလၢပှၤဂီၢ်မုၢ်လၢ အအိၣ်လၢ ဟီၣ်ခိၣ်ချၢခဲလၢာ်အကျါအဃိန့ၣ်လီၤ. ယၤ, ယွၤသ့တၢ်လၢာ်အံၤ, ကတိၤလံတၢ်လံ.”

လံာ်ယံးရမံယၤ 48:11

ယွၤစံးဝဲဒၣ်, “ကီၢ်မိၤအးအအိၣ်ဂၢၢ်ဆိးကျၢၤဝဲထီဘိ ဒီး တဘၣ်တၢ်စိာ်မၢကဲကုၢ်အီၤ နီတစုဘၣ်. ကီၢ်မိၤအးလီၤဂာ်ဒီး စပံးထံလၢတၢ်ပာ်အီၤဒီး တၢ်တမၤတံာ်တာ်အီၤအသိး, ဒီးတဘၣ်တၢ်လူလီၤအီၤလၢ ကတံၤတဖျၢၣ်ဆူအဂၤတဖျၢၣ်အပူၤနီတစုဘၣ်. အတၢ်ဝံၣ်တၢ်ဆၢန့ၣ်တဟးဂီၤကွံာ်နီတစုဘၣ်ဒီး အတၢ်ဘိၣ်တၢ်ဘဲ ဂ့ၤဒၣ်ထီဘိန့ၣ်လီၤ.

လံာ်ယံးရမံယၤ 49:9

ဖဲပှၤပိာ်ခွါတဖၣ် ဒဲးစပံးသၣ်တဖၣ်န့ၣ်, အဝဲသ့ၣ်ပာ်တီၢ်ဝဲစှၤဖျၢၣ်လၢ စပံးမုၢ်အလိၤ, ဒီးဖဲတမျိၤတမျာ်တဖၣ်ဟဲဝဲလၢ မနၤခီအဆၢကတီၢ်န့ၣ်, အဝဲသ့ၣ်ဟံးန့ၢ်ဝဲ ထဲဒၣ်တၢ်လၢ အသးလီၤဝဲန့ၣ်လီၤ.

လံာ်ယဃ့းစက့လး 37:21

အန့ၣ်ဝံၤဒီးတဲဘၣ်အဝဲသ့ၣ်လၢယၤ, ယွၤပၢဘၣ်တၢ်ခဲလၢာ်ကစၢ် ကဟံးထီၣ်ကွံာ်ယပှၤဂီၢ်မုၢ်ခဲလၢာ်လၢထံကီၢ်တဖၣ်လၢအဝဲသ့ၣ် လဲၤတ့ၢ်ဝဲဒီးပာ်ဖှိၣ်က့ၤအဝဲသ့ၣ်တပူၤဃီ, ဒီးဟဲက့ၤစိာ်ကဒါက့ၤ အဝဲသ့ၣ်ဆူအထံအကီၢ်ဒၣ်ဝဲန့ၣ်တက့ၢ်.

လံာ်ယဃ့းစက့လး 37:23

အဝဲသ့ၣ်တမၤဘၣ်အၢလီၤအသးလၢတၢ်ဂီၤတၢ်ဖီၣ်တဖၣ်လၢ အလီၤသးဘၣ်အၢမ့ၢ်ဂ့ၤ, မၤဟးဂီၤလီၤအသးလၢတၢ်ဒဲးဘး မ့ၢ်ဂ့ၤလၢၤဘၣ်. ယကဒုးထူၣ်ဖျဲးအဝဲသ့ၣ်လၢကျဲတဖၣ်လၢ အဝဲသ့ၣ်ပိာ်တ့ၢ်အီၤလၢအမ့ၢ်တၢ်မၤတၢ်ဒဲးဘးဒီးတၢ်သမၢကွံာ် ယၤန့ၣ်လီၤ. ယကမၤကဆှီထီၣ်အဝဲသ့ၣ်န့ၣ်လီၤ. အဝဲသ့ၣ် ကမ့ၢ်ယပှၤဂီၢ်မုၢ်ဒီးယကမ့ၢ်အဝဲသ့ၣ်အကစၢ်ယွၤန့ၣ်လီၤ.

လံာ်ဟိၤၡ့ 10:1

ကီၢ်အံၣ်စရ့လးအပှၤဂီၢ်မုၢ်လီၤဂာ်ဒ်စပံးမုၢ်တမုၢ်လၢသၣ်ထီၣ် ပှဲၤဒီးအသၣ်တဖၣ်အသိးန့ၣ်လီၤ. အဝဲသ့ၣ်ဘီၣ်ထီၣ်ညီထီၣ်ဒံးအါဘှီထီၣ်တၢ်လုၢ်လီၢ်တဖၣ်ဒံးအါ န့ၣ်လီၤ. အဝဲသ့ၣ်အကီၢ်ဟ့ၣ်ထီၣ်အတၤသၣ်ဒံးအါအဝဲသ့ၣ် ဘှီထီၣ်လၢၢ်ထူၣ်စီဆှံတဖၣ်လၢတၢ်ဘူၣ်ထီၣ်ဘါထီၣ်အဂီၢ်ဒံးဃံလၤ န့ၣ်လီၤ.

လံာ်နၤဃူၣ် 2:10

ဝ့ၢ်နံၤနဝ့ဘၣ်တၢ်မၤဟးဂီၤကွံာ်, ဘၣ်တၢ်လဲၤကပာ်ကွံာ်ဒီးအိၣ် သယုၢ်လံဝဲလံ. ပှၤအသးတဖၣ်ပှံၢ်လီၤဝဲလၢတၢ်ပျံၤတၢ်ဖုးအဃိ, အခီၣ်လ့ၣ်ခိၣ်တဖၣ်ကနိးကစုာ်ဝဲ, အဂံၢ်အဘါလၢာ်ကွံာ်ဝဲဒီးအမဲာ်သၣ်တဖၣ်လီၤဝါကွံာ်ဝဲလံန့ၣ်လီၤ.

လံာ်နၤဃူၣ် 3:14

ဒၢၣ်ဃာ်ထံဒီးအိၣ်ကတဲာ်ကတီၤနသးလၢဒုၣ်ဒါအတၢ်ကဝီၤ တံၢ်ဃာ်နၤအဂီၢ်, ဒီးမၤခၢၣ်သနၢၣ်နတိာ်နတာ်တက့ၢ်. ယီၢ်ကပံာ်လၢတၢ်မၤဒၢးခီတဖၣ်အဂီၢ်ဒီးကတဲာ်ကတီၤထီၣ် တၢ်သိဒၢးခီတဖၣ်တက့ၢ်.

လံာ်စဖါနယၤ 3:11

ဒီးလၢအကတီၢ်အဝဲန့ၣ်, သုဝဲယပှၤဂီၢ်မုၢ်အံၤ သုမဲာ်ဆှးလၢသုပူထီၣ်ထီဒါတ့ၢ်ယၤအဃိအလီၢ်တအိၣ်လၢၤဘၣ်. ယကသုးကွံာ်ပှၤကိးဂၤဒဲးလၢအသးထီၣ်ထီဒီးအပာ် ကဖိအသးတဖၣ်ဒီးသုတပူထီၣ် ထီဒါကဒီးယၤလၢယကစၢၢ်စီဆှံအလိၤနီတစုလၢၤဘၣ်န့ၣ်လီၤ.