လံာ်နၤဃူၣ် 2:13 - Sgaw Karen Common Bible

¹³ ယွၤသ့တၢ်လၢာ်စံးဝဲဒၣ်, “ယမ့ၢ်နဒုၣ်နဒါလီၤ. ယကဒွဲၣ်အူကွံာ်နလ့ၣ်ကဟၣ်ဒုးသုးတဖၣ်လီၤ. နပှၤသုးဖိတဖၣ်ကဘၣ်တၢ်မၤသံကွံာ်အီၤလၢတၢ်ဒုးတၢ်ယၤအပူၤ, ဒီးယကဟံးထီၣ်ကွံာ်ကယဲၢ်တၢ်ခဲလၢာ်လၢန ဟံးန့ၢ်လၢပှၤဂၤတဖၣ်အအိၣ်န့ၣ်လီၤ. ဒီးနပှၤဃ့ၢ်စိာ်ဆှၢတၢ်ကစီၣ်အကလုၢ်န့ၣ်, တၢ်တနၢ်ဟူလၢၤဘၣ်အီၤနီတစုဘၣ်.”

လံာ်နၤဃူၣ် 2:13 Iomraidhean Croise

လံာ်စီၤပၤခံဘ့ၣ်တဘ့ၣ် 18:17

ကီၢ်အၤၡူၢ်အစီၤပၤဖးဒိၣ်ဆှၢလီၤသုးမုၢ်ဖးဒိၣ်တဖုလၢဝ့ၢ် လၤကံၣ်လၢကလဲၤထီၣ်ဒုးစီၤဃံးစကံယၤဖဲဝ့ၢ်ယရူၤရှလ့ၣ်န့ၣ် လီၤ. သုးမုၢ်န့ၣ်ဘၣ်တၢ်ပၢဆှၢအီၤလၢအဝဲအသုးခိၣ်ဖးဒိၣ်အဒိၣ်က တၢၢ်သၢဂၤန့ၣ်လီၤ. ဖဲအဝဲသ့ၣ်လဲၤတုၤဆူဝ့ၢ်ယရူၤရှလ့ၣ်န့ၣ်, အဝဲသ့ၣ်မၤန့ၢ်ကွံာ်ကျဲဖဲပှၤစုၣ်တၢ်ကံးညာ်မၤတၢ်, တၢ်လီၢ်ဖဲတၢ်ကျိၤလၢအဟဲစိာ်လီၤထံလၢနိၣ်လၢထးခီ, အကပၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 18:19

ပှၤအၤၡူၢ်ဖိအသုးခိၣ်ဖးဒိၣ်အကျါတဂၤ, တဲဘၣ်အဝဲသ့ၣ်လၢစီၤ ပၤဖးဒိၣ်အဲၣ်ဒိးသ့ၣ်ညါဝဲလၢ, ဘၣ်မနုၤအဃိ, စီၤပၤဃံးစကံယၤနာ်န့ၢ်လီၤအသးထဲန့ၣ်ညါလဲၣ်.

လံာ်စီၤပၤခံဘ့ၣ်တဘ့ၣ် 19:23

နဆှၢလီၤနပှၤစိာ်တၢ်ကစီၣ်တဖၣ်လၢကကတိၤဒိၣ်ကတိၤသွါလီၤအသး လၢယဖီခိၣ်ဒီးစံးလၢနမၤနၢၤကွံာ်ကီၢ်လဘၤနိၣ်ကစၢၢ်အထီကတၢၢ် တဖၣ်, လၢနလ့ၣ်ကဟၣ်ခဲလၢာ်န့ၣ်လီၤ. နကတိၤပာ်ကဖၢလၢလီၤနသးလၢ, ဖဲန့ၣ်နကူာ်လီၤကွံာ်သ့ၣ်ဆှိအ့ရ့းအထီကတၢၢ်တဖၣ်ဒီးသ့ၣ်ဆှိ အဂ့ၤကတၢၢ်တဖၣ်, ဒီးနလဲၤတုၤဆူသ့ၣ်ပှၢ်တဖၣ်အတီၣ်ကတၢၢ်အလီၢ်ကဝီၤတဖၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 19:9

တၢ်ကစီၣ်ဟဲတုၤဝဲဆူပှၤအၤၡူၢ်ဖိတဖၣ်အအိၣ်လၢပှၤအဲၤကူပတူး ဖိအသုးမုၢ်လၢအဘၣ်တၢ်ပၢဆှၢအီၤလၢကီၢ်ကူၤၡးအစီၤပၤတံ ရဟၤကၤ, ဟဲထီၣ်လၢကဒုးအဝဲသ့ၣ်န့ၣ်လီၤ. ဖဲစီၤပၤဖးဒိၣ်နၢ်ဟူတၢ်အံၤန့ၣ်, အဝဲဆှၢလီၤလံာ်ပရၢတဘ့ၣ် ဆူကီၢ်ယူဒၤအစီၤပၤဃံးစကံယၤအအိၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 32:19

အဝဲသ့ၣ်ကတိၤတၢ်ဘၣ်ဃးဒီးဝ့ၢ်ယရူၤၡလ့ၣ်အကစၢ်ယွၤအဂ့ၢ်, တမံၤဃီဒ်အဝဲသ့ၣ်ကတိၤတၢ်ဘၣ်ဃးဒီးပှၤဂီၢ်မုၢ်အဂၤတဖၣ်အကစၢ် တဖၣ်လၢအမ့ၢ်တၢ်ဂီၤတၢ်ဖီၣ်တဖၣ်လၢအဘၣ်တၢ်မၤအီၤလၢပှၤ ကညီအစုတဖၣ်အသိးန့ၣ်လီၤ.

စံးထီၣ်ပတြၢၤ 46:9

အဝဲဆိကတီၢ်တၢ်ဒုးတၢ်ယၤသ့ၣ်တဖၣ်လၢ ဟီၣ်ခိၣ်ချၢ, ဘိးကၢ်ကွံာ်ပျၢ်သ့ၣ်တဖၣ်, မၤဟးဂီၤကွံာ်ဘီသ့ၣ်တဖၣ်ဒီးဒွဲၣ်အူထီၣ်ကွံာ် လ့ၣ်ကဟၣ်သ့ၣ်တဖၣ်လၢမ့ၣ်အူန့ၣ်လီၤ.

လံာ်ယံးရမံယၤ 21:13

နဲဒၣ်, ဝ့ၢ်ယရူၤၡလ့ၣ်ဧၢ, နဆ့ၣ်နီၤနဲလၢတၢ်လီၢ်ထီၣ်ထီလၢ တၢ်လူၢ်တၢ်တြီၤအဖီခိၣ်, လီၤဂာ်ဒ်လၢၢ်တဖျၢၣ်လၢအအိၣ်ထီၣ် ထီလၢပျီတဘ့ၣ်အဖီခိၣ်အသိးန့ၣ်လီၤ. ဘၣ်ဆၣ်ဒီးယကဒုးတၢ်ထီဒါ နၤလီၤ. နစံးလၢပှၤဟဲထီၣ်ဒုးနၤမ့ၢ်ဂ့ၤ, ပှၤဟဲနုာ်ခီဖျိနတၢ်ပၢၢ် ဆၢအလီၢ်တဖၣ်မ့ၢ်ဂ့ၤ, တသ့နီတဂၤဘၣ်.

လံာ်ယံးရမံယၤ 46:14

“တဲဖျါထီၣ်တၢ်အံၤ လၢကီၢ်အဲၤကူပတူးအဝ့ၢ်တဖၣ်လၢ အမ့ၢ်မံးကဒိးလး, မဲဖံး, ဒီးဝ့ၢ်တၤပါန့ၤအပူၤတက့ၢ်. ကတဲာ်ကတီၤထီၣ်သုသးလၢ နကဒီဒၣ်လီၤသုသးအဂီၢ်တက့ၢ်. တၢ်လၢအအိၣ်ဒီး သုခဲလၢာ်န့ၣ် ကဘၣ်တၢ်မၤဟးဂီၤကွံာ်အီၤလၢ တၢ်ဒုးတၢ်ယၤအပူၤန့ၣ်လီၤ.

လံာ်ယံးရမံယၤ 50:31

ကီၢ်ဘၤဘူၤလိၣ်ဧၢ, နပှဲၤဒီးတၢ်ပာ်ထီၣ်ထီနသးလီၤ. လၢတၢ်န့ၣ်အဃိ, ယၤ, ယွၤပၢဘၣ်တၢ်ခဲလၢာ်ကစၢ်ယွၤသ့တၢ်လၢာ်ထီဒါနၤလီၤ. တၢ်ဆၢကတီၢ်ဟဲတုၤလံလၢယဂီၢ်လၢယကစံၣ်ညီၣ်နၤန့ၣ်လီၤ.

လံာ်ယံးရမံယၤ 51:25

ကီၢ်ဘၤဘူၤလိၣ်ဧၢ, နမၤနသးဒ်ကစၢၢ်တဖျၢၣ်လၢ အမၤဟးဂီၤဟီၣ်ခိၣ်ဒီဘ့ၣ်, ဘၣ်ဆၣ်ယၤ, ယွၤအံၤ, မ့ၢ်နဒုၣ်နဒါန့ၣ်လီၤ. ယကဟံးဃာ်နၤ, တလ့ၣ်လီၤနၤလၢ တၢ်လီၢ်ထီၣ်ထီဆူဟီၣ်ခိၣ်အလိၤ, ဒီးဒုးကဲထီၣ်နၤလၢဖၣ် ဆါန့ၣ်လီၤ.

လံာ်ယဃ့းစက့လး 13:8

လၢတၢ်န့ၣ်အဃိဒီး, ယွၤပၢဘၣ်တၢ်ခဲလၢာ်ကစၢ်စံးဘၣ်အဝဲသ့ၣ်, “သုတၢ်ကတိၤတဖၣ်န့ၣ်မ့ၢ်တၢ်လၢအတတီဘၣ်ဒီးသုတၢ်ထံၣ်လၢညါခီ သ့ၣ်တဖၣ်န့ၣ်မ့ၢ်တၢ်လီတၢ်ဝ့ၤလီၤ. ယထီဒါသုန့ၣ်လီၤ.

လံာ်ယဃ့းစက့လး 21:3

လၢတၢ်လၢယၤ, ယွၤစံးဝဲန့ၣ်တက့ၢ်, ယမ့ၢ်နဒုၣ်နဒါလီၤ. ယကထုးထီၣ်ယနးဒီးမၤသံကွံာ်ပှၤလၢအအိၣ်နပူၤခဲလၢာ်, ပှၤအဂ့ၤမ့ၢ်ဂ့ၤပှၤအအၢမ့ၢ်ဂ့ၤဒ်သိးသိးန့ၣ်လီၤ.

လံာ်ယဃ့းစက့လး 26:3

အန့ၣ်ဝံၤဒီး, ခဲကနံၣ်အံၤ, အအံၤမ့ၢ်တၢ်လၢယၤ, ယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. ဝ့ၢ်ထါယၢၣ်ဧၢ, ယမ့ၢ်နဒုၣ်နဒါလီၤ. ယကဟဲစိာ်ပှၤကလုာ်အါကလုာ် လၢကဟဲဒုးတၢ်, ဒီးအဝဲသ့ၣ်ကဟဲဝဲဒၣ်ဒ်လပီတဖၣ်လၢ ပီၣ်လဲၣ်ပူၤအသိးန့ၣ်လီၤ.

လံာ်ယဃ့းစက့လး 29:10

မ့ၢ်လၢနစံးလၢထံကျိနံၤ လါမ့ၢ်နတၢ်ဒီးနမၤအီၤလၢ ကစၢ်ဒၣ်နဲအဃိ, ယမ့ၢ်နဒုၣ်နဒါဒီးနထံကျိနံၤလါ အဒုၣ်အဒါန့ၣ်လီၤ. ယကဒုးကဲထီၣ် ကီၢ်အဲၤကူပတူးဒီဘ့ၣ်လၢ တၢ်လီၢ်တတီၤလၢအအိၣ်လီၤဃီ, စးထီၣ်လၢ ဝ့ၢ်မံးကဒိးလးလၢ ကလံၤစိးတကပၤတုၤဆူစဝ့နၤလၢကလံၤထံးတခီ, ဒီကျဲညါပၢၢ်တုၤလၢပှၤကူၤၡးဖိတဖၣ်အထံဆၢကီၢ်ဆၢန့ၣ်လီၤ.

လံာ်ယဃ့းစက့လး 29:3

စံးလၢတၢ်အံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဘၣ် ကီၢ်အဲၤကူပတူးအစီၤပၤန့ၣ်တက့ၢ်. ယမ့ၢ်နဒုၣ်နဒါ, နသမၣ် ဖးဒိၣ်လၢအမံလီၤလၢ နထံကျိအပူၤန့ၣ်လီၤ. နစံးနဲလၢထံကျိ နံၤလါမ့ၢ်နတၢ်ဒီးနမၤအီၤလၢ နနီၢ်ကစၢ်ဒၣ်နဲလီၤ.

လံာ်ယဃ့းစက့လး 35:3

တဲဘၣ်ပှၤဂီၢ်မုၢ်, တၢ်လၢယၤ, ယွၤပၢဘၣ်တၢ်ခဲလၢာ်ကစၢ် ကစံးဝဲန့ၣ်တက့ၢ်. ကီၢ်အဒိၣ်အကစၢၢ်ကလိသ့ၣ်ဧၢ, ယမ့ၢ်သုဒုၣ်သုဒါန့ၣ်လီၤ. ယကဒုးကဲထီၣ်သုလၢတၢ် လီၢ်အိၣ်သယုၢ်လီၤဃီတတီၤန့ၣ်လီၤ.

လံာ်ယဃ့းစက့လး 38:3

ဒီးတဲအီၤလၢယၤ, ယွၤပၢဘၣ်တၢ်ခဲလၢာ်ကစၢ်မ့ၢ်အဝဲအဒုၣ်အဒါ န့ၣ်တက့ၢ်.

လံာ်ယဃ့းစက့လး 39:1

ယွၤပၢဘၣ်တၢ်ခဲလၢာ်ကစၢ်စံးဝဲ, “ပှၤကညီလၢအသံသ့ဧၢ, စံးလၢစီၤကိးလၢအမ့ၢ်ပှၤမ့ၤၡးဖိဒီးပှၤတူၤဘလးဖိအပှၤကလုာ် တဖၣ်အပှၤပၢတၢ်အဒိၣ်ကတၢၢ်ကြၢးဘၣ်တၢ်စံၣ်ညီၣ်ဒီးတဲဘၣ်အီၤ လၢယမ့ၢ်အဒုၣ်အဒါန့ၣ်တက့ၢ်.

လံာ်ယဃ့းစက့လး 5:8

လၢတၢ်န့ၣ်အဃိ, ယၤ, ယွၤပၢဘၣ်တၢ်ခဲလၢာ်ကစၢ်, စံးဘၣ်နၤလၢယမ့ၢ်နဒုၣ်နဒါလီၤ. ယကစံၣ်ညီၣ်နၤဖဲပှၤကလုာ်ခဲ လၢာ်ထံၣ်ဘၣ်ဝဲကသ့န့ၣ်လီၤ.

လံာ်နၤဃူၣ် 2:12

ခ့ယုၢ်မၤသံကွံာ်အဆၣ်အီၣ် ဒီးအ့ၣ်ဖှီကွံာ်အီၤဆူအကူးလံာ်ကူးလာ်လၢခ့ယုၢ်မိၢ်ဒီး အဖိတဖၣ်အဂီၢ်လီၤ. မၤပှဲၤဝဲအတဝၢလၢတၢ်ညၣ်လၢအအ့ၣ်ဖှီတ့ၢ်ဝဲန့ၣ်လီၤ.

လံာ်နၤဃူၣ် 3:1

တၢ်စံၣ်ညီၣ်ဃါမနၤကလီၤဘၣ်ဝ့ၢ်လၢအလီတၢ်, မၤသံမၤဝီတၢ်ဒီးအိၣ်ပှဲၤဝဲဒီးတၢ်ထူးတၢ်တီၤလၢကဘၣ်တၢ် ဂုာ်ဆူၣ်ပျီဆူၣ်အီၤဒီး မၤဟးဂီၤကွံာ်အီၤအဂီၢ်န့ၣ်လီၤ.

လံာ်နၤဃူၣ် 3:12

ကယဲၢ်နတိာ်နတာ်ခဲလၢာ်ကလီၤဂာ်ဒီးချၢၣ်ဒၢအထူၣ်တဖၣ်လၢ အအိၣ်ဒီးချၢၣ်ဒၢသၣ်တဖၣ်လၢအမံဃ့ၣ်လီၤ. တြုၤသ့ၣ်အထူၣ်တဖၣ်န့ၣ်ဒီးအသၣ်ကလီၤတဲာ်လိၤလိၤဆူ နကိာ်ပူၤလီၤ.

လံာ်နၤဃူၣ် 3:15

နမၤဒ်လဲၣ်ဂ့ၤဒ်လဲၣ်ဂ့ၤန့ၣ်, မ့ၣ်အူကအီၣ်သံကွံာ်နၤမ့တမ့ၢ်တၢ်ကမၤသံနၤလၢတၢ်ဒုးအပူၤ န့ၣ်လီၤ. နကဘၣ်တၢ်တြုာ်ပျီကွံာ်နၤဒ်ဒွဲၣ်ဧိၤတြၤဧိၤအီၣ်ကွံာ် တၢ်မုၢ်တၢ်ဘိတဖၣ်အသိးလီၤ. နဂံၢ်အါထီၣ်တ့ၢ်နသးဒ်ဒွဲၣ် ဧိၤတြၤဧိၤအသိးလီၤ.

လံာ်နၤဃူၣ် 3:5

ယွၤသ့တၢ်လၢာ်စံးဝဲဒၣ်, “ဝ့ၢ်နံၤနဝ့ဧၢ, ယကစံၣ်ညီၣ်နၤလီၤ. ယကမၤအိၣ်ဘ့ၣ်ဆ့နၤ ဒီးပျဲပှၤကလုာ်တဖၣ်ကွၢ်နၤ ဒီးထံၣ်နၤလၢနတၢ်မဲာ်ဆှးခဲလၢာ်အပူၤန့ၣ်လီၤ.

လံာ်စီၤယိၤၡူ 11:6

ယွၤစံးဘၣ်စီၤယိၤၡူ, “တဘၣ်ပျံၤအဝဲသ့ၣ်တဂ့ၤ. အဂ့ၢ်မ့ၢ်လၢခဲမုၢ်ဆ့ၣ်ဒ်သိးအံၤအဆၢကတီၢ်န့ၣ်ယကမၤသံအဝဲ သ့ၣ်ခဲလၢာ်ဒီးဟ့ၣ်လီၤအီၤလၢအံၣ်စရ့လးအစုပူၤအဃိန့ၣ် လီၤ. သုကဘၣ်ကျီတဲာ်အကသ့ၣ်တဖၣ်အခီၣ်ထူၣ်ဒီးဒွဲၣ်အူ ထီၣ်အလ့ၣ်ကဟၣ်တဖၣ်လၢမ့ၣ်အူန့ၣ်လီၤ.”

လံာ်စီၤယိၤၡူ 11:9

ဒီးစီၤယိၤၡူမၤဒ်ယွၤမၤလိာ်တ့ၢ်အီၤအသိး, ကျီတဲာ်ကွံာ်အဝဲ သ့ၣ်အကသ့ၣ်တဖၣ်အခီၣ်ထူၣ် ဒီးဒွဲၣ်အူထီၣ်ကွံာ်အဝဲသ့ၣ်အလ့ၣ်ကဟၣ်တဖၣ်လၢမ့ၣ်အူန့ၣ်လီၤ.