လံာ်နၤဃူၣ် 2:11 - Sgaw Karen Common Bible

¹¹ ဝ့ၢ်လၢအလီၤဂာ်ဒီးခ့ယုၢ်တဖၣ်အတဝၢပူၤ, တၢ်လီၢ်ဖဲခ့ယုၢ်ဖိတဖၣ်အီၣ်တၢ်, ဖဲခ့ယုၢ်ဖါဒီးခ့ယုၢ်မိၢ်လဲၤဝဲဒီးအဖိတဖၣ်လၢကအိၣ်ပူၤဖျဲးဝဲ အဂီၢ်န့ၣ်, ခဲကနံၣ်အံၤအိၣ်ဖဲလဲၣ်.

လံာ်နၤဃူၣ် 2:11 Iomraidhean Croise

လံာ်တၢ်ကဲထီၣ်အခီၣ်ထံး 49:9

စီၤယူဒၤလီၤဂာ်ဒ်ခ့ယုၢ်တဒုအသိး, မၤသံဆၣ်ဖိကီၢ်ဖိလၢကအီၣ်ဝဲ, ဒီးက့ၤကဒါက့ၤဆူအလၢၢ်ကအိပူၤ, ကိာ်လီၤဒီးမံလီၤဝဲလီၤ. ပှၤမၤတံာ်တာ်အီၤတဘူၣ်ဘၣ်နီ တဂၤဘၣ်.

လံာ်ယၡါယၤ 13:7

ပှၤကိးဂၤဒဲးအစုတဖၣ်ကလီၤစၢ်လီၤစဲၤဒီးပှၤကိးဂၤဒဲးအတၢ် သးဒူကဟးမၢ်ကွံာ်ဝဲလီၤ.

လံာ်ယၡါယၤ 31:4

ယွၤစံးဘၣ်ယၤ, “ပှၤကွၢ်သိတဖၣ်မ့ၢ်ကိးပသူကိးပသီထီၣ် နာ်က့, အဝဲသ့ၣ်မၤပျံၤမၤဖုးကွံာ်ခ့ ယုၢ်တဒုလၢဆၣ်ဖိကီၢ်ဖိတဒုလၢအမၤသံတ့ၢ်ဝဲအအိၣ်န့ၣ် တသ့ဘၣ်. ဒ်န့ၣ်အသိး, ယွၤသ့တၢ်လၢာ်လၢအတၢ်ဒီဒၣ် အိၣ်ပှိၤကစၢၢ်စံယိၣ်န့ၣ်, တၢ်တြီအီၤသ့တအိၣ်နီတမံၤဘၣ်.

လံာ်ယၡါယၤ 5:29

သုးဖိတဖၣ်ကညီၤထီၣ်ဝဲဒ်ခ့ယုၢ်တဖၣ်အသိး, လၢအမၤသံ ဆၣ်ဖိကီၢ်ဖိဒီးစိာ်ကွံာ်အီၤဆူတၢ်လီၢ်လၢပှၤဟံးန့ၢ်က့ၤအီၤ လၢအအိၣ်တသ့နီတဂၤဘၣ်န့ၣ်လီၤ.

လံာ်ယံးရမံယၤ 2:15

အဝဲသ့ၣ်ကညီၤတ့ၢ်လၢအလိၤဒ်ခ့ယုၢ်တဖၣ်အသိးလီၤ. အဝဲသ့ၣ်ဒုးကဲထီၣ်အကီၢ်လၢမဲးမုၢ်ခိၣ်တတီၤ, ဒီးအဝ့ၢ်တဖၣ်ဟးဂီၤကွံာ်ဒီးဘၣ်တၢ်ပာ်လီၤတဲာ်ကွံာ်အီၤ လၢာ်လၢာ်ဆ့ဆ့န့ၣ်လီၤ.

လံာ်ယံးရမံယၤ 4:7

ဒ်ခ့ယုၢ်တဒုဟဲထီၣ်လၢအတၢ်အိၣ်ခူသူၣ်အလီၢ်အသိးန့ၣ်, ပှၤတဂၤလၢကမၤဟးဂီၤပှၤကလုာ်တဖၣ်ဟဲဟးထီၣ်လံန့ၣ်လီၤ. အဝဲဒၣ်ဟဲဝဲလၢကမၤဟးဂီၤကီၢ်ယူဒၤအဂီၢ်လီၤ. ကီၢ်ယူဒၤအဝ့ၢ်တဖၣ်ကအိၣ်လီၤတဲာ်လၢတၢ်ဟးဂူာ် ဟးဂီၤအပူၤဒီးပှၤတအိၣ်လၢအဝဲသ့ၣ်အပူၤ နီတဂၤဘၣ်န့ၣ်လီၤ.

လံာ်ယံးရမံယၤ 50:17

ယွၤစံးဝဲဒၣ်, “ကီၢ်အံၣ်စရ့လးအပှၤဂီၢ်မုၢ်လီၤဂာ်ဒ်သိတဖၣ် လၢဘၣ်တၢ်လူၤအီၤဒီးမၤလီၤပြံလီၤပြါအီၤလၢ ခ့ယုၢ်တဖၣ်အသိး န့ၣ်လီၤ. အဆိကတၢၢ်, အဝဲသ့ၣ်ဘၣ်တၢ်ဒုးအီၤလၢ ကီၢ် အၤၡူၢ်အစီၤပၤဖးဒိၣ်, ဝံၤဒီး ကီၢ်ဘၤဘူၤလိၣ်အစီၤပၤ နဘူၤကးန့စၢ်အ့ၣ်သဘှံးကွံာ်အဝဲသ့ၣ်အဃံအကွဲတဖၣ်န့ၣ်လီၤ.

လံာ်ယံးရမံယၤ 50:44

ဒ်ခ့ယုၢ်တဒုဟဲထီၣ်လၢ သ့ၣ်ပှၢ်အတီၣ်လၢထံကျိယၢ်ဒ့ၣ်အသရ့ၤဆူ တၢ်အီၣ်ဆၣ်လီၢ်လါဟ့အသိးန့ၣ်, ယၤ, ယွၤအံၤ, ကဟဲဒီး ဒုးဃ့ၢ်ထီၣ်ကွံာ်ပှၤဘၤဘူၤလိၣ်ဖိတဖၣ် သတူၢ်ကလာ်လၢ အဝဲသ့ၣ်အဝ့ၢ်န့ၣ်လီၤ. အန့ၣ်ဝံၤဒီး, ခိၣ်နၢ်တဂၤလၢ ယဃုထၢအီၤကပၢပှၤတကလုာ်န့ၣ်လီၤ. မတၤထိၣ်သတြီၤအသးဒီး ယၤကသ့တဂၤလဲၣ်. မတၤ, တၤယၤကဘူၣ်တဂၤလဲၣ်. ပှၤပၢတၢ်မတၤတဂၤထီဒါယၤကသ့န့ၣ်လဲၣ်.

လံာ်ယဃ့းစက့လး 32:2

အဝဲစံးဝဲဒၣ်, “ပှၤကညီလၢအသံသ့ဧၢ, ဟ့ၣ်ကီၢ်အဲၤကူပတူး အစီၤပၤလၢတၢ်ဟ့ၣ်ပလီၢ်သမှံၤသပှၢ်တမံၤအံၤတက့ၢ်. ဟ့ၣ်အီၤ လၢယတၢ်ကစီၣ်အံၤန့ၣ်တက့ၢ်. နမၤနသးဒ်ခ့ယုၢ်တဒုလၢပှၤ ကလုာ်တဖၣ်အကျါအသိး, ဘၣ်ဆၣ်နလီၤဂာ်ဒိၣ်ဒၣ်တၢ်တက့ၢ်ဒီး သမၣ်တဘိလၢအလဲၤတၢ်သီၣ်ပြူၤပြူၤလၢထံကျိပူၤအသိး န့ၣ်လီၤ. နမၤဒုထီၣ်ထံလၢနခိၣ်ဒီးမၤဘၣ်အၢထံကျိတဖၣ်န့ၣ်လီၤ.

လံာ်ယိၤအ့လး 2:6

လၢအဝဲသ့ၣ်အမဲာ်ညါန့ၣ်ပှၤကိးဂၤဒဲးပျံၤတၢ်ဖုးတၢ်တုၤ အမဲာ်သၣ်လီၤဝါဝဲလီၤ.

လံာ်မံကၤ 5:6

အဝဲသ့ၣ်ကမၤနၢၤကွံာ်ကီၢ်အၤၡူၢ် လၢအမ့ၢ်စီၤနံးမရိးအကီၢ်ခီဖျိတၢ်စုကဝဲၤအဂံၢ်အဘါ ဒီးကမၤပူၤဖျဲးပှၤလၢပှၤအၤၡူၢ်ဖိတဖၣ်အစုပူၤဖဲ အဟဲနုာ်ဒုးပကီၢ်အခါန့ၣ်လီၤ.

လံာ်နၤဃူၣ် 2:12

ခ့ယုၢ်မၤသံကွံာ်အဆၣ်အီၣ် ဒီးအ့ၣ်ဖှီကွံာ်အီၤဆူအကူးလံာ်ကူးလာ်လၢခ့ယုၢ်မိၢ်ဒီး အဖိတဖၣ်အဂီၢ်လီၤ. မၤပှဲၤဝဲအတဝၢလၢတၢ်ညၣ်လၢအအ့ၣ်ဖှီတ့ၢ်ဝဲန့ၣ်လီၤ.

လံာ်နၤဃူၣ် 3:1

တၢ်စံၣ်ညီၣ်ဃါမနၤကလီၤဘၣ်ဝ့ၢ်လၢအလီတၢ်, မၤသံမၤဝီတၢ်ဒီးအိၣ်ပှဲၤဝဲဒီးတၢ်ထူးတၢ်တီၤလၢကဘၣ်တၢ် ဂုာ်ဆူၣ်ပျီဆူၣ်အီၤဒီး မၤဟးဂီၤကွံာ်အီၤအဂီၢ်န့ၣ်လီၤ.

လံာ်စဖါနယၤ 3:3

အပဒိၣ်ဖးဒိၣ်တဖၣ်လီၤဂာ်ဒ်ခ့ယုၢ် တဖၣ်လၢအကညီၤတၢ်အသိး, အပှၤစံၣ်ညီၣ်ကွီၢ်တဖၣ်လီၤ ဂာ်ဒ်ထွံၣ်မံၤတဖၣ်လၢအသူၣ်ဝံၤသၣ်စ့ၤဒီးသူၣ်လီသးကွံတၢ် အါတုၤအတပာ်တ့ၢ်တၢ်ဃံတဘိဒၣ်လဲာ်တုၤလၢမုၢ်ဂီၤ အကတီၢ်ဘၣ်အသိးန့ၣ်လီၤ.

လံာ်တၢ်ဂံၢ် 23:24

ကီၢ်အံၣ်စရ့လးအပှၤကလုာ်အံၤလီၤဂာ်ဒ်ခ့ယုၢ်လၢအဂံၢ်ဆူၣ်ဘါ ဆူၣ်တဒုအသိးန့ၣ်လီၤ. တချုးလၢအအ့ၣ်ဖှီတၢ်ဒီးအီၣ်ကွံာ်တၢ်ဒံးဘၣ်, တချုးအအီဘၣ်တၢ်တဖၣ်လၢအမၤသံဝဲအသွံၣ်ဘၣ်န့ၣ်, တအိၣ်ဘှံးဝဲဘၣ်.”