လံာ်နၤဃူၣ် 2:10 - Sgaw Karen Common Bible

¹⁰ ဝ့ၢ်နံၤနဝ့ဘၣ်တၢ်မၤဟးဂီၤကွံာ်, ဘၣ်တၢ်လဲၤကပာ်ကွံာ်ဒီးအိၣ် သယုၢ်လံဝဲလံ. ပှၤအသးတဖၣ်ပှံၢ်လီၤဝဲလၢတၢ်ပျံၤတၢ်ဖုးအဃိ, အခီၣ်လ့ၣ်ခိၣ်တဖၣ်ကနိးကစုာ်ဝဲ, အဂံၢ်အဘါလၢာ်ကွံာ်ဝဲဒီးအမဲာ်သၣ်တဖၣ်လီၤဝါကွံာ်ဝဲလံန့ၣ်လီၤ.

လံာ်နၤဃူၣ် 2:10 Iomraidhean Croise

လံာ်တၢ်ကဲထီၣ်အခီၣ်ထံး 1:2

ဟီၣ်ခိၣ်အက့ၢ်အဂီၤတအိၣ်ဘၣ်, ဒီးအိၣ်ကလီအိၣ်လီၤပျီဝဲလီၤ. ဒီးတၢ်ခံးသူအိၣ်ဝဲလၢပီၣ်လဲၣ်လၢအကးဘၢတၢ်ခဲလၢာ်အထံ ဖံးခိၣ်, ဒီးကစၢ်ယွၤအသးစီဆှံဟူးဂဲၤဝဲလၢထံဖံးခိၣ်န့ၣ်လီၤ.

စံးထီၣ်ပတြၢၤ 22:14

ယဂံၢ်ယဘါလၢာ်တ့ၢ်လံ, လၢာ်ကွံာ်ဒ်ထံလၢအလီၤဂၢ်လၢ ဟီၣ်ခိၣ်လိၤအသိးန့ၣ်လီၤ. ယဃံခဲလၢာ်လီၤဖျုကွံာ်ဝဲ, ယသးမၤအသးဒ် ဃိးလၢအပှံၢ်လီၤကွံာ်ဝဲအသိးန့ၣ်လီၤ.

လံာ်ယၡါယၤ 14:23

ယကဒုးကဲထီၣ်ကီၢ်ဘၤဘူၤလိၣ်လၢတၢ်ကပျၢၤအပူၤတပူၤဒီးဒိ ကအိတဖၣ်ကအိၣ်ဖဲန့ၣ်လီၤ. ယကခွဲသိၣ်ကီၢ်ဘၤဘူၤလိၣ်လၢ နီၣ်ခွဲသိၣ်တဘိလၢအကခွဲပျီကွံာ်တၢ်ခဲလၢာ်န့ၣ်လီၤ. ယၤ, ယွၤသ့တၢ်လၢာ်ကစၢ်, စံးတ့ၢ်လံဝဲလီၤ.”

လံာ်ယၡါယၤ 21:3

တၢ်လၢယထံၣ်ဒီးနၢ်ဟူတ့ၢ်လၢတၢ်ထံၣ်လၢညါခီအပူၤတဖၣ် မၤပှဲၤယသးဒီးတၢ်ပျံၤတၢ်ဖုးဒီးတၢ်ဆူးတၢ်ဆါ, တၢ်ဆူးတၢ်ဆါလၢအလီၤဂာ်ဒီးပိာ်မုၣ်အဟုးဆါထီၣ်န့ၣ်လီၤ.

လံာ်ယၡါယၤ 24:1

ယွၤကမၤဟးဂူာ်ဟးဂီၤဟီၣ်ခိၣ်ဒီးပာ်လီၤတဲာ်သယုၢ်သညိအီၤလီၤ. အဝဲကဝံာ်ပကံဟီၣ်ခိၣ်အမဲာ်ဖံးခိၣ်ဒီးမၤပြံပြါအပှၤဂီၢ်မုၢ်လီၤ.

လံာ်ယံးရမံယၤ 30:6

ခဲကနံၣ်အံၤဆိကတီၢ်, ဒီးဆိကမိၣ်တၢ်တက့ၢ်. ပှၤပိာ်ခွါတဂၤဆံးစၢ်ထီၣ်ဖိသၣ်တဂၤဘၣ် ကသ့ဧါ. ဘၣ်မနုၤအဃိ, ယထံၣ်ဘၣ်ပိာ်ခွါကိးဂၤဒဲးပာ် အစုလၢ အဟၢဖၢလိၤ, ဒ်ပိာ်မုၣ်တဂၤလၢ အဟုးဆါဝဲအသိးန့ၣ်လဲၣ်. ဘၣ်မနုၤအဃိ ပှၤကိးဂၤဒဲးအမဲာ်လီၤဝါထဲန့ၣ် ညါလဲၣ်.

လံာ်ယံးရမံယၤ 49:23

အအံၤမ့ၢ်တၢ်လၢ ယွၤစံးဝဲဘၣ်ဃးဒီးဝ့ၢ်ဒၤမ့ၤစ့းလီၤ. “ပှၤဂီၢ် မုၢ်လၢ ဝ့ၢ်ဃမါသးဒီးဝ့ၢ်အ့ၢ်ဖးတဖၣ်ဘၣ်ကိၢ်ဘၣ်ဂီၤဒီး အသးဘၣ်တံာ်တာ်ဝဲ မ့ၢ်လၢအဝဲသ့ၣ်နၢ်ဟူတ့ၢ်တၢ်ကစီၣ် အအၢအသီအဃိန့ၣ်လီၤ. တၢ်သူၣ်ကိၢ်သးဂီၤတလ့ၣ်အသး လၢအဝဲသ့ၣ်အဖီခိၣ်ဒ်ပီၣ်လဲၣ်လၢတအိၣ်ဘှံးဘၣ်အသိးန့ၣ်လီၤ.

လံာ်ယံးရမံယၤ 51:62

ဝံၤဒီး ဘါထုကဖၣ်တၢ်ဒီး စံးလၢ, ‘ယွၤဧၢ, နစံးတ့ၢ်လၢ နကမၤဟးဂီၤတၢ်လီၢ်အံၤ ဒ်သိးပှၤကညီမ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤ တအိၣ်ဆိးလၢၤလၢအပူၤဘၣ်ဒီး ကလီၤဂာ်ဒီးတၢ်အိၣ်သယုၢ်အလီၢ်အစိၤစိၤအဃၣ်ဃၣ်န့ၣ်လီၤ.’

လံာ်ယံးရမံယၤ 8:21

ယသးလီၤသဘှံးကွံာ် မ့ၢ်လၢယပှၤဂီၢ်မုၢ်ဘၣ်တၢ်ဆီၣ်တံၢ်ဆီၣ်သနံးအီၤ အဃိလီၤ. ယဟီၣ်တၢ်ယၢၤတၢ်လီၤ. ယသးအုးဒီးသးလီၤကတုၤလၢာ်အခၢးလီၤ.

လံာ်ယဃ့းစက့လး 21:7

တုၤအဝဲသ့ၣ်သံကွၢ်နၤ, ဘၣ်မနုၤအဃိလၢနကအုကစွါလဲၣ်န့ၣ်, တဲဘၣ်အဝဲသ့ၣ်လၢတၢ်န့ၣ်မ့ၢ်လၢတၢ်ကစီၣ်လၢအကဟဲဝဲ အဃိန့ၣ်လီၤ. ဖဲအဟဲတုၤန့ၣ်အဝဲသ့ၣ်အသးတဖၣ်ကပှဲၤဝဲဒီး တၢ်ပျံၤတၢ်ဖုး, အဝဲသ့ၣ်အစုတဖၣ်ကလီၤဘျ့ကွံာ်, အဝဲသ့ၣ်အတၢ်သူၣ်ဒူသးဒူကလီၤမၢ်ကွံာ်ဒီးအဝဲသ့ၣ်အခီၣ်လ့ၢ်ခိၣ် တဖၣ်ကကနိးကစုာ်ဝဲန့ၣ်လီၤ. တၢ်ဆၢကတီၢ်တုၤဃီၤလံ. မ့ၢ်ခဲကနံၣ်အံၤလီၤ. ယွၤ, ပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 31:15

အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. “မုၢ်တနံၤဖဲသ့ၣ်န့ၣ်လဲၤလီၤဆူတၢ်သံအကီၢ်ပူၤဒီးယကမၤဘၢအီၤ လၢထံလၢဟီၣ်ခိၣ်လာ်တဖၣ်ဒ်အမ့ၢ်တၢ်သူၣ်အုးသးအုးအပနီၣ် တမံၤအသိးန့ၣ်လီၤ. ယကဒုးအိၣ်ကတီၢ်ထံကျိတဖၣ်ဒီးတပျဲဘၣ်ထံကျိ ဖိတဖၣ်ယွၤလီၤလၢၤဘၣ်. မ့ၢ်လၢသ့ၣ်န့ၣ်သံလံဝဲအဃိ, ယကဟဲစိာ်ဃီၤတၢ်ခံးတၢ်နၤဆူကီၢ်လဘၤနိၣ်အကစၢၢ် တဖၣ်အလိၤဒီးဒုးဃ့ထီကွံာ်သ့ၣ်တဖၣ်လၢအအိၣ်လၢပှၢ်ပူၤန့ၣ်လီၤ.

လံာ်ဒၤနံးယ့လး 5:6

တုၤနုၤတစု, စီၤပၤအမဲာ်သၣ်လီၤဝါဒီးအသူၣ်ပျံၤသးဖုးနးနးကလဲာ်လီၤ. တၢ်မၤအသးဒ်အဆၢတဖၣ်လီၤဖျုကွံာ်ဝဲအသိးဒီးအခီၣ် လ့ၢ်ခိၣ်တဖၣ်ကနိးကစုာ်ဝဲဒၣ်န့ၣ်လီၤ.

လံာ်ယိၤအ့လး 2:6

လၢအဝဲသ့ၣ်အမဲာ်ညါန့ၣ်ပှၤကိးဂၤဒဲးပျံၤတၢ်ဖုးတၢ်တုၤ အမဲာ်သၣ်လီၤဝါဝဲလီၤ.

လံာ်နၤဃူၣ် 2:2

ဘူးလံလၢယွၤကမၤအိၣ်ထီၣ်က့ၤပှၤအံၣ်စရ့လးဖိ အလၤအကပီၤဒ်အအိၣ်ပာ်တ့ၢ်လံဝဲတချုး လၢအဒုၣ်အဒါတဖၣ်မၤဟးဂီၤကွံာ်အီၤအသိးန့ၣ်လီၤ.

လံာ်နၤဃူၣ် 3:7

ဒီးကယဲၢ်ပှၤလၢအထံၣ်နၤကသံးက့ၤအသး ဆူအလီၢ်ခံန့ၣ်လီၤ. အဝဲသ့ၣ်ကစံးဝဲဒၣ်လၢ, ဝ့ၢ်နံၤနဝ့ဒါလီၤအသးလၢတၢ်ဟးဂီၤအပူၤလံ. မ့ၢ်မတၤအိၣ်ဒံးဒီးတၢ်သးကညီၤလၢအဂီၢ်တဂၤလဲၣ်. မ့ၢ်မတၤကသးအိၣ်မၤမုာ်အီၤတဂၤလဲၣ်.”

လံာ်စဖါနယၤ 3:6

ယွၤစံးဝဲဒၣ်, “ယတြူာ်ပျီကွံာ်လံပှၤကလုာ်ခဲလၢာ်, ယမၤဟးဂီၤကွံာ်လံအဝ့ၢ်တဖၣ်ဒီးယပာ်တီၢ်အဝ့ၢ်ခိၣ်ဒူဒီး အတၢးထီၣ်ထီတဖၣ်လၢတၢ်ဟးဂူာ်ဟးဂီၤအပူၤန့ၣ်လီၤ. ဝ့ၢ်တဖၣ်အိၣ်တ့ၢ်သယုၢ်ဝဲ, ကျဲတဖၣ်လီၤဟိဝဲဒီးပှၤ တအိၣ်တီၢ်နီတဂၤဘၣ်.

လံာ်စီၤယိၤၡူ 2:11

ဖဲပနၢ်ဟူတၢ်အံၤတဘျီဃီဒီးပပျံၤတၢ်လီၤ. လၢသုဃိပတၢ်သူၣ်ဒူသးဒူလီၤမၢ်ကွံာ်လၢာ်လံ. ယွၤသုကစၢ်ယွၤအံၤမ့ၢ်ကစၢ်ယွၤလၢအအိၣ်လၢမူခိၣ်လၢထးဒီး လၢဟီၣ်ခိၣ်အံၤစ့ၢ်ကီးန့ၣ်လီၤ.

လံာ်စီၤယိၤၡူ 7:5

ပှၤဝ့ၢ်ဂဲဖိတဖၣ်စးထီၣ်လူၤအီၤလၢဝ့ၢ်အတြဲၤတုၤလၢၡဘၤရံၣ် ဒီးမၤသံကွံာ်ပှၤသၢဆံဃုဂၤဃၣ်ဃၣ်လၢကျဲလဲၤလီၤလၢကစၢၢ် အလိၤန့ၣ်လီၤ. ဒီးပှၤဂီၢ်မုၢ်အသးပှံၢ်လီၤကွံာ်, ဒီးမၤအသးဒ်ထံအသိးန့ၣ်လီၤ.