လံာ်နၤဃူၣ် 1:6 - Sgaw Karen Common Bible

⁶ မ့ၢ်မတၤကွၢ်ဆၢၣ်မဲာ်အတၢ်သးထီၣ်ကန့ၢ်တဂၤလဲၣ်. ဒီးမ့ၢ်မတၤတူၢ်အတၢ်သးကဲၤထီၣ်ကကဲဝဲတဂၤန့ၣ်လဲၣ်. လူလီၤဝဲအတၢ်သးကဲၤထီၣ်, ဒီးလၢၢ်ဧိၤလ့ဧိၤကၢ်လီၤကလဲကွံာ်ဆူဖၣ်ကမူၣ်လၢအမဲာ်ညါလီၤ.

လံာ်နၤဃူၣ် 1:6 Iomraidhean Croise

လံာ်စီၤပၤအခီၣ်ထံးတဘ့ၣ် 19:11

ယွၤစံးဘၣ်အီၤ, “ဟးထီၣ်ကွံာ်ဒီးဆၢထၢၣ်လၢယမဲာ်ညါလၢကစၢၢ် ဒီခိၣ်န့ၣ်တက့ၢ်.” ဝံၤဒီးယွၤလဲၤခီဂာ်တၢ်ဒီးဆှၢလီၤကလံၤမုၢ်ဆူၣ်တခါလၢအမၤ သ့ၣ်ဖးတၢ်လူၢ်တၢ်တြီၤဒီးမၤလီၤကလဲလၢၢ်တဖၣ်န့ၣ်လီၤ. ဘၣ်ဆၣ်ယွၤတအိၣ်ဘၣ်လၢကလံၤအူတၢ်အပူၤန့ၣ်ဘၣ်. ကလံၤအူတၢ်ဆိကတီၢ်ကွံာ်အသးဝံၤဟီၣ်ခိၣ်ဟူးဝးဝဲဒၣ်န့ၣ်လီၤ. ဘၣ်ဆၣ်ယွၤတအိၣ်ဘၣ်လၢဟီၣ်ခိၣ်ဟူးဝးဝဲအပူၤန့ၣ်ဘၣ်.

လံာ်စီၤယိၤဘး 26:11

တုၤအမၤပျံၤမၤဖုးမူခိၣ်အထူၣ်တဖၣ်န့ၣ်ဒီး, အဝဲသ့ၣ်ဟူးဝးဝဲဒီးကနိးကစုာ်လၢတၢ်ပျံၤတၢ်ဖုးအပူၤန့ၣ်လီၤ.

လံာ်စီၤယိၤဘး 40:11

ကွၢ်ပှၤတဖၣ်လၢအပာ်ထီၣ်ထီအသးန့ၣ်တက့ၢ်. ဂၢ်လီၤနတၢ်သးထီၣ်ဆူၣ်ဆူၣ်ကလဲာ်, ဒီးဆီၣ်လီၤကွံာ်အဝဲသ့ၣ် တက့ၢ်.

လံာ်စီၤယိၤဘး 9:5

လၢတၢ်တတဲပလီၢ်ပာ်စၢၤအပူၤအဝဲသုးကွံာ်ကစၢၢ်ကလိ တဖၣ်ဒီးလၢတၢ်သးထီၣ်အပူၤမၤဟးဂီၤကွံာ်အဝဲသ့ၣ်န့ၣ်လီၤ.

စံးထီၣ်ပတြၢၤ 130:3

ယွၤဧၢ, နမ့ၢ်ကွဲးနီၣ်ပတၢ်ဒဲးဘးတဖၣ်ဒီး မ့ၢ်မတၤပူၤဖျဲးလၢ တၢ်စံၣ်ညီၣ်ကသ့တဂၤလဲၣ်.

စံးထီၣ်ပတြၢၤ 2:12

ဒီးဆီၣ်လီၤသုသးလၢအဖီလာ်တက့ၢ်. မ့တမ့ၢ်ဘၣ်ဒီးအတၢ်သးထီၣ်ကထီၣ်ဝဲချ့သဒံး, ဒီးသုကသံသတူၢ်ကလာ်လီၤ. ပှၤလၢအအိၣ်ကဒုလၢယွၤအပူၤခဲလၢာ်န့ၣ် ဘၣ်ဆိၣ်ဂ့ၤဝဲနီၢ်နီၢ်လီၤ.

စံးထီၣ်ပတြၢၤ 76:7

မ့မ့ၢ်, နဲဒၣ်ယွၤဧၢ, နဘၣ်တၢ်ပျံၤနၤလၢပှၤခဲလၢာ်လီၤ. တုၤနသးထီၣ်န့ၣ်ဒီး, ပှၤဆၢထၢၣ်လၢနမဲာ်ညါတသ့ဝဲနီတဂၤဘၣ်.

စံးထီၣ်ပတြၢၤ 76:8

နမၤသ့ၣ်ညါတ့ၢ်လံနတၢ်စံၣ်ညီၣ်လၢမူခိၣ်, ဒီးပှၤဟီၣ်ခိၣ်ဖိခဲလၢာ်ပျံၤတၢ်ဒီးအိၣ်ဘှီၣ်ဝဲဒၣ်,

စံးထီၣ်ပတြၢၤ 90:11

မ့ၢ်မတၤဆိကမိၣ်ထီၣ်နတၢ်သးထီၣ်အစိအကမီၤ ဒီးသ့ၣ်ညါတၢ်ပျံၤလၢနတၢ်သးကဲၤထီၣ် ဟဲစိာ်ဝဲသ့န့ၣ်တဂၤလဲၣ်.

လံာ်ယၡါယၤ 10:16

ယွၤ, သ့တၢ်လၢာ်ကစၢ်ကမၢလီၤတၢ်ဆူးတၢ်ဆါလၢကစံၣ်ညီၣ် ပှၤတဖၣ်လၢအခဲအံၤအီၣ်ကုးအီပှဲၤန့ၣ်လီၤ. လၢအဝဲသ့ၣ်အနီၢ်ခိတဖၣ်အပူၤန့ၣ်, မ့ၣ်အူကအိၣ်ဝဲလၢအအီၣ် ဝံၤအီၣ်က့ၤတၢ်တနဲးနဲးလီၤ.

လံာ်ယၡါယၤ 13:13

ယကမၤတုၤမူခိၣ်တဖၣ်ကနိးကစုာ်ဝဲ, ဒီးဟီၣ်ခိၣ်ကဘၣ်တၢ်တြုၤ ဖျိးကွံာ်အီၤလၢအလီၢ်ဒၣ်ဝဲလၢမုၢ်တနံၤဖဲယၤ, ယွၤသ့တၢ် လၢာ်ကစၢ်ဒုးနဲၣ်ယတၢ်သးကဲၤထီၣ်န့ၣ်လီၤ.

လံာ်ယၡါယၤ 27:4

ယတသးဒိၣ်လၢၤစပံးအလီၢ်န့ၣ်လၢၤဘၣ်. တၤဆှုၣ်တၤမဲ မ့ၢ်အိၣ်ဝဲလၢယကဘၣ်မၤပျီကွံာ်အီၤဒီး, ယကဒွဲၣ်အူထီၣ်အီၤ လၢမ့ၣ်အူခဲလၢာ်လီၤ.

လံာ်ယၡါယၤ 33:14

ပှၤတၢ်ဒဲးဘးဖိလၢဝ့ၢ်စံယိၣ်အပူၤတဖၣ်ကနိးကစုာ်ဝဲလၢအပျံၤ တၢ်ဖုးတၢ်အဃိလီၤ. အဝဲသ့ၣ်စံးဝဲ, “ကစၢ်ယွၤအတၢ်စံၣ်ညီၣ်လီၤဂာ်ဒီးမ့ၣ်အူတခါလၢအကဲၤဝဲလီၤ စိၤလီၤထီန့ၣ်လီၤ. ပှၤလၢပကျါတဂၤဂၤထူၣ်ဖျဲးထီၣ်ကွံာ်လၢ မ့ၣ်အူဒ်သိးအံၤဘၣ်ကသ့ဧါ.”

လံာ်ယၡါယၤ 66:15

ယွၤကဟဲဝဲဒီးမ့ၣ်အူလီၤ. အဝဲကဟဲဒီးကလံၤမုၢ်အဒံးဆ့ တဖၣ်ဒ်သိးအကစံၣ်ညီၣ်ပှၤတဖၣ်လၢအသးဒိၣ်ဘၣ်ဝဲလီၤ.

လံာ်ယံးရမံယၤ 10:10

မ့မ့ၢ်နဲဒၣ်, ယွၤဧၢ, နမ့ၢ်ကစၢ်ယွၤအမ့ၢ်အတီန့ၣ်လီၤ. နမ့ၢ်ကစၢ်ယွၤလၢအမူဝဲ ဒီးစီၤပၤအထူအယိာ်န့ၣ်လီၤ. ဖဲနသးဒိၣ်ထီၣ်န့ၣ်ဟီၣ်ခိၣ်ဟူးဟးဆှဲးဆှိးဝဲ ဒီးပှၤကလုာ်တဖၣ်တူၢ်နတၢ်သးကဲၤထီၣ် တကဲဘၣ်လီၤ.

လံာ်ယံးရမံယၤ 21:12

“ဒိကနၣ်တၢ်လၢယၤ, ယွၤအံၤ, စံးဘၣ်သုန့ၣ်တက့ၢ်. မၤတၢ်လၢတၢ်စံၣ်ညီၣ်တီအပူၤကိးနံၤဒဲးတက့ၢ်. ဒီဒၣ်အိၣ်ပှိၤပှၤလၢ အဘၣ်တၢ်လီန့ၢ်အီၤတဂၤလၢပှၤလၢအလီအီၤတဂၤအစုပူၤန့ၣ်တက့ၢ်. သုမ့ၢ်တမၤဘၣ်ဒီး, တၢ်အၢလၢသုမၤအီၤန့ၣ်ကမၤကဲၤထီၣ်ယတၢ်သးဒိၣ် ဒီးကအီၣ်တၢ်ဒ်မ့ၣ်အူလၢတၢ်မၤလီၤပံာ်ကွံာ်အီၤတန့ၢ်ဘၣ်အသိး န့ၣ်လီၤ.

လံာ်သးသယုၢ်တၢ် 2:3

လၢအတၢ်သးကဲၤထီၣ်အပူၤဒီၣ်တဲာ်ကွံာ်ဝဲအံၣ်စရ့လးအဂံၢ် အဘါန့ၣ်လီၤ. ဖဲဒုၣ်ဒါတဖၣ်ဟဲန့ၣ်အဝဲဂ့ၢ်လိာ်တ့ၢ်လၢကမၤစၢၤပှၤအဂီၢ်လီၤ. အသးဒိၣ်ကဲၤထီၣ်ထီဒါပှၤဒ်မ့ၣ်အူအသိး, မၤဟးဂီၤကွံာ်တၢ် ခဲလၢာ်န့ၣ်လီၤ.

လံာ်သးသယုၢ်တၢ် 2:4

ပညိၣ်ဃီၤတ့ၢ်ဝဲအပျၢ်တဖၣ်ဆူပအိၣ်ဒ်ဒုၣ်ဒါတဂၤအသိးလီၤ. မၤသံကွံာ်ဝဲကယဲၢ်ပှၤလၢအမ့ၢ်ပတၢ်သးခုဒီးပတၢ်သးမုာ်တဖၣ် န့ၣ်လီၤ. ဖဲအံၤလၢဝ့ၢ်ယရူၤၡလ့ၣ်အပူၤန့ၣ်ပကလၢၢ်ဘၣ်တ့ၢ်အသးဒိၣ်ကဲၤ ထီၣ်န့ၣ်လီၤ.

လံာ်သးသယုၢ်တၢ် 4:11

ယွၤဃ့ၣ်လီၤကွံာ်အတၢ်သးကဲၤထီၣ်အသဟီၣ်တုၤအလၢာ်လီၤ. ဆူးကဲၤထီၣ်ဝဲမ့ၣ်အူလၢဝ့ၢ်စံယိၣ်အပူၤဒီးတၢ်န့ၣ်အီၣ်ကွံာ် အီၤတုၤလၢဟီၣ်ခိၣ်လီၤ.

လံာ်ယဃ့းစက့လး 21:31

သုကကလၢၢ်ဘၣ်ယတၢ်သးထီၣ်, ဖဲယလူလီၤအီၤလၢသုလိၤဒ်မ့ၣ်အူကဲၤတခါအသိးန့ၣ်လီၤ. ဒီးယကဟ့ၣ်လီၤကွံာ်သုဆူပှၤအၢပှၤသီအရၢၢ်အစၢၢ်တဖၣ်လၢ အမ့ၢ်ပှၤလၢအသ့လီၤတံၢ်လီၤဆဲးလၢတၢ်မၤဟးဂီၤအပူၤ အစုပူၤန့ၣ်လီၤ.

လံာ်ယဃ့းစက့လး 30:16

ယကဒွဲၣ်ကွံာ်ကီၢ်အဲၤကူပတူးလၢ မ့ၣ်အူဒီးဝ့ၢ်စံၤန့ၣ်ကအိၣ်လၢတၢ်သူၣ်အူသးကဲၤအပူၤန့ၣ် လီၤ. ဝ့ၢ်သံဘံးအခိၣ်ဒူတဖၣ်ကဘၣ်တၢ်မၤလီၤပှီၢ်ကွံာ်အီၤဒီး ဝ့ၢ်န့ၣ်ကဘၣ်တၢ်လုၣ်ဘၢအီၤလၢထံန့ၣ်လီၤ.

လံာ်ယဃ့းစက့လး 39:6

ယကစးထီၣ်မၢမ့ၣ်အူအီၣ်တၢ်လၢကီၢ်မကိးလၢအပူၤဒီးလၢပီၣ်လဲၣ် ကၢၢ်နံၤတဖၣ်ဖဲပှၤဂီၢ်မုၢ်အိၣ်ဆိးဝဲတအိၣ်ဒီးတၢ်မၤတံာ်တာ်အီၤ ဘၣ်ဒီးပှၤကိးဂၤဒဲးကသ့ၣ်ညါဝဲလၢယမ့ၢ်ယွၤန့ၣ်လီၤ.

လံာ်ယဃ့းစက့လး 7:8

ခဲအံၤ, တယံာ်လၢၤဘၣ်, နကကလၢၢ်ဘၣ်ယတၢ်သးဒိၣ်ထီၣ်အသဟီၣ်လီၤ. ယစံၣ်ညီၣ်နၤလၢတၢ်လၢနမၤတ့ၢ်နဲအဃိ, ဒီးလၢနသကဲာ်ပဝးလၢအလီၤသးဘၣ်အၢခဲလၢာ်အဂီၢ်န့ၣ်, ယကဟ့ၣ်ကၣ်ဆၢက့ၤနၤလီၤ.

လံာ်နၤဃူၣ် 1:2

ယွၤ, ကစၢ်ယွၤအသးတစူၤဘၣ်ပှၤပြၢလိာ်အသးဒီးအီၤတဖၣ် နီတဂၤဘၣ်, အဝဲစံၣ်ညီၣ်ဃၣ်ပှၤလၢအထီဒါအီၤတဖၣ်ဒီး လၢအတၢ်သးကဲၤထီၣ်အပူၤန့ၣ်ဟ့ၣ်ကၣ်က့ၤ အဝဲသ့ၣ်န့ၣ်လီၤ.

လံာ်စဖါနယၤ 2:2

တချုးလၢသုဘၣ်တၢ်တြူာ်ကွံာ်သုဒ်ဖ့လၢကလံၤအူဒံကွံာ်အသိး, တချုးလၢယွၤအတၢ်သးကဲၤထီၣ်လီၤဘၣ်လၢသုလိၤ, တချုးလၢအပာ်ဖျါထီၣ်အတၢ်သးကဲၤထီၣ်ဒံးဘၣ်န့ၣ်တက့ၢ်.

လံာ်မၤလကံ 3:2

ဘၣ်ဆၣ်ဒီး, မုၢ်တနံၤလၢအဝဲဟဲန့ၣ်မ့ၢ်မတၤတူၢ်ကကဲန့ၣ်လဲၣ်. ဒီးတုၤအဝဲအိၣ်ဖျါထီၣ်န့ၣ်မ့ၢ်မတၤကပူၤဖျဲးန့ၣ်လဲၣ်. အဝဲကလီၤဂာ်ဒ်ပှၤဆှုၣ်တၢ်အချါသိမ့ၢ်ဂ့ၤ, ဒ်မ့ၣ်အူလၢအမၤကဆှီ, တိၢ်ဒီးထးတဖၣ်မ့ၢ်ဂ့ၤန့ၣ်လီၤ.

လံာ်မၤလကံ 4:1

ယွၤသ့တၢ်လၢာ်စံးဝဲ, “မုၢ်တနံၤန့ၣ်ဟဲတုၤဝဲဖဲကယဲၢ်ပှၤလၢအပာ်ထီၣ်ထီအသးဒီးမၤ တၢ်အၢခဲလၢာ်ကဘၣ်တၢ်ဆူးထီၣ်ကွံာ်အီၤဒ်လီၢ်ဧိၤဒံးဧိၤအသိး န့ၣ်လီၤ. လၢမုၢ်နံၤအဝဲန့ၣ်, အဝဲသ့ၣ်ကဘၣ်တၢ်ဆူးထီၣ်ကွံာ်အီၤ, ဒီးတၢ်တပာ်လီၤတဲာ်ဘၣ်တၢ်နီတမံၤဘၣ်ဃးဒီးအဝဲသ့ၣ်ဘၣ်.

လံာ်လီၣ်ဖျါ 16:1

တုၤနုၤတစုယနၢ်ဟူတၢ်ကလုၢ်ဖးဒိၣ်သီၣ်ထီၣ်လၢတၢ်လုၢ်ဟံၣ် ပူၤဒီးစံးဘၣ်ကလူးနွံဂၤ “လဲၤ ဒီးဂၢ်လီၤကစၢ်ယွၤအတၢ်သးထီၣ်အသလၢနွံဖျၢၣ် လၢဟီၣ်ခိၣ်ချၢတက့ၢ်.”

လံာ်လီၣ်ဖျါ 16:8

အန့ၣ်ဝံၤဒီး, ကလူးလွံၢ်ဂၤတဂၤဂၢ်လီၤအသလၢလၢမုၢ် အလိၤ, ဒီးတၢ်ပျဲအမၤကိၢ်ဃိာ်ပှၤကညီလၢအတၢ်ကိၢ်လၢ အဆူၣ်မးန့ၣ်လီၤ.

လံာ်လီၣ်ဖျါ 6:17

အဝဲသ့ၣ်အတၢ်သးထီၣ်အမုၢ်နံၤလီၤပျံၤလီၤဖုးတနံၤန့ၣ် တုၤအိၣ်ဝဲခဲကနံၣ်အံၤလံ. ဒီးမတၤကွၢ်ဆၢၣ်မဲာ်အီၤကသ့ တဂၤလဲၣ်.”