လံာ်နၤဃူၣ် 1:4 - Sgaw Karen Common Bible

⁴ အဝဲမၤလိာ်ဝဲပီၣ်လဲၣ်ဒီးပီၣ်လဲၣ်ဃ့ထီကွံာ်ဝဲဒီးမၤလီၤ သံးကွံာ်ဝဲထံကျိတဖၣ်န့ၣ်လီၤ. ဘၤၡၣ်အပျီတဖၣ်လီၤညွံးကွံာ်ဝဲ, တၤသၣ်လီၢ်လၢကစၢၢ်ကၢ်မ့ၤလးလီၤဘဲကွံာ်ဝဲ ဒီးဖီတဖၣ်လၢကီၢ်လဘၤနိၣ်ဒံကွံာ်ဝဲလီၤ.

လံာ်နၤဃူၣ် 1:4 Iomraidhean Croise

လံာ်တၢ်ကဲထီၣ်အခီၣ်ထံး 8:1

ဒီးကစၢ်ယွၤတသးပ့ၤနီၣ်စီၤနိအၤ, ဒီးကယဲၢ်ဆၣ်ဖိကီၢ်ဖိအိၣ် ဒီးအီၤလၢကဘီပူၤန့ၣ်ဘၣ်. အဝဲဒုးအူထီၣ်ကလံၤဒီးထံစးထီၣ်လီၤဝဲဒၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 22:16

ပီၣ်လဲၣ်အခံဒးအိၣ်ဖျါထီၣ်ဝဲ, ဒီးဟီၣ်ခိၣ်အခီၣ်ထံးတဖၣ်ဘၣ်တၢ်မၤဖျါထီၣ်အီၤ, ဖဲယွၤသိၣ်ဃီၣ်အဒုၣ်အဒါတဖၣ်ဒီးသါသဖှိဘၣ် အဝဲသ့ၣ် လၢတၢ်သးဒိၣ်အပူၤအခါန့ၣ်လီၤ.

လံာ်စီၤယိၤဘး 38:11

ဒီးယစံးဘၣ်အီၤ, “နလပီပာ်ကဖိအသးတဖၣ်ကဘၣ်အိၣ် ကတီၢ်ဖဲအံၤဒီးတဘၣ်လဲၤယံၤန့ၢ်အအံၤဘၣ်.”

စံးထီၣ်ပတြၢၤ 104:7

ဖဲနသိၣ်ဃီၣ်ထံတဖၣ်န့ၣ် အဝဲသ့ၣ်ယွၤလီၤဝဲ, ယွၤလီၤဝဲချ့ချ့ ဖဲအဝဲသ့ၣ်နၢ်ဟူနကိးထီၣ်နတၢ်မၤလိာ်န့ၣ်လီၤ.

စံးထီၣ်ပတြၢၤ 106:9

အဝဲဟ့ၣ်လီၤအကလုၢ်ဒီး ပီၣ်လဲၣ်ဂီၤဃ့ထီကွံာ်ဝဲ, အဝဲဆှၢခီဖျိအပှၤဂီၢ်မုၢ်လၢ ခိသူၣ်ခိၣ်န့ၣ်လီၤ.

စံးထီၣ်ပတြၢၤ 114:3

ပီၣ်လဲၣ်ဂီၤကွၢ်ဝဲဒီးဃ့ၢ်ကွံာ်ဝဲ, ထံကျိယၢ်ဒ့ၣ်တယွၤလီၤလၢၤဘၣ်န့ၣ်လီၤ.

စံးထီၣ်ပတြၢၤ 114:5

ပီၣ်လဲၣ်ဧၢ, ပီၣ်လဲၣ်ဧၢ, တၢ်မနုၤမၤအသးလၢ ကဒုးဃ့ၢ် ကွံာ်နၤလဲၣ်. ဒီးနဲဒၣ်ထံကျိယၢ်ဒ့ၣ်ဧၢ, ဘၣ်မနုၤ နဆိကတီၢ်ယွၤလီၤလဲၣ်. ထံကျိယၢ်ဒ့ၣ်ဧၢ, ဘၣ်မနုၤလၢ နဂုၤက့ၤဆူလီၢ်ခံန့ၣ်လဲၣ်.

စံးထီၣ်ပတြၢၤ 18:16

ယွၤယူာ်ဃီၤအစုလၢထးဒီးဟံးဃာ်ယၤလီၤ. အဝဲထုးထီၣ်ယၤလၢထံယိာ်တဖၣ်အပူၤလီၤ.

စံးထီၣ်ပတြၢၤ 74:15

နဒုးယွၤလီၤထံကျိဖိဒီးထံထီၣ်ပၢၢ် ဒီးနဒုးဃ့ထီၣ်ကွံာ်ထံကျိဖးဒိၣ်တဖၣ်လီၤ.

လံာ်ယၡါယၤ 33:9

ထံဧိၤကီၢ်ဧိၤန့ၣ်အိၣ်ကလီဒီးအိၣ်သယုၢ်ဝဲလီၤ. ကီၢ်လဘၤနိၣ်အသ့ၣ်ဒိၣ်ပှၢ်တီၣ်တဖၣ်လီၤညွံးလီၤဘဲကွံာ်ဝဲ, ၡၤရိၣ်အတြီၤလၢဟီၣ်ခိၣ်ညၣ်ထ့ၣ်ဂ့ၤတဖၣ်လီၤဂာ်ဒ်မဲးမုၢ်ခိၣ် တပူၤအသိး, သ့ၣ်အထူၣ်တဖၣ်လၢကီၢ်ဘၤၡၣ်ဒီးကစၢၢ် ကၢ်မ့ၤလးအလိၤန့ၣ်အလၣ်တဖၣ်လီၤဆှုကွံာ်ဝဲလီၤ.

လံာ်ယၡါယၤ 42:15

ယကမၤဟးဂီၤကွံာ်တၢ်လူၢ်ဒီးကစၢၢ်တဖၣ် ဒီးမၤဃ့ထီကွံာ်နီၣ်ဧိၤမံၤဧိၤဒီးသ့ၣ်ထူၣ်တဖၣ်လီၤ. ယကဒုးကဲထီၣ်က့ၤထံကျိအတြီၤတဖၣ်ဆူမဲးမုၢ်ခိၣ် ဒီးမၤဃ့ထီကွံာ်ထံအကွံတဖၣ်လီၤ.

လံာ်ယၡါယၤ 44:27

ထဲတၢ်ဟ့ၣ်လီၤတၢ်ကလုၢ်တဘီဧိၤန့ၣ်ယဒုးဃ့ထီကွံာ်ပီၣ်လဲၣ် န့ၣ်လီၤ.

လံာ်ယၡါယၤ 51:10

နမ့ၢ်စ့ၢ်ကီးပှၤလၢအမၤလီၤ သံးကွံာ်ပီၣ်လဲၣ်ဒီးကတဲာ်က တီၤတ့ၢ်ကျဲတဘိလၢပီၣ်လဲၣ်ခံဒး ဒ်သိးပှၤတဖၣ်လၢနအုၣ်က့ၤ ခီၣ်က့ၤအီၤခီဂာ်တၢ်ကသ့အဂီၢ်န့ၣ်လီၤ.

လံာ်ယဃ့းစက့လး 30:12

ယကမၤဃ့ထီကွံာ်ထံကျိနံၤလါဒီး ပာ်လီၤကီၢ်အဲၤကူပတူးလၢပှၤအၢ ပှၤသီတဖၣ်အစိကမီၤအဖီလာ်န့ၣ်လီၤ. ပှၤတခီဘီမုၢ်ဖိတဖၣ် ကမၤဟးဂူာ်ဟးဂီၤကွံာ်ထံကီၢ်ဒီဘ့ၣ်ညါန့ၣ်လီၤ.” ယၤ, ယွၤကတိၤလံတၢ်လံ.

လံာ်ယဃ့းစက့လး 38:20

ကယဲၢ်ညၣ်ဒီးထိၣ်, ကယဲၢ်ဆၣ်ဖိကီၢ်ဖိဒိၣ်မ့ၢ်ဂ့ၤဆံးမ့ၢ်ဂ့ၤ, ဒီးကယဲၢ်ပှၤကညီလၢဟီၣ်ခိၣ်အမဲာ်ဖံးခိၣ်, ကကနိးကစုာ်လၢတၢ် ပျံၤယွၤအဃိန့ၣ်လီၤ. ကစၢၢ်ကလိတဖၣ်ကလီၤပှီၢ်ဝဲ, လ့ကဘျၣ်ဖးထီတဖၣ်ကလီၤကလဲကွံာ်ဝဲဒီးကယဲၢ်တၢ်ဒူၣ်ကိးခါဒဲး ကလီၤပှီၢ်ကွံာ်န့ၣ်လီၤ.

လံာ်ဧၤမိၣ် 1:2

ဒီးစီၤဧၤမိၣ်စံးဝဲဒၣ်, “ယွၤကိးသတြီထီၣ်လၢကစၢၢ်စံယိၣ်, ထုထီၣ်အကလုၢ်လၢဝ့ၢ်ယရူၤၡလ့ၣ်လီၤ. တၢ်အီၣ်ဆၣ်အလီၢ်တဖၣ်ဃ့ထီကွံာ်ဝဲ ဒီးတပံၢ်တမါလၢကစၢၢ်ကၢ်မ့ၤလးအဒီခိၣ်ဃ့ထီကွံာ်ဝဲလီၤ.”

လံာ်ဧၤမိၣ် 5:8

ယွၤတ့လီၤဆၣ်တဖၣ်, ဆၣ်ဒၢမုၢ်ဒီးဆၣ်ယိးမါလီၤ. လဲလိာ်ကွံာ်ဝဲတၢ်ခံးတၢ်နၤဆူမုၢ်နံၤအတၢ်ကပီၤ ဒီးမုၢ်နံၤဆူမုၢ်နၤန့ၣ်လီၤ. အဝဲကိးန့ၢ်ပီၣ်လဲၣ်အထံဒီးလူလီၤအီၤလၢ ဟီၣ်ခိၣ်အဖီခိၣ်လီၤ. အမံၤမ့ၢ်ယွၤလီၤ.

လံာ်မးသဲ 8:26

ယ့ၣ်ၡူးစံးဆၢအဝဲသ့ၣ်, “ဘၣ်မနုၤလၢသုဘၣ်ပျံၤတၢ်ထဲန့ၣ် ညါလဲၣ်. သုတၢ်နာ်စှၤမးလဲၣ်.” ဝံၤအဝဲဂဲၤဆၢထၢၣ်ဒူကလံၤဒီးလပီအလိၤ, ဒီးကလံၤအိၣ်က့ၤမးဝဲဂၢၢ်တပၢၢ်လီၤ.

လံာ်စီၤယိၤၡူ 3:16

ထံန့ၣ်အိၣ်ပတုာ်ဝဲဒီးအိၣ်ဖှိၣ်စိထီၣ်အသးလၢတၢ်လီၢ်အယံၤဖဲ ဝ့ၢ်အၤဒၣ်လၢအအိၣ်ဘူးဒီးစၤရတၣ်န့ၣ်လီၤ. ထံလၢအယွၤလီၤဝဲဆူပီၣ်လဲၣ်သံန့ၣ်တယွၤလီၤလၢၤဘၣ်အဃိပှၤ ဂီၢ်မုၢ်တဖၣ်ခီဂာ်တၢ်ဆူဝ့ၢ်ယရံၤဃိသ့ဝဲန့ၣ်လီၤ.