လံာ်နၤဃူၣ် 1:2 - Sgaw Karen Common Bible

² ယွၤ, ကစၢ်ယွၤအသးတစူၤဘၣ်ပှၤပြၢလိာ်အသးဒီးအီၤတဖၣ် နီတဂၤဘၣ်, အဝဲစံၣ်ညီၣ်ဃၣ်ပှၤလၢအထီဒါအီၤတဖၣ်ဒီး လၢအတၢ်သးကဲၤထီၣ်အပူၤန့ၣ်ဟ့ၣ်ကၣ်က့ၤ အဝဲသ့ၣ်န့ၣ်လီၤ.

လံာ်နၤဃူၣ် 1:2 Iomraidhean Croise

လံာ်စီၤယိၤဘး 20:23

ပျဲအအီၣ်တၢ်လၢအအဲၣ်ဒိးအီၣ်ဝဲခဲလၢာ်တက့ၢ်. ကစၢ်ယွၤကစံၣ်ညီၣ်အီၤလၢတၢ်သးဒိၣ်, တၢ်သးဖျိးအပူၤ န့ၣ်လီၤ.

စံးထီၣ်ပတြၢၤ 94:1

ယွၤဧၢ, နမ့ၢ်ကစၢ်ယွၤလၢအသိၣ်ဃီၣ်တၢ်လီၤ. ပာ်ဖျါထီၣ်နတၢ်သးထီၣ်တက့ၢ်.

လံာ်တၢ်ဟးထီၣ်ကွံာ် 20:5

သကူးလီၤလၢတၢ်ဂီၤတၢ်ဖီၣ်တမံၤမံၤအမဲာ်ညါဒီးဘါထီၣ်အီၤတဂ့ၤ. အဂ့ၢ်ဒ်အံၤယမ့ၢ်ယွၤ, သုကစၢ်ယွၤလၢဝံသးစူၤပှၤပြၢလိာ်အသးဒီးအီၤတဖၣ်န့ၣ်တကဲဘၣ်န့ၣ်လီၤ. ယဒုးလီၤဘၣ်တၢ်စံၣ်ညီၣ်လၢပှၤတဖၣ်လၢအသးဟ့ယၤအလိၤဒီးလၢအစၢၤ အသွဲၣ်တဖၣ်အလိၤတုၤလၢပှၤသၢစိၤဒီးလွံၢ်စိၤတစိၤန့ၣ်လီၤ.

လံာ်တၢ်ဟးထီၣ်ကွံာ် 34:14

ဘါထီၣ်ကစၢ်အဂုၤအဂၤနီတဂၤတဂ့ၤ. အဂ့ၢ်ဒ်အံၤ, ယၤ, ယွၤအံၤယဝံသးစူၤပှၤလၢထိၣ်အသးထဲသိးဒီးယၤတဖၣ်တကဲဘၣ်.

လံာ်တၢ်ဟးထီၣ်ကွံာ် 34:7

ယဟံးဃာ်ယတၢ်အၢၣ်လီၤအီလီၤလၢပှၤအစိၤအကထိတဖၣ်အဂီၢ်, ဒီးပျၢ်တၢ်အၢတၢ်သီဒီးတၢ်ဒဲးဘး, ဘၣ်ဆၣ်ဒီး, ယတလီၤတူာ်လီၤကာ်ဘၣ်လၢယကစံၣ်ညီၣ်ဖိ တဖၣ်ဒီးလံၤတဖၣ်တုၤလၢသၢစိၤတစိၤဒီးလွံၢ်စိၤတစိၤလၢအဝဲသ့ၣ်အမိၢ်အပၢ်တဖၣ် အတၢ်ဒဲးဘးအဃိန့ၣ်ဘၣ်.”

လံာ်ယၡါယၤ 42:13

ယွၤလဲၤထီၣ်လၢအကဒုးတၢ်ဒ်ပှၤသုးဖိတဂၤအသိးလီၤ. အဝဲအိၣ်ကတဲာ်ကတီၤအသးဒီးသူၣ်ဆူၣ်သးဂဲၤလၢတၢ်ဒုးတၢ်ယၤ အဂီၢ်လီၤ. အဝဲကိးထီၣ်တၢ်ဒုးတၢ်ယၤအသီၣ်ဒီးတၢ်ထီ ဒုၣ်ထီဒါအတၢ်ကိးသတြီထီၣ်န့ၣ်လီၤ. အဝဲဒုးနဲၣ်အစိအကမီၤလၢအဒုၣ်အဒါတဖၣ် အဖီခီၣ်လီၤ.

လံာ်ယၡါယၤ 51:17

ဝ့ၢ်ယရူၤၡလ့ၣ်ဧၢ, ဖုသံနီၣ်ထီၣ်တက့ၢ်. ထိၣ်ဂဲၤထီၣ်နသးဒီးဆၢထၢၣ်တက့ၢ်. နအီတ့ၢ်တၢ်စံၣ်ညီၣ်အလီခီလၢယွၤ, လၢအတၢ်သးထီၣ်အပူၤ, ဟ့ၣ်နၤလၢနကအီအဂီၢ်လံ. နအီလၢာ်ကွံာ်အီၤဒီးဒုးလဲၤနၤကနူၤနူၤကပၤပၤလီၤ.

လံာ်ယၡါယၤ 51:20

ဖဲကျဲကိးဘိဒဲးအသနၢၣ်န့ၣ်, နပှၤဂီၢ်မုၢ်လီၤဘှံးလီၤတီၤဝဲလၢအဂံၢ်စၢ်ဘါစၢ်အဃိ, ဒီးအဝဲသ့ၣ်လီၤဂာ်ဒ်တၤဖးဘၣ်ထု လၢပှၤခးတၢ်ဖိတဂၤအပှာ်ပူၤအသိးန့ၣ်လီၤ. အဝဲသ့ၣ်ကလၢၢ်ဘၣ်ကစၢ်ယွၤအတၢ်သးဒိၣ်ထီၣ်အသဟီၣ်န့ၣ်လီၤ.

လံာ်ယၡါယၤ 66:15

ယွၤကဟဲဝဲဒီးမ့ၣ်အူလီၤ. အဝဲကဟဲဒီးကလံၤမုၢ်အဒံးဆ့ တဖၣ်ဒ်သိးအကစံၣ်ညီၣ်ပှၤတဖၣ်လၢအသးဒိၣ်ဘၣ်ဝဲလီၤ.

လံာ်ယံးရမံယၤ 25:15

ယွၤ, အံၣ်စရ့လး အကစၢ်ယွၤ, စံးဘၣ်တ့ၢ်ယၤ, “အအံၤမ့ၢ် စပံးထံအလီခီတဖျၢၣ်လၢ အပှဲၤဒီးယတၢ်သးကဲၤထီၣ်န့ၣ်လီၤ. ပှၤကလုာ်ခဲလၢာ်လၢယမၢလီၤနၤဒ်သိး နကလဲၤဆူအအိၣ်န့ၣ်, လဲၤစိာ်န့ၢ်အီၤဒီး မၢအဝဲသ့ၣ်အီအီၤတက့ၢ်.

လံာ်ယံးရမံယၤ 28:8

ဝံတဖၣ်လၢ အကတိၤတ့ၢ်လံတၢ်လၢပျၢၤ, တချုးလၢယဆၢကတီၢ်ဒီး နဆၢကတီၢ်န့ၣ်, တဲဆိပာ်ဝဲလၢ တၢ်ဒုးတၢ်ယၤ, တၢ်သၣ်ဝံၤလီၤဒိ, ဒီးတၢ်ဆူးတၢ်ဆါကဟဲဘၣ်ပှၤအါကလုာ် ဒီးဘီမုၢ်လၢ အဒိၣ်စိဒိၣ်ကမီၤတဖၣ်န့ၣ်လီၤ.

လံာ်ယံးရမံယၤ 3:5

တမ့ၢ်နကသးဒိၣ်ယၤထီဘိတထံၣ်ဃီဘၣ်. တမ့ၢ်နကသးဖျိးယၤ လီၤထူလီၤယိာ်ဘၣ်.’ ကီၢ်အံၣ်စရ့လးဧၢ, နစံးတ့ၢ်ယၤတၢ်ဒ်န့ၣ်, ဘၣ်ဆၣ်ဒီးနမၤတ့ၢ်တၢ်အၢလၢနမၤသ့ခဲလၢာ်န့ၣ်လီၤ.”

လံာ်ယံးရမံယၤ 36:7

ဘၣ်သ့ၣ်သ့ၣ်, အဝဲသ့ၣ်ကဃ့ထုကဖၣ်တၢ်ဆူယွၤ ဒီးဃၣ်ကွံာ်အသးလၢ အကျဲအအၢအသီတဖၣ် အပူၤ, မ့ၢ်လၢယွၤမၤပျံၤမၤဖုးပှၤဂီၢ်မုၢ်အံၤလၢအတၢ် သးဒိၣ်ဒီး အတၢ်သးကဲၤထီၣ်လၢ အလီၤပျံၤလီၤဖုးဒိၣ် မးအဃိန့ၣ်လီၤ.”

လံာ်ယံးရမံယၤ 4:4

သုဝဲကီၢ်ယူဒၤဒီးဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, တိၢ်န့ၢ်ဖံးဃာ် သုတၢ်အၢၣ်လီၤအီလီၤဒီးယၤ, သုယွၤ, ဒီးပာ်စီဆှံသုသးလၢ ယဂီၢ်တက့ၢ်, သုမ့ၢ်တမၤဒ်န့ၣ်ဘၣ်ဒီးလၢတၢ်အၢတၢ်သီတဖၣ် လၢသုမၤတ့ၢ်အဃိန့ၣ်, ယတၢ်သးဒိၣ်ကကဲၤထီၣ်ဒ်မ့ၣ်အူအသိးန့ၣ်လီၤ. ကအီၣ်တၢ်ဒီးပှၤကမၤလီၤပံာ်ကွံာ်အီၤတအိၣ်နီတဂၤဘၣ်.”

လံာ်ယံးရမံယၤ 50:15

ကိးပသူထီၣ်တၢ်ဒုးအတၢ်ကိးဝးတရံးန့ၣ်တက့ၢ်. ခဲကနံၣ်အံၤ, ကီၢ်ဘၤဘူၤလိၣ်ပာ်လီၤအစုကဝဲၤလံ. အဝ့ၢ်ခိၣ်ဒူတဖၣ်ဘၣ်တၢ်မၤဟးဂီၤအီၤဒီး ဘၣ်တၢ်မၤလီၤပှီၢ်အီၤလံ. သုဝဲစ့ၢ်ကီးဟ့ၣ်ကၣ်ဆၢက့ၤတၢ်အၢလၢ အဝဲသ့ၣ်အလိၤတက့ၢ်. မၤအဝဲသ့ၣ် ဒ်အဝဲသ့ၣ်မၤဘၣ်တ့ၢ်ပှၤအဂၤတဖၣ်အသိးန့ၣ်တက့ၢ်.

လံာ်သးသယုၢ်တၢ် 4:11

ယွၤဃ့ၣ်လီၤကွံာ်အတၢ်သးကဲၤထီၣ်အသဟီၣ်တုၤအလၢာ်လီၤ. ဆူးကဲၤထီၣ်ဝဲမ့ၣ်အူလၢဝ့ၢ်စံယိၣ်အပူၤဒီးတၢ်န့ၣ်အီၣ်ကွံာ် အီၤတုၤလၢဟီၣ်ခိၣ်လီၤ.

လံာ်ယဃ့းစက့လး 36:6

လၢတၢ်န့ၣ်အဃိကတိၤတၢ်လၢဝံအကျိာ်ဒီးကီၢ်အံၣ်စရ့လးတက့ၢ်, တဲဘၣ်ကစၢၢ်ကလိတဖၣ်, တၢ်လူၢ်တဖၣ်, ထံကျိဖိတဖၣ်ဒီး တၢ်တြီၤတဖၣ်တၢ်လၢယၤ, ယွၤပၢဘၣ်တၢ်ခဲလၢာ်ကစၢ်စံးဝဲဒၣ် လၢတၢ်သးက့ၣ်, အတၢ်သးဒိၣ်ထီၣ်အပူၤ, မ့ၢ်လၢပှၤကလုာ်သ့ၣ်တဖၣ်ကတိၤဒုၣ် ဒွဲၣ်ဒီးဆီၣ်လီၤကွံာ်အဝဲသ့ၣ်အဃိန့ၣ်တက့ၢ်.

လံာ်ယဃ့းစက့လး 38:18

ယွၤ, ပၢဘၣ်တၢ်ခဲလၢာ်ကစၢ်စံးဝဲ, “မုၢ်တနံၤဖဲစီၤကိးနုာ် လီၤဒုးကီၢ်အံၣ်စရ့လးန့ၣ်, ယသးကဒိၣ်ကဲၤထီၣ်န့ၣ်လီၤ.

လံာ်ယဃ့းစက့လး 38:19

လၢယတၢ်သးဒိၣ်ကဲၤထီၣ်အပူၤန့ၣ်ယဘိးဘၣ်သ့ၣ်ညါလၢ ဖဲမုၢ်နံၤအဝဲန့ၣ်, ဟီၣ်ခိၣ်ကဟူးဒိၣ်ဒိၣ်ကလဲာ်လၢကီၢ်အံၣ်စရ့လး အပူၤန့ၣ်လီၤ.

လံာ်ယဃ့းစက့လး 39:25

ယွၤ, ပၢဘၣ်တၢ်ခဲလၢာ်ကစၢ်စံးဝဲဒၣ်, “မ့မ့ၢ်ခဲကနံၣ်အံၤ, ယကသူၣ်ကညီၤသးကညီၤစီၤယၤကိာ်အစၢၤအသွဲၣ်တဖၣ်, ကီၢ်အံၣ်စရ့လးအပှၤဂီၢ်မုၢ်, ဒီးမၤဘီၣ်ထီၣ်ညီထီၣ်ကဒီးအဝဲ သ့ၣ်န့ၣ်လီၤ. ယကဒီဒၣ်အိၣ်ပှိၤယမံၤစီဆှံန့ၣ်လီၤ.

လံာ်ယဃ့းစက့လး 5:13

သုကကလၢၢ်ဘၣ်ယတၢ်သးဒိၣ်ဒီးသးကဲၤထီၣ်အသဟီၣ်တုၤယသးမံယဲ တစုလီၤ. ဖဲတၢ်ခဲလၢာ်အံၤမၤအသးန့ၣ်, သုကနာ်နီၢ်နီၢ်လၢယၤ, ယွၤအံၤ, ကတိၤလံတၢ်ဒီးသုမ့ၢ်လၢယကသး ကဲၤထီၣ်ဘၣ်သုတၢ်သူၣ်တတီသးတလိၤအဃိန့ၣ်လီၤ.

လံာ်ယဃ့းစက့လး 6:12

ပှၤတဖၣ်လၢအအိၣ်လၢတၢ်ဖးယံၤ, ကဆူးဆါထီၣ်ဝဲဒီးကသံဝဲလီၤ. ပှၤတဖၣ်လၢအအိၣ်ဘူးအိၣ်တံၢ်ကဘၣ်တၢ်မၤသံအီၤလၢတၢ်ဒုး အပူၤလီၤ. ပှၤတဖၣ်လၢအအိၣ်လီၤတဲာ်ဒံးန့ၣ်ကသၣ်ဝံၤလီၤဒိသံဝဲလီၤ. အဝဲသ့ၣ်ကကလၢၢ်ဘၣ်ယတၢ်သးကဲၤထီၣ်အသဟီၣ်ခဲလၢာ်န့ၣ်လီၤ.

လံာ်ယဃ့းစက့လး 8:18

အဝဲသ့ၣ်ကကလၢၢ်ဘၣ်ယတၢ်သးကဲၤထီၣ်အသဟီၣ်ခဲလၢာ်န့ၣ်လီၤ. ယတပျၢ်ဖျဲးအဝဲသ့ၣ်မ့ၢ်ဂ့ၤ, ဒီးဒုးနဲၣ်အဝဲသ့ၣ်လၢတၢ်သး ကညီၤမ့ၢ်ဂ့ၤန့ၣ်ဘၣ်. အဝဲသ့ၣ်ကကိးထီၣ်တၢ်ထုကဖၣ်တဖၣ်ဆူယအိၣ်, သီၣ်ဒိၣ်တသ့ဖဲအသ့, ဘၣ်ဆၣ်ယတဒိကနၣ်အဝဲသ့ၣ်ဘၣ်.”

လံာ်ယိၤအ့လး 2:18

တုၤနုၤတစုယွၤကသူၣ်အိၣ်သးအိၣ်အထံအကီၢ်, ဒီးသးကညီၤအပှၤဂီၢ်မုၢ်န့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 26:28

ယကဃၣ်ယသးဆူသုအိၣ်လၢတၢ်သးထီၣ်အပူၤဒီးစံၣ်ညီၣ်သုအၢန့ၢ်ဒံးအလီၢ်နွံဘျီန့ၣ်လီၤ.

လံာ်မံကၤ 5:15

ဒီးလၢယတၢ်သးကဲၤထီၣ်ဖးဒိၣ်အပူၤန့ၣ်, ယကဟ့ၣ်ကၣ်ကယဲၢ်ပှၤကလုာ်တဖၣ်လၢအတစူၢ်ဘၣ်ယၤန့ၣ်လီၤ.”

လံာ်မံကၤ 7:18

ယွၤဧၢ, ကစၢ်လၢအဒ်သိးဒီးနၤတအိၣ်ဘၣ်နီတဂၤဘၣ်. နပျၢ်ကွံာ်နပှၤဂီၢ်မုၢ်လၢအအိၣ်မူတ့ၢ်တဖၣ်အတၢ်ဒဲးဘးတဖၣ်လီၤ. နသးတဒိၣ်တထံၣ်ဃီဘၣ်. မ့မ့ၢ်နသးမုာ်လၢတၢ်ဒုးနဲၣ်ပှၤနတၢ်အဲၣ်တပယူာ်ဃီန့ၣ်လီၤ.

လံာ်စကၤရယၤ 1:14

ဒီးကလူးန့ၣ်တဲဘၣ်ယၤလၢယကတဲဖျါထီၣ် တၢ်လၢသ့တၢ်လၢာ်ယွၤစံးတ့ၢ်ဒ်အံၤ, “ယအိၣ်ဒီးတၢ်အဲၣ်ဒီးတၢ်သးအိၣ်လၢအဒိၣ်ဝဲယိာ်ဝဲတမံၤလၢ ဝ့ၢ်ယရူၤရှလ့ၣ်, ယဝ့ၢ်စီဆှံအဂီၢ်,

လံာ်စကၤရယၤ 8:2

“ယသးအိၣ်တ့ၢ်လၢယကမၤစၢၤဝ့ၢ်ယရူၤၡလ့ၣ်မ့ၢ် လၢယအဲၣ်ဘၣ်အပှၤဂီၢ်မုၢ်အဃိလီၤ. ယတၢ်အဲၣ်အံၤ, မ့ၢ်တၢ်အဲၣ်တမံၤလၢအဒိၣ်ဝဲတုၤဒၣ်လဲာ်, ယသးဒိၣ်ထီၣ်ဘၣ်အဒုၣ်အဒါတဖၣ်န့ၣ်လီၤ.

လံာ်တၢ်ဂံၢ် 25:11

“မ့ၢ်လၢတၢ်တမံၤလၢစီၤပံၤနဃၣ်မၤတ့ၢ်ဝဲန့ၣ်အဃိဒီး, ယတသးဒိၣ်လၢၤကီၢ်အံၣ်စရ့လးအပှၤဂီၢ်မုၢ်ဘၣ်. အဝဲဝံသးစူၤတၢ်ဘူၣ်တၢ်ဘါထီၣ်ကစၢ်အဂၤတကဲဘၣ်. မ့မ့ၢ်သးအိၣ်ဒၣ်ဝဲထဲယၤတဂၤသတးဒီး, ယတမၤဟးဂီၤလၢၤအဝဲသ့ၣ်လၢယတၢ်သးဒိၣ်အဃိလၢၤဘၣ်.

ရိမ့ၤ 12:19

ယတံၤသကိးသးဘိသ့ၣ်ဧၢ, တဘၣ်မၤကၣ်တၢ်တဂ့ၤ, မ့မ့ၢ်ပျဲကစၢ်ယွၤအတၢ်သးထီၣ်ကမၤဒၣ်ဝဲတက့ၢ်. အဂ့ၢ်ဒ် လဲၣ်န့ၣ်, တၢ်ကွဲးအသးစီဆှံစံးဝဲ, “ယကမၤကၣ်က့ၤတၢ်, ယကမၤဆၢက့ၤတၢ်, ကစၢ်စံးဝဲဒၣ်လီၤ.”

ရိမ့ၤ 13:4

အဂ့ၢ်ဒ်လဲၣ်န့ၣ်, အဝဲမ့ၢ်ကစၢ်ယွၤအခ့အပှၤလၢအမၤတၢ်လၢ သုတၢ်ဂ့ၤအဂီၢ်န့ၣ်လီၤ. ဘၣ်ဆၣ်ဒီး, သုမ့ၢ်မၤတၢ်အၢတၢ်သီဒီး ပျံၤအီၤတက့ၢ်. အဂ့ၢ်ဒ်အံၤအတၢ်စိတၢ်ကမီၤလၢကစံၣ်ညီၣ် တၢ်န့ၣ်မ့ၢ်တၢ်နီၢ်နီၢ်လီၤ. အဝဲဒၣ်မ့ၢ်ကစၢ်ကစၢ်ယွၤအခ့အပှၤ ဒီးဒုးလီၤဘၣ်ယွၤအတၢ်သးထီၣ်လၢပှၤလၢအမၤတၢ်အၢတၢ်သီ တဖၣ်အလိၤလီၤ.

လံာ်သိၣ်လီၤသီလီၤတၢ် 4:24

မ့ၢ်လၢ, ယွၤ, သုကစၢ်ယွၤန့ၣ်မၤအသးဒ်မ့ၣ်အူလၢအကဲၤကပျီၤ အသိးအဃိန့ၣ်လီၤ. အဝဲမ့ၢ်ကစၢ်ယွၤတဂၤလၢအသးက့ၣ်တၢ်န့ၣ်လီၤ.

လံာ်သိၣ်လီၤသီလီၤတၢ် 7:10

ဘၣ်ဆၣ်ဒီးအဝဲတမၤယံာ်မၤနီၣ်ဘၣ်အသးလၢကစံၣ်ညီၣ်ပှၤတဖၣ်လၢ အသးဟ့အီၤန့ၣ်ဘၣ်.

ဧ့ၤဘြံၤ 10:30

အဂ့ၢ်ဒ်အံၤပသ့ၣ်ညါပှၤလၢအစံးဝဲ, “တၢ်ဟ့ၣ်ကၣ်တၢ်မ့ၢ် ယတၢ်မၤဒီးယကဟ့ၣ်ကၣ်ဆၢက့ၤတၢ်လီၤ.” ပသ့ၣ်ညါစ့ၢ်ကီး ပှၤလၢအစံး, “ကစၢ်ကစံၣ်ညီၣ်အပှၤဂီၢ်မုၢ်” န့ၣ်လီၤ.

လံာ်စီၤယိၤၡူ 24:19

ဘၣ်ဆၣ်စီၤယိၤၡူစံးဘၣ်ပှၤဂီၢ်မုၢ်, “သုမၤယွၤအတၢ်တသ့ဘၣ်. အဂ့ၢ်ဒ်အံၤ, အဝဲမ့ၢ်ကစၢ်ယွၤလၢအစီဆှံဒီးတပျၢ်သုတၢ်ဒဲးဘးတဖၣ်န့ၣ်ဘၣ်. အဝဲမ့ၢ်ယွၤလၢအသးက့ၣ်,

၂ ပ့းတရူး 2:9

လၢတၢ်န့ၣ်အဃိ, ကစၢ်ယွၤသ့ၣ်ညါကျဲလၢအကမၤပူၤဖျဲးပှၤယူးယီၣ်ယွၤလၢ အတၢ်နးတၢ်ဖှီၣ်တဖၣ်အပူၤ, ဒီးကဟံးဃာ်ပှၤအအၢအသီတဖၣ်လၢတၢ်သိၣ်ဃီၣ် အပူၤတုၤလၢမုၢ်စံၣ်ညီၣ်အနံၤ,