လံာ်နၤဃူၣ် 1:13 - Sgaw Karen Common Bible

¹³ ဒီးခဲကနံၣ်အံၤယကမၤကတၢၢ်ကွံာ်ပှၤအၤၡူၢ်ဖိသ့ၣ်တဖၣ်အစိ အကမီၤလၢသုဖီခိၣ်ဒီးမၤတဲာ်ထးသွဲတဖၣ်လၢအစၢဃာ်သုန့ၣ် လီၤ.”

လံာ်နၤဃူၣ် 1:13 Iomraidhean Croise

စံးထီၣ်ပတြၢၤ 107:14

အဝဲဒၣ်စိာ်ထီၣ်ကွံာ်အဝဲသ့ၣ်လၢတၢ်ခံးတၢ်နၤ ဒီးတၢ်သူၣ်အုးသးအုးအဒိၣ်အဃိာ်အပူၤ, ဒီးမၤတဲာ်ကွံာ် အဝဲသ့ၣ်အထးသွဲတဖၣ်န့ၣ်လီး.

လံာ်ယၡါယၤ 10:27

ဖဲတၢ်ဆၢကတီၢ်အဝဲန့ၣ်ဟဲတုၤဒီး, ယကမၤထူၣ်ဖျဲးထီၣ်နၤလၢ ကီၢ်အၤၡူၢ်အစိအကမီၤအဖီလာ်, ဒီးအဝဲသ့ၣ်အနီၣ်ယိးဘိ တမ့ၢ်တၢ်ဝံတၢ်ယိးလၢသုဖံဘၣ်ခိၣ်တဖၣ်အလိၤလၢၤဘၣ်.”

လံာ်ယၡါယၤ 14:25

ယကမၤဟးဂီၤပှၤအၤၡူၢ်ဖိတဖၣ်လၢယကီၢ်အံၣ်စရ့လးအပူၤ ဒီးယီၢ်တံၢ်အဝဲသ့ၣ်လၢယကစၢၢ်တဖၣ်အဒီခိၣ်န့ၣ်လီၤ. ယကမၤထူၣ်ဖျဲးယပှၤဂီၢ်မုၢ်လၢပှၤအၤၡူၢ်ဖိတဖၣ်အနီၣ်ယိးဘိ ဒီးလၢတၢ်ဝံတၢ်ယိးတဖၣ်လၢအဝဲသ့ၣ်ဘၣ်ဝံတ့ၢ်ယိးတ့ၢ်ဝဲန့ၣ်လီၤ.

လံာ်ယၡါယၤ 9:4

အဂ့ၢ်ဒ်အံၤ, နမၤကၢ်တ့ၢ်နီၣ်ယိးဘိလၢအမၤဃၢမၤစံာ်အီၤ ဒီးနီၣ်တီၢ်လၢအတီၢ်အဝဲသ့ၣ်အဖံဘၣ်ခိၣ် တဖၣ်န့ၣ်လီၤ. နမၤနၢၤကွံာ်ပှၤကလုာ်လၢအမၤအၢမၤ နးဒီးဃုအဘျုးလၢနပှၤဂီၢ်မုၢ်အဖီခိၣ်, ဒ်နမၤနၢၤကွံာ်ကီၢ်မံးဒယၣ်အသုးမုၢ်လၢပျၢၤ အသိးန့ၣ်လီၤ.

လံာ်ယံးရမံယၤ 2:20

ယွၤပၢဘၣ်တၢ်ခဲလၢာ်ကစၢ်စံးဝဲ, “ကီၢ်အံၣ်စရ့လးဧၢ, နညိကွံာ်တ့ၢ်, ယတၢ်စိတၢ်ကမီၤလၢပျၢၤလံၤလံၤလီၤ. နဂ့ၢ်လိာ် လၢနကစူၢ်ယၤဒီးဘူၣ်ထီၣ်ဘါထီၣ်ယၤလီၤ. လၢတၢ်လူၢ်လၢ အထီကိးလူၢ်ဒဲးအလိၤဒီးလၢသ့ၣ်လၢအလါဟ့ကိးထူၣ်ဒဲးအဖီလာ် န့ၣ်, နဘူၣ်ထီၣ်ဘါထီၣ်ပှၤတစူၢ်တနာ်ယွၤ အကစၢ်တဖၣ်ဒီးမၤပှၤဃဲသဲမုၣ်အတၢ်မၤဖဲန့ၣ်လီၤ.

လံာ်ယံးရမံယၤ 5:5

ယကလဲၤဆူပှၤတဖၣ်လၢအအိၣ်စိအိၣ်ကမီၤအအိၣ် ဒီးကတိၤတၢ်ဒီးအဝဲသ့ၣ်လီၤ. သပှၢ်ကတၢၢ်, အဝဲသ့ၣ်, သ့ၣ်ညါအကစၢ်ယွၤလိၣ်ဘၣ်တၢ်မနုၤလဲၣ်, ဒီးယွၤသးအိၣ်လၢအဝဲသ့ၣ်ကမၤတၢ်မနုၤလဲၣ်န့ၣ်လီၤ.” ဘၣ်ဆၣ်ဒီး, အဝဲသ့ၣ်ခဲလၢာ်ညိကွံာ်ယွၤအတၢ်န့ၢ်စိန့ၢ်ကမီၤ ဒီးဂ့ၢ်လိာ်လၢကစူၢ်အီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:13

ယဲဒၣ်အံၤယမ့ၢ်ယွၤ, သုကစၢ်ယွၤလၢအဒုးဟးထီၣ်ကွံာ်သုလၢကီၢ်အဲၤကူပတူးပူၤ, ဒ်သိးသုသုတမ့ၢ်လၢၤအဝဲသ့ၣ်အကုၢ်အပှၤတဂ့ၤလီၤ. ဒီးယမၤကၢ်လံသုနီၣ်ယိးအဘိတဖၣ်ဒီးဒုးလဲၤသု တၢ်ထူၣ်ကလာ်လီၤ.”