လံာ်မၢ်ကူး 9:7 - Sgaw Karen Common Bible

⁷ ဒီးတၢ်အၢၣ်တလိၣ်အိၣ်ဖျါထီၣ်ဒီးအကဒုလီၤဘၣ်လၢအဝဲသ့ၣ် အဖီခိၣ်လီၤ. တၢ်ကလုၢ်သီၣ်ထီၣ်လၢတၢ်အၢၣ်အပူၤစံးဝဲ, “အဝဲတဂၤအံၤမ့ၢ်ယဖိခွါလၢယအဲၣ်အီၤလီၤ. ကနၣ်အကလုၢ်တက့ၢ်.”

လံာ်မၢ်ကူး 9:7 Iomraidhean Croise

စံးထီၣ်ပတြၢၤ 2:7

စီၤပၤစံးဝဲ, “ယကစံးကတိၤ ယွၤအတၢ်မၤလိာ်န့ၣ်လီၤ. အဝဲစံးဘၣ်ယၤ, နဲဒၣ်အံၤနမ့ၢ်ယဖိခွါ, မုၢ်မဆါတနံၤအံၤယကဲထီၣ်နပၢ်လံ.

စံးထီၣ်ပတြၢၤ 97:2

တၢ်အၢၣ်တဖၣ်ဒီးတၢ်ခံးတၢ်နၤအိၣ်ဝးတရံးအီၤ, အဝဲပၢတၢ်လၢတၢ်တီတၢ်လိၤဒီး တၢ်စံၣ်ညီၣ်တီန့ၣ်လီၤ.

လံာ်တၢ်ဟးထီၣ်ကွံာ် 24:16

ယွၤအိၣ်ဝဲဆိးဝဲအတၢ်ကပီၤကပြုၢ်ကပြီၤန့ၣ်ဟဲလီၤဝဲလၢကစၢၢ်အလိၤန့ၣ်လီၤ. လၢပှၤအံၣ်စရ့လးဖိတဖၣ်အဂီၢ်, တၢ်ကပီၤအံၤဖျါလီၤဂာ်ဒ်မ့ၣ်အူအီၣ်တၢ်လၢကစၢၢ်ဒီခိၣ်အသိးန့ၣ်လီၤ.

လံာ်တၢ်ဟးထီၣ်ကွံာ် 40:34

တုၤနုၤတစုတၢ်အၢၣ်ကးဘၢဒဲစီဆှံ, ဒီးကစၢ်ယွၤအိၣ်ဝဲ ဆိးဝဲအတၢ်ကပီၤကပြုၢ်ကပြီၤန့ၣ်မၤပှဲၤအီၤန့ၣ်လီၤ.

လံာ်ဒၤနံးယ့လး 7:13

အကတီၢ်လၢတၢ်ထံၣ်လၢညါခီအံၤလၢမုၢ်နၤန့ၣ်ယထံၣ်ဘၣ်တ့ၢ် တၢ်လီၤဂာ်ဒီးပှၤကညီဖိခွါတဂၤလီၤ. ဘၣ်တၢ်ကဝီၤဃးအီၤ လၢတၢ်အၢၣ်ဒီးသုးဘူးအသးဆူယအိၣ်ဒီးလဲၤဝဲဒၣ်ဆူပှၤ တဂၤလၢအအိၣ်မူတ့ၢ်ဝဲဒၣ်အထူအယိာ်အအိၣ်ဒီးဘၣ် တၢ်ဆှၢထီၣ်အီၤဆူအမဲာ်ညါန့ၣ်လီၤ.

လံာ်မးသဲ 27:43

အဝဲနာ်န့ၢ်ကစၢ်ယွၤဒီးစံးလီၤအသးလၢအမ့ၢ်ကစၢ်ယွၤအဖိခွါလီၤ. ဂ့ၤလံ. မ့မ့ၢ်ဒ်န့ၣ်ဒီးမ်ပကွၢ်သကိးတက့ၢ်. မ့ၢ်ယွၤကအဲၣ်ဒိး မၤပူၤဖျဲးအီၤခဲအံၤန့ၣ်ဧါ.”

လံာ်မးသဲ 27:54

တုၤသုးခိၣ်တဂၤဃုာ်ဒီးအသုးဖိလၢအအိၣ်ခိးကွၢ်ယ့ၣ်ၡူးတဖၣ်, ထံၣ်ဟီၣ်ခိၣ်ဟူးဒီးတၢ်ခဲလၢာ်လၢအမၤအသးတဖၣ်န့ၣ်, အဝဲသ့ၣ်အသူၣ်ပျံၤအသးဖုးဒီးစံး, “ပှၤအဝဲအံၤ မ့ၢ်နီၢ်နီၢ်ကစၢ်ယွၤအဖိခွါလီၤ.”

လံာ်မးသဲ 3:17

အန့ၣ်ဒီး တၢ်အကလုၢ်သီၣ်ထီၣ်လၢမူခိၣ်ဒီးစံး, “အအံၤမ့ၢ်ယဖိခွါဒၣ်ယဲလၢယအဲၣ်အီၤဒီးဘၣ်သူၣ်ဘၣ် သးယၤဒိၣ်မးတဂၤလီၤ.”

လံာ်မၢ်ကူး 1:11

ဒီးတၢ်ကလုၢ်သီၣ်ထီၣ်လၢမူခိၣ်လၢအစံးဝဲ, “နဲဒၣ်အံၤနမ့ၢ်ယဖိခွါလၢယအဲၣ်အီၤဒီးဘၣ်သူၣ်ဘၣ်သးယၤဒိၣ်မး တဂၤလီၤ.”

လံာ်မၢ်ကူး 9:6

စံးတၢ်ဒ်အံၤမ့ၢ်လၢကဘၣ်စံးမနုၤလဲၣ်န့ၣ်တသ့ၣ်ညါလၢၤဝဲဘၣ်ဒီး အဝဲသ့ၣ်ပျံၤတၢ်ဒိၣ်ဒိၣ်ကလဲာ်အဃိန့ၣ်လီၤ.

လံာ်မၢ်ကူး 9:8

သတူၢ်ကလာ်အဝဲသ့ၣ်ကွၢ်တရံးအကပိာ်ကပၤ, ဘၣ်ဆၣ်တထံၣ်လၢၤပှၤနီတဂၤဘၣ်ဒီးထံၣ်ဝဲထဲယ့ၣ်ၡူး တဂၤဧိၤအိၣ်ဒီးအဝဲသ့ၣ်န့ၣ်လီၤ.

လံာ်လူၤကၣ် 3:22

ဒီးသးစီဆှံဟဲလီၤလၢအလိၤအိၣ်ဒီးနီၢ်ခိအက့ၢ်အဂီၤဒ်ထိၣ်လွံၢ် တဘ့ၣ်အသိးန့ၣ်လီၤ. ဒီးတၢ်ကလုၢ်သီၣ်လီၤလၢမူခိၣ်ဒီးစံးဝဲ, “နဲဒၣ်အံၤနမ့ၢ်ယဖိခွါဒၣ်ယဲလၢယအဲၣ်အီၤတဂၤလီၤ. ယဘၣ်သူၣ်ဘၣ်သးနၤဒိၣ်မးလီၤ.”

လံာ်ယိၤဟၣ် 1:34

ယထံၣ်ဘၣ်ယဲလံဒီးယစံးဘၣ်တဲဘၣ်သုလၢ အဝဲတဂၤအံၤမ့ၢ်ကစၢ်ယွၤအဖိခွါန့ၣ်လီၤ.”

လံာ်ယိၤဟၣ် 1:49

စီၤနၤသန့လးစံးဆၢတၢ်ဒီးစံးဝဲ, “သရၣ်ဧၢ, နဲဒၣ်အံၤနမ့ၢ်ကစၢ်ယွၤ အဖိခွါ, နမ့ၢ်အံၣ်စရ့လးအစီၤပၤန့ၣ်လီၤ.”

လံာ်ယိၤဟၣ် 12:28

ပၢ်ဧၢ, မၤလၤကပီၤနမံၤတက့ၢ်.” အန့ၣ်ဒီးတၢ်ကလုၢ်သီၣ်လီၤလၢ မူခိၣ်ဒီးစံးဝဲ, “ယမၤလၤကပီၤအီၤလံ. ဒီးယကမၤလၤကပီၤကဒီး အီၤန့ၣ်လီၤ.”

လံာ်ယိၤဟၣ် 19:7

အန့ၣ်ဒီး, ပှၤယူဒၤဖိတဖၣ်စံးဆၢတၢ်ဒီးစံးဝဲ, “မ့ၢ်လၢအဝဲစံးလီၤ အသးလၢအမ့ၢ်ကစၢ်ယွၤအဖိခွါအဃိဒီး, ဒ်ပတၢ်သိၣ်တၢ်သီတထံၣ်အိၣ်ဝဲအသိး, အဝဲကြၢးသံဝဲဒၣ်န့ၣ်လီၤ.”

လံာ်ယိၤဟၣ် 20:31

ဘၣ်ဆၣ်တၢ်သ့ၣ်တဖၣ်အံၤဘၣ်တၢ်ကွဲးဃာ်အီၤ, မ့ၢ်ဒ်သိးသုကနာ်လၢယ့ၣ်ၡူးမ့ၢ်ခရံာ်, ကစၢ်ယွၤအဖိခွါ, ဒီးခီဖျိသုတၢ်နာ်အီၤန့ၣ်, သုကန့ၢ်ဘၣ်တၢ်မူအဂီၢ်န့ၣ်လီၤ.

လံာ်ယိၤဟၣ် 5:18

တၢ်ကတိၤအံၤမၤဆူၣ်မၤကိၤထီၣ်ပှၤယူဒၤဖိအခိၣ်အနၢ်တဖၣ် အသးအါန့ၢ်အလီၢ်လၢအကမၤသံကွံာ်ယ့ၣ်ၡူး, တမ့ၢ်ထဲလၢအဝဲလုၣ်သ့ၣ်ခါပတာ်မုၢ်အိၣ်ဘှံးနံၤတၢ်သိၣ် တၢ်သီဧိၤဘၣ်. မ့မ့ၢ်, မ့ၢ်လၢအဝဲစံးစ့ၢ်ကီးဝဲလၢ ကစၢ်ယွၤမ့ၢ်အပၢ်ဒၣ်ဝဲဒီးပာ်အသးထဲသိးဒီးယွၤအဃိ န့ၣ်လီၤ.

လံာ်ယိၤဟၣ် 5:37

ဒီးပၢ်လၢအမၢလီၤယၤန့ၣ်အုၣ်စ့ၢ်ကီးအသးလၢယဂီၢ်လီၤ. သုတနၢ်ဟူဘၣ်အကလုၢ်ဒီးထံၣ်ဘၣ်အမဲာ်နီတဘျီဘၣ်.

လံာ်ယိၤဟၣ် 6:69

ဒီးခဲအံၤပနာ်ဒီးသ့ၣ်ညါလၢနမ့ၢ်ပှၤစီဆှံတဂၤ လၢအဟဲလၢကစၢ်ယွၤအအိၣ်န့ၣ်လီၤ.”

လံာ်ယိၤဟၣ် 9:35

ယ့ၣ်ၡူးနၢ်ဟူလၢပှၤဟီထီၣ်ကွံာ်အီၤဒီးဖဲအဝဲထံၣ်န့ၢ် ပှၤတဂၤအံၤန့ၣ်သံကွၢ်အီၤဒီးစံး, “နစူၢ်က့ၤနာ်က့ၤပှၤကညီဖိခွါဧါ.”

မၤတၢ် 1:9

အဝဲဒၣ်စံးတၢ်အံၤဝံၤဒီးတၢ်ဟံးထီၣ်အီၤဆူမူခိၣ်, ဒီးဖဲအပျဲၢ်အဘီၣ်တဖၣ်ကွၢ်စူၣ်အီၤအဖၢမုၢ်န့ၣ်, တၢ်အၢၣ်တလိၣ်မၤဘၢကွံာ်အီၤဒီးအဝဲသ့ၣ်တထံၣ်အီၤလၢၤဘၣ်.

မၤတၢ် 7:37

စီၤမိၤၡ့မ့ၢ်ပှၤလၢအစံးဘၣ်ပှၤအံၣ်စရ့လးဖိတဖၣ်, ‘ကစၢ်ယွၤကမၢလီၤဝံတဂၤလၢအကဟဲဆူသုအိၣ်, ဒ်အမၢလီၤယၤအသိး, ဒီးအဝဲဒၣ်ကမ့ၢ်ပှၤလၢ သုပှၤကလုာ်ဒၣ်ဝဲအကျါတဂၤလီၤ.’

မၤတၢ် 8:36

ဒီးဖဲအလဲၤကဒီးဆူညါအဖၢမုၢ်န့ၣ်, အဝဲသ့ၣ်တုၤဃီၤဝဲဒၣ်လၢထံအိၣ်အလီၢ်တတီၤ, ဒီးပဒိၣ်န့ၣ်စံးဝဲ, “ထံအိၣ်ဖဲအံၤလီၤ. ယမ့ၢ်အဲၣ်ဒိးဒိးဘျၢယသးလၢထံဒီး, တၢ်လၢကတြီယကျဲမ့ၢ်အအိၣ်တမံၤမံၤဧါ.”

ရိမ့ၤ 1:4

မ့မ့ၢ်ယွၤအတၢ်စီတၢ်ဆှံလၢအအိၣ်လၢအပူၤန့ၣ်, ပာ်ဖျါထီၣ်အီၤဒ်အမ့ၢ်ကစၢ်ယွၤအဖိခွါအိၣ်ဒီးတၢ်စိတၢ် ကမီၤဖးဒိၣ်, ခီဖျိတၢ်ဒုးဂဲၤဆၢထၢၣ်က့ၤအီၤလၢတၢ်သံ အပူၤန့ၣ်လီၤ.

ဧ့ၤဘြံၤ 2:1

လၢတၢ်န့ၣ်အဃိပကဘၣ်ဟံးဃာ်တၢ်မ့ၢ်တၢ်တီလၢပနၢ်ဟူ တ့ၢ်လံတဖၣ်ကျၢၤန့ၢ်အလီၢ်တက့ၢ်ဒ်သိးဒီးပသုတဘၣ် တၢ်စိာ်ကွံာ်ပှၤတဂ့ၤအဂီၢ်န့ၣ်လီၤ.

၂ ပ့းတရူး 1:17

ဖဲပၢ်ကစၢ်ယွၤဟ့ၣ်လီၤအီၤတၢ်ပာ်ဒိၣ်ပာ်ထီဒီးတၢ်လၤကပီၤ အဆၢကတီၢ်, ဒီးဖဲယွၤလၢအလၤကပီၤဒိၣ်စိတဂၤအကလုၢ် ဟဲတုၤအိၣ်အီၤဒီး စံးဝဲ, “အအံၤမ့ၢ်ယဖိခွါဒၣ်ယဲလၢယအဲၣ်အီၤဒီးဘၣ်ယသး လၢအီၤဒိၣ်မးလီၤ” အဆၢကတီၢ်န့ၣ်, ပအိၣ်ဖဲန့ၣ်လီၤ.

၁ ယိၤဟၣ် 5:20

ပသ့ၣ်ညါလၢကစၢ်ယွၤအဖိခွါဟဲဝဲဒီးဟ့ၣ်တ့ၢ်လံ ပှၤတၢ်သ့ၣ်ညါနၢ်ပၢၢ်, ဒ်သိးပကသ့ၣ်ညါကစၢ်ယွၤ အမ့ၢ်အတီတဂၤအဂီၢ်န့ၣ်လီၤ. ပအိၣ်မူလၢကစၢ်ယွၤ အမ့ၢ်အတီတဂၤအံၤအပူၤ, လၢအဖိခွါယ့ၣ်ၡူးခရံာ် အပူၤန့ၣ်လီၤ. အအံၤမ့ၢ်ကစၢ်ယွၤနီၢ်နီၢ်, ဒီးအအံၤမ့ၢ် တၢ်မူအထူအယိာ်လီၤ.

လံာ်လီၣ်ဖျါ 1:7

ကွၢ်ကွၢ်အဝဲဒၣ်ဟဲဝဲလၢတၢ်အၢၣ်တဖၣ်အဖီခိၣ်လီၤ. ပှၤကိးဂၤဒဲးဃုာ်ဒီးပှၤလၢအဆဲးဖျိဒီးမၤသံအီၤ တဖၣ်ကထံၣ်ဘၣ်အီၤလီၤ. ပှၤလၢဟီၣ်ခိၣ်ချၢကိးကလုာ်ဒဲး ကဟီၣ်ကယၢၤလၢအဝဲဒၣ်အဃိန့ၣ်လီၤ. မ်တၢ်ကမၤဒၣ်ဝဲအသးဒ်န့ၣ်အသိးတက့ၢ်.