လံာ်မၢ်ကူး 9:5 - Sgaw Karen Common Bible

⁵ စီၤပ့းတရူးကတိၤထီၣ်တၢ်ဒီးစံးဘၣ်ယ့ၣ်ၡူး, “သရၣ်ဧၢ, ပဟဲအိၣ်ဘၣ်ဖဲအံၤဂ့ၤဒိၣ်မးလီၤ. မ်ပကဘှီထီၣ်ဒဲသၢဖျၢၣ်, တဖျၢၣ်လၢနဂီၢ်, တဖျၢၣ်လၢစီၤမိၤၡ့အဂီၢ်, ဒီးတဖျၢၣ်လၢဝံအ့ၤလံယၤအဂီၢ်တက့ၢ်.”

လံာ်မၢ်ကူး 9:5 Iomraidhean Croise

စံးထီၣ်ပတြၢၤ 84:10

အဂ့ၢ်ဒ်အံၤ, ပအိၣ်ပဆိးလၢနဂၢၤတဖၣ်အပူၤတနံၤန့ၣ်, ဂ့ၤန့ၢ်ပအိၣ်ပဆိးလၢတၢ်လီၢ်အဂၤ အနံၤတကထိတက့ၢ်လီၤ. ယဃုထၢတၢ်ပၢၤကျဲစၢၤအလီၢ်လၢ ယကစၢ်ယွၤအဟံၣ်ပူၤန့ၣ် ဂ့ၤဒိၣ်န့ၢ် ယအိၣ်ယဆိးလၢပှၤတတီတလိၤ အဟံၣ်တဖၣ်အပူၤတက့ၢ်လီၤ.

လံာ်မးသဲ 17:4

ဒီးစီၤပ့းတရူးစံးဘၣ်ယ့ၣ်ၡူး, “ကစၢ်ဧၢ, ပအိၣ်ဘၣ်ဖဲအံၤဂ့ၤမးလီၤ. နသးမ့ၢ်အိၣ်ဒီး ယကဘှီထီၣ်ဒဲသၢဖျၢၣ်ဖဲအံၤ, တဖျၢၣ်လၢနဂီၢ်, တဖျၢၣ်လၢစီၤမိၤၡ့အဂီၢ်, ဒီးတဖျၢၣ်လၢစီၤအ့ၤလံယၤအဂီၢ်လီၤ.”

လံာ်မးသဲ 23:7

အဝဲသ့ၣ်အဲၣ်ဒိးပှၤပာ်ဖျါပှၤအတၢ်ယူးယီၣ်အီၤဖဲပှၤထံၣ် အီၤလၢတၢ်ဆါတၢ်ပှ့ၤအလီၢ်, ဒီးအဲၣ်ဒိးပှၤကိးအီၤလၢသရၣ်န့ၣ်လီၤ.

လံာ်မးသဲ 23:8

မ့မ့ၢ်သုဝဲန့ၣ်, တဘၣ်ပျဲပှၤကိးသုလၢသရၣ်တဂ့ၤ. အဂ့ၢ်ဒ်အံၤ သုမ့ၢ်ဒၣ်ဒီပုၢ်ဝဲၢ်ခဲလၢာ်, ဒီးသုသရၣ်အိၣ်ဒၣ်ထဲတဂၤလီၤ.

လံာ်မၢ်ကူး 9:4

အန့ၣ်ဒီး, အပျဲၢ်အဘီၣ်သၢဂၤထံၣ်ဘၣ်ဝဲဝံအ့ၤလံယၤဒီး စီၤမိၤၡ့ဟဲအိၣ်ဖျါထီၣ်ဒီးကတိၤသကိးတၢ်ဒီးယ့ၣ်ၡူးလီၤ.

လံာ်မၢ်ကူး 9:6

စံးတၢ်ဒ်အံၤမ့ၢ်လၢကဘၣ်စံးမနုၤလဲၣ်န့ၣ်တသ့ၣ်ညါလၢၤဝဲဘၣ်ဒီး အဝဲသ့ၣ်ပျံၤတၢ်ဒိၣ်ဒိၣ်ကလဲာ်အဃိန့ၣ်လီၤ.

လံာ်လူၤကၣ် 9:33

ဖဲပှၤသ့ၣ်တဖၣ်န့ၣ်ဟးထီၣ်ကွံာ်လၢယ့ၣ်ၡူးအဃၢၤန့ၣ်, စီၤပ့းတရူးစံးဘၣ်ယ့ၣ်ၡူး, “ကစၢ်ဧၢ, ပအိၣ်ဖဲအံၤန့ၣ်မ့ၢ်တၢ်လၢအဂ့ၤမးလီၤ. မ်ပကဘှီထီၣ်ဒဲသၢဖျၢၣ်, တဖျၢၣ်လၢနဂီၢ်, တဖျၢၣ်လၢစီၤမိၤၡ့အဂီၢ်ဒီးတဖျၢၣ်လၢစီၤအ့ၤလံယၤအဂီၢ်န့ၣ်တက့ၢ်. (နီၢ်နီၢ်န့ၣ်အဝဲစံးတၢ်မနုၤလဲၣ်န့ၣ်တသ့ၣ်ညါဝဲဘၣ်)

လံာ်ယိၤဟၣ် 4:31

အကတီၢ်ဖဲန့ၣ်, အပျဲၢ်အဘီၣ်တဖၣ်ဃ့ကညးယ့ၣ်ၡူးဒီးစံး, “သရၣ်ဧၢ, အီၣ်တၢ်တက့ၢ်.”

ဖံလံးပံၤ 1:23

ယဘၣ်တၢ်ဆီၣ်သနံးယၤလၢတၢ်ခံမံၤအဘၢၣ်စၢၤလီၤ. ယသးအိၣ်ဒိၣ်မးလၢယကပာ်တီၢ်တၢ်အိၣ်မူအံၤဒီးက့ၤအိၣ်မူဘၣ် ဒီးခရံာ်လီၤ. အန့ၣ်မ့ၢ်တၢ်လၢအဂ့ၤဒိၣ်ဒၣ်တၢ်တက့ၢ်လီၤ.

၁ ယိၤဟၣ် 3:2

ယတံၤသကိးသးဘိသ့ၣ်ဧၢ, ခဲအံၤပမ့ၢ်ကစၢ်ယွၤအဖိ တဖၣ်လီၤ. ဘၣ်ဆၣ်ဒီးပကမ့ၢ်တၢ်ဒ်လဲၣ်ဒ်လဲၣ်န့ၣ်, တၢ်တဒုးသ့ၣ်ညါပှၤဒံးဘၣ်. ဘၣ်ဆၣ်ဒီး, ပသ့ၣ်ညါလၢဖဲခရံာ်အိၣ်ဖျါထီၣ်န့ၣ်, ပကလီၤဂာ်ဒီးအီၤမ့ၢ်လၢ ပကထံၣ်အီၤဒ်အဝဲမ့ၢ်တၢ်နီၢ်နီၢ်အသိးအဃိန့ၣ်လီၤ.