လံာ်မၢ်ကူး 9:47 - Sgaw Karen Common Bible

⁴⁷ ဒီးလၢနမဲာ်ချံအဃိနတၢ်စူၢ်တၢ်နာ်မ့ၢ်ဟးဂီၤကွံာ်ဒီး, အူခွဲးထီၣ်ကွံာ်အီၤတက့ၢ်. နကနုာ်လီၤဘၣ်ဆူယွၤအဘီအမုၢ်အပူၤအိၣ်ဒီးနမဲာ်ချံတခီန့ၣ်, ဂ့ၤန့ၢ်ဒံးနကအိၣ်ဒီးနမဲာ်ချံခံခီလၢာ်ဒီးနကဘၣ်တၢ်ကွံာ် လီၤနၤဆူလရာ်အပူၤန့ၣ်လီၤ.

လံာ်မၢ်ကူး 9:47 Iomraidhean Croise

လံာ်တၢ်ကဲထီၣ်အခီၣ်ထံး 3:6

ဒီးပိာ်မုၣ်န့ၣ်ထံၣ်ဝဲလၢသ့ၣ်တထံးန့ၣ်ဃံလၤဝဲဒီးအသၣ်န့ၣ် တၢ်မ့ၢ်အီၣ်ဘၣ်ဒီးကဝံၣ်ဝဲဆံးဒိၣ်လဲၣ်ဒီးပိာ်မုၣ်န့ၣ်ဆိ ကမိၣ်ကွၢ်ဝဲလၢအဝဲမ့ၢ်ကူၣ်သ့ကူၣ်ဘၣ်ထီၣ်ဒီးကမုာ်သူၣ်မုာ်သး ဆံးဒိၣ်လဲၣ်န့ၣ်လီၤ. လၢတၢ်န့ၣ်အဃိအဝဲဟံးန့ၢ်သ့ၣ်သၣ်တနီၤဒီးအီၣ်ဝဲ ဒၣ်လီၤ. ဒီးဟ့ၣ်လီၤအဝၤတနီၤဒီးအဝဲဒၣ်စ့ၢ်ကီးအီၣ်ဝဲလီၤ.

လံာ်စီၤယိၤဘး 31:1

ယမၤတ့ၢ်လံတၢ်အၢၣ်လီၤအီလီၤလၢယတကွၢ်မုၣ်လိၣ်ဘိ လၢတၢ်သးကတၢအပူၤနီတဘျီလၢၤဘၣ်.

စံးထီၣ်ပတြၢၤ 119:37

ဒုးဃၣ်ကွံာ်ယမဲာ်လၢတၢ်ကွၢ်တၢ်ကလီကလီ ဒီးဟ့ၣ်လၢ်ယၤတၢ်မူလၢ နကျဲဧိၤကပူၤဧိၤန့ၣ်တက့ၢ်.

လံာ်မးသဲ 18:9

ဒီးနမဲာ်ချံမ့ၢ်မၤဟးဂီၤနတၢ်စူၢ်တၢ်နာ်ဒီး, ခွဲးထုးထီၣ်ကွံာ်ဒီးစူးကွံာ်အီၤတက့ၢ်. နလဲၤနုာ်ဆူတၢ်မူအပူၤအိၣ်ဒီးနမဲာ်ချံတခီန့ၣ်, ဂ့ၤဒိၣ်န့ၢ်ဒံးနဘၣ်တၢ်တ့ၢ်လီၤကွံာ်နၤဆူလရာ်အမ့ၣ်အူအပူၤ, အိၣ်ဒီးနမဲာ်ချံခံခီလၢာ်တက့ၢ်လီၤ.

လံာ်မးသဲ 5:22

မ့မ့ၢ်ခဲအံၤယစံးဘၣ်သုလၢပှၤတဂၤလၢ်လၢ်လၢအသူၣ်ဒိၣ်သး ဖျိးအဒီပုၢ်ဝဲၢ်ပှၤစူၢ်က့ၤနာ်က့ၤတၢ်န့ၣ်, ကဘၣ်တၢ်ဆှၢထီၣ်အီၤလၢစံၣ်ညီၣ်ကွီၢ်အတၢ်သမံသမိးအဂီၢ်, ဒီးပှၤတဂၤလၢ်လၢ်လၢအကတိၤဒုၣ်ဒွဲၣ်အဒီပုၢ်ဝဲၢ်ပှၤစူၢ်က့ၤ နာ်က့ၤတၢ်န့ၣ်, ကဘၣ်တၢ်ဆှၢထီၣ်အီၤဆူပှၤယူဒၤဖိအပှၤဒိၣ်ပှၤပှၢ်တဖၣ်အကီၣ် ကးလီၤ. ပှၤတဂၤလၢ်လၢ်လၢအကိးအဒီပုၢ်ဝဲၢ်ပှၤစူၢ်က့ၤနာ်က့ၤတၢ်လၢ ပှၤဟးဂီၤဖိန့ၣ်, ဂ့ၤဘၣ်တၢ်ဆှၢအီၤဆူလရာ်မ့ၣ်အူအပူၤလီၤ.

လံာ်မၢ်ကူး 9:43

သတးဒီး, လၢနစုအဃိနတၢ်စူၢ်တၢ်နာ်မ့ၢ်ဟးဂီၤကွံာ်ဒီးဒီၣ်တဲာ်ကွံာ် အီၤတက့ၢ်. နကနုာ်လီၤဘၣ်ဆူတၢ်မူအထူအယိာ်အပူၤအိၣ်ဒီးနစု တူာ်တခီန့ၣ်, ဂ့ၤန့ၢ်ဒံးနကအိၣ်ဒီးနစုခံခီလၢာ်ဒီးနကလဲၤဆူလရာ်အပူၤ, ဖဲမ့ၣ်အူကဲၤတလီၤပံာ်နီတစုဘၣ်န့ၣ်လီၤ.

လံာ်မၢ်ကူး 9:46

(ဒီးဖဲန့ၣ် လၢၣ်လၢအအီၣ်အဝဲသ့ၣ်အညၣ် တသံနီတစုဘၣ်. ဒီးမ့ၣ်အူလၢအအီၣ်အဝဲသ့ၣ်န့ၣ် တၢ်မၤလီၤပံာ်ကွံာ်အီၤတန့ၢ်နီတစုဘၣ်.)

လံာ်လူၤကၣ် 14:26

ပှၤတဂၤလၢ်လၢ်လၢအဟဲဆူယအိၣ်န့ၣ်, မ့တမ့ၢ်လၢအဝဲဒၣ်အဲၣ်ယၤအါန့ၢ်အပၢ်, ဒီးအမိၢ်, အမါဒီးအဖိအလံၤတဖၣ်, အဒီပုၢ်ဝဲၢ်ခွါတဖၣ်, ဒီးအဒီပုၢ်ဝဲၢ်မုၣ်တဖၣ်, ဒီးအနီၢ်ကစၢ်ဒၣ်ဝဲစ့ၢ်ကီးဘၣ်ဒီး, ကဲယပျဲၢ်ယဘီၣ်တသ့ဘၣ်.

လံာ်ယိၤဟၣ် 3:3

ယ့ၣ်ၡူးစံးဝဲ, “ယတဲဘၣ်နၤတီတီလိၤလိၤ, ပှၤမ့ၢ်တအိၣ်ဖျဲၣ်ကဒီးတစုဘၣ်ဒီး, ပှၤထံၣ်ဘၣ်ကစၢ်ယွၤအဘီအမုၢ်တသ့ဘၣ်.”

လံာ်ယိၤဟၣ် 3:5

ယ့ၣ်ၡူးစံးဆၢဝဲ, “ယတဲဘၣ်နၤတီတီလိၤလိၤ, ပှၤမ့ၢ်တအိၣ်ဖျဲၣ်လၢထံဒီးယွၤအသးန့ၣ်ဘၣ်ဒီးပှၤလဲၤနုာ် ဆူကစၢ်ယွၤအဘီအမုၢ်အပူၤတသ့နီတဂၤဘၣ်.

ကလၤတံ 4:15

သုသူၣ်ခုသးခုတ့ၢ်ဒိၣ်မးလီၤ. အခဲအံၤတၢ်မနုၤမၤအသး န့ၣ်လဲၣ်. ယကစၢ်ဒၣ်ယဲယစံးသ့လၢသုအူခွဲးထီၣ်သုမဲာ်ချံ တဖၣ်မ့ၢ်သ့ဒီးသုကအူခွဲးထီၣ်ဒီးဟ့ၣ်လီၤယၤန့ၣ်လီၤ.