လံာ်မၢ်ကူး 9:35 - Sgaw Karen Common Bible

³⁵ ယ့ၣ်ၡူးဆ့ၣ်နီၤဝဲ, ကိးဃီၤအပျဲၢ်အဘီၣ်တဆံခံဂၤန့ၣ်ဆူအအိၣ်ဒီးစံးဘၣ်အဝဲသ့ၣ်, “ပှၤတဂၤလၢ်လၢ်လၢအအဲၣ်ဒိးတၢ်လီၢ်တၢ်လၤအဒိၣ်ကတၢၢ်န့ၣ်, ကဘၣ်ဟံးန့ၢ်တၢ်လီၢ်တၢ်လၤအဆံးကတၢၢ်ဒီးကဘၣ်ကဲပှၤကိးဂၤဒဲး အခ့အပှၤလီၤ.”

လံာ်မၢ်ကူး 9:35 Iomraidhean Croise

တၢ်ကတိၤဒိ. 13:10

တၢ်ပာ်ထီၣ်ထီသးန့ၣ်ဒုးအိၣ်ထီၣ်ဒၣ်ထဲတၢ်ကီတၢ်ခဲဧိၤန့ၣ်လီၤ. မ့မ့ၢ်ပှၤလၢအတူၢ်လိာ်တၢ်ဟ့ၣ်ကူၣ်န့ၣ်, မ့ၢ်တၢ်ကူၣ်သ့ဒိၣ်ဒၣ်တၢ် တက့ၢ်လီၤ.

လံာ်ယံးရမံယၤ 45:5

မ့ၢ်နဃုထံၣ်န့ၢ်တၢ်လၢကမၤန့ၢ်နၤ တၢ်လီၤလီၤဆီ ဆီလၢနဂီၢ်န့ၣ်ဧါ. မၤဒ်န့ၣ်တဂ့ၤ. ယဟဲစိာ်တၢ်တတၢးတနါလၢ ဟီၣ်ခိၣ်ဖိခဲလၢာ် အဖီခိၣ်လီၤ. ဘၣ်ဆၣ်ဒီး, အစှၤကတၢၢ်နသးသမူ ကပူၤဖျဲးဝဲဖဲနလဲၤတၢ်တပူၤလၢ်လၢ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်မးသဲ 23:11

ပှၤအဒိၣ်ကတၢၢ်လၢသုကျါန့ၣ်, ကဘၣ်ကဲထီၣ်သုခ့သုပှၤလီၤ.

လံာ်မၢ်ကူး 9:36

အန့ၣ်ဝံၤအဝဲဒၣ်ဟံးန့ၢ်ဖိသၣ်ဆံးတဂၤဒီးဒုးဆၢထၢၣ်အီၤလၢ အဝဲသ့ၣ်အမဲာ်ညါလီၤ. ဒီးဖိးဃာ်အီၤလၢအစုဝံၤစံးဘၣ်အဝဲသ့ၣ် တဖၣ်န့ၣ်,

လံာ်လူၤကၣ် 18:14

ယ့ၣ်ၡူးစံးဝဲ, “ယစံးဘၣ်တဲဘၣ်သု, ပှၤဃ့သွဲတဂၤအံၤ, ဒီးတမ့ၢ်ပှၤဖၤရံၤၡဲတဂၤဘၣ်န့ၣ်, တီဝဲလိၤဝဲလၢကစၢ်ယွၤအမဲာ်ညါဖဲအဝဲဒၣ်က့ၤဆူဟံၣ်န့ၣ်လီၤ. အဂ့ၢ်ဒ်အံၤ, ကယဲၢ်ပှၤလၢအပာ်ထီၣ်ထီအသးတဂၤလၢ်လၢ်န့ၣ်, ကဘၣ်တၢ်ဆီၣ်လီၤအီၤဒီးကယဲၢ်ပှၤလၢအဆီၣ်လီၤအသးတဂၤ လၢ်လၢ်န့ၣ်, ကဘၣ်တၢ်ပာ်ထီၣ်ထီအီၤလီၤ.”

လံာ်လူၤကၣ် 22:26

ဘၣ်ဆၣ်ဒီးသုဝဲသ့ၣ်တဖၣ်, သုတမ့ၢ်ဒ်န့ၣ်အသိးဘၣ်. မ့မ့ၢ်, ပှၤအဒိၣ်ကတၢၢ်လၢသုကျါကဘၣ်မ့ၢ်ဝဲဒ်ပှၤအဆံးကတၢၢ်တဂၤ အသိး, ဒီးပှၤအခိၣ်ကဘၣ်မ့ၢ်ဝဲဒ်တၢ်ခ့တၢ်ပှၤတဂၤအသိးန့ၣ်လီၤ.

ယၤကိာ် 4:6

ဘၣ်ဆၣ်ဒီး, တၢ်ဘျုးတၢ်ဖှိၣ်လၢကစၢ်ယွၤဟ့ၣ်လီၤအံၤ အဂံၢ်အဘါဆူၣ်ဒိၣ်ဒၣ်တၢ်တက့ၢ်လီၤ. ဒ်တၢ်ကွဲးအသးစံးဝဲ အသိး, “ယွၤထီဒါပှၤပာ်ထီၣ်ထီအသး, ဘၣ်ဆၣ်ဟ့ၣ်လီၤတၢ်ဘျုးတၢ်ဖှိၣ်လၢပှၤလၢအဆီၣ်လီၤအသးလီၤ.”