လံာ်မၢ်ကူး 9:33 - Sgaw Karen Common Bible

³³ အဝဲသ့ၣ်လဲၤတုၤဝ့ၢ်ကပ့းရနီၣ်ဒီးတုၤအလဲၤနုာ်လီၤဆူ ဟံၣ်ပူၤဝံၤန့ၣ်ယ့ၣ်ၡူးသံကွၢ်အပျဲၢ်အဘီၣ်တဖၣ်, “ဖဲသုဟဲလၢကျဲအဖၢမုၢ်န့ၣ်, သုဂ့ၢ်လိာ်ဘှီလိာ်သုသးလၢတၢ်ဂ့ၢ်မနုၤတမံၤလဲၣ်.”

လံာ်မၢ်ကူး 9:33 Iomraidhean Croise

လံာ်မးသဲ 17:24

တုၤယ့ၣ်ၡူးဒီးအပျဲၢ်အဘီၣ်တဖၣ်ဟဲတုၤဆူဝ့ၢ်ကပ့းရနီၣ်ဒီး, ပှၤထၢတၢ်အခိအသွဲလၢတၢ်လုၢ်ဟံၣ်အဂီၢ်တဖၣ်, ဟဲဆူစီၤပ့းတရူးအအိၣ်ဒီးစံး, “သုသရၣ်န့ၣ်ဟ့ၣ်တၢ်လုၢ်ဟံၣ်အခိအသွဲကစီဒီဧါ.”

လံာ်မၢ်ကူး 2:8

တဘျီဃီယ့ၣ်ၡူးသ့ၣ်ညါတၢ်လၢအဝဲသ့ၣ်ဆိကမိၣ်ဝဲလၢအသး ကံၢ်ပူၤဒီးစံးဘၣ်အဝဲသ့ၣ်, “ဘၣ်မနုၤသုဘၣ်အိၣ်ဒီးတၢ်ဆိကမိၣ်ဒ်သိးအံၤတဖၣ်လၢသုသး ကံၢ်ပူၤန့ၣ်လဲၣ်.

လံာ်မၢ်ကူး 3:19

ဒီးစီၤယူဒၤအံၣ်စကၤရံၤအိာ်, လၢအဟ့ၣ်လီၤကွံာ်ယ့ၣ်ၡူးဆူဒုၣ်ဒါ အစုပူၤန့ၣ်လီၤ.

လံာ်ယိၤဟၣ် 2:25

ဒီးအလီၢ်တအိၣ်လၢပှၤတဂၤဂ့ၤတဂၤဂ့ၤကစံးဘၣ်တဲဘၣ် အီၤလၢပှၤကညီအဂ့ၢ်န့ၣ်ဘၣ်. အဂ့ၢ်ဒ်အံၤ, အနီၢ်ကစၢ်ဒၣ်ဝဲသ့ၣ်ညါတၢ်လၢအအိၣ်လၢ ပှၤကညီအသးကံၢ်ပူၤန့ၣ်လီၤ.

လံာ်ယိၤဟၣ် 21:17

ယ့ၣ်ၡူးစံးဘၣ်အီၤပှဲၤထီၣ်သၢဘျီတဘျီ, “စီၤယိၤနါအဖိခွါ စီၤၡံမိၣ်ဧၢ, မ့ၢ်နအဲၣ်ယၤဧါ.” ယ့ၣ်ၡူးသံကွၢ်အီၤ, မ့ၢ်နအဲၣ် ယၤဧါ. ပှဲၤထီၣ်သၢဘျီတဘျီအဃိဒီး, စီၤပ့းတရူးအသးတမုာ်ဝဲဘၣ်ဒီးစံးဘၣ်ယ့ၣ်ၡူး, “ကစၢ်ဧၢ, နသ့ၣ်ညါတၢ်ခဲလၢာ်လီၤ. နသ့ၣ်ညါလၢယအဲၣ်နၤလီၤ.” ယ့ၣ်ၡူးစံးဘၣ်အီၤ, “လုၢ်အီၣ်လုၢ်အီယသိတက့ၢ်.

ဧ့ၤဘြံၤ 4:13

တၢ်ဘၣ်တ့အိၣ်ခူသူၣ်လၢကစၢ်ယွၤအမဲာ်ညါတသ့နီတမံၤ ဘၣ်. အိၣ်ဘ့ၣ်ဆ့လၢကစၢ်ယွၤလၢပကဘၣ်ဟ့ၣ်ထီၣ် က့ၤတၢ်စံးဆၢလၢပတၢ်ဖံးတၢ်မၤအဂီၢ်တဂၤအမဲာ်ညါခဲလၢာ်လီၤ.

လံာ်လီၣ်ဖျါ 2:23

ယကမၤသံစ့ၢ်ကီးအဝဲဒၣ်အပျဲၢ်အဘီၣ်တဖၣ်, ဒီးတုၤနုၤတစု, တၢ်အိၣ်ဖှိၣ်ကိးဖုဒဲးကသ့ၣ်ညါလၢယမ့ၢ်ပှၤတဂၤလၢအသ့ၣ် ညါပှၤကိးဂၤဒဲးအတၢ်ဆိကမိၣ်ဆိကမးဒီးအတၢ်ဆၢမိၣ်န့ၢ် သးလီတဖၣ်န့ၣ်လီၤ. ယကဟ့ၣ်ကၣ်သုဝဲတဂၤဘၣ်တဂၤ, ဒ်တၢ်ဖံးတၢ်မၤလၢအမၤဝဲအသိးန့ၣ်လီၤ.