လံာ်မၢ်ကူး 9:32 - Sgaw Karen Common Bible

³² ဘၣ်ဆၣ်ဒီးအတၢ်သိၣ်လီၤသီလီၤတၢ်အံၤ အဝဲသ့ၣ်တနၢ်ပၢၢ်ဝဲအခီပညီဘၣ်ဒီးကသံကွၢ်အီၤအဂီၢ် အဝဲသ့ၣ်ပျံၤတၢ်န့ၣ်လီၤ.

လံာ်မၢ်ကူး 9:32 Iomraidhean Croise

လံာ်မၢ်ကူး 16:14

ယ့ၣ်ၡူးလီၣ်ဖျါထီၣ်အသးလၢခံကတၢၢ်တဘျီလၢအပျဲၢ်အဘီၣ်တဆံတဂၤ, ဖဲအဝဲသ့ၣ်အီၣ်တၢ်အီၣ်အဖၢမုၢ်လီၤ. အဝဲဒၣ်ဒူအဝဲသ့ၣ်အလိၤမ့ၢ်လၢအဝဲသ့ၣ်ပာ်ကိၤအသး ဒီးအတၢ်နာ်တအိၣ်ဘၣ်အဃိ, ဒီးမ့ၢ်လၢအဝဲသ့ၣ်တနာ်ဘၣ်ပှၤသ့ၣ်တဖၣ်လၢအထံၣ်ဘၣ်တ့ၢ်လံအီၤ လၢတၢ်ဒုးဂဲၤဆၢထၢၣ်က့ၤအီၤလၢတၢ်သံဝံၤအလီၢ်ခံန့ၣ်အဃိလီၤ.

လံာ်မၢ်ကူး 7:18

ယ့ၣ်ၡူးစံးဘၣ်အဝဲသ့ၣ်, “သုတၢ်သ့ၣ်ညါနၢ်ပၢၢ်တထီၣ်ဘးဒ်ပှၤဂၤတဖၣ်အသိးလီၤမးလဲၣ်. တၢ်အိၣ်လၢတၢ်ချၢလၢအလဲၤနုာ်ဆူပှၤတဂၤအပူၤ ဒီးကမၤတကဆှီအီၤတအိၣ်နီတမံၤဘၣ်န့ၣ်, သုတနၢ်ပၢၢ်ဘၣ်ဧါ.

လံာ်မၢ်ကူး 8:33

ဘၣ်ဆၣ်ယ့ၣ်ၡူးဃၣ်ကဒါအသး, ကွၢ်ဃီၤအပျဲၢ်အဘီၣ်တဖၣ်အမဲာ်ဝံၤ, ဒူစီၤပ့းတရူးအလိၤဒီးစံးဝဲ, “မုၣ်ကီၤလံၢ်ဧၢ, ဟးကွံာ်လၢယအိၣ်တက့ၢ်. နတၢ်ဆိကမိၣ်တဖၣ်တဟဲလၢကစၢ်ယွၤအအိၣ်ဘၣ်. မ့မ့ၢ်ဟဲလၢပှၤကညီအအိၣ်တခီန့ၣ်လီၤ.”

လံာ်မၢ်ကူး 9:10

အဝဲသ့ၣ်မၤဝဲဒ်အဝဲဒၣ်မၤလိာ်အီၤအသိး, ဘၣ်ဆၣ်ဒီးသံကွၢ်လိာ်အသးကဒဲကဒဲဒီးကတိၤလိာ်အသး ဘၣ်ဃးတၢ်ဂ့ၢ်တထံၣ်လၢအစံးဝဲကဂဲၤဆၢထၢၣ်သမူထီၣ် က့ၤလၢတၢ်သံန့ၣ်အခီပညီမ့ၢ်တၢ်ဒ်လဲၣ်န့ၣ်လီၤ.

လံာ်လူၤကၣ် 18:34

ဘၣ်ဆၣ်အပျဲၢ်အဘီၣ်တဖၣ်တနၢ်ပၢၢ်တၢ်ကတိၤသ့ၣ်တဖၣ်အံၤနီ တဘီဘၣ်. တၢ်ကတိၤတဖၣ်အခီပညီအိၣ်လီၤသဒၢအသးလၢအဝဲသ့ၣ် အမဲာ်ညါ, ဒီးယ့ၣ်ၡူးစံးကတိၤတၢ်ဘၣ်ဃးမနုၤအဂ့ၢ်န့ၣ်, အဝဲသ့ၣ်တသ့ၣ်ညါဝဲဘၣ်.

လံာ်လူၤကၣ် 2:50

ဘၣ်ဆၣ်ဒီးအဝဲသ့ၣ်တနၢ်ပၢၢ်တၢ်စံးဆၢတထံၣ်န့ၣ်အခီပညီဘၣ်.

လံာ်လူၤကၣ် 24:45

တုၤနုၤတစုအဝဲဒၣ်အိးထီၣ်အဝဲသ့ၣ်အသးဒ်သိးအကနၢ် ပၢၢ်တၢ်ကွဲးအသးစီဆှံတဖၣ်

လံာ်လူၤကၣ် 9:45

ဘၣ်ဆၣ်ဒီးတၢ်ကတိၤတထံၣ်အံၤအခီပညီမ့ၢ်တၢ်ဒ်လဲၣ်န့ၣ်, အဝဲသ့ၣ်တသ့ၣ်ညါဝဲဘၣ်. အခီပညီဘၣ်တၢ်ပာ်တဒၢတ့ၢ်အီၤလၢအဝဲသ့ၣ်အမဲာ်ညါ ဒ်သိးအသုတနၢ်ပၢၢ်ဝဲတဂ့ၤအဂီၢ်လီၤ. ဒီးအဝဲသ့ၣ်ကသံကွၢ်အီၤဘၣ်ဃးတၢ်ဂ့ၢ်တမံၤအံၤန့ၣ်, သံကွၢ်ဝဲတဘူၣ်ဘၣ်.

လံာ်ယိၤဟၣ် 12:16

အကတီၢ်ဖဲန့ၣ်, အပျဲၢ်အဘီၣ်တဖၣ်တနၢ်ပၢၢ်တၢ်အံၤဘၣ်. ဘၣ်ဆၣ်တုၤယ့ၣ်ၡူးဘၣ်တၢ်ဒုးဂဲၤဆၢထၢၣ်က့ၤအီၤအိၣ်ဒီး အလၤကပီၤန့ၣ်, အဝဲသ့ၣ်သ့ၣ်နီၣ်ထီၣ်က့ၤဝဲလၢတၢ်ကွဲးအသး စံးတ့ၢ်လၢတၢ်အံၤအဂ့ၢ်ဘၣ်ထွဲဒီးယ့ၣ်ၡူးဒီးလၢအဝဲသ့ၣ် မၤတ့ၢ်လံဝဲတၢ်အံၤလၢယ့ၣ်ၡူးအဂီၢ်န့ၣ်လီၤ.

လံာ်ယိၤဟၣ် 16:19

ယ့ၣ်ၡူးသ့ၣ်ညါဝဲလၢအဝဲသ့ၣ်သးအိၣ်သံကွၢ်အီၤတၢ်အံၤ သတးဒီးအဝဲဒၣ်စံးဘၣ်တဲဘၣ်အဝဲသ့ၣ်, “မ့ၢ်သုသံကွၢ်လိာ်သုသးဘၣ်ဃးတၢ်လၢယစံးတ့ၢ်, ‘တစိၢ်ဖိဒီးသုတထံၣ်ဘၣ်လၢၤယၤဘၣ်. မၤကဒီးလၢခံတစိၢ်ဖိဒီးသုကထံၣ်ဘၣ်ယၤလီၤ’ အဂ့ၢ်န့ၣ်ဧါ.

လံာ်ယိၤဟၣ် 4:27

အကတီၢ်ဖဲန့ၣ်ယ့ၣ်ၡူးအပျဲၢ်အဘီၣ်တဖၣ်ဟဲက့ၤတုၤဝဲ ဒီးကမၢကမၣ်ဝဲဒိၣ်မးလၢအထံၣ်ဘၣ်ယ့ၣ်ၡူးကတိၤတၢ်ဒီး ပိာ်မုၣ်န့ၣ်အဃိလီၤ. ဘၣ်ဆၣ်ဒီးအဝဲသ့ၣ်တသံကွၢ်ဝဲ, “နအဲၣ်ဒိးတၢ်မနုၤလၢအအိၣ်လဲၣ်” မ့တမ့ၢ် “နကတိၤတၢ်ဒီးအီၤဘၣ်မနုၤလဲၣ်” န့ၣ်နီတဂၤဘၣ်.