လံာ်မၢ်ကူး 9:3 - Sgaw Karen Common Bible

³ အဝဲအတၢ်ကူတၢ်ကၤတဖၣ်ဝါထီၣ်ကပြုၢ်ကပြီၤဝဲ, အါန့ၢ်ဒံးပှၤဆှုၣ်တၢ်ဖိလၢအဆှုၣ်တၢ်ဝါကတၢၢ်လၢဟီၣ်ခိၣ် ချၢမၤဝဲသ့တက့ၢ်န့ၣ်လီၤ.

လံာ်မၢ်ကူး 9:3 Iomraidhean Croise

စံးထီၣ်ပတြၢၤ 51:7

မၤကဆှီယၤလၢကဖျီၣ်အ့စိးတက့ၢ်. ဒီးယကကဆှီထီၣ်လီၤ. သ့စီယၤတက့ၢ်, ဒီးယကဝါန့ၢ်မူခိၣ်ဖီလီၤ.

စံးထီၣ်ပတြၢၤ 68:14

တုၤတၢ်သ့တၢ်လၢာ်ကစၢ်ယွၤမၤလီၤပြံလီၤပြါ စီၤပၤတဖၣ်လၢကစၢၢ်စၤလမိၣ်အလိၤန့ၣ်ဒီး အဝဲဒုးဟဲစူၤလီၤမူခိၣ်ဖီဖဲန့ၣ်လီၤ.

လံာ်ယၡါယၤ 1:18

ယွၤစံးဝဲဒၣ်, “ခဲကနံၣ်အံၤ, မ်ပမၤလိၤမၤဘၣ်သကိးတၢ်ဂ့ၢ် န့ၣ်တက့ၢ်. သုဘၣ်အၢဘၣ်သီဂီၤဆှုၣ်ကလာ်လၢတၢ်ဒဲးဘးအဃိ, ဘၣ်ဆၣ်ဒီးယကသ့စီသုဝါဒ်မူခိၣ်ဖီအသိးလီၤ. သုတၢ်ဘၣ်အၢတဖၣ် မ့ၢ်ဂီၤဆှုၣ်ကလာ်နာ်က့သုကဝါဒ်သိအဆူၣ်အသိးလီၤ.

လံာ်ဒၤနံးယ့လး 7:9

ဒီးဖဲယကွၢ်တၢ်အဖၢမုၢ်န့ၣ်, လီၢ်ပစိာ်တဖၣ်ဘၣ်တၢ်ကျဲၤလီၤ ပာ်လီၤအီၤန့ၣ်လီၤ. ပှၤတဂၤလၢအအိၣ်မူတ့ၢ်ဝဲဒၣ်အထူအယိာ် န့ၣ်ဆ့ၣ်နီၤဝဲလၢလီၢ်ပစိာ်တဖၣ်အကျါတဖျၢၣ်အလိၤန့ၣ်လီၤ. အဝဲအတၢ်ကူတၢ်သိးတဖၣ်ဝါဝဲဒၣ်ဒ်မူခိၣ်ဖီအသိးဒီးအခိၣ် သူလီၤဂာ်ဒ်သိဆူၣ်လၢအကဆှီမးန့ၣ်လီၤ. အဝဲအလီၢ်ပစိာ်န့ၣ်ဆီလီၤအသးလၢလ့ၣ်ဖံဘၣ်မ့ၣ်အူတဖၣ်အလိၤ, ဒီးကဲၤကပျီၤလၢမ့ၣ်အူလီၤ.

လံာ်မးသဲ 28:3

ကလူးအံၤအမဲာ်မၤအသးဒ်လီဝၢ်ဒံးအသိး, ဒီးအကူအသိးတဖၣ်ဝါဝဲဒ်မူခိၣ်ဖီအသိးန့ၣ်လီၤ.

လံာ်မၢ်ကူး 9:4

အန့ၣ်ဒီး, အပျဲၢ်အဘီၣ်သၢဂၤထံၣ်ဘၣ်ဝဲဝံအ့ၤလံယၤဒီး စီၤမိၤၡ့ဟဲအိၣ်ဖျါထီၣ်ဒီးကတိၤသကိးတၢ်ဒီးယ့ၣ်ၡူးလီၤ.

လံာ်လူၤကၣ် 9:29

ဖဲအဝဲဒၣ်ဃ့ဘါထုကဖၣ်တၢ်အဖၢမုၢ်န့ၣ်, အမဲာ်သၣ်အက့ၢ်အဂီၤလဲလိာ်အသးဒီးအကူအသိးတဖၣ် ဝါထီၣ်ဒီးကပြုၢ်ကပြီၤမးလီၤ.

မၤတၢ် 10:30

ဒီးစီၤကန့လံးစံးဝဲ, “ဖဲအပူၤကွံာ်သၢသီ, ကဘၣ်ဖဲဆၢကတီၢ်တကတီၢ်ဃီအံၤန့ၣ်, ယအိၣ်ဒီးဟါခီလီၤသၢနၣ်ရံၣ်အတၢ်ထုကဖၣ်လၢဟံၣ်ပူၤလီၤ. သတူၢ်ကလာ်, ပှၤကညီတဂၤအိၣ်ဆၢထၢၣ်လၢယမဲာ်ညါ, ကူသိးဒီးတၢ်ကူတၢ်သိးကတြ့ၣ်ကတြိၣ်,

လံာ်လီၣ်ဖျါ 19:18

ဟဲဒီးအီၣ်စီၤပၤတဖၣ်, သုးခိၣ်ဖးဒိၣ်တဖၣ်, ဒီးသုးဖိတဖၣ် အဖံးအညၣ်, ကသ့ၣ်တဖၣ်ဒီးပှၤလၢအဒိးအီၤတဖၣ်အဖံး အညၣ်, ပှၤခဲလၢာ်, ကုၢ်မ့ၢ်ဂ့ၤပှၤသဘျ့မ့ၢ်ဂ့ၤ, အဒိၣ်မ့ၢ်ဂ့ၤအဆံးမ့ၢ်ဂ့ၤအဖံးအညၣ်န့ၣ်တက့ၢ်.”

လံာ်လီၣ်ဖျါ 7:14

“ယတသ့ၣ်ညါဘၣ်, တၢ်ဒိၣ်ဧၢ, နသ့ၣ်ညါနဲလီၤ” ယစံးဆၢယဲ. အဝဲဒၣ်စံးဘၣ်ယၤ, “ပှၤသ့ၣ်တဖၣ်အံၤမ့ၢ်ပှၤတဖၣ်လၢ အလဲၤခီဖျိဘၣ်တၢ်မၤအၢမၤနးလီၤပျံၤလီၤဖုးတမံၤန့ၣ်လီၤ. အဝဲသ့ၣ်သ့စီကွံာ်တ့ၢ်ဝဲအဆ့ကၤဖးထီတဖၣ်, ဒီးမၤဝါထီၣ်အီၤလၢသိဖိတဒုန့ၣ်အသွံၣ်လီၤ.

လံာ်လီၣ်ဖျါ 7:9

တၢ်မၤအသးဒ်အံၤဝံၤအလီၢ်ခံန့ၣ်, ယကွၢ်တၢ်, ဒီးပှၤဂီၢ်မုၢ်ဖးဒိၣ်တဖုအိၣ်ဝဲဒၣ်လီၤ. ပှၤဂံၢ်အနီၣ်ဂံၢ် တသ့ဘၣ်နီတဂၤဘၣ်. အဝဲသ့ၣ်ဟဲလၢကလုာ်ကိး ကလုာ်ဒဲး, ဒူၣ်ဖိထၢဖိကိးဒူၣ်ဒဲး, ထံကီၢ်ကိးဘ့ၣ်ဒဲး, ဒီးပှၤကတိၤကျိာ်ကိးကျိာ်ဒဲးအကျါန့ၣ်လီၤ. ဒီးအဝဲသ့ၣ်အိၣ်ဆၢထၢၣ်လၢလီၢ်ပစိာ်ဒီးသိဖိအမဲာ်ညါ, ကူသိးဆ့ကၤအဝါဒီးဟံးဃာ်လိၣ်ဒၢအဒ့တဖၣ်လၢ အစုပူၤန့ၣ်လီၤ.