လံာ်မၢ်ကူး 9:29 - Sgaw Karen Common Bible

²⁹ ယ့ၣ်ၡူးစံးဆၢက့ၤအဝဲသ့ၣ်, “တၢ်နါဒ်သိးအံၤန့ၣ်တၢ်ဒုးဟးထီၣ်ကွံာ်အီၤသ့ဒၣ်ထဲလၢ တၢ်ထုကဖၣ် (ဒီးတၢ်ဒုၣ်တၢ်အီၣ်တၢ်အီ) ဧိၤန့ၣ်လီၤ.”

လံာ်မၢ်ကူး 9:29 Iomraidhean Croise

လံာ်ဒၤနံးယ့လး 9:3

ဒီးယဘါထုကဖၣ်တၢ်လၢသူၣ်လၢသးသပှၢ်ပှၢ်ဆူယွၤ, ကစၢ်ယွၤအအိၣ်ဒီးဒုၣ်တၢ်အီၣ်တၢ်အီ, ကူထီၣ်သိးထီၣ်ဆ့ဆးအသးလၢတၢ် ကံးယာ်ဒီးဆ့ၣ်နီၤလၢဖၣ်ဆါကျါဒီးဃ့ကညးအီၤလီၤ.

လံာ်မးသဲ 12:45

တုၤနုၤတစုအဝဲလဲၤကိးန့ၢ်တၢ်နါအၢန့ၢ်အနီၢ်ကစၢ်ဒၣ်ဝဲနွံ ဒုဒီးဟဲက့ၤအိၣ်ဝဲဆိးဝဲဖဲန့ၣ်လီၤ. တၢ်လၢပှၤတဂၤန့ၣ်အတၢ်မ့ၢ်တၢ်လၢခံကတၢၢ်အၢန့ၢ်ဒံးလၢအခီၣ် ထံးတက့ၢ်လီၤ. လၢတၢ်န့ၣ်အဃိ, တၢ်ကမၤစ့ၢ်ကီးအသးဒီးပှၤအၢပှၤသီ တစိၤအံၤဒ်န့ၣ်အသိးလီၤ.”

လံာ်မးသဲ 17:20

အဝဲစံးဆၢအဝဲသ့ၣ်, “မ့ၢ်လၢသုတၢ်နာ်န့ၢ်ယွၤဆံးဝဲစှၤဝဲအဃိလီၤ. နာ်ယၤတက့ၢ်. သုတၢ်နာ်မ့ၢ်အိၣ်ထဲသိးဒီးသဘၣ်အချံတဖျၢၣ်ဒီး, သုမ့ၢ်စံးဘၣ်ကစၢၢ်အံၤ, ‘သုးကွံာ်နသးဖဲအံၤဆူန့ၣ်တက့ၢ်.’ ဒီးကသုးကွံာ်အသးလီၤ. ဒီးတၢ်လၢသုမၤတသ့ဘၣ်န့ၣ်, တအိၣ်ဘၣ်နီတမံၤဘၣ်လီၤ.

လံာ်မးသဲ 17:21

(ဘၣ်ဆၣ်ဒီး, ထဲလၢတၢ်ထုကဖၣ်ယွၤဒီးတၢ်ဒုၣ်တၢ်အီၣ်ဧိၤန့ၣ်, ပှၤနီၣ်ထီၣ်တၢ်နါဒ်သိးအံၤသ့ဝဲလီၤ.)”

လံာ်မၢ်ကူး 9:28

တုၤယ့ၣ်ၡူးလဲၤနုာ်ဆူဟံၣ်ပူၤဖဲပှၤတအိၣ်နီတဂၤဘၣ်အခါ န့ၣ်, အပျဲၢ်အဘီၣ်တဖၣ်သံကွၢ်အီၤကစုဒု, “ဘၣ်မနုၤပဝဲဒၣ်တဖၣ်ပဟီထီၣ်ကွံာ်တၢ်နါတသ့ဘၣ်န့ၣ်လဲၣ်.”

လံာ်မၢ်ကူး 9:30

ယ့ၣ်ၡူးဒီးအပျဲၢ်အဘီၣ်တဖၣ်ဟးထီၣ်ကွံာ်ဝဲဖဲတၢ်လီၢ်န့ၣ်ဒီး လဲၤခီဖျိဝဲကီၢ်ကၤလံၤလါလီၤ. ယ့ၣ်ၡူးတအဲၣ်ဒိးဝဲလၢပှၤကသ့ၣ်ညါန့ၢ်အအိၣ်တၢ်အလီၢ်နီတဂၤ ဘၣ်.

လံာ်လူၤကၣ် 11:26

တုၤနုၤတစုအဝဲဒၣ်ဟးထီၣ်ဒီးဟဲက့ၤကိးတၢ်နါအဂၤနွံဒုလၢ အအၢန့ၢ်အဝဲအနီၢ်ကစၢ်, ဒီးအဝဲသ့ၣ်ဟဲဒီးအိၣ်ဝဲဆိးဝဲဖဲန့ၣ်လီၤ. လၢတၢ်န့ၣ်အဃိ, လၢခံကတၢၢ်န့ၣ်ပှၤကညီအဝဲန့ၣ်အၢဒိၣ်န့ၢ်ဒံးလၢ အခီၣ်ထံးတက့ၢ်လီၤ.”

မၤတၢ် 14:23

လၢတၢ်အိၣ်ဖှိၣ်တဖုဘၣ်တဖုအပူၤန့ၣ်, အဝဲသ့ၣ်ဃုထၢထီၣ်သူၣ်က့သးပှၢ်တဖၣ်, ဒီးလၢတၢ်ထုကဖၣ်ဒီးတၢ်ဒုၣ်တၢ်အီၣ်အပူၤ, အဝဲသ့ၣ်ဟ့ၣ်လီၤအးလီၤပှၤတဖၣ်န့ၣ်ဆူကစၢ်လၢအဝဲသ့ၣ်သူၣ်လီၤ အတၢ်စူၢ်တၢ်နာ်လၢအပူၤတဂၤအစုပူၤန့ၣ်လီၤ.

1 ကရံၣ်သူး 9:27

ယမၤဆူၣ်မၤကိၤထီၣ်ယနီၢ်ခိခီဖျိတၢ်ထိတၢ်တီၢ်တဖၣ်ဒီး ကတဲာ်ကတီၤအီၤဒ်သိးအကအိၣ်လၢတၢ်ပၢၤဃာ်အီၤဃံးဃံး အဖီလာ်အဂီၢ်, ဒ်သိးဒီးယမၢဃီၤပှၤဆူတၢ်ပြၢဝံၤအလီၢ်ခံဒီး ယသုတဘၣ်တၢ်ညိကွံာ်ယၤတဂ့ၤအဂီၢ်န့ၣ်လီၤ.

၂ ကရံၣ်သူး 11:27

ယဘၣ်ဖံးဘၣ်မၤတ့ၢ်တၢ်ကိၢ်ကိၢ်ဂီၤဂီၤ, လီၤဘှံးလီၤ တီၤ, အါစုအါဘျီတၢ်မံတၢ်ဂဲၤလီၤမၢ်ကွံာ်လၢယဂီၢ်, တၢ်သၣ်ဝံၤယသးဒီးတၢ်သူတ့ၢ်ယသးလၢထံအါစု အါဘျီယတအီၣ်ဘၣ်အီဘၣ်လၢအီၣ်လၢအီ, ယတဒိးန့ၢ်ဘၣ်တၢ်အိၣ်ကဒုအလီၢ်ဒီးတၢ်ကူတၢ်ကၤလၢလၢ ပှဲၤပှဲၤဘၣ်လီၤ.

၂ ကရံၣ်သူး 12:8

လၢသၢဘျီအတီၢ်ပူၤယဃ့ဘါထုကဖၣ်ကစၢ်လၢတၢ်တမံၤအံၤ အဂ့ၢ်ဒီးဃ့အီၤဒ်သိးအကထုးကွံာ်အီၤလီၤ.

၂ ကရံၣ်သူး 6:5

ပဘၣ်တၢ်ဒိပှၤတီၢ်ပှၤ, တၢ်ဒၢနုာ်ပှၤလၢဃိာ်ပူၤ, တၢ်မၤအၢမၤသီပှၤလၢပှၤဂီၢ်မုၢ်တၢထီၣ်တၢလီၤတဖၣ်, ပဘၣ်တၢ်ဒုးဖံးဒုးမၤပှၤတၢ်တလၢကွံာ်အခၢးဒီးပဘၣ် ကီၤမံကီၤဂဲၤကီၤဝံၤကီၤစ့ၤပဝဲန့ၣ်လီၤ.

အ့းဖ့းစူး 6:18

မၤတၢ်ခဲလၢာ်လၢတၢ်ထုကဖၣ်အပူၤဒီးဃ့ကစၢ်ယွၤအတၢ်မၤ စၢၤတက့ၢ်. ထုကဖၣ်ကိးဆၢကိးကတီၢ်ဒဲးဒ်ကစၢ်ယွၤ အသးဆှၢသုအသိးတက့ၢ်. လၢတၢ်အံၤအဂ့ၢ်န့ၣ်, ဆိးသီသုဝဲဒီးတ့ၢ်စၢ်လီၤသုဂံၢ်သုဘါတဂ့ၤ. ထုကဖၣ်ထီဘိလၢယွၤအပှၤစီဆှံခဲလၢာ်အဂီၢ်တက့ၢ်.

ယၤကိာ် 5:15

တၢ်စူၢ်တၢ်နာ်အတၢ်ထုကဖၣ်အံၤကမၤဘျါက့ၤပှၤဆါတဂၤ န့ၣ်လီၤ. ကစၢ်ကဟ့ၣ်က့ၤအီၤတၢ်အိၣ်ဆူၣ်အိၣ်ချ့, ဒီးတၢ်ဒဲးဘးလၢအမၤတ့ၢ်လံဝဲတဖၣ်ကဘၣ်တၢ်ပျၢ်ကွံာ် အီၤန့ၣ်လီၤ.