လံာ်မၢ်ကူး 9:24 - Sgaw Karen Common Bible

²⁴ တဘျီဃီပၢ်တဂၤကိးထီၣ်လၢအကလုၢ်ဖးဒိၣ်ဒီးစံးဝဲ, “ယနာ်လီၤ. ဘၣ်ဆၣ်မ့ၢ်တၢ်နာ်လၢအဆံးအစှၤဒံးအဃိ, မၤစၢၤယၤလၢယကအိၣ်ဒီးတၢ်နာ်လၢအအါန့ၣ်တက့ၢ်.”

လံာ်မၢ်ကူး 9:24 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 16:12

ဘၣ်သ့ၣ်သ့ၣ်ယွၤကပာ်သူၣ်ပာ်သးလၢယတၢ်ကိၢ်တၢ်ဂီၤတဖၣ်ဒီးဟ့ၣ် လီၤယၤတၢ်ဆိၣ်ဂ့ၤတနီၤလၢကဟံးန့ၢ်ကွံာ်အဝဲအတၢ်ဆိၣ်အၢ အလီၢ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 20:5

ကက့ၤကဒါက့ၤဆူယွၤအပှၤဂီၢ်မုၢ်အပှၤပၢတၢ်စီၤဃံးစကံယၤ အအိၣ်ဒီးစံးဘၣ်အီၤ, “ယၤ, ကစၢ်, နပၢ်ဖးဒိၣ်လၢပျၢၤစီၤဒၤဝံးကစၢ်အယွၤ, နၢ်ဟူလံနတၢ်ထုကဖၣ်ဒီးထံၣ်လံ နမဲာ်ထံတဖၣ်လံ. ယကမၤဘျါက့ၤနၤဒီး, ဒီးလၢသၢသီ အတီၢ်ပူၤန့ၣ်နကလဲၤဆူယွၤအတၢ်လုၢ်ဟံၣ်န့ၣ်လီၤ.

စံးထီၣ်ပတြၢၤ 126:5

မ်ပှၤလၢအဖှံတၢ်အိၣ်ဒီးအမဲာ်ထံလီၤန့ၣ် ကကူးတၢ်အိၣ်ဒီးတၢ်သးခုတက့ၢ်.

စံးထီၣ်ပတြၢၤ 39:12

ကနၣ်ယတၢ်ထုကဖၣ်တက့ၢ်. ယွၤဧၢ, ဒိကနၣ်ယတၢ်ကိးထီၣ်လၢ တၢ်မၤစၢၤအဂီၢ်န့ၣ်တက့ၢ်. ဖဲလၢယအိၣ်ဒီးတၢ်မဲာ်ထံမဲာ်နိန့ၣ်, အိၣ်ဘှီၣ်နဲတဂ့ၤ. အဂ့ၢ်ဒ်အံၤ, ယမ့ၢ်ဒၣ်နပှၤသမှံၤလၢ အအိၣ်တစိၢ်တလီၢ်ဖိ, ဒ်ယမိၢ်ပၢ်ဖံဖုလၢပျၢၤတဖၣ်အသိးန့ၣ်လီၤ.

လံာ်ယံးရမံယၤ 14:17

ယွၤမၤလိာ်တ့ၢ်ယၤလၢယကတဲဘၣ်ပှၤဂီၢ်မုၢ်ဘၣ်ဃးယတၢ်သူၣ်အုး သးအုးအဂ့ၢ်ဒီးစံး, “မ်မဲာ်ထံတဖၣ်ယွၤလီၤလၢယမဲာ်ချံတဖၣ်အပူၤလၢမုၢ်ဆါဆဲးလၢမုၢ်နၤ, ဒီးမ်ယသုတဆိကတီၢ်တၢ်ဟီၣ်တၢ်ယၢၤနီတစုတဂ့ၤ. အဂ့ၢ်ဒ်အံၤ, ယပှၤဂီၢ်မုၢ်တဖၣ်ဘၣ်ဒိဘၣ်ထံးနးနးကလဲာ်ဒီး တၢ်မၤဘၣ်ဒိဆါအီၤအၢအၢသီသီန့ၣ်လီၤ.

လံာ်မၢ်ကူး 9:23

ယ့ၣ်ၡူးစံးဘၣ်အီၤ, “နနာ်တၢ်မ့ၢ်သ့ဒီး, ပှၤလၢအအိၣ်ဒီးတၢ်နာ်န့ၣ်တၢ်မၤသးလၢအဂီၢ်သ့ခဲလၢာ်လီၤ.”

လံာ်မၢ်ကူး 9:25

တုၤမ့ၢ်ယ့ၣ်ၡူးထံၣ်ဘၣ်ပှၤဂီၢ်မုၢ်တဖၣ်ဟဲဆီၣ်သနံးအသးဘူး ဒီးအဝဲအိၣ်တၢ်အလီၢ်န့ၣ်, အဝဲဒူတၢ်နါအလိၤဒီးစံးဘၣ်အီၤ, “တၢ်နါလၢအဒုးတအၢပှၤနၢ်ဒီး မၤအုးအးပှၤတဒုဧၢ, ယမၤလိာ်နၤ, ဟးထီၣ်ကွံာ်လၢဖိသၣ်အံၤအအိၣ်တက့ၢ်. ဒီးတဘၣ်ဟဲဒိးလၢၤအီၤနီတစုတဂ့ၤ.”

လံာ်လူၤကၣ် 17:5

တၢ်မၢဖိတဖၣ်စံးဘၣ်ကစၢ်, “မၤအါထီၣ်ပတၢ်စူၢ်တၢ်နာ်တက့ၢ်.”

လံာ်လူၤကၣ် 7:38

ဒီးဆၢထၢၣ်လၢယ့ၣ်ၡူးအလီၢ်ခံဖဲအခီၣ်ထံး, ဟီၣ်ဝဲ, ဒီးမၤဘၣ်စီၣ်ယ့ၣ်ၡူးအခီၣ်လၢအဝဲဒၣ်အမဲာ်ထံလီၤ. အန့ၣ်ဝံၤဒီးထွါကွံာ်ယ့ၣ်ၡူးအခီၣ်လၢအဝဲဒၣ်အခိၣ်သူ, နၢမူဝဲ, ဒီးလူလီၤထံနၢမူန့ၣ်လၢအလိၤလီၤ.

လံာ်လူၤကၣ် 7:44

တုၤနုၤတစုယ့ၣ်ၡူးဃၣ်ဃီၤအသးဆူပိာ်မုၣ်အအိၣ်ဒီးစံးဘၣ်စီၤၡံမိၣ်, “နထံၣ်ပိာ်မုၣ်တဂၤအံၤကစီဒီဧါ. ယဟဲနုာ်ဆူနဟံၣ်ပူၤဒီး နတဟ့ၣ်ယၤထံလၢယခီၣ်အဂီၢ်နီတစဲးဘၣ်. မ့မ့ၢ်အဝဲဒၣ်သ့ကွံာ်ယခီၣ်လၢအမဲာ်ထံ, ဒီးတြူာ်သူထီၣ်က့ၤဝဲလၢအခိၣ်သူလီၤ.

မၤတၢ် 10:19

ဖဲစီၤပ့းတရူးဆိကမိၣ်ဒံးဝဲတၢ်ထံၣ်တၢ်လၢညါခီအံၤအခီပညီအဖၢမုၢ်န့ၣ်, ယွၤအသးစံးဘၣ်အီၤ, “ဒိကနၣ်တက့ၢ်. ပှၤသၢဂၤဟဲဃုနၤဖဲအံၤလီၤ.

မၤတၢ် 10:31

ဒီးစံးဘၣ်ယၤ, ‘စီၤကန့လံးဧၢ, ကစၢ်ယွၤနၢ်ဟူလံနတၢ်ထုကဖၣ်ဒီး ထံၣ်ဘၣ်လံနတၢ်ဟ့ၣ်သးကညီၤတဖၣ်လံ.

၂ ကရံၣ်သူး 2:4

ယကွဲးလံာ်ဆူသုအိၣ်လၢတၢ်သးဘၣ်တံာ်တာ်ဒီးတၢ်သးဘၣ်ကီ ဘၣ်ခဲဖးဒိၣ်အပူၤ, ဒီးအိၣ်ဒီးမဲာ်ထံမဲာ်နိအဒိၣ်အအါလီၤ. ယတၢ်တိာ်ပာ်ကွၢ်စိတမ့ၢ်လၢယကမၤသးအုးသုအဂီၢ်ဘၣ်. မ့မ့ၢ် တခီ, မ့ၢ်ဝဲဒ်သိးသုကသ့ၣ်ညါသုဝဲလၢယအဲၣ်ဘၣ်သုဆံး အါလဲၣ်န့ၣ်လီၤ.

အ့းဖ့းစူး 2:8

အဂ့ၢ်ဒ်အံၤ, မ့ၢ်လၢကစၢ်ယွၤအဘျုးအဖှိၣ်အဃိ သုဘၣ်တၢ်အုၣ်က့ၤခီၣ်က့ၤသုခီဖျိသုတၢ်နာ်န့ၣ်လီၤ. တမ့ၢ်တၢ်လၢသုမၤန့ၢ်ဒၣ်သုတၢ်ဒၣ်သုဝဲန့ၣ်ဘၣ်, မ့ၢ်ကစၢ်ယွၤအတၢ်ဟ့ၣ်န့ၣ်လီၤ.

ဖံလံးပံၤ 1:29

သုဘၣ်တၢ်ဟ့ၣ်သုအခွဲးအယာ်လၢသုကဖံးတၢ်မၤတၢ်လၢ ခရံာ်အဂီၢ်, တမ့ၢ်ထဲလၢသုစူၢ်သုနာ်အီၤအဂီၢ်ဘၣ်, မ့မ့ၢ်လၢသုကတူၢ်တၢ်လၢအဂီၢ်စ့ၢ်ကီးန့ၣ်လီၤ.

၂ သ့းစၤလနံ 1:11

လၢတၢ်န့ၣ်အဃိ, ထီဘိန့ၣ်ပဃ့ဘါထုကဖၣ်တၢ်လၢသုဂီၢ်ဒ်သိးပကစၢ် ယွၤကဒုးကြၢးဒုးဘၣ်သုဒီးတၢ်အိၣ်မူလၢအဝဲဒၣ်ကိးဃီၤ သုလၢသုကအိၣ်မူအီၤန့ၣ်လီၤ. ဒီးခီဖျိအစိအကမီၤန့ၣ်, မ်ကစၢ်ယွၤမၤစၢၤသုလၢသုကမၤတၢ်အဂ့ၤတမံၤလၢ်လၢ်လၢ သုသးအိၣ်မၤအီၤ, ဒီးမၤလၢမၤပှဲၤတၢ်ဖံးတၢ်မၤလၢ သုမၤတ့ၢ်လံအီၤခီဖျိတၢ်စူၢ်တၢ်နာ်န့ၣ်တက့ၢ်.

၂ သ့းစၤလနံ 1:3

ဒီပုၢ်ဝဲၢ်သ့ၣ်ဧၢ, ပဘၣ်စံးဘျုးကစၢ်ယွၤကိးဆၢကိးကတီၢ် ဒဲးလၢသုဃိလီၤ. မ့ၢ်တၢ်အကြၢးအဘၣ်တမံၤလၢပဂ့ၤမၤ အီၤလီၤ. အဂ့ၢ်ဒ်အံၤသုတၢ်စူၢ်တၢ်နာ်ဒိၣ်ထီၣ်ဝဲအဒိၣ်အအါ, ဒီးသုတၢ်အဲၣ်လိာ်ကွံလိာ်သုသးဒိၣ်ထီၣ်အါထီၣ်ဝဲဒၣ်လီၤ.

၂ တံၤမသ့း 1:4

ယသ့ၣ်နီၣ်ထီၣ်က့ၤနမဲာ်ထံမဲာ်နိတဖၣ်, ဒီးယသးအိၣ်ထံၣ် ဘၣ်နၤဒိၣ်မးဒ်သိးယကလၢပှဲၤဒီးတၢ်သးခုအဂီၢ်န့ၣ်လီၤ.

ဧ့ၤဘြံၤ 12:17

အဂ့ၢ်ဒ်အံၤ, လၢခံက့ၤတုၤတၢ်မိၣ်န့ၢ်ဘၣ်သါက့ၤအသးလၢ တၢ်ဆိၣ်ဂ့ၤဒီး, ဘၣ်တၢ်ညိကွံာ်အီၤလီၤ. အဂ့ၢ်မ့ၢ်လၢအဃုတၢ်ပီၢ်ယၢ်လီၤက့ၤအသးလၢမဲာ်ထံမဲာ်နိနာ်သ က့, တန့ၢ်ဘၣ်ဝဲလၢၤဘၣ်န့ၣ်သုသ့ၣ်ညါသုဝဲလီၤ.

ဧ့ၤဘြံၤ 12:2

ပှၤလၢအဒုးအိၣ်ထီၣ်သီဒီးမၤလၢထီၣ်ပှဲၤထီၣ်ပတၢ်စူၢ်တၢ်နာ်, ယ့ၣ်ၡူးတဂၤန့ၣ် မ်ပကွၢ်ဃီၤတၢ်ဆူအအိၣ်တက့ၢ်. မ့ၢ်လၢတၢ်သးခုအိၣ်ပာ်စၢၤလၢအမဲာ်ညါအဃိ, အဝဲဒၣ်ဒိးထူၣ်စုညါဒီးတၢ်ဘၣ်သံလၢထူၣ်စုညါအလိၤ အတၢ်မဲာ်ဆှးန့ၣ်တပာ်ဘၣ်ဝဲလၢတၢ်နီတမံၤဘၣ်, ဒီးဆ့ၣ်နီၤဝဲလၢကစၢ်ယွၤအလီၢ်ပစိာ်အစုထွဲတခီန့ၣ်လီၤ.

ဧ့ၤဘြံၤ 5:7

ဖဲယ့ၣ်ၡူးခရံာ်အိၣ်ဒံးလၢဟီၣ်ခိၣ်ချၢအကတီၢ်န့ၣ်အဝဲဒၣ် လုၢ်ထီၣ်အတၢ်ထုကဖၣ်ဒီးအတၢ်သကွံၢ်ကညးတဖၣ်လၢ အကလုၢ်ဖးဒိၣ်အိၣ်ဒီးတၢ်မဲာ်ထံမဲာ်နိဆူကစၢ်ယွၤလၢ အမၤပူၤဖျဲးထီၣ်အီၤလၢတၢ်သံအပူၤသ့ဝဲတဂၤအအိၣ် န့ၣ်လီၤ. ယွၤဒိကနၣ်အီၤမ့ၢ်လၢအတၢ်အဲၣ်ကစၢ်ယွၤပျံၤ ကစၢ်ယွၤအဃိလီၤ.