လံာ်မၢ်ကူး 9:22 - Sgaw Karen Common Bible

²² တၢ်နါအဲၣ်ဒိးမၤသံအီၤသတးဒီး အတၢ်တ့ၢ်လီၤအီၤဆူမ့ၣ်အူပူၤဒီးဆူထံကျါတလီၢ်လီၢ်န့ၣ်လီၤ. နဲဒၣ်အံၤနမၤစၢၤပှၤမ့ၢ်သ့တမံၤမံၤဒီးသးကညီၤပှၤဒီးမၤစၢၤ ဘၣ်ပှၤတက့ၢ်.”

လံာ်မၢ်ကူး 9:22 Iomraidhean Croise

လံာ်မးသဲ 14:31

ဒီးယ့ၣ်ၡူးယူာ်ဃီၤအစုတဘျီဃီ, ဒီးဟံးဃာ်အီၤဒီးစံးဝဲ, “နနာ်တၢ်စှၤမးလဲၣ်. ဘၣ်မနုၤလၢနသးဒ့ဒီလဲၣ်.”

လံာ်မးသဲ 17:15

“ကစၢ်ဧၢ, သူၣ်ကညီၤသးကညီၤဘၣ်ယဖိခွါတက့ၢ်. အဂ့ၢ်ဒ်အံၤ, အဝဲဘၣ်န့ၢ်တၢ်ပျုၢ်ထိးအတၢ်ဆါ, ဒီးဘၣ်တူၢ်ဝဲနးမး, တုၤဒၣ်လဲာ်လီၤတဲာ်နုာ်ဆူမ့ၣ်အူအပူၤ, မ့တမ့ၢ်ထံကျါတလီၢ်လီၢ်တလီၢ်လီၢ်လီၤ.

လံာ်မးသဲ 20:34

ယ့ၣ်ၡူးသးကညီၤအဝဲသ့ၣ်, ဒီးထိးဘၣ်အဝဲသ့ၣ်အမဲာ်ချံတဖၣ်လၢ အစု, ဒီးတကီၢ်ခါအဝဲသ့ၣ်ထံၣ်ထီၣ်က့ၤတၢ်, ဒီးပိာ်ထီၣ်အခံလီၤ.

လံာ်မးသဲ 8:2

တုၤနုၤတစု, ပှၤဘၣ်တၢ်ဆါအၢတဂၤဟဲဆူအအိၣ်, ချံးခီၣ်တီၤလီၤလၢအမဲာ်ညါဒီးစံးဘၣ်အီၤ, “ကစၢ်ဧၢ, နသးမ့ၢ်အိၣ်ဒီးနမၤကဆှီထီၣ်က့ၤယၤသ့လီၤ.”

လံာ်မးသဲ 9:28

ဖဲယ့ၣ်ၡူးလဲၤနုာ်ဆူဟံၣ်ပူၤန့ၣ်, ပှၤမဲာ်ဘျီၣ်ခံဂၤဟဲဆူအအိၣ်ဒီးအဝဲဒၣ်သံကွၢ်အဝဲသ့ၣ်, “သုနာ်လၢယမၤဘျါက့ၤသုသ့ဧါ.” အဝဲသ့ၣ်စံးဆၢ, “မ့ၢ်ကစၢ်ဧၢ, ပနာ်လီၤ.”

လံာ်မၢ်ကူး 5:19

ဘၣ်ဆၣ်ဒီးယ့ၣ်ၡူးတပျဲအီၤဘၣ်. မ့မ့ၢ်စံးဘၣ်အီၤ, “က့ၤက့ၤဆူနဟံၣ်နဃီဒီးတဲဘၣ်ပှၤအိၣ်ဒီးနၤတဖၣ်လၢ ကစၢ်မၤတ့ၢ်တၢ်လၢနဂီၢ်ဆံးအါဒီးအတၢ်သးကညီၤအိၣ်တ့ၢ်လၢနဖီ ခိၣ်ဆံးအါလဲၣ်န့ၣ်တက့ၢ်.”

လံာ်မၢ်ကူး 9:21

ဒီးယ့ၣ်ၡူးသံကွၢ်ဖိသၣ်အပၢ်န့ၣ်, “တၢ်မၤအသးဒီးအီၤဒ်သိးအံၤအိၣ်ဆံးယံာ်လံလဲၣ်.” ဒီးအဝဲဒၣ်စံးဆၢက့ၤဝဲ, “စးထီၣ်လၢအမ့ၢ်ဖိသၣ်လံၤလံၤလီၤ.

လံာ်မၢ်ကူး 9:23

ယ့ၣ်ၡူးစံးဘၣ်အီၤ, “နနာ်တၢ်မ့ၢ်သ့ဒီး, ပှၤလၢအအိၣ်ဒီးတၢ်နာ်န့ၣ်တၢ်မၤသးလၢအဂီၢ်သ့ခဲလၢာ်လီၤ.”

လံာ်လူၤကၣ် 7:13

ဖဲကစၢ်ထံၣ်ပိာ်မုၣ်အဝဲန့ၣ်, အဝဲဒၣ်အသးပူၤပှဲၤဒီးတၢ်သးကညီၤဘၣ်အီၤ, ဒီးစံးဘၣ်ပိာ်မုၣ်န့ၣ်, “တဘၣ်ဟီၣ်တဂ့ၤ.”