လံာ်မၢ်ကူး 9:21 - Sgaw Karen Common Bible

²¹ ဒီးယ့ၣ်ၡူးသံကွၢ်ဖိသၣ်အပၢ်န့ၣ်, “တၢ်မၤအသးဒီးအီၤဒ်သိးအံၤအိၣ်ဆံးယံာ်လံလဲၣ်.” ဒီးအဝဲဒၣ်စံးဆၢက့ၤဝဲ, “စးထီၣ်လၢအမ့ၢ်ဖိသၣ်လံၤလံၤလီၤ.

လံာ်မၢ်ကူး 9:21 Iomraidhean Croise

လံာ်စီၤယိၤဘး 14:1

ပဝဲခဲလၢာ်ပအိၣ်ဖျဲၣ်ထီၣ်ဒ်တၢ်ဂံၢ်စၢ်ဘါစၢ်ဒီးပမၤစၢၤလီၤ ပသးတသ့ဘၣ်. ပတၢ်အိၣ်မူမ့ၢ်ဒၣ်စှၤသီဒီးပှဲၤဝဲဒီးတၢ်ကိၢ် တၢ်ဂီၤန့ၣ်လီၤ.

လံာ်စီၤယိၤဘး 5:7

မ့မ့ၢ်ပှၤကညီဒုးအိၣ်ထီၣ်တၢ်ကိၢ်တၢ်ဂီၤလၢအဂီၢ်ဒၣ်ဝဲ, မၤသးသပှၢ်တၢၢ်ဒ်မ့ၣ်အူဖီလၢအဒံကွံာ်ဆူထးဟဲလၢ မ့ၣ်အူအသိးန့ၣ်လီၤ.

စံးထီၣ်ပတြၢၤ 51:5

ကွၢ်ကွၢ်, ယအိၣ်ဖျဲၣ်ထီၣ်လၢတၢ်အၢတၢ်သီအပူၤ, ဒီးယမိၢ်ဒၢထီၣ်ယၤလၢတၢ်ဒဲးဘးအပူၤလီၤ.

လံာ်မၢ်ကူး 5:25

အကတီၢ်ဖဲန့ၣ်, ပှၤပိာ်မုၣ်အိၣ်ဝဲတဂၤလၢအအိၣ်ဒီး တၢ်ဆါသွံၣ်လီၤတဆံခံနံၣ်လီၤ.

လံာ်မၢ်ကူး 9:20

အဝဲသ့ၣ်ဟဲကိးဃီၤဖိသၣ်န့ၣ်ဆူအအိၣ် ဒီးတုၤတၢ်နါထံၣ်ဘၣ်ယ့ၣ်ၡူးတဘျီဃီန့ၣ်, မၤပျုၢ်ထိးထီၣ်အီၤသတးဒီး, လီၤဃံၤဝဲလၢဟီၣ်ခိၣ်လိၤ ဒီးထွၣ်တလ့ၣ်အသးဖဲန့ၣ်ဒီးအကိာ်ပူၤသဘှဲထီၣ်ဝဲဒၣ်လီၤ.

လံာ်မၢ်ကူး 9:22

တၢ်နါအဲၣ်ဒိးမၤသံအီၤသတးဒီး အတၢ်တ့ၢ်လီၤအီၤဆူမ့ၣ်အူပူၤဒီးဆူထံကျါတလီၢ်လီၢ်န့ၣ်လီၤ. နဲဒၣ်အံၤနမၤစၢၤပှၤမ့ၢ်သ့တမံၤမံၤဒီးသးကညီၤပှၤဒီးမၤစၢၤ ဘၣ်ပှၤတက့ၢ်.”

လံာ်လူၤကၣ် 13:16

ခဲကနံၣ်အံၤ, ပိာ်မုၣ်လၢအမ့ၢ်စီၤအၤဘြၤဟၣ်အစၢၤအသွဲၣ် အိၣ်ဝဲဒၣ်ဖဲအံၤတဂၤလၢမုၣ်ကီၤလံၢ်ဟံးဃာ်တ့ၢ်အီၤလၢတၢ်စၢဃာ် အပူၤ, အိၣ်လံတဆံဃိးနံၣ်လံန့ၣ်လီၤ. တၢ်ကဒုးထူၣ်ဖျဲးထီၣ်ကွံာ်အီၤလၢအတၢ်စၢဃာ်အပူၤဖဲမုၢ်အိၣ်ဘှံး အနံၤန့ၣ်, တကြၢးဝဲဘၣ်ဝဲဘၣ်ဧါ.”

လံာ်လူၤကၣ် 8:43

ပိာ်မုၣ်အိၣ်ဝဲဒၣ်တဂၤလၢအတူၢ်ဘၣ်တ့ၢ်ဝဲတၢ်ဆါသွံၣ်လီၤနးမးလၢ တဆံခံနံၣ်အတီၢ်ပူၤဒီးအဝဲဒၣ်လၢာ်ဘူၣ်လၢာ်စ့ၤလၢကသံၣ် သရၣ်တဖၣ်ကမၤဘျါအီၤအဂီၢ်တုၤဒၣ်လဲာ်တၢ်လၢ အအိၣ်ဒီးအီၤလၢာ်ကွံာ်ဝဲခဲလၢာ်ဘၣ်ဆၣ်ဒီးပှၤမၤဘျါအီၤ တန့ၢ်နီတဂၤဘၣ်.

လံာ်ယိၤဟၣ် 9:1

ဖဲယ့ၣ်ၡူးလဲၤတၢ်အဖၢမုၢ်ဒီး, အဝဲထံၣ်ပှၤတဂၤလၢအမဲာ်ဘျီၣ်လၢအအိၣ်ဖျဲၣ်ထီၣ်လံၤလံၤ န့ၣ်လီၤ.

မၤတၢ် 14:8

တၢ်မၤအသးဖဲဝ့ၢ်လူစတြၤန့ၣ်, ပှၤအခီၣ်ဟးဂီၤတ့ၢ်ဝဲလၢအအိၣ်ဖျဲၣ် ထီၣ်လံၤလံၤဒီးဟးတသ့နီတဘျီဘၣ်အိၣ်ဝဲတဂၤလီၤ.

မၤတၢ် 3:2

ဖဲန့ၣ်ပှၤအခီၣ်ဟးဂီၤလၢအအိၣ်ဖျဲၣ်ထီၣ်လံၤလံၤတဂၤဘၣ် တၢ်ဟဲစိာ်အီၤဆူတၢ်လုၢ်ဟံၣ်အတြဲၤ, လၢတၢ်ကိးန့ၢ်အမံၤလၢတြဲၤဃံလၤအခီၣ်ထံးန့ၣ်လီၤ. ကိးမုၢ်နံၤဒဲးအဝဲဒၣ်ဘၣ်တၢ်ဟဲစိာ်အီၤဒီးတၢ်ပာ်လီၤအီၤဖဲ တြဲၤခိၣ်ထိးန့ၣ်, ဒ်သိးအကဃ့အီၣ်တၢ်လၢပှၤလၢအလဲၤနုာ်ဆူတၢ်လုၢ်ဟံၣ်ပူၤ တဖၣ်အအိၣ်အဂီၢ်န့ၣ်လီၤ.

မၤတၢ် 4:22

ပှၤလၢအဘၣ်တၢ်မၤဘျါက့ၤအီၤလီၤလိၢ်လီၤလးတဂၤအံၤ, အသးအိၣ်အနံၣ်လွံၢ်ဆံအဘျဲၣ်န့ၣ်လီၤ.

မၤတၢ် 9:33

ဖဲန့ၣ်အဝဲထံၣ်လိာ်သးဒီးစီၤအဲၤန့း, ပှၤသံတခီပၤလၢအအိၣ်မံလီၤဝဲလၢလီၢ်မံပူၤယံာ်ဃိးနံၣ်လံ တဂၤန့ၣ်လီၤ.