လံာ်မၢ်ကူး 9:20 - Sgaw Karen Common Bible

²⁰ အဝဲသ့ၣ်ဟဲကိးဃီၤဖိသၣ်န့ၣ်ဆူအအိၣ် ဒီးတုၤတၢ်နါထံၣ်ဘၣ်ယ့ၣ်ၡူးတဘျီဃီန့ၣ်, မၤပျုၢ်ထိးထီၣ်အီၤသတးဒီး, လီၤဃံၤဝဲလၢဟီၣ်ခိၣ်လိၤ ဒီးထွၣ်တလ့ၣ်အသးဖဲန့ၣ်ဒီးအကိာ်ပူၤသဘှဲထီၣ်ဝဲဒၣ်လီၤ.

လံာ်မၢ်ကူး 9:20 Iomraidhean Croise

လံာ်မၢ်ကူး 1:26

ဒီးတၢ်နါတရုၤဆှဲးဆှု ပှၤတဂၤန့ၣ်နးနးကလဲာ်ဝံၤ, ကိးပသူထီၣ်လၢအကလုၢ်ဖးဒိၣ်ဒီးဟးထီၣ်ကွံာ်လၢအပူၤလီၤ.

လံာ်မၢ်ကူး 9:18

တဘျီလၢ်လၢ်ဖဲတၢ်နါဒိးအီၤန့ၣ်, အဝဲဒၣ်လီၤဃံၤလၢဟီၣ်ခိၣ်လိၤဒီးအကိာ်ပူၤသဘှဲထီၣ်, အ့ၣ်တဃံးအမဲ, ဒီးဆှိၣ်ထီၣ်ဒီဂၤညါလီၤ. ယဃ့ကညးနပျဲၢ်နဘီၣ်တဖၣ်လၢအကဟီထီၣ်ကွံာ်တၢ်နါန့ၣ်, ဘၣ်ဆၣ်မၤဝဲတသ့ဘၣ်.”

လံာ်မၢ်ကူး 9:19

ယ့ၣ်ၡူးစံးဘၣ်အဝဲသ့ၣ်, “သုဝဲပှၤတစိၤလၢအတၢ်နာ်တအိၣ်ဘၣ်တဖၣ်ဧၢ, မ့ၢ်ယကဘၣ်အိၣ်ဒီးသုဆံးယံာ်လဲၣ်. မ့ၢ်ယကဘၣ်ဝံသးစူၤသုဆံးယံာ်လဲၣ်. ဟဲကိးဃီၤဖိသၣ်န့ၣ်ဆူယအိၣ်တက့ၢ်.”

လံာ်မၢ်ကူး 9:21

ဒီးယ့ၣ်ၡူးသံကွၢ်ဖိသၣ်အပၢ်န့ၣ်, “တၢ်မၤအသးဒီးအီၤဒ်သိးအံၤအိၣ်ဆံးယံာ်လံလဲၣ်.” ဒီးအဝဲဒၣ်စံးဆၢက့ၤဝဲ, “စးထီၣ်လၢအမ့ၢ်ဖိသၣ်လံၤလံၤလီၤ.

လံာ်မၢ်ကူး 9:26

ဒီးတၢ်နါကိးပသူထီၣ်ဝဲဒီးမၤပျုၢ်ထိးထီၣ်ဖိသၣ်နးမးဝံၤ ဟးထီၣ်ကွံာ်ဝဲလၢအအိၣ်လီၤ. ဖိသၣ်န့ၣ်အိၣ်ဖျါမၤအသးဒ်ပှၤသံစိၣ်တဂၤအသိးသတးဒီး, ပှၤကိးဂၤဒဲးစံးဝဲ, “အဝဲဒၣ်သံလံ” န့ၣ်လီၤ.

လံာ်လူၤကၣ် 4:35

ယ့ၣ်ၡူးခါလီၤအကလုၢ်ဒီးစံးဘၣ်တၢ်နါန့ၣ်, “အိၣ်ဘှီၣ်ကလာ်ဒီးဟးထီၣ်ကွံာ်လၢပှၤတဂၤန့ၣ်အပူၤတက့ၢ်.” တၢ်နါကွံာ်လီၤပှၤတဂၤန့ၣ်လၢအဝဲသ့ၣ်တဖၣ်အမဲာ်ညါ ဒီးဟးထီၣ်ကွံာ်လၢအဝဲဒၣ်အပူၤ, တအိၣ်ဒီးတၢ်မၤဘၣ်ဒိဘၣ်ထံးအီၤနီတမံၤဘၣ်.

လံာ်လူၤကၣ် 8:29

အဝဲဒၣ်စံးတၢ်အံၤန့ၣ်, မ့ၢ်လၢယ့ၣ်ၡူးဟီထီၣ်ကွံာ်တ့ၢ်လံတၢ်နါဒ်သိး အကဟးထီၣ်ကွံာ်လၢအလိၤအဃိန့ၣ်လီၤ. တၢ်နါအံၤဖီၣ်ဃာ်တ့ၢ်အီၤအါစုအါဘျီ, ဒီးအဝဲဒၣ်အစုအခီၣ်ဘၣ်တၢ်စၢဃာ်အီၤလၢထးသွဲသနာ်က့ ဖ့ၣ်တဲာ်ကွံာ်ဝဲဒီးဘၣ်တၢ်နီၣ်ဟးထီၣ်ကွံာ်အီၤလၢ တၢ်နါအဝဲန့ၣ်ဆူပှၢ်မုၢ်ကနၢအပူၤလီၤ.

လံာ်လူၤကၣ် 9:39

တၢ်နါတဒုဒိးအီၤဒီးအဝဲဒၣ်ကိးပသူထီၣ်သတူၢ်ကလာ် လၢအကလုၢ်ဖးဒိၣ်ဒီးပျုၢ်ထိးထီၣ်ဝဲ, တုၤဒၣ်လဲာ်အခၣ်သဘှဲထီၣ်ဝဲလီၤ. တၢ်နါတဒုအံၤ, မၤဆူးမၤဆါထီဃာ်ပိာ်ခွါဖိသၣ်တဂၤအံၤ, ဒီးတပျဲအီၤညီညီဘၣ်.

လံာ်လူၤကၣ် 9:42

ဖဲပိာ်ခွါဖိသၣ်ဟဲဝဲအဖၢမုၢ်န့ၣ်, တၢ်နါမၤလီၤဃံၤအီၤလၢဟီၣ်ခိၣ်လိၤဒီးဒုးပျုၢ်ထိးအီၤလီၤ. ယ့ၣ်ၡူးဒူတၢ်နါအလိၤ, မၤဘျါက့ၤပိာ်ခွါဖိသၣ်, ဒီးဟ့ၣ်က့ၤအီၤဆူအပၢ်အအိၣ်လီၤ.

လံာ်ယိၤဟၣ် 8:44

သုမ့ၢ်သုပၢ်မုၣ်ကီၤလံၢ်အဖိတဖၣ်ဒီးသုသးအိၣ်မၤအတၢ်ဘၣ် အသးန့ၣ်လီၤ. လၢအခီၣ်ထံးလံၤလံၤန့ၣ်, အဝဲမ့ၢ်ပှၤမၤသံပှၤကညီဒီးတဆၢထၢၣ်လၢ တၢ်မ့ၢ်တၢ်တီအဂီၢ်နီတဘျီဘၣ်, အဂ့ၢ်မ့ၢ်လၢ တၢ်မ့ၢ်တၢ်တီတအိၣ်ဘၣ်လၢအပူၤအဃိလီၤ. တုၤအဝဲကတိၤတၢ်ကဘျံးကဘျၣ်ဒီးမ့ၢ်ဒၣ်အဝဲမၤတၢ်လၢ အဝဲမၤညီနုၢ်ဝဲန့ၣ်လီၤ. အဂ့ၢ်မ့ၢ်လၢအဝဲမ့ၢ်ပှၤကတိၤကဘျံး ကဘျၣ်တၢ်တဂၤဒီးမ့ၢ်တၢ်ကဘျံးကဘျၣ်ခဲလၢာ်အပၢ်အဃိလီၤ.

၁ ပ့းတရူး 5:8

အိၣ်စီၣ်မဲာ်စီၣ်နါဒီးဆိးသီတက့ၢ်. သုဒုၣ်သုဒါမုၣ်ကီၤလံၢ်ဟးဝ့ၤဝီၤဒ်ခ့ယုၢ်ကညီၤရုၢ်ရုၢ် အသိးဒီးဃုပှၤလၢအကယူၢ်လီၤဝဲလီၤ.