လံာ်မၢ်ကူး 9:19 - Sgaw Karen Common Bible

¹⁹ ယ့ၣ်ၡူးစံးဘၣ်အဝဲသ့ၣ်, “သုဝဲပှၤတစိၤလၢအတၢ်နာ်တအိၣ်ဘၣ်တဖၣ်ဧၢ, မ့ၢ်ယကဘၣ်အိၣ်ဒီးသုဆံးယံာ်လဲၣ်. မ့ၢ်ယကဘၣ်ဝံသးစူၤသုဆံးယံာ်လဲၣ်. ဟဲကိးဃီၤဖိသၣ်န့ၣ်ဆူယအိၣ်တက့ၢ်.”

လံာ်မၢ်ကူး 9:19 Iomraidhean Croise

စံးထီၣ်ပတြၢၤ 78:22

အဂ့ၢ်ဒ်အံၤ, အဝဲသ့ၣ်တအိၣ်ဒီးတၢ်နာ်လၢယွၤအပူၤနီတစဲးဘၣ်, ဒီးတနာ်ယွၤအတၢ်အုၣ်က့ၤခီၣ်က့ၤ အစိအကမီၤန့ၣ်ဘၣ်.

လံာ်တၢ်ဂံၢ် 14:11

ယွၤစံးဘၣ်စီၤမိၤၡ့, “မ့ၢ်ပှၤဂီၢ်မုၢ်အံၤကညိကွံာ်ဒံးယၤ ဆံးယံာ်လဲၣ်. ယမၤတ့ၢ်တၢ်လီၤလးအါမံၤလၢအဝဲသ့ၣ် အကျါဒၣ်လဲာ်, ကဂ့ၢ်လိာ်တၢ်လၢတနာ်ယၤအဂီၢ်န့ၣ်ဆံးယံာ်ဒံးလဲၣ်.

လံာ်တၢ်ဂံၢ် 14:22

ပှၤဂီၢ်မုၢ်အံၤတလဲၤနုာ်ဘၣ်ဆူကီၢ်တဘ့ၣ်န့ၣ်အပူၤနီ တဂၤဘၣ်. အဝဲသ့ၣ်ထံၣ်ဘၣ်တ့ၢ်ယတၢ်အိၣ်ယဲအတၢ်ကပြုၢ်ကပြီၤဒီး တၢ်လီၤလးတဖၣ်လၢယမၤတ့ၢ်ယဲလၢကီၢ်အဲၤကူပတူးအပူၤဒီးလၢ ပှၢ်မုၢ်ကနၢအပူၤ, ဘၣ်ဆၣ်ဒီးအဝဲသ့ၣ်မၤကွၢ်တ့ၢ်ယတၢ်သးစူၤ တဘျီဝံၤတဘျီဒီးဂ့ၢ်လိာ်ဝဲလၢကစူၢ်ယၤအဂီၢ်န့ၣ်လီၤ.

လံာ်မးသဲ 17:17

ဒီးယ့ၣ်ၡူးစံးဆၢတၢ်ဒီးစံး, “ပှၤတစိၤလၢအတၢ်နာ်တအိၣ်ဘၣ်ဒီးအနၢ်က့ၣ်သ့ၣ်ဧၢ, ယကဘၣ်အိၣ်ဒီးသုဆံးယံာ်ဒံးလဲၣ်. ယကဘၣ်ဝံသးစူၤသုဆံးယံာ်ဒံးလဲၣ်. ဟဲစိာ်ပိာ်ခွါဖိဆူယအိၣ်ဖဲအံၤတက့ၢ်.”

လံာ်မၢ်ကူး 16:14

ယ့ၣ်ၡူးလီၣ်ဖျါထီၣ်အသးလၢခံကတၢၢ်တဘျီလၢအပျဲၢ်အဘီၣ်တဆံတဂၤ, ဖဲအဝဲသ့ၣ်အီၣ်တၢ်အီၣ်အဖၢမုၢ်လီၤ. အဝဲဒၣ်ဒူအဝဲသ့ၣ်အလိၤမ့ၢ်လၢအဝဲသ့ၣ်ပာ်ကိၤအသး ဒီးအတၢ်နာ်တအိၣ်ဘၣ်အဃိ, ဒီးမ့ၢ်လၢအဝဲသ့ၣ်တနာ်ဘၣ်ပှၤသ့ၣ်တဖၣ်လၢအထံၣ်ဘၣ်တ့ၢ်လံအီၤ လၢတၢ်ဒုးဂဲၤဆၢထၢၣ်က့ၤအီၤလၢတၢ်သံဝံၤအလီၢ်ခံန့ၣ်အဃိလီၤ.

လံာ်မၢ်ကူး 9:18

တဘျီလၢ်လၢ်ဖဲတၢ်နါဒိးအီၤန့ၣ်, အဝဲဒၣ်လီၤဃံၤလၢဟီၣ်ခိၣ်လိၤဒီးအကိာ်ပူၤသဘှဲထီၣ်, အ့ၣ်တဃံးအမဲ, ဒီးဆှိၣ်ထီၣ်ဒီဂၤညါလီၤ. ယဃ့ကညးနပျဲၢ်နဘီၣ်တဖၣ်လၢအကဟီထီၣ်ကွံာ်တၢ်နါန့ၣ်, ဘၣ်ဆၣ်မၤဝဲတသ့ဘၣ်.”

လံာ်မၢ်ကူး 9:20

အဝဲသ့ၣ်ဟဲကိးဃီၤဖိသၣ်န့ၣ်ဆူအအိၣ် ဒီးတုၤတၢ်နါထံၣ်ဘၣ်ယ့ၣ်ၡူးတဘျီဃီန့ၣ်, မၤပျုၢ်ထိးထီၣ်အီၤသတးဒီး, လီၤဃံၤဝဲလၢဟီၣ်ခိၣ်လိၤ ဒီးထွၣ်တလ့ၣ်အသးဖဲန့ၣ်ဒီးအကိာ်ပူၤသဘှဲထီၣ်ဝဲဒၣ်လီၤ.

လံာ်လူၤကၣ် 24:25

တုၤနုၤတစုယ့ၣ်ၡူးစံးဘၣ်အဝဲသ့ၣ်, “ပှၤသူၣ်တဆးသးတဆး သ့ၣ်ဧၢ, သုကစူၢ်ကနာ်တၢ်ခဲလၢာ်လၢဝံတဖၣ်စံးတ့ၢ်ဝဲန့ၣ် ကီမးလဲၣ်.

လံာ်လူၤကၣ် 9:41

ယ့ၣ်ၡူးစံးဆၢဝဲ, “သုဝဲသ့ၣ်အံၤ, သုတၢ်စူၢ်တၢ်နာ်တအိၣ်, ဒီးသုနၢ်က့ၣ်မးလဲၣ်. ယကဘၣ်အိၣ်ဒီးသုဆံးယံာ်လဲၣ်. ယကဘၣ်ဝံသးစူၤသုဆံးယံာ်လဲၣ်.” တုၤနုၤတစုအဝဲဒၣ်စံးဘၣ်ပှၤတဂၤန့ၣ်, “ဟဲစိာ်နဖိခွါဖဲအံၤတက့ၢ်.”

လံာ်ယိၤဟၣ် 12:27

ခဲအံၤယသးဘၣ်တံာ်တာ်ဒိၣ်မးဒီးယကဘၣ်စံးဒ်လဲၣ်. မ့ၢ်ယကဘၣ်စံး, ‘ပၢ်ဧၢ, တဘၣ်ပျဲတၢ်ဆၢကတီၢ်နၣ်ရံၣ်အဝဲအံၤဟဲတုၤအိၣ်ယၤတဂ့ၤ’ န့ၣ်ဧါ. ဘၣ်ဆၣ်ယဟဲယဲလၢယကလဲၤခီဖျိတၢ်နးတၢ်ဖှီၣ် အနၣ်ရံၣ်အံၤအဂီၢ်န့ၣ်လီၤ.

လံာ်ယိၤဟၣ် 20:27

ဝံၤဒီးယ့ၣ်ၡူးစံးဘၣ်စီၤသိၤမါ, “ပာ်နစုနၢဖဲအံၤဒီးကွၢ်ယစု တဖၣ်အံၤတက့ၢ်. ဝံၤဒီးယူာ်ဃီၤနစုဒီးကလၢၢ်ကွၢ်ယကပၤ တက့ၢ်. ဆိကတီၢ်လၢနတၢ်သးဒ့ဒီဒီးနာ်တၢ်တက့ၢ်.”

လံာ်သိၣ်လီၤသီလီၤတၢ် 32:20

အဝဲစံးဝဲ, “ယတမၤစၢၤလၢၤအဝဲသ့ၣ်ဘၣ်. အန့ၣ်ဒီး, ယကထံၣ်တၢ်လၢအမၤအသးဒီးအဝဲသ့ၣ်, လၢအမ့ၢ်ပှၤလၢအခိၣ်ကိၤ, ပှၤဂီၢ်မုၢ်လၢအသူၣ်တတီသးတရၤဘၣ်အဃိ န့ၣ်လီၤ.