လံာ်မၢ်ကူး 9:18 - Sgaw Karen Common Bible

¹⁸ တဘျီလၢ်လၢ်ဖဲတၢ်နါဒိးအီၤန့ၣ်, အဝဲဒၣ်လီၤဃံၤလၢဟီၣ်ခိၣ်လိၤဒီးအကိာ်ပူၤသဘှဲထီၣ်, အ့ၣ်တဃံးအမဲ, ဒီးဆှိၣ်ထီၣ်ဒီဂၤညါလီၤ. ယဃ့ကညးနပျဲၢ်နဘီၣ်တဖၣ်လၢအကဟီထီၣ်ကွံာ်တၢ်နါန့ၣ်, ဘၣ်ဆၣ်မၤဝဲတသ့ဘၣ်.”

လံာ်မၢ်ကူး 9:18 Iomraidhean Croise

လံာ်စီၤယိၤဘး 16:9

ကစၢ်ယွၤအ့ၣ်ဖှီယၤလၢအတၢ်သးထီၣ်အပူၤအ့ၣ်သဃံးအမဲဒီး ကျ့ၣ်အမဲာ်လၢယလိၤလၢတၢ်သးဟ့အပူၤလီၤ.

စံးထီၣ်ပတြၢၤ 112:10

ပှၤတတီတလိၤထံၣ်ဘၣ်ဝဲတၢ်အံၤဒီး အသးဒိၣ်ထီၣ်လီၤ. အ့ၣ်စဃံးအမဲဒီးပှံၢ်လီၤကွံာ်ဝဲဒၣ်န့ၣ်လီၤ. ပှၤတတီတလိၤအတၢ်ဆၢန့ၢ်ဘၣ်တဖၣ်န့ၣ် တုၤဝဲဆူတၢ်ဟးဂီၤလီၤထူလီၤယိာ်လီၤ.

လံာ်မးသဲ 15:22

ဒီးပှၤကနၤဧၣ်မုၣ်တဂၤ, လၢအအိၣ်ဖဲတၢ်လီၢ်န့ၣ်ဟဲဆူအအိၣ်ဒီးကိးထီၣ်ဝဲ, “စီၤဒၤဝံးအဖိခွါ, ကစၢ်ဧၢ, သူၣ်ကညီၤသးကညီၤလၢ်ယၤတက့ၢ်. ယဖိမုၣ်န့ၣ် တၢ်နါဒိးအီၤဒီးဘၣ်တူၢ်ဝဲနးမးလီၤ.”

လံာ်မးသဲ 17:16

ယဟဲဆှၢဆူနပျဲၢ်နဘီၣ်တဖၣ်အအိၣ်, ဘၣ်ဆၣ်အဝဲသ့ၣ်မၤဘျါအီၤတသ့ဘၣ်.”

လံာ်မးသဲ 8:12

ဘၣ်ဆၣ်ဘီမုၢ်အဖိတဖၣ်န့ၣ်, ယွၤကတ့ၢ်လီၤကွံာ်အီၤဆူတၢ်ချၢလၢတၢ်ခံးကျါ, ဖဲတၢ်ဟီၣ်တၢ်ယၢၤဒီးတၢ်မဲအ့ၣ်စဃံးအိၣ်ဝဲန့ၣ်လီၤ.”

လံာ်မၢ်ကူး 11:23

ယစံးဘၣ်သုသပှၢ်ကတၢၢ်လီၤ. ပှၤတဂၤဂၤမ့ၢ်စံးဘၣ်ကစၢၢ်တဖျၢၣ်အံၤလၢအကထုးထီၣ်ကွံာ် အသးဖဲအလီၢ်အံၤဒီးကွံာ်လီၤအသးဆူပီၣ်လဲၣ်ပူၤဒီး တၢ်သးဒ့ဒီမ့တအိၣ်လၢအသးပူၤဘၣ်, မ့မ့ၢ်နာ်ဝဲလၢတၢ်ကမၤဒၣ်အသးဒ်အစံးဘၣ်ဝဲ အသိးန့ၣ်ဒီး, တၢ်န့ၣ်ကမၤဒၣ်အသးလၢအဂီၢ်လီၤ.

လံာ်မၢ်ကူး 9:17

ဒီးပှၤအိၣ်ဝဲတဂၤလၢပှၤဂီၢ်မုၢ်အကျါစံးဆၢအီၤ, “သရၣ်ဧၢ, ယဟဲကိးယဖိခွါဆူနအိၣ်မ့ၢ်လၢတၢ်နါဒိးအီၤဒီးအဝဲဒၣ်ကတိၤ တၢ်တသ့ဘၣ်အဃိလီၤ.

လံာ်မၢ်ကူး 9:19

ယ့ၣ်ၡူးစံးဘၣ်အဝဲသ့ၣ်, “သုဝဲပှၤတစိၤလၢအတၢ်နာ်တအိၣ်ဘၣ်တဖၣ်ဧၢ, မ့ၢ်ယကဘၣ်အိၣ်ဒီးသုဆံးယံာ်လဲၣ်. မ့ၢ်ယကဘၣ်ဝံသးစူၤသုဆံးယံာ်လဲၣ်. ဟဲကိးဃီၤဖိသၣ်န့ၣ်ဆူယအိၣ်တက့ၢ်.”

လံာ်မၢ်ကူး 9:20

အဝဲသ့ၣ်ဟဲကိးဃီၤဖိသၣ်န့ၣ်ဆူအအိၣ် ဒီးတုၤတၢ်နါထံၣ်ဘၣ်ယ့ၣ်ၡူးတဘျီဃီန့ၣ်, မၤပျုၢ်ထိးထီၣ်အီၤသတးဒီး, လီၤဃံၤဝဲလၢဟီၣ်ခိၣ်လိၤ ဒီးထွၣ်တလ့ၣ်အသးဖဲန့ၣ်ဒီးအကိာ်ပူၤသဘှဲထီၣ်ဝဲဒၣ်လီၤ.

လံာ်မၢ်ကူး 9:26

ဒီးတၢ်နါကိးပသူထီၣ်ဝဲဒီးမၤပျုၢ်ထိးထီၣ်ဖိသၣ်နးမးဝံၤ ဟးထီၣ်ကွံာ်ဝဲလၢအအိၣ်လီၤ. ဖိသၣ်န့ၣ်အိၣ်ဖျါမၤအသးဒ်ပှၤသံစိၣ်တဂၤအသိးသတးဒီး, ပှၤကိးဂၤဒဲးစံးဝဲ, “အဝဲဒၣ်သံလံ” န့ၣ်လီၤ.

မၤတၢ် 7:54

ပှၤလၢအမ့ၢ်ကီၣ်ကးဖိတဖၣ်န့ၣ်, တုၤအနၢ်ဟူဘၣ်စီၤစတ့းဖၣ်အတၢ်စံးတၢ်ကတိၤတဖၣ်န့ၣ်ဒီး, အဝဲသ့ၣ်အသးဒိၣ်ထီၣ်ဒိၣ်ဒိၣ်ကလဲာ်, ဒီးအ့ၣ်စဃံးအမဲထီဒါ အီၤန့ၣ်လီၤ.

ယူဒၤ 1:13

အဝဲသ့ၣ်တဖၣ်လီၤဂာ်ဒီးပီၣ်လဲၣ်လပီတပျုာ်တပျီၤ, ဒီးအတၢ်မၤလၢအလီၤမဲာ်ဆှးတဖၣ်အိၣ်ဖျါထီၣ်ဒ်ပီၣ်လဲၣ် သဘှဲထီၣ်အသိးန့ၣ်လီၤ. အဝဲသ့ၣ်လီၤဂာ်ဒီးဆၣ်လၢအယူၤ တဖၣ်, လၢကစၢ်ယွၤကတဲာ်ကတီၤပာ်စၢၤန့ၢ်အလီၢ်လီၤထူလီၤ ယိာ်လၢတၢ်ခံးယိာ်အပူၤန့ၣ်လီၤ.