လံာ်မၢ်ကူး 9:12 - Sgaw Karen Common Bible

¹² အဝဲဒၣ်စံးဆၢဝဲ, “ဝံအ့ၤလံယၤကဘၣ်ဟဲဆိဝဲသပှၢ်ကတၢၢ်လၢကမၤ ဘၣ်လီၢ်ဘၣ်စးက့ၤတၢ်ခဲလၢာ်အဂီၢ်လီၤ. ဘၣ်ဆၣ်ဒီးဘၣ်မနုၤအဃိ တၢ်ကွဲးအသးစီဆှံဘၣ်စံးဝဲလၢပှၤကညီဖိခွါအံၤကဘၣ် တူၢ်တၢ်နးတၢ်ဖှီၣ်အဒိၣ်အအါဒီးကဘၣ်တၢ်ညိကွံာ်အီၤန့ၣ်လဲၣ်.

လံာ်မၢ်ကူး 9:12 Iomraidhean Croise

စံးထီၣ်ပတြၢၤ 74:22

ကစၢ်ယွၤဧၢ, ထိၣ်ဂဲၤထီၣ်နသးဒီး ဒီဒၣ်နကွီၢ်န့ၣ်တက့ၢ်. သ့ၣ်နီၣ်ထီၣ်က့ၤပှၤလၢအတအိၣ်ဒီးယွၤ နံၤဘၣ်ဖၣ်လဲနၤဒီတနံၤညါန့ၣ်တက့ၢ်.

လံာ်ယၡါယၤ 49:7

ကီၢ်အံၣ်စရ့လးအကစၢ်ယွၤစီဆှံဒီးပှၤအုၣ်က့ၤခီၣ်က့ၤတၢ်စံး ဘၣ်ပှၤတဂၤလၢ အဘၣ်တၢ်သးဘၣ်အၢအီၤဒိၣ်မး, ပှၤလၢအဘၣ်တၢ်သးဟ့အီၤလၢပှၤကလုာ်တဖၣ်, ဒီးမ့ၢ်ပှၤပၢတၢ်တဖၣ်အခ့အပှၤတဂၤဒီးစံးဝဲ, “စီၤပၤတဖၣ်ကထံၣ်ဘၣ်တၢ်ပျၢ်ထူၣ်ဖျဲးနၤ ဒီးကဆၢထၢၣ်ဝဲလၢတၢ်ဒုးနဲၣ် အတၢ်ယူးယီၣ်ပာ်ကဲလီၤ. စီၤပၤဖိတဖၣ်စ့ၢ်ကီးကထံၣ်ဘၣ်ဝဲတၢ်အံၤ ဒီးကသကူးလီၤအသးလၢ တၢ်မၤလၤကပီၤနၤအဂီၢ်လီၤ.” တၢ်အံၤကမၤအသးလီၤ. အဂ့ၢ်ဒ်အံၤ, မ့ၢ်လၢယွၤဃုထၢတ့ၢ်အခ့ အပှၤအဃိလီၤ. ကီၢ်အံၣ်စရ့လးအကစၢ်ယွၤစီဆှံမၤတီ အတၢ်အၢၣ်လီၤအီလီၤတဖၣ်လီၤ.

လံာ်ယၡါယၤ 50:6

ယဒီလီၤန့ၢ်ပှၤလၢအတီၢ်ယၤတဖၣ်လၢယချၢဃံလီၤ. ဖဲအဝဲသ့ၣ်ဒုၣ်ဒွဲၣ်ယၤမ့ၢ်ဂ့ၤ, ထဲးထီၣ်ကွံာ်ယခၣ်ဆူၣ်တဖၣ်မ့ၢ် ဂ့ၤ, ထူးပှဲာ်ယၤလၢယမဲာ်သၣ်ပူၤမ့ၢ်ဂ့ၤန့ၣ်, ယတတြီဘၣ်အဝဲသ့ၣ်ဘၣ်.

လံာ်ယၡါယၤ 52:14

ပှၤအါဂၤကဖုးသံပျီၢ်ဂီၤဖဲအထံၣ်ဘၣ်အီၤအဆၢကတီၢ်န့ၣ်လီၤ. အဝဲဒၣ်အက့ၢ်အဂီၤဘၣ်ဒိဘၣ်ထံးလီၤသဘှံးတုၤဒၣ်လဲာ် နကွၢ်အီၤတလီၤဂာ်ဒီးပှၤကညီတဂၤလၢၤဘၣ်န့ၣ်လီၤ.

လံာ်စကၤရယၤ 11:13

ယွၤစံးဘၣ်ယၤ, “ဒၢနုာ်အီၤလၢတၢ်လုၢ်ဟံၣ်စ့ပာ်ဖှိၣ်အလီၢ်တက့ၢ်.” ဒီးယဟံးန့ၢ်စ့လီၤဘီလီၤမုၢ်အဘ့ၣ်သၢဆံလၢအဝဲသ့ၣ် ဆိကမိၣ်ဝဲဒ်အမ့ၢ်ယတၢ်ယကၢပှ့ၤကၢကလံၤန့ၣ်ဒီးဒၢနုာ် အီၤဆူတၢ်လုၢ်ဟံၣ်အစ့ပာ်ဖှိၣ်အလီၢ်လီၤ.

လံာ်စကၤရယၤ 13:7

သ့တၢ်လၢာ်အယွၤစံးဝဲဒၣ်, “ဖုးသံနီၣ်ထီၣ်နးဧၢ, ဒီးဒုးတၢ်ထီဒါပှၤကွၢ်သိလၢအမၤတၢ်လၢယဂီၢ်တက့ၢ်. မၤသံအီၤတက့ၢ်. ဒီးသိတဖၣ်ကလီၤပြံလီၤပြါကွံာ်လီၤ.

လံာ်မၤလကံ 4:6

အဝဲကပာ်ဖှိၣ်က့ၤပၢ်ဒီးဖိတဖၣ်တပူၤဃီကဒီးန့ၣ်လီၤ. မ့တမ့ၢ်ဘၣ်ဒီးယကဘၣ်ဟဲဒီးမၤဟးဂီၤကွံာ်သုထံဧိၤကီၢ်ဧိၤ န့ၣ်လီၤ.”

လံာ်မးသဲ 16:21

စးထီၣ်ဖဲအကတီၢ်န့ၣ်, ယ့ၣ်ၡူးတဲနၢ်ပၢၢ်အပျဲၢ်အဘီၣ်တဖၣ်, လၢအဝဲကဘၣ်လဲၤဆူဝ့ၢ်ယရူၤၡလ့ၣ်, ဒီးတူၢ်ဘၣ် ပှၤယူဒၤဖိကရၢအခိၣ်အနၢ်တဖၣ်, ဒီးပှၤလုၢ်တၢ်အခိၣ်အဒိၣ်တဖၣ်, ဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်အတၢ်မၤနးမၤဖှီၣ် အီၤအါမံၤ, ဒီးလၢအကဘၣ်တၢ်မၤသံအီၤဒီးလၢသၢသီတသီန့ၣ် ယွၤကဒုးဂဲၤဆၢထၢၣ်က့ၤအီၤန့ၣ်လီၤ.

လံာ်မးသဲ 26:24

ပှၤကညီဖိခွါအံၤကဘၣ်သံဝဲ ဒ်တၢ်ကွဲးအသးစီဆှံစံးတ့ၢ်ဝဲ အသိးလီၤ. ဘၣ်ဆၣ်ဒီး, ပှၤကညီလၢအဆါလီၤကွံာ်ပှၤကညီဖိခွါအံၤကဘၣ်အဖှီၣ်ဆံးဒိၣ် လဲၣ်. အဝဲမ့ၢ်တအိၣ်ဖျဲၣ်ထီၣ်ဘၣ်န့ၣ်, ကဂ့ၤဒိၣ်ဒၣ်တၢ်တက့ၢ်လၢအဂီၢ်လီၤ.”

လံာ်မၢ်ကူး 10:33

အဝဲဒၣ်စံးဘၣ်အဝဲသ့ၣ်, “ကနၣ်တက့ၢ်. ခဲအံၤပကလဲၤထီၣ်ဆူဝ့ၢ်ယရူၤရှလ့ၣ်ဒီးဖဲန့ၣ်ပှၤကညီဖိခွါ အံၤ, ကဘၣ်တၢ်ဟ့ၣ်လီၤကွံာ်အီၤဆူပှၤလုၢ်တၢ်အခိၣ်အဒိၣ်တဖၣ် ဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်အစုပူၤလီၤ. အဝဲသ့ၣ်ကစံၣ်ညီၣ်သံကွံာ်အီၤဒီးကဟ့ၣ်လီၤကွံာ်အီၤဆူပှၤ ကလုာ်ဂၤတဖၣ်အစုပူၤလီၤ.

လံာ်မၢ်ကူး 9:13

ဘၣ်ဆၣ်ယစံးဘၣ်သု, ဝံအ့ၤလံယၤဟဲတ့ၢ်လံဝဲလံ. ဒီးပှၤသ့ၣ်တဖၣ်မၤအီၤဖဲအအဲၣ်ဒိးမၤဝဲအသိး ဒ်တၢ်ကွဲးအသးစီဆှံစံးဝဲဘၣ်ဃးဒီးအီၤအသိးန့ၣ်လီၤ.

လံာ်မၢ်ကူး 9:31

အဂ့ၢ်ဒ်အံၤအဝဲဒၣ်သိၣ်လိအပျဲၢ်အဘီၣ်တဖၣ်ဒီးစံးဝဲ, “ပှၤကညီဖိခွါအံၤ, ကဘၣ်တၢ်ဟ့ၣ်လီၤကွံာ်အီၤဆူပှၤကညီတဖၣ်အစုပူၤဒီးအဝဲသ့ၣ် ကမၤသံအီၤလီၤ. သနာ်က့ဒီးသၢသီတသီန့ၣ်, ကဂဲၤဆၢထၢၣ်က့ၤလၢတၢ်သံလီၤ.”

လံာ်လူၤကၣ် 1:76

နဲဒၣ်ယဖိခွါ, နကဘၣ်တၢ်ကိးနၤလၢ ကစၢ်ယွၤတၢ်ထီကတၢၢ်အဝံတဂၤန့ၣ်လီၤ. နကလဲၤဆိနဲလၢကစၢ်အမဲာ်ညါ ဒ်သိးနကကတဲာ်ကတီၤကျဲလၢအဂီၢ်,

လံာ်လူၤကၣ် 23:11

စီၤဟ့ၤရိာ်ဒီးအသုးဖိတဖၣ်နံၤဘၣ်ဖၣ်လဲယ့ၣ်ၡူး, ဒီးမၤအီၤတရီတပါလီၤ. အဝဲသ့ၣ်ဒုးကူဒုးသိးထီၣ်အီၤဆ့ကၤဖး ထီလၢအဂ့ၤ, ဒီးဆှၢက့ၤအီၤဆူစီၤပံၤလးအအိၣ်လီၤ.

လံာ်လူၤကၣ် 23:39

ပှၤအၢဖိလၢအဘၣ်တၢ်ပျၤထီအီၤဖဲအဝဲအကပၤအကျါ တဂၤကတိၤဒုၣ်ဒွဲၣ်အီၤဒီးစံး, “နတမ့ၢ်ခရံာ်ဘၣ်ဧါ. အုၣ်က့ၤခီၣ်က့ၤလီၤနသးဒၣ်နဲဒီးပှၤတက့ၢ်.”

မၤတၢ် 1:6

တုၤပှၤတၢ်မၢဖိတဖၣ်ထံၣ်လိာ်သကိးအသးဒီး ယ့ၣ်ၡူးန့ၣ်အဝဲသ့ၣ်သံကွၢ်အီၤ, “ကစၢ်ဧၢ, ခဲကနံၣ်အံၤမ့ၢ်နကဟ့ၣ်က့ၤပှၤအံၣ်စရ့လးဖိလၢဘီမုၢ်န့ၣ်ဧါ.”

မၤတၢ် 4:11

တၢ်ကွဲးအသးစံးတၢ်ဘၣ်ဃးယ့ၣ်ၡူးအဂ့ၢ်, ‘လၢၢ်တဖျၢၣ်လၢသုဝဲပှၤဘှီထီၣ်ဟံၣ်တဖၣ် ညိကွံာ်ဝဲန့ၣ်, ကဲထီၣ်လံဟံၣ်သနၢၣ်အလၢၢ်လၢ အကါဒိၣ်ကတၢၢ်န့ၣ်လီၤ.’