လံာ်မၢ်ကူး 9:1 - Sgaw Karen Common Bible

¹ ယ့ၣ်ၡူးစံးကဒီးဝဲ, “ယစံးဘၣ်သုတီတီ, ပှၤအိၣ်ဖဲအံၤတနီၤလၢတချုးအထံၣ်ဒံးဘၣ် ကစၢ်ယွၤအဘီအမုၢ်ဟဲအိၣ်လၢအိၣ်ပှဲၤဒီးတၢ်စိတၢ်ကမီၤန့ၣ်, တသံဒံးဘၣ်.”

လံာ်မၢ်ကူး 9:1 Iomraidhean Croise

လံာ်မးသဲ 16:28

ယစံးဘၣ်တဲဘၣ်သုတၢ်မ့ၢ်တၢ်တီ, ပှၤလၢအဆၢထၢၣ်ဖဲအံၤတနီၤန့ၣ်, တချုးလၢအထံၣ်ဘၣ်ပှၤကညီဖိခွါဟဲလၢ အဘီအမုၢ်အပူၤဒံးဘၣ်န့ၣ်, တသံဘၣ်ဝဲဘၣ်.”

လံာ်မးသဲ 24:30

တုၤနုၤတစု, ပှၤကညီဖိခွါအတၢ်ပနီၣ်ကဟဲအိၣ်ဖျါထီၣ်လၢမူ ခိၣ်, ဒီးပှၤကလုာ်ခဲလၢာ်လၢဟီၣ်ခိၣ်ချၢအံၤကဟီၣ်ကယၢၤတၢ်, ဖဲအထံၣ်ဘၣ်ပှၤကညီဖိခွါဟဲဝဲလၢတၢ်အၢၣ်လၢမူကပိာ်လိၤ အိၣ်ဒီးအစိအကမီၤဒီးအလၤအကပီၤဒိၣ်ဒိၣ်မုၢ်မုၢ်လီၤ.

လံာ်မးသဲ 25:31

တုၤပှၤကညီဖိခွါဟဲဝဲအိၣ်ဒီးအလၤကပီၤဒ်စီၤပၤတဂၤအသိး ဃုာ်ဒီးအကလူးခဲလၢာ်န့ၣ်, ကဆ့ၣ်နီၤဝဲလၢအလီၢ်ပစိာ်ကဟုကညီၢ်တဖျၢၣ်အဖီခိၣ်,

လံာ်မၢ်ကူး 13:26

တုၤနုၤတစုပှၤကထံၣ်ဘၣ်ပှၤကညီဖိခွါဟဲလီၤဝဲလၢတၢ် အၢၣ်တဖၣ်အကျါ, အိၣ်ဒီးတၢ်စိဒိၣ်ကမီၤဒိၣ်ဒီးတၢ်လၤ တၢ်ကပီၤန့ၣ်လီၤ.

လံာ်မၢ်ကူး 13:30

ယတဲသုသပှၢ်ကတၢၢ်လီၤ. တချုးလၢပှၤတစိၤအံၤသံဝဲခဲလၢာ်န့ၣ်, တၢ်သ့ၣ်တဖၣ်အံၤကမၤအသးလီၤ.

လံာ်လူၤကၣ် 2:26

ဒီးဒုးနဲၣ်အီၤလၢ, တချုးအဝဲဒၣ်ထံၣ်ဘၣ်ခရံာ်လၢ ကစၢ်စံးပာ်တ့ၢ်လၢအဂ့ၢ်တဂၤဒံးဘၣ်န့ၣ်ဒီး, အဝဲတသံဒံးဘၣ်န့ၣ်လီၤ.

လံာ်လူၤကၣ် 22:18

အဂ့ၢ်ဒ်အံၤ, ယစံးဘၣ်တဲဘၣ်သုလၢ, စးထီၣ်ခဲအံၤဒီးတုၤလီၤလၢယွၤ အဘီအမုၢ်ဟဲဝဲတစုန့ၣ်, ယတအီလၢၤဘၣ်စပံးထံအံၤဘၣ်.”

လံာ်လူၤကၣ် 22:30

သုကအီၣ်တၢ်အီတၢ်လၢယစီၢ်နီၤခိၣ်လၢယဘီယမုၢ်အပူၤ, ဒီးသုကဆ့ၣ်နီၤလၢလီၢ်ပစိာ်အဖီခိၣ်ဒ်သိးသုကပၢပှၤ အံၣ်စရ့လးဖိတဆံခံဒူၣ်န့ၣ်လီၤ.

လံာ်လူၤကၣ် 9:27

ယစံးဘၣ်တဲဘၣ်သုတီတီ, ပှၤအိၣ်ဝဲဒၣ်ဖဲအံၤတနီၤလၢအတချုးထံၣ်ဘၣ်ဒံးကစၢ်ယွၤ အဘီအမုၢ်ဘၣ်ဒီးတသံဒံးဝဲဘၣ်လီၤ.”

လံာ်ယိၤဟၣ် 21:23

အန့ၣ်သတးဒီး, တၢ်ကစီၣ်ဟူထီၣ်သါလီၤလၢယ့ၣ်ၡူးအပျဲၢ် တဖၣ်အကျါလၢအပျဲၢ်အဘီၣ်တဂၤအံၤတဘၣ်သံဝဲဘၣ်လီၤ. ဘၣ်ဆၣ်, ယ့ၣ်ၡူးတစံးလၢအဝဲတဘၣ်သံဝဲန့ၣ်ဘၣ်. မ့မ့ၢ် ယ့ၣ်ၡူးစံးဝဲ, “ယမ့ၢ်သးအိၣ်လၢအဝဲကအိၣ်မူတုၤလီၤ လၢယဟဲက့ၤအဆၢကတီၢ်န့ၣ်ဒီး, တၢ်အံၤဘၣ်ဃးဒီးနၤမနုၤလဲၣ်.” တခီန့ၣ်လီၤ.

ဧ့ၤဘြံၤ 2:9

မ့မ့ၢ်ပထံၣ်ယ့ၣ်ၡူး, လၢအဘၣ်တၢ်ပာ်အလီၢ်ဖုၣ်န့ၢ်ကလူးတဖၣ် တစိၢ်တလီၢ်, ဒ်သိးခီဖျိကစၢ်ယွၤအဘျုးအဖှိၣ်န့ၣ်အဝဲကဘၣ် သံဝဲလၢပှၤကိးဂၤဒဲးအဂီၢ်လီၤ. ပထံၣ်အီၤခဲအံၤဘၣ်တၢ်ကုာ်ထီၣ်အီၤလၢတၢ်လၤကပီၤဒီး တၢ်ကဟုကညီၢ်လၢအဝဲတူၢ်သံအသးအဃိလီၤ.