လံာ်မၢ်ကူး 8:6 - Sgaw Karen Common Bible

⁶ အဝဲဒၣ်မၤလိာ်ပှၤဂီၢ်မုၢ်တဖၣ်လၢအကဆ့ၣ်နီၤလၢဟီၣ်ခိၣ်လိၤန့ၣ်လီၤ. အန့ၣ်ဝံၤ, ဟံးန့ၢ်ဝဲကိၣ်နွံဖျၢၣ်န့ၣ်ဒီးစံးထီၣ်ပတြၢၤကစၢ်ယွၤအဘျုး အဖှိၣ်လီၤ. အဝဲဒၣ်စိၢ်ဘျဲးကိၣ်ဒီးဟ့ၣ်လီၤဝဲအပျဲၢ်အဘီၣ်တဖၣ်, ဒီးအဝဲသ့ၣ်ဟ့ၣ်နီၤလီၤဝဲဆူပှၤဂီၢ်မုၢ်အအိၣ်န့ၣ်လီၤ.

လံာ်မၢ်ကူး 8:6 Iomraidhean Croise

လံာ်မးသဲ 26:26

ဖဲအဝဲသ့ၣ်အီၣ်တၢ်အဖၢမုၢ်န့ၣ်, ယ့ၣ်ၡူးဟံးန့ၢ်ကိၣ်, စံးထီၣ်ပတြၢၤယွၤအဘျုး, ဒီးစိၢ်ဘျဲးဝဲ, ဒီးဟ့ၣ်လီၤဝဲအပျဲၢ်အဘီၣ်တဖၣ်ဒီးစံး, “ဟံးန့ၢ်ဒီးအီၣ်တက့ၢ်. တၢ်အံၤမ့ၢ်ယနီၢ်ခိလီၤ.”

လံာ်မၢ်ကူး 8:20

“အကတီၢ်ဖဲယစိၢ်ဘျဲးကိၣ်နွံဖျၢၣ်လၢပှၤလွံၢ်ကထိအဂီၢ်အခါ န့ၣ်, သုထၢဖှိၣ်က့ၤတၢ်အိၣ်ဘျဲၣ်အိၣ်စဲၢ်ပှဲၤကုပှံၤဒုလဲၣ်.” အဝဲသ့ၣ်စံးဆၢက့ၤအီၤ, “နွံဒုလီၤ.”

လံာ်မၢ်ကူး 8:5

ယ့ၣ်ၡူးသံကွၢ်အဝဲသ့ၣ်, “သုကိၣ်အိၣ်ပှံၤဖျၢၣ်လဲၣ်.” အဝဲသ့ၣ်စံးဆၢက့ၤ, “နွံဖျၢၣ်လီၤ.”

လံာ်မၢ်ကူး 8:7

လၢအဝဲသ့ၣ်အအိၣ်န့ၣ်, အိၣ်စ့ၢ်ကီးဒီးညၣ်ဖိစှၤဘ့ၣ်န့ၣ်လီၤ. ယ့ၣ်ၡူးစံးထီၣ်ပတြၢၤယွၤအဘျုးအဖှိၣ်ဝံၤမၤလိာ်အပျဲၢ်အဘီၣ် တဖၣ်လၢကနီၤဟ့ၣ်အီၣ်စ့ၢ်ကီးပှၤတဖၣ်န့ၣ်လီၤ.

လံာ်လူၤကၣ် 12:37

တၢ်ခ့တၢ်ပှၤ, လၢအကစၢ်ထံၣ်လၢအဆိးသီဒီးအိၣ်ကတဲာ်ကတီၤအသးဖဲ အဝဲဒၣ်ဟဲက့ၤန့ၣ်, ဘၣ်ဆိၣ်ဂ့ၤဝဲလီၤ. ယစံးဘၣ်သု, အဝဲဒၣ်ကစၢဃံးထီၣ်အယီၢ်တကိး, ဒုးဆ့ၣ်နီၤအဝဲသ့ၣ်, ဒီးကမၤအခ့အပှၤအတၢ်မၤလၢအဝဲသ့ၣ်အဂီၢ်လီၤ.

လံာ်လူၤကၣ် 24:30

အဝဲဒၣ်ဆ့ၣ်နီၤလၢစီၢ်နီၤခိၣ်တပူၤဃီဒီးအဝဲသ့ၣ်, ဟံးန့ၢ်ကိၣ်ဒီးဆိၣ်ဂ့ၤတၢ်အီၣ်လီၤ. အန့ၣ်ဝံၤဒီး, အဝဲဒၣ်စိၢ်ဘျဲးကိၣ်ဒီးဟ့ၣ်လီၤအဝဲသ့ၣ်လီၤ.

လံာ်ယိၤဟၣ် 2:5

ယ့ၣ်ၡူးအမိၢ်စံးဘၣ်တၢ်ခ့တၢ်ပှၤတဖၣ်, “တၢ်လၢအဝဲကမၢသုတမံၤမံၤန့ၣ်မၤအီၤတက့ၢ်.”

လံာ်ယိၤဟၣ် 6:23

ချံအဂၤတဖၣ်ဟဲလၢဝ့ၢ်တံၤဘ့ၤရံဒီးဟဲတိၢ်ထီၣ်အသးဘူး ဒီးတၢ်လီၢ်ဖဲယ့ၣ်ၡူးစံးဘျုးယွၤဝံၤအလီၢ်ခံပှၤဂီၢ်မုၢ်အီၣ် တ့ၢ်ကိၣ်န့ၣ်လီၤ.

ရိမ့ၤ 14:6

ပှၤတဂၤဂ့ၤတဂၤဂ့ၤလၢအဆိကမိၣ်ပာ်ဒိၣ်မုၢ်နံၤတနံၤနံၤန့ၣ်မၤ ဝဲလၢတၢ်မၤလၤကပီၤကစၢ်အပူၤန့ၣ်လီၤ. ပှၤတဂၤဂ့ၤတဂၤဂ့ၤလၢအအီၣ်တၢ်တမံၤလၢ်လၢ်န့ၣ် မၤဝဲလၢတၢ်မၤလၤမၤကပီၤကစၢ်အပူၤ, မ့ၢ်လၢအဝဲစံးဘျုး ကစၢ်ယွၤလၢတၢ်အီၣ်အဂီၢ်အဃိလီၤ. မတၤတဂၤဂ့ၤတဂၤဂ့ၤလၢအတအီၣ်တၢ်အီၣ်တနီၤနီၤန့ၣ်မၤ ဝဲလၢတၢ်မၤလၤမၤကပီၤကစၢ်အပူၤ, ဒီးစံးထီၣ်ပတြၢၤကစၢ်ယွၤအဘျုးအဖှိၣ်လီၤ.

ကလီးစဲ 3:17

ကယဲၢ်သုမၤတၢ်တမံၤလၢ်လၢ်န့ၣ်, လၢတၢ်ကတိၤမ့ၢ်ဂ့ၤ, တၢ်ဖံးတၢ်မၤမ့ၢ်ဂ့ၤ, မၤတၢ်ကိးမံၤဒဲးလၢကစၢ်ယ့ၣ်ၡူးအမံၤ အပူၤ, အိၣ်ဒီးတၢ်စံးထီၣ်ပတြၢၤပၢ်ယွၤခီဖျိအီၤတက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 9:13

သုမ့ၢ်လဲၤနုာ်ဆူဝ့ၢ်ပူၤတဘျီဃီဒီးသုကထံၣ်အီၤလီၤ. အဝဲဟဲတုၤလၢဝ့ၢ်ပူၤတနံၤအံၤန့ၣ်လီၤ. အဂ့ၢ်ဒ်အံၤပှၤဂီၢ်မုၢ်ကလုၢ်ထီၣ်တၢ်လုၢ်တၢ်ပာ်တမံၤလၢတၢ်လုၢ် လီၢ်အဖီခိၣ်လၢအအိၣ်လၢတၢ်လူၢ်ဒီခိၣ်န့ၣ်လီၤ. တချုးဒံးလၢအဝဲဟဲတုၤဒံးဖဲန့ၣ်ဘၣ်ဒီးပှၤဂီၢ်မုၢ်လၢတၢ် ကွဲမုာ်အီၤတဖၣ်တစးထီၣ်အီၣ်တၢ်ဘၣ်. မ့ၢ်လၢအဝဲကဘၣ်ဆိၣ်ဂ့ၤတၢ်လုၢ်တၢ်ပာ်လၢအဆိအဃိန့ၣ်လီၤ. သုမ့ၢ်လဲၤခဲအံၤဒီးသုကထံၣ်အီၤတချုးဒံးဘၣ်လၢ အဝဲလဲၤထီၣ်ဆူကစၢၢ်ဒီခိၣ်ဒ်သိးကအီၣ်တၢ်န့ၣ်လီၤ.”