လံာ်မၢ်ကူး 8:38 - Sgaw Karen Common Bible

³⁸ ပှၤတဂၤဂၤမ့ၢ်မဲာ်ဆှးယၤဒီးယတၢ်သိၣ်လိသီလိလၢစိၤလၢ အပှဲၤဒီးတၢ်တစူၢ်တနာ်ယွၤဒီးတၢ်အၢတၢ်သီအံၤန့ၣ်, ပှၤကညီဖိခွါကမဲာ်ဆှးအီၤဖဲအဝဲဟဲသကိးဒီးမူခိၣ်ကလူး စီဆှံတဖၣ်ပှဲၤဒီးပၢ်အလၤကပီၤအဆၢကတီၢ်န့ၣ်လီၤ.

လံာ်မၢ်ကူး 8:38 Iomraidhean Croise

လံာ်ဒၤနံးယ့လး 7:10

ဒီးမ့ၣ်အူအထံကျိဖိတဘိပုာ်ထီၣ်ယွၤလီၤလၢလီၢ်ပစိာ်အပူၤလၢအ မဲာ်ညါန့ၣ်လီၤ. အိၣ်ဝဲဒၣ်ဒီးပှၤအကထိအကထိတဖၣ်လၢ ကမၤအတၢ်မၤဒီးပှၤအကကွဲၢ်တဖၣ်ဆၢထၢၣ်လၢအမဲာ်ညါ န့ၣ်လီၤ. ကွီၢ်ဘျီၣ်စးထီၣ်တၢ်စံၣ်ညီၣ် ဒီးလံာ်တဖၣ်အိၣ်အိးထီၣ်တ့ၢ်အသးန့ၣ်လီၤ.

လံာ်ဒၤနံးယ့လး 7:13

အကတီၢ်လၢတၢ်ထံၣ်လၢညါခီအံၤလၢမုၢ်နၤန့ၣ်ယထံၣ်ဘၣ်တ့ၢ် တၢ်လီၤဂာ်ဒီးပှၤကညီဖိခွါတဂၤလီၤ. ဘၣ်တၢ်ကဝီၤဃးအီၤ လၢတၢ်အၢၣ်ဒီးသုးဘူးအသးဆူယအိၣ်ဒီးလဲၤဝဲဒၣ်ဆူပှၤ တဂၤလၢအအိၣ်မူတ့ၢ်ဝဲဒၣ်အထူအယိာ်အအိၣ်ဒီးဘၣ် တၢ်ဆှၢထီၣ်အီၤဆူအမဲာ်ညါန့ၣ်လီၤ.

လံာ်စကၤရယၤ 14:5

သုကပူၤဖျဲးထီၣ်ခီဖျိတၢ်တြီၤဖးဒိၣ်အံၤလၢအနီၤဖးကစၢၢ်ခံခီန့ၣ်လီၤ. သုကဃ့ၢ်ထီၣ်ကွံာ်ဒ်သုမိၢ်ပၢ်ဖံဖုလၢပျၢၤတဖၣ်မၤတ့ၢ်ဝဲအသိး ဖဲဟီၣ်ခိၣ်ဟူးဝးမၤအသးလၢကီၢ်ယူဒၤအစီၤပၤဧူးစံယါအမုၢ်နံၤန့ၣ်လီၤ. ယွၤ, ကစၢ်ယွၤကဟဲဝဲ, ဒီးကဟဲကိးဃုာ်အကလူးတဖၣ်ခဲလၢာ်ဃုာ် ဒီးအီၤန့ၣ်လီၤ.

လံာ်မးသဲ 12:39

ဘၣ်ဆၣ်ဒီးယ့ၣ်ၡူးစံးဆၢဝဲ, “ပှၤတစိၤလၢအအၢအသီဒီး အသးတတီဒီးယွၤသ့ၣ်ဧၢ, သုဃုတၢ်လီၤလးဘၣ်ဆၣ်တၢ်လီၤလးအဂၤ တဘၣ်တၢ်ဟ့ၣ်လီၤသုဘၣ်. ကဘၣ်တၢ်ဟ့ၣ်လီၤသုထဲဒၣ်တၢ်လီၤလးလၢ အမၤအသးဒီးဝံယိၤနါတမံၤဧိၤန့ၣ်လီၤ.

လံာ်မးသဲ 13:41

ပှၤကညီအဖိခွါကဆှၢလီၤအကလူးတဖၣ်, ဒ်သိးအဝဲသ့ၣ်ကထၢဖှိၣ်ပှၤလၢအဒုးမၤပှၤဂၤလၢတၢ်ဒဲးဘး ဒီးပှၤလၢအမၤတၢ်အၢတၢ်သီတဖၣ်ခဲလၢာ် ဒီးထုးထီၣ်ကွံာ်အီၤလၢအဘီအမုၢ်အပူၤလီၤ.

လံာ်မးသဲ 16:27

အဂ့ၢ်ဒ်အံၤ, ပှၤကညီဖိခွါအံၤကဟဲဝဲဒီးပၢ်အလၤကပီၤ, အိၣ်ဃုာ်ဒီးအကလူးတဖၣ်လီၤ. တုၤနုၤတစု, ကဟ့ၣ်ဘူးဟ့ၣ်လဲ ပှၤကညီကိးဂၤဒဲးဒ်အကြၢးဒီးတၢ်လၢအဝဲသ့ၣ်မၤတ့ၢ်ဝဲအသိးန့ၣ်လီၤ.

လံာ်မးသဲ 16:28

ယစံးဘၣ်တဲဘၣ်သုတၢ်မ့ၢ်တၢ်တီ, ပှၤလၢအဆၢထၢၣ်ဖဲအံၤတနီၤန့ၣ်, တချုးလၢအထံၣ်ဘၣ်ပှၤကညီဖိခွါဟဲလၢ အဘီအမုၢ်အပူၤဒံးဘၣ်န့ၣ်, တသံဘၣ်ဝဲဘၣ်.”

လံာ်မးသဲ 16:4

ပှၤတစိၤလၢအအၢအသီဒီးအကလုၢ်တတီဒီးယွၤတဖၣ်ဃ့တၢ်လီၤလး, ဘၣ်ဆၣ်ဒီးတၢ်လီၤလးအဂၤတဘၣ်တၢ်ဟ့ၣ်လီၤအီၤဘၣ်. ကဘၣ်တၢ်ဟ့ၣ်လီၤအီၤထဲစီၤယိၤနါအတၢ်လီၤလးတမံၤဧိၤလီၤ.” စံးတၢ်န့ၣ်ဝံၤဒီးဟးဖးဒီးအဝဲသ့ၣ်လီၤ.

လံာ်မးသဲ 24:30

တုၤနုၤတစု, ပှၤကညီဖိခွါအတၢ်ပနီၣ်ကဟဲအိၣ်ဖျါထီၣ်လၢမူ ခိၣ်, ဒီးပှၤကလုာ်ခဲလၢာ်လၢဟီၣ်ခိၣ်ချၢအံၤကဟီၣ်ကယၢၤတၢ်, ဖဲအထံၣ်ဘၣ်ပှၤကညီဖိခွါဟဲဝဲလၢတၢ်အၢၣ်လၢမူကပိာ်လိၤ အိၣ်ဒီးအစိအကမီၤဒီးအလၤအကပီၤဒိၣ်ဒိၣ်မုၢ်မုၢ်လီၤ.

လံာ်မးသဲ 25:31

တုၤပှၤကညီဖိခွါဟဲဝဲအိၣ်ဒီးအလၤကပီၤဒ်စီၤပၤတဂၤအသိး ဃုာ်ဒီးအကလူးခဲလၢာ်န့ၣ်, ကဆ့ၣ်နီၤဝဲလၢအလီၢ်ပစိာ်ကဟုကညီၢ်တဖျၢၣ်အဖီခိၣ်,

လံာ်မးသဲ 26:64

ယ့ၣ်ၡူးစံးဆၢအီၤ, “နစံးတ့ၢ်လံနဲလံ. မ့မ့ၢ်ယတဲဘၣ်သုခဲလၢာ် လၢစးထီၣ်ခဲအံၤဒီးဆူညါသုကထံၣ်ပှၤကညီဖိခွါဆ့ၣ်နီၤလၢတၢ် သ့တၢ်လၢာ်တဂၤအစုထွဲဒီးဟဲဒိးဝဲမူခိၣ်အတၢ်အၢၣ်တဖၣ်လီၤ.”

လံာ်မးသဲ 8:20

ယ့ၣ်ၡူးစံးဆၢအီၤဒီးစံး, “ထွံၣ်မံၤတဖၣ်အိၣ်ဒီးအပူၤဒီးထိၣ်လၢတၢ်ဖးဖီတဖၣ်အိၣ်ဒီးအသွံတဖၣ်လီၤ. ဘၣ်ဆၣ်ဒီးပှၤကညီဖိခွါအံၤထဲအကပာ်လီၤအခိၣ်ဒၣ်လဲာ်တၢ်လီၢ် တအိၣ်ဘၣ်.”

လံာ်မၢ်ကူး 13:26

တုၤနုၤတစုပှၤကထံၣ်ဘၣ်ပှၤကညီဖိခွါဟဲလီၤဝဲလၢတၢ် အၢၣ်တဖၣ်အကျါ, အိၣ်ဒီးတၢ်စိဒိၣ်ကမီၤဒိၣ်ဒီးတၢ်လၤ တၢ်ကပီၤန့ၣ်လီၤ.

လံာ်မၢ်ကူး 14:62

ယ့ၣ်ၡူးစံးဆၢက့ၤအီၤ, “ယမ့ၢ်အဝဲလီၤ. ဒီးသုကထံၣ်ဘၣ်ပှၤကညီဖိခွါအံၤအိၣ်ဆ့ၣ်နီၤလၢတၢ်သ့တၢ်လၢာ် တဂၤအစုထွဲဒီးသုကထံၣ်အဟဲဒိးဝဲမူခိၣ်အတၢ်အၢၣ်တဖၣ်လီၤ.”

လံာ်မၢ်ကူး 8:37

ပှၤကညီတဂၤကဟ့ၣ်တၢ်အပှ့ၤမနုၤတမံၤလၢ ကမၤန့ၢ်က့ၤအသးသမူနီၢ်နီၢ်အဂီၢ်န့ၣ်လဲၣ်.

လံာ်လူၤကၣ် 19:26

အဝဲဒၣ်စံးဆၢဝဲ, ‘ယစံးဘၣ်တဲဘၣ်သု, ပှၤလၢအတၢ်အိၣ်ဝဲတဂၤလၢ်လၢ်န့ၣ်, တၢ်ကဟ့ၣ်အါထီၣ်အီၤလီၤ. မ့မ့ၢ်ပှၤတဂၤလၢအတၢ်တအိၣ်န့ၣ်, တၢ်တစဲးဖိလၢအအိၣ်ဒီးအီၤဒၣ်လဲာ်, ကဘၣ်တၢ်ဟံးထီၣ်ကွံာ်လၢအအိၣ်လီၤ.

လံာ်လူၤကၣ် 9:26

ပှၤတဂၤမ့ၢ်မဲာ်ဆှးယၤဒီးယတၢ်သိၣ်လီၤသီလီၤတဖၣ်န့ၣ်, ပှၤကညီဖိခွါကမဲာ်ဆှးအီၤဖဲအဝဲဒၣ်ဟဲလၢအလၤကပီၤအပူၤ, ဒီးအပၢ်အလၤကပီၤအပူၤဒီးလၢကလူးစီဆှံတဖၣ်အလၤကပီၤ အပူၤအဆၢကတီၢ်န့ၣ်လီၤ.

လံာ်ယိၤဟၣ် 1:14

တၢ်ကလုၢ်န့ၣ်ကဲထီၣ်ပှၤကညီ, ဒီးလၢပှဲၤဝဲဒီးတၢ်ဘျုးတၢ်ဖှိၣ် ဒီးတၢ်မ့ၢ်တၢ်တီဒီးအိၣ်ဝဲဆိးဝဲလၢပကျါန့ၣ်လီၤ. ဒီးပထံၣ်ဘၣ်အလၤကပီၤလၢအဒိးန့ၢ်ဝဲဒ်ပၢ်အဖိခွါတဂၤဃီ အသိးန့ၣ်လီၤ.

လံာ်ယိၤဟၣ် 1:51

ဒီးစံးဘၣ်အီၤ, “ယစံးဘၣ်တဲဘၣ်သုတၢ်မ့ၢ်တၢ်တီ, လၢသုကထံၣ်ဘၣ်မူခိၣ်အိးထီၣ်အသးဒီး ကစၢ်ယွၤအကလူးတဖၣ်ဟဲလီၤဒီးက့ၤထီၣ်လၢ ပှၤကညီဖိခွါအအိၣ်န့ၣ်လီၤ.”

လံာ်ယိၤဟၣ် 12:34

ပှၤဂီၢ်မုၢ်စံးဆၢတၢ်ဒီးစံးဝဲ, “ပတၢ်သိၣ်တၢ်သီစံးဘၣ်ပှၤလၢ ခရံာ်ကမူဝဲလီၤစိၤလီၤထီလီၤ. မ့မ့ၢ်ဒ်န့ၣ်ဒီး, နစံးလၢပှၤကညီဖိခွါကဘၣ်တၢ်ယူာ်ထီၣ်အီၤန့ၣ်ကသ့ဒ်လဲၣ်. ပှၤကညီဖိခွါအံၤမ့ၢ်မတၤတဂၤလဲၣ်.”

လံာ်ယိၤဟၣ် 5:27

ဒီးအဝဲမ့ၢ်ပှၤကညီဖိခွါအဃိဒီး, ယွၤဟ့ၣ်လီၤစ့ၢ်ကီးအီၤတၢ်စိတၢ် ကမီၤလၢကစံၣ်ညီၣ်တၢ်အဂီၢ်လီၤ.

မၤတၢ် 10:22

အဝဲသ့ၣ်စံးဆၢဝဲ, “သုးဖိတကယၤအခိၣ်စီၤကန့လံးဆှၢလီၤပှၤလီၤ. အဝဲမ့ၢ်ပှၤဂ့ၤပှၤဝါလၢအယူးယီၣ်ဒီးပျံၤကစၢ်ယွၤတဂၤ, ဒီးပှၤယူဒၤဖိခဲလၢာ်ယူးယီၣ်ပာ်ကဲအီၤအဒိၣ်အအါလီၤ. ကစၢ်ယွၤအကလူးတဂၤစံးဘၣ်အီၤလၢအကကွဲဃီၤနၤဆူအဟံၣ်, ဒ်သိးအကနၢ်ဟူဘၣ်နတၢ်စံးတၢ်ကတိၤတဖၣ်အဂီၢ်လီၤ.”

မၤတၢ် 5:41

ပှၤတၢ်မၢဖိတဖၣ်ဟးထီၣ်ကွံာ်လၢကီၣ်ကးအမဲာ်ညါ, အိၣ်ဒီးတၢ်သူၣ်ခုသးခု, မ့ၢ်လၢကစၢ်ယွၤပာ်အဝဲသ့ၣ်ဒ်ပှၤတဖၣ်လၢအကြၢးဝဲဘၣ်ဝဲလၢ ကတူၢ်ဘၣ်တၢ်မၤမဲာ်ဆှးအီၤလၢယ့ၣ်ၡူးအဃိန့ၣ်လီၤ.

ရိမ့ၤ 1:16

အဂ့ၢ်ဒ်အံၤ, ယမဲာ်တဆှးဘၣ်လၢခရံာ်အတၢ်သးခုကစီၣ်အဃိဘၣ်. မ့ၢ်ကစၢ်ယွၤအစိကမီၤလၢကအုၣ်က့ၤခီၣ်က့ၤပှၤလၢအစူၢ်က့ၤနာ် က့ၤတၢ်ခဲလၢာ်, ပှၤယူဒၤဖိတဖၣ်လၢအဆိဒီး ပှၤကြံးခ်ဖိတဖၣ်စ့ၢ်ကီးန့ၣ်လီၤ.

ကလၤတံ 6:14

မ့မ့ၢ်ယဲဒၣ်အံၤ, ယကပာ်ကဖၢလၢယသးထဲဒၣ်လၢပကစၢ် ယ့ၣ်ၡူးခရံာ်အထူၣ်စုညါအဃိလီၤ. အဂ့ၢ်ဒ်အံၤ, ခီဖျိလၢ အထူၣ်စုညါန့ၣ်, တၢ်ဘၣ်ဃးဒီးဟီၣ်ခိၣ်သံသဒၣ်ကွံာ်ယၤဒီး ယသံသဒၣ်ကွံာ်တၢ်ဘၣ်ဃးဒီးဟီၣ်ခိၣ်န့ၣ်လီၤ.

လံာ်သိၣ်လီၤသီလီၤတၢ် 33:2

ယွၤဟဲဝဲလၢကစၢၢ်စံၣ်နါတခီ, အဝဲဟဲထီၣ်ဝဲဒ်မုၢ်အသိးလၢ ကီၢ်အဒိၣ်အဖီခိၣ်, ဒီးကပီၤထီၣ်ဝဲလၢအပှၤဂီၢ်မုၢ်အလိၤလၢကစၢၢ်ပၤရၣ်အဒီခိၣ် န့ၣ်လီၤ. ကလူးအဂၤတကလးအိၣ်ဒီးအီၤလၢအစုထွဲတကပၤ ဒ်မ့ၣ်အူလၣ်လၢအကဲၤကပီၤဝဲတခါအသိးန့ၣ်လီၤ.

၁ သ့းစၤလနံ 2:19

သုဆိကမိၣ်လၢပတၢ်ပာ်ကဖၢလၢပသးအလီၢ်ဒီးပတၢ်သးခု ကမ့ၢ်တၢ်မနုၤလဲၣ်. မ့ၢ်ဒၣ်သုလီၤ. ဒီးသုကမ့ၢ်ပတၢ်မၤနၢၤအပနီၣ်လၢပကပာ်ကဖၢလၢပသးအဒိၣ် ကတၢၢ်လၢပကစၢ်ယ့ၣ်ၡူးအမဲာ်ညါဖဲအဟဲဝဲန့ၣ်လီၤ.

၁ သ့းစၤလနံ 3:13

လၢကျဲဒ်အံၤအပူၤန့ၣ်, အဝဲဒၣ်ကဒုးဆူၣ်ထီၣ်သုဂံၢ်သုဘါ, ဒီးသုကလၢပှဲၤဒီးစီဆှံဝဲလၢပကစၢ်ယွၤဒီးပပၢ်အမဲာ်ညါ ဖဲပကစၢ်ယ့ၣ်ၡူးဟဲဝဲအိၣ်ဒီးပှၤလၢအဘၣ်ဃးဒီး အီၤခဲလၢာ်အကတီၢ်န့ၣ်လီၤ.

၂ တံၤမသ့း 1:12

ဒီးလၢတၢ်န့ၣ်အဃိယတူၢ်ဘၣ်တၢ်သ့ၣ်တဖၣ်အံၤလီၤ. ဘၣ်ဆၣ်ဒီးယမဲာ်တဆှးဘၣ်. အဂ့ၢ်ဒ်အံၤ, ယသ့ၣ်ညါ ပှၤလၢယစူၢ်က့ၤနာ်က့ၤအီၤ, ဒီးယနာ်လၢတၢ်လၢတၢ်ဟ့ၣ်လီၤအးလီၤလၢယစုပူၤန့ၣ်, အဝဲကပၢၤဃာ်ကီၤဃာ်ဝဲတုၤမုၢ်နံၤခံကတၢၢ်န့ၣ်လီၤ.

၂ တံၤမသ့း 1:16

မ်ကစၢ်သူၣ်ကညီၤသးကညီၤစီၤအီးနံၤစံဖရူးအဟံၣ်ဖိဃီ ဖိတက့ၢ်. အဂ့ၢ်မ့ၢ်လၢအဝဲဒၣ်မၤမုာ်ထီၣ်ယၤအါဘျီအဃိ လီၤ. အဝဲတမဲာ်ဆှးလၢယအိၣ်ဘၣ်လၢဃိာ်ပူၤအဃိဘၣ်.

၂ တံၤမသ့း 1:8

လၢတၢ်န့ၣ်အဃိ, တဘၣ်မဲာ်ဆှးလၢနကအုၣ်နသးလၢပကစၢ် အဂီၢ်တဂ့ၤ, ဒီးတဘၣ်မဲာ်ဆှးစ့ၢ်ကီးလၢယမ့ၢ်ပှၤဘၣ်တၢ်စၢ ဃာ်လၢခရံာ်အဃိတဂ့ၤ. မ့မ့ၢ်ဒိးဃုာ်တၢ်နးတၢ်ဖှီၣ်ဒီးယၤလၢတၢ်သးခုကစီၣ် အဂီၢ်, ဒ်ကစၢ်ယွၤဟ့ၣ်နၤတၢ်ဂံၢ်တၢ်ဘါလၢနကမၤအီၤအဂီၢ် အသိးန့ၣ်တက့ၢ်.

ဧ့ၤဘြံၤ 11:16

မ့မ့ၢ်ခဲကနံၣ်အံၤ, အဝဲသ့ၣ်ဆၢန့ၢ်ဘၣ်ထံကီၢ်လၢအဂ့ၤန့ၢ် အန့ၣ်တက့ၢ်, ဒ်ပစံးတၢ်အသိးလၢအဘၣ်ဃးဒီးမူခိၣ်န့ၣ် လီၤ. မၤသးဒ်န့ၣ်ဒီးကစၢ်ယွၤအမဲာ်တဆှးဘၣ်လၢပှၤကကိး အီၤလၢအဝဲသ့ၣ်အကစၢ်န့ၣ်ဘၣ်. အဂ့ၢ်မ့ၢ်လၢအကတဲာ်ကတီၤတ့ၢ်လံဝ့ၢ်တဖျၢၣ်လၢအဝဲသ့ၣ် အဂီၢ်အဃိန့ၣ်လီၤ.

ဧ့ၤဘြံၤ 11:26

အဝဲဆိကမိၣ်ဒီးပာ်လုၢ်ပာ်ပှ့ၤတၢ်တူၢ်တၢ်ဒုၣ်ဒွဲၣ်လၢခရံာ် အဂီၢ်အါန့ၢ်ဒိၣ်န့ၢ်အဲၤကူပတူးအတၢ်ထူးတၢ်တီၤတဖၣ် တက့ၢ်, အဂ့ၢ်မ့ၢ်လၢအဝဲကွၢ်ဒၣ်တၢ်ဆူခိၣ်ဖးလၢအအိၣ်လၢ အမဲာ်ညါအဃိန့ၣ်လီၤ.

ဧ့ၤဘြံၤ 13:13

လၢတၢ်န့ၣ်အဃိ, မ်ပလဲၤသကိးဆူဒဲအချၢဒီးတူၢ်သကိးဃုာ်တၢ် ဒုၣ်ဒွဲၣ်ဒီးအီၤန့ၣ်တက့ၢ်.

ယၤကိာ် 4:4

ပှၤလၢအသးတတီဒီးကစၢ်ယွၤသ့ၣ်ဧၢ, မ့ၢ်သုတသ့ၣ်ညါဘၣ်လၢတၢ်ကဲဟီၣ်ခိၣ်အတံၤသကိး န့ၣ်အခီပညီမ့ၢ်တၢ်ကဲကစၢ်ယွၤအဒုၣ်အဒါန့ၣ်ဘၣ်ဧါ. ပှၤတဂၤဂ့ၤတဂၤဂ့ၤလၢသးအိၣ်ကဲဟီၣ်ခိၣ်အတံၤ သကိးန့ၣ်, ဒုးကဲထီၣ်အသးလၢကစၢ်ယွၤအဒုၣ်အဒါ တဖၣ်န့ၣ်လီၤ.

၁ ယိၤဟၣ် 2:23

အဂ့ၢ်ဒ်လဲၣ်န့ၣ်, ပှၤလၢအညိကွံာ်ဖိခွါကစၢ်န့ၣ်ညိကွံာ်စ့ၢ်ကီး ပၢ်ကစၢ်လီၤ. ပှၤလၢအတူၢ်လိာ်ဖိခွါကစၢ်န့ၣ်, ဒိးန့ၢ်စ့ၢ်ကီးပၢ်ကစၢ်န့ၣ်လီၤ.

၁ ယိၤဟၣ် 2:28

ဒီးခဲအံၤယဖိယလံၤသ့ၣ်ဧၢ, အိၣ်ဆိးလၢခရံာ်အပူၤဒ်သိး ပကလၢပှဲၤဒီးတၢ်သူၣ်ဒူသးဒူဖဲအဝဲအိၣ်ဖျါထီၣ်ဒီးဖဲအဟဲဝဲ အမုၢ်တနံၤန့ၣ်, ပသုတအိၣ်ခူသူၣ်ဘၣ်လၢတၢ်မဲာ်ဆှးအပူၤ တဂ့ၤန့ၣ်တက့ၢ်.

လံာ်လီၣ်ဖျါ 14:10

အဝဲအနီၢ်ကစၢ်ဒၣ်ဝဲကအီကစၢ်ယွၤအစပံးထံလၢ အတဃါဃုာ်အသးလၢတၢ်နီတမံၤ, စပံးထံဘၣ်ဃးကစၢ်ယွၤအတၢ်သးထီၣ်လၢကစၢ်ယွၤ လူလီၤဝဲဆူလီခီဘၣ်ဃးဒီးအတၢ်သးထီၣ်န့ၣ်လီၤ. ကယဲၢ်ပှၤလၢအမၤတၢ်တမံၤအံၤန့ၣ်, ကဘၣ်တၢ်မၤဆါအီၤနးနးကလဲာ်လၢမ့ၣ်အူဒီးကးအပူၤလၢ ကလူးစီဆှံတဖၣ်ဒီးသိဖိအမဲာ်ညါန့ၣ်လီၤ.