လံာ်မၢ်ကူး 8:33 - Sgaw Karen Common Bible

³³ ဘၣ်ဆၣ်ယ့ၣ်ၡူးဃၣ်ကဒါအသး, ကွၢ်ဃီၤအပျဲၢ်အဘီၣ်တဖၣ်အမဲာ်ဝံၤ, ဒူစီၤပ့းတရူးအလိၤဒီးစံးဝဲ, “မုၣ်ကီၤလံၢ်ဧၢ, ဟးကွံာ်လၢယအိၣ်တက့ၢ်. နတၢ်ဆိကမိၣ်တဖၣ်တဟဲလၢကစၢ်ယွၤအအိၣ်ဘၣ်. မ့မ့ၢ်ဟဲလၢပှၤကညီအအိၣ်တခီန့ၣ်လီၤ.”

လံာ်မၢ်ကူး 8:33 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 19:22

ဘၣ်ဆၣ်ဒီး, စီၤဒၤဝံးစံးဘၣ်စီၤအဘံၡဲၤဒီးအဒီပုၢ်ဝဲၢ်ခွါစီၤယိၤအာ်ဒ်အံၤ, “မတၤတဂၤဃ့သုတၢ်ဟ့ၣ်ကူၣ်န့ၣ်လဲၣ်. မ့ၢ်သုအဲၣ်ဒိးဟ့ၣ်ယၤတၢ်ကီတၢ်ခဲဧါ. ခဲအံၤယမ့ၢ်ပှၤတဂၤလၢ အကဲကီၢ်အံၣ်စရ့လးအစီၤပၤလီၤ. ဒီးတနံၤအံၤပှၤတဘၣ်မၤသံပှၤအံၣ်စရ့လးဖိနီတဂၤဘၣ်.”

လံာ်စီၤယိၤဘး 2:10

မ့မ့ၢ်စီၤယိၤဘးစံးဆၢအီၤ, “နကတိၤတၢ်ဒ်ပှၤဟးဂီၤမုၣ်တ ဂၤကတိၤတၢ်အသိးန့ၣ်လီၤ. မ့ၢ်ပကဒိးန့ၢ်ဘၣ်တၢ်ဂ့ၤလၢကစၢ်ယွၤ အစုပူၤဒီးပတဒိးန့ၢ်ဘၣ်တၢ်အၢဘၣ်ဧါ.” လၢတၢ်အံၤခဲလၢာ်အပူၤန့ၣ်စီၤယိၤဘးတမၤဘၣ်တၢ်ဒဲးဘး လၢအထးခိၣ်ဘၣ်.

စံးထီၣ်ပတြၢၤ 141:5

မ်ပှၤအတီအလိၤတီၢ်ယၤ မ့တမ့ၢ်သိၣ်ဃီၣ်ယၤလၢ တၢ်သးကညီၤအပူၤန့ၣ်တက့ၢ်. မ်ပှၤအအၢအသီအသိအသုတဘၣ်တၢ်ဖှူအီၤလၢ ယခိၣ်နီတဘျီတဂ့ၤ. အဂ့ၢ်ဒ်အံၤ, ယထုကဖၣ်တၢ်ထီဒါ အတၢ်အၢတၢ်သီတဘိယူၢ်ဃီန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:17

သးဟ့သုဒီပုၢ်ဝဲၢ်လၢသုသးကံၢ်ပူၤတဂ့ၤ. မ့မ့ၢ်မၤလိၤမၤဘၣ်က့ၤသုသးဒီးအီၤဒ်သိးသုသု တမၤဘၣ်တၢ်ဒဲးဘးလၢအဃိတဂ့ၤန့ၣ်တက့ၢ်.

လံာ်မးသဲ 15:23

ဘၣ်ဆၣ် ယ့ၣ်ၡူးတကတိၤဆၢအီၤနီတဘီဘၣ်. အပျဲၢ်အဘီၣ်တဖၣ်ဟဲဆူအအိၣ်ဒီးဃ့ကညးအီၤဒီးစံး, “မၢအက့ၤတက့ၢ်. အဂ့ၢ်ဒ်အံၤအဝဲဟးပိာ်ပခံဒီးကိးပသူထီၣ်ဝဲလၢပလီၢ်ခံလီၤ.”

လံာ်မးသဲ 16:23

ယ့ၣ်ၡူးဃၣ်အသးဒီးစံးဘၣ်စီၤပ့းတရူး, “မုၣ်ကီၤလံၢ်ဧၢ, ဟးဖးဒီးယၤတက့ၢ်. နမ့ၢ်ပှၤလၢအမၤတံာ်တာ်ယကျဲလီၤ. အဂ့ၢ်ဒ်အံၤ, နတၢ်ဆိကမိၣ်အံၤတမ့ၢ်တၢ်ဟဲလၢယွၤအအိၣ်ဘၣ်. မ့ၢ်တၢ်ဘၣ်ဃးဒီးပှၤကညီလီၤ.”

လံာ်မးသဲ 4:10

တုၤနုၤတစုယ့ၣ်ၡူးစံးဆၢအီၤ, “ဟးဖးဒီးယၤတက့ၢ်မုၣ်ကီၤလံၢ်ဧၢ, အဂ့ၢ်ဒ်အံၤ, တၢ်ကွဲးအသးစံးဝဲ, ‘နဘၣ်ဘူၣ်ထီၣ်ဘါထီၣ် ဒီးမၤထဲယွၤနကစၢ်ယွၤတဂၤဧိၤအတၢ်မၤလီၤ’ ” (သိၣ်သီ. ၆:၁၃).

လံာ်မၢ်ကူး 3:34

ကွၢ်ဃီၤဝဲပှၤလၢအဆ့ၣ်နီၤအိၣ်ဝးတရံးအီၤတဖၣ်န့ၣ်ဒီးစံး ဝဲ, “ယမိၢ်ဒီးယဒီပုၢ်ဝဲၢ်တဖၣ်မ့ၢ်ဒၣ်ပှၤတဖၣ်အံၤလီၤ.

လံာ်မၢ်ကူး 3:5

ယ့ၣ်ၡူးကွၢ်ဃီၤပှၤတဖၣ်လၢအအိၣ်ဝးတရံးအီၤဒီး အသးဒိၣ်ဘၣ်အဝဲသ့ၣ်လီၤ. ဘၣ်ဆၣ်ဒီးတဘျီဃီဖဲန့ၣ်အသးအုးဝဲလၢအဝဲသ့ၣ်တဖၣ်ပာ်ကိၤ အသးဒိၣ်ဒိၣ်ကလဲာ်ဒီးအတၢ်ပာ်သးကမၣ်အဃိလီၤ. အန့ၣ်ဝံၤစံးဘၣ်ပှၤတဂၤန့ၣ်, “ယူာ်ထီၣ်နစုတက့ၢ်.” အဝဲဒၣ်ယူာ်ထီၣ်အစုဒီးအစုန့ၣ်ဂ့ၤထီၣ်က့ၤဝဲဒၣ်လီၤ.

လံာ်လူၤကၣ် 22:61

ကစၢ်ဃၣ်တရံးအသးဒီးကွၢ်ဃီၤတၢ်လိၤလိၤဆူစီၤပ့းတရူးအအိၣ်, ဒီးစီၤပ့းတရူးသ့ၣ်နီၣ်ထီၣ်ကစၢ်အတၢ်ကတိၤလၢအစံးဘၣ်တ့ၢ်အီၤ, “တနၤအံၤတချုးဆီဖါကီၢ်အိၣ်အိထီၣ်န့ၣ်, နကသမၢယၤသၢစုန့ၣ်လီၤ.”

လံာ်လူၤကၣ် 4:8

ယ့ၣ်ၡူးစံးဆၢဝဲ, “တၢ်ကွဲးအသးစံးဒ်အံၤ, ‘ဘူၣ်ထီၣ်ဘါထီၣ်ထဲယွၤနကစၢ်ယွၤဒီး မၤထဲအဝဲဒၣ်တဂၤဧိၤအတၢ်မၤတက့ၢ်.’ ”

လံာ်လူၤကၣ် 9:55

ယ့ၣ်ၡူးဃၣ်ဃီၤအသးဒီးဒူအဝဲသ့ၣ်အလိၤ,

1 ကရံၣ်သူး 5:5

သုကဘၣ်ဟ့ၣ်လီၤကွံာ်ပှၤတဂၤအံၤဆူမုၣ်ကီၤလံၢ်အစုပူၤ, ဒ်သိးအနီၢ်ခိကဘၣ်တၢ်မၤဟးဂီၤကွံာ်အီၤ, ဒ်သိးအသးကဘၣ်တၢ်အုၣ်က့ၤခီၣ်က့ၤအီၤဖဲကစၢ်အမုၢ် တနံၤန့ၣ်လီၤ.

ဖံလံးပံၤ 3:19

အဝဲသ့ၣ်အကျဲကကတၢၢ်လၢလရာ်အပူၤလီၤ. အဂ့ၢ်ဒ်အံၤ, အကစၢ်ယွၤမ့ၢ်အနီၢ်ခိအတၢ်သူၣ်လီသးကွံန့ၣ်လီၤ. အဝဲသ့ၣ်ပာ်ကဖၢလၢအသးလၢတၢ်လၢအကြၢးမဲာ်ဆှးဝဲ, ဒီးအဝဲသ့ၣ်ဆိကမိၣ်တၢ်ထဲလၢတၢ်လၢအဘၣ်ဃးဒီးဟီၣ်ခိၣ် အံၤန့ၣ်လီၤ.

၁ တံၤမသ့း 5:20

ပှၤလၢအမၤတၢ်ဒဲးဘးခဲလၢာ်န့ၣ်, သိၣ်ဃီၣ်အီၤလၢကမျၢၢ်အမဲာ်ညါ, ဒ်သိးပှၤဂၤတဖၣ်ကအိၣ်ဒီးတၢ်ပျံၤတၢ်ဖုးအဂီၢ်န့ၣ် တက့ၢ်.

တံတူး 1:13

လၢတၢ်ဂ့ၢ်အံၤအဃိ, နကဘၣ်သိၣ်ဃီၣ်အဝဲသ့ၣ်ဆါဆါဒ်သိးအဝဲသ့ၣ်ကအိၣ်ဒီးတၢ်စူၢ်တၢ် နာ်လၢအမ့ၢ်ဝဲတီဝဲ,

၁ ပ့းတရူး 4:1

မ့ၢ်လၢခရံာ်တူၢ်ဘၣ်တၢ်လၢနီၢ်ခိနီၢ်ခီအဃိ, သုဝဲသ့ၣ်စ့ၢ်ကီးသုကဘၣ်မၤဆူၣ်ထီၣ်သုဂံၢ်သုဘါလၢ တၢ်ပာ်လီၤသးတမံၤဃီဒ်အီၤအသိးန့ၣ်လီၤ. အဂ့ၢ်ဒ်အံၤ, ပှၤတဂၤဂ့ၤတဂၤဂ့ၤလၢအတူၢ်ဘၣ်တၢ်လၢနီၢ်ခိ နီၢ်ခီန့ၣ်, တဘၣ်ဃးဒီးတၢ်ဒဲးဘးလၢၤဘၣ်.

၁ ယိၤဟၣ် 2:15

တဘၣ်အဲၣ်ဟီၣ်ခိၣ်, ဒီးကယဲၢ်မ့ၢ်တၢ်လၢအဘၣ်ဃးဒီး ဟီၣ်ခိၣ်န့ၣ်တဂ့ၤ. သုမ့ၢ်အဲၣ်ဟီၣ်ခိၣ်ဒီး, တၢ်အဲၣ်တၢ်ကွံပၢ်ကစၢ်န့ၣ်တအိၣ်လၢသုပူၤဘၣ်.

လံာ်လီၣ်ဖျါ 3:19

ပှၤလၢယအဲၣ်န့ၣ်, ယသိၣ်ဃီၣ်သီဃီၣ်, ဒီးစံၣ်ညီၣ်အီၤကိးဂၤဒဲးလီၤ. လၢတၢ်န့ၣ်အဃိ, ပာ်နသးသပှၢ်ပှၢ်, ဒီးဃၣ်ကွံာ်လၢနတၢ်ဒဲးတူာ်ဒဲးဘးတဖၣ်န့ၣ်တက့ၢ်.