လံာ်မၢ်ကူး 8:32 - Sgaw Karen Common Bible

³² တၢ်တဖၣ်အံၤခဲလၢာ်ကတိၤဝဲဖျါဖျါလီၤ. အန့ၣ်ဒီး စီၤပ့းတရူးမိၤအီၤယံၤထီၣ်ဒီးအပျဲၢ်အဘီၣ်အဂၤတဖၣ် ဒီးဒူအလိၤလီၤ.

လံာ်မၢ်ကူး 8:32 Iomraidhean Croise

လံာ်မးသဲ 16:22

ဒီးစီၤပ့းတရူးကိးန့ၢ်အီၤဆူတၢ်ချၢဒီးဒူအလိၤဒီးစံး, “ကစၢ်ယွၤဧၢ, မ်ယွၤအသုတဒုးဘၣ်နၤလၢတၢ်အံၤတဂ့ၤ. တၢ်အံၤတဘၣ်ဘၣ်နၤလ့ၤတက့ၤဘၣ်.”

လံာ်မၢ်ကူး 4:38

ယ့ၣ်ၡူးအိၣ်ဝဲလၢချံခံတခီ, ပာ်လီၤအခိၣ်လၢခိၣ်တခၢၣ်တဖျၢၣ်အလိၤဒီးမံဘၣ်အသးလီၤ. အပျဲၢ်အဘီၣ်တဖၣ်ထိၣ်ဂဲၤထၢၣ်အီၤဒီးစံးဘၣ်အီၤ, “သရၣ်ဧၢ, ပကသံဘၣ်ပသးအံၤန့ၣ်မ့ၢ်နဲနတကိၢ်တဂီၤဘၣ်ဧါ.”

လံာ်လူၤကၣ် 10:40

နီၢ်မၢ်သၤအသးဘၣ်တံာ်တာ်လၢတၢ်ဖံးတၢ်မၤခဲလၢာ်လၢ အဘၣ်မၤဝဲတဖၣ်အဃိလီၤ. လၢတၢ်န့ၣ်အဃိအဝဲဒၣ်လဲၤဃီၤဆူ အအိၣ်ဒီးစံးဝဲ, “ကစၢ်ဧၢ, ယဒီပုၢ်ဝဲၢ်မုၣ်ဒုးမၤယၤတၢ်မၤခဲလၢာ်ထဲ တဂၤဧိၤန့ၣ်, နတပာ်လၢအမ့ၢ်တၢ်နီတမံၤဘၣ်ဧါ. တဲအီၤလၢအကဟဲမၤစၢၤယၤတက့ၢ်.”

လံာ်ယိၤဟၣ် 10:24

ဖဲန့ၣ်အခါ, ပှၤယူဒၤဖိတဖၣ်ဟဲအိၣ်ဝးတရံးအီၤ ဒီးသံကွၢ်တၢ်ဒီးစံးဝဲ, “နကပာ်ပှၤလၢတၢ်သးဒ့ဒီအပူၤ ဆံးယံာ်လဲၣ်. နမ့မ့ၢ်ခရံာ်ဒီးတဲဘၣ်ပှၤဖျါဖျါတက့ၢ်.”

လံာ်ယိၤဟၣ် 11:14

လၢတၢ်န့ၣ်အဃိ, ယ့ၣ်ၡူးစံးဘၣ်အဝဲသ့ၣ်လိၤလိၤ, “စီၤလါစရူးသံလံ.

လံာ်ယိၤဟၣ် 16:25

ယစံးဘၣ်တဲဘၣ်သုတၢ်သ့ၣ်တဖၣ်အံၤလၢတၢ်ကတိၤ အဒိန့ၣ်လီၤ. ဘၣ်ဆၣ်ဒီးတၢ်ဆၢကတီၢ်ကတုၤဝဲဖဲ ယတသူလၢၤတၢ်ကတိၤအဒိဘၣ်. မ့မ့ၢ်ယကကတိၤတၢ်ဒီး သုဖျါဖျါဘၣ်ဃးဒီးပၢ်အဂ့ၢ်န့ၣ်လီၤ.

လံာ်ယိၤဟၣ် 16:29

ထဲန့ၣ်ဒီး, အပျဲၢ်အဘီၣ်တဖၣ်စံးဘၣ်အီၤ, “ခဲအံၤနကတိၤလံ တၢ်ဖျါဖျါ, ဒီးတသူတၢ်ကတိၤအဒိတဖၣ်န့ၣ်ဘၣ်.

လံာ်ယိၤဟၣ် 18:20

ယ့ၣ်ၡူးစံးဆၢတၢ်ဒီးစံးဝဲ, “ယကတိၤတၢ်ထီဘိလၢပှၤအါဂၤ အမဲာ်ညါဒီးလၢပှၤကိးဂၤဒဲးန့ၣ်လီၤ. ယတၢ်သိၣ်လိသီလိခဲလၢာ်ဘၣ်တၢ်မၤအီၤလၢဘူၣ်ဘျီၣ် လၢအမ့ၢ်တၢ်ဘါအလီၢ်အပူၤဒီးတၢ်လုၢ်ဟံၣ်အပူၤ, ဖဲပှၤယူဒၤဖိခဲလၢာ်ဟဲပာ်ဖှိၣ်အသးန့ၣ်လီၤ. ယတစံးကတိၤတၢ်လၢတၢ်ခူသူၣ်အပူၤနီတဘျီဘၣ်.