လံာ်မၢ်ကူး 8:28 - Sgaw Karen Common Bible

²⁸ အဝဲသ့ၣ်စံးဆၢက့ၤအီၤ, “တနီၤစံးဝဲလၢနမ့ၢ်ပှၤဘျၢတၢ် စီၤယိၤဟၣ်, အဂၤတနီၤစံးဝဲလၢနမ့ၢ်ဝံအ့ၤလံယၤ, ဒီးအဂၤတနီၤစံးဝဲလၢနမ့ၢ်ဝံတဂၤဂၤလီၤ.”

လံာ်မၢ်ကူး 8:28 Iomraidhean Croise

လံာ်မၤလကံ 4:5

ဘၣ်ဆၣ်, တချုးလၢယွၤအမုၢ်နံၤဖးဒိၣ်ဒီးမုၢ်နံၤလၢအလီၤပျံၤ လီၤဖုးဟဲဒံးဘၣ်န့ၣ်, ယကဆှၢလီၤန့ၢ်သုဝံအ့ၤလံယၤန့ၣ်လီၤ.

လံာ်မးသဲ 14:2

ဒီးစံးဘၣ်အခ့အပှၤတဖၣ်, “ပှၤအံၤမ့ၢ်နီၢ်နီၢ်ပှၤဘျၢတၢ်စီၤယိၤဟၣ်လၢ အဘၣ်တၢ်မၤမူထီၣ်က့ၤအီၤလီၤ. လၢတၢ်န့ၣ်အဃိ, အဝဲအိၣ်ဒီးတၢ်စိတၢ်ကမီၤလၢ ကမၤတၢ်လီၤလးတဖၣ်အံၤလီၤ.”

လံာ်မးသဲ 16:14

ဒီးအဝဲသ့ၣ်စံးဝဲဒၣ်, “ပှၤတနီၤစံးလၢနမ့ၢ်ပှၤဘျၢတၢ်စီၤယိၤဟၣ်, တနီၤစံးလၢစီၤအ့ၤလံယၤ, ဒီးအဂၤတနီၤစံးဝဲမ့ၢ်စီၤယံးရမံယၤ, မ့တမ့ၢ်ဘၣ်ဒီးဝံအဂၤတဂၤဂၤလီၤ.”

လံာ်ယိၤဟၣ် 1:21

ဒီးအဝဲသ့ၣ်သံကွၢ်အီၤ, “မ့မ့ၢ်ဒ်န့ၣ်ဒီးနမ့ၢ်မတၤလဲၣ်. နမ့ၢ်ဝံအ့ၤလံယၤဧါ.” ဒီးစီၤယိၤဟၣ်စံးဆၢဝဲ, “တမ့ၢ်ဘၣ်.” သံကွၢ်ကဒီးဝဲ, “နမ့ၢ်ဝံလၢယွၤကမၢလီၤဝဲန့ၣ်ဧါ.” ဒီးအဝဲဒၣ်စံးဆၢဝဲ, “တမ့ၢ်ဘၣ်.”