လံာ်မၢ်ကူး 8:23 - Sgaw Karen Common Bible

²³ ယ့ၣ်ၡူးဟံးန့ၢ်ပှၤမဲာ်ဘျီၣ်န့ၣ်အစုဒီးမိၤထီၣ်အီၤဆူသဝီ အချၢဒီးထူးပှဲာ်ဝဲဒၣ်အမဲာ်ချံတဖၣ်ဝံၤပာ်ထီၣ်အစုလၢ အလိၤဒီးသံကွၢ်အီၤ, “နထံၣ်တၢ်တမံၤမံၤဧါ.”

လံာ်မၢ်ကူး 8:23 Iomraidhean Croise

လံာ်ယၡါယၤ 44:2

ယမ့ၢ်ယွၤလၢအတ့လီၤပာ်လီၤတ့ၢ်သု ဒီးစးထီၣ်မုၢ်တနံၤလၢသုအိၣ်ဖျဲၣ်ထီၣ်န့ၣ်, ယမၤစၢၤတ့ၢ်သုလီၤ. ပျံၤတၢ်တဂ့ၤ. သုမ့ၢ်ယခ့ယပှၤ, ယပှၤဂီၢ်မုၢ်လၢယဃုထၢတ့ၢ် အီၤဒီးအဲၣ်အီၤလီၤ.

လံာ်ယၡါယၤ 51:18

ပှၤလၢအကဆှၢနၤတအိၣ်နီတဂၤဘၣ်, ဒီးလၢနပှၤဂီၢ်မုၢ်ဒၣ်နဲအကျါ ပှၤလၢအကဟံးနၤလၢအစုတအိၣ်နီတဂၤဘၣ်.

လံာ်ယံးရမံယၤ 31:32

တမ့ၢ်ဘၣ်ဒ်သိး ဘၣ်တၢ်အၢၣ်လီၤအီလီၤ အလီၢ်လံၤ လၢယမၤတ့ၢ်ဒီး အဝဲသ့ၣ် အမိၢ်ပၢ်ဖံဖု လၢပျၢၤတဖၣ်ဖဲ ယဟံးဃီၤအဝဲသ့ၣ် လၢယစုဒီး ဆှၢထီၣ်အဝဲသ့ၣ်လၢ ကီၢ်အဲၤကူပတူးအပူၤအခါန့ၣ်ဘၣ်. ယလီၤဂာ်ဒီး ဝၤတဂၤလၢ အဝဲသ့ၣ် အဂီၢ်သနာ်က့, အဝဲသ့ၣ်တတိၢ်န့ၢ်ဘၣ်ယတၢ်အၢၣ်လီၤအီလီၤဒီး အဝဲန့ၣ်ဘၣ်.

လံာ်မၢ်ကူး 5:23

ဃ့ကညးအီၤသပှၢ်ပှၢ်ဒီးစံးဝဲ, “ယဖိမုၣ်ဖိဆါနးမးဒီးဘူးတ့ၢ်မးလၢအကသံလီၤ. ဝံသးစူၤဟဲဒီးပာ်နစုလၢအလိၤဒ်သိးကဘျါက့ၤဝဲဒီးကအိၣ် မူဘၣ်ဒံးဝဲအဂီၢ်န့ၣ်တက့ၢ်.”

လံာ်မၢ်ကူး 7:33

အန့ၣ်ဒီးယ့ၣ်ၡူးမိၤထီၣ်အီၤထဲတဂၤဧိၤစီၤစုၤဒီးကမျၢၢ်အိၣ်တၢ်အလီၢ်, ဆွံနုာ်အစုနၢတဖၣ်လၢအနၢ်ခံခီလၢာ်အပူၤဝံၤထုးထီၣ်က့ၤအီၤ, ဒီးထူးပှဲာ်လီၤအစုနၢ, ဒီးထိးဘၣ်အဝဲဒၣ်အပျ့ၤန့ၣ်လီၤ.

လံာ်မၢ်ကူး 8:24

ဒီးအဝဲကွၢ်ထီၣ်တၢ်ဒီးစံးဝဲ, “ယထံၣ်ယဲပှၤကညီတဖၣ်, ဘၣ်ဆၣ်ဖျါလီၤဂာ်ဒီးသ့ၣ်အထူၣ်တဖၣ်လၢ အဟးထီၣ်ဟးလီၤဝဲန့ၣ်လီၤ.”

လံာ်မၢ်ကူး 8:26

ယ့ၣ်ၡူးမၢအက့ၤက့ၤဆူအဟံၣ်ဒီးမၤလိာ်အီၤဒ်သိး အသုတက့ၤနုာ်ကဒါက့ၤဆူသဝီပူၤတဂ့ၤအဂီၢ်န့ၣ်လီၤ.

မၤတၢ် 23:19

ပှၤသုးဖိတကထိအခိၣ်ဖီၣ်ထီၣ်အဝဲဒၣ်အစု, ဒီးဆှၢအီၤဆူ တၢ်တဒၢအလီၢ်, ဒီးသံကွၢ်အီၤကစုဒု, “နအဲၣ်ဒိးတဲ ယၤတၢ်ဂ့ၢ်မနုၤတမံၤလဲၣ်.”

မၤတၢ် 9:8

စီၤစီလူးဂဲၤဆၢထၢၣ်က့ၤလၢဟီၣ်ခိၣ်လိၤဒီးစီၣ်ထီၣ်အမဲာ်ချံ, ဘၣ်ဆၣ်တထံၣ်တၢ်နီတမံၤဘၣ်. သတးဒီးအဝဲသ့ၣ်မိၤထီၣ်အစုဒီးလဲၤဆှၢအီၤဆူဝ့ၢ်ဒၤမ့ၤစ့း အပူၤလီၤ.

ဧ့ၤဘြံၤ 8:9

တမ့ၢ်ဘၣ်ဒ်တၢ်အၢၣ်လီၤအီလီၤလၢယမၤတ့ၢ်ဒီး အဝဲသ့ၣ်အပၢ်တဖၣ် ဖဲမုၢ်နံၤလၢယဟံးအဝဲသ့ၣ်အစုဒီးထုးထီၣ်အဝဲသ့ၣ် လၢကီၢ်အဲၤကူပတူးအပူၤန့ၣ်ဘၣ်. အဂ့ၢ်ဒ်အံၤ, အဝဲသ့ၣ်တဟံးဃာ် ယတၢ်အၢၣ်လီၤအီလီၤဘၣ်. ဒီးမ့ၢ်လၢတၢ်န့ၣ်အဃိ ယတကနၣ်ဃုာ်အဝဲသ့ၣ်ဘၣ်, ကစၢ်စံးဝဲဒၣ်.

လံာ်လီၣ်ဖျါ 3:18

လၢတၢ်န့ၣ်အဃိယဟ့ၣ်ကူၣ်နၤလၢနကပှ့ၤန့ၢ်ထူလၢယအိၣ်, ထူလၢအဘၣ်တၢ်ပှံၢ်စီအီၤ, ဒ်သိးနကထူးကတီၤအဂီၢ်လီၤ. ပှ့ၤစ့ၢ်ကီးတၢ်ကူတၢ်ကၤအဝါလၢနကကူသိးအဂီၢ်ဒ်သိးနကမၤ ဘၢနတၢ်အိၣ်ဘ့ၣ်ဆ့လၢအလီၤမဲာ်ဆှးန့ၣ်တက့ၢ်. ပှ့ၤစ့ၢ်ကီးနဲမဲာ်ချံအကသံၣ်ဒ်သိးနကဒၢနုာ်လၢနမဲာ်ချံ အပူၤလၢနကထံၣ်တၢ်အဂီၢ်န့ၣ်တက့ၢ်.