လံာ်မၢ်ကူး 8:22 - Sgaw Karen Common Bible

²² ယ့ၣ်ၡူးဒီးအပျဲၢ်အဘီၣ်တဖၣ်လဲၤတုၤဝဲလၢသဝီဘ့ၤသစဲဒၤ ဒီးပှၤတနီၤဟဲစိာ်ပှၤမဲာ်ဘျီၣ်တဂၤဆူယ့ၣ်ၡူးအအိၣ်ဒီးဃ့ ကညးအီၤလၢအကထိးဘၣ်ပှၤတဂၤအံၤလၢအစုန့ၣ်လီၤ.

လံာ်မၢ်ကူး 8:22 Iomraidhean Croise

လံာ်မးသဲ 11:21

“ဝ့ၢ်ဃၤရၤစံၣ်ဧၢ, နကဘၣ်တၢ်နးတၢ်ဖှီၣ်ဆံးဒိၣ်လဲၣ်. ဝ့ၢ်ဘ့ၤသစဲဒၤဧၢ, နကဘၣ်တၢ်နးတၢ်ဖှီၣ်ဆံးဒိၣ်လဲၣ်. တၢ်လီၤလးတဖၣ်လၢအဘၣ်တၢ်မၤတ့ၢ်အီၤလၢသုပူၤန့ၣ် မ့ၢ်ဘၣ်တၢ်မၤတ့ၢ်အီၤလၢဝ့ၢ်ထါယၢၣ်ဒီးဝ့ၢ်စံဒိၣ်အပူၤဒီး, ပှၤဝ့ၢ်ဖိတဖၣ်ကကူထီၣ်သိးထီၣ်တ့ၢ်ထၢၣ်တၢ်ကံးယာ် ဒီးဖှံလီၤတ့ၢ်အသးဒီးဖၣ်ဆါဒ်သိးကပာ်ဖျါထီၣ် အတၢ်ပီၢ်ယၢ်လီၤက့ၤအသးဃဲးဃဲးလံန့ၣ်လီၤ.

လံာ်မးသဲ 14:36

ဒီးဃ့ကညးအီၤဒ်သိးအကထိးဘၣ်အစှၤကတၢၢ်ထဲအဆ့ဖးထီ အနွံဧိၤန့ၣ်လီၤ. ဒီးကယဲၢ်ပှၤလၢအထိးဘၣ်ဝဲတဖၣ်ဘျါက့ၤဝဲခဲလၢာ်လီၤ.

လံာ်မးသဲ 8:15

အဝဲထိးဘၣ်ပိာ်မုၣ်န့ၣ်အစု, ဒီးတၢ်လိၤကိၢ်န့ၣ်ဘျါက့ၤဝဲဒီး အဝဲဒၣ်ဆၢထၢၣ်မၤတၢ်အခ့အပှၤအတၢ်မၤလၢအဂီၢ်လီၤ.

လံာ်မးသဲ 8:3

ယ့ၣ်ၡူးယူာ်ဃီၤအစု, ထိးဘၣ်အီၤဒီးစံး, “ယသးအိၣ်လီၤ. ကဆှီထီၣ်က့ၤနဲတက့ၢ်.” တဘျီဃီအတၢ်ဆါအၢန့ၣ်ဘျါက့ၤဝဲလီၤ.

လံာ်မးသဲ 9:29

တုၤနုၤတစုယ့ၣ်ၡူးထိးဘၣ်အဝဲသ့ၣ်အမဲာ်ချံတဖၣ်ဒီးစံး, “မ်သုထံၣ်ထီၣ်က့ၤတၢ်ဒ်သုနာ်တၢ်အသိးန့ၣ်တက့ၢ်.”

လံာ်မၢ်ကူး 2:3

အကတီၢ်ဖဲန့ၣ်, ပှၤလွံၢ်ဂၤဟဲစိာ်ဃုာ်ဒီးပှၤသံတခီပၤတဂၤဆူ အအိၣ်လီၤ.

လံာ်မၢ်ကူး 3:10

အဝဲဒၣ်မၤဘျါက့ၤတ့ၢ်လံပှၤဆူးပှၤဆါအါဒံအါဂၤသတးဒီး, ကယဲၢ်ပှၤအိၣ်ဒီးတၢ်ဆူးတၢ်ဆါတမံၤလၢ်လၢ်တဖၣ်န့ၣ်ဟဲဆီၣ် သနံးလိာ်အသးဆူအအိၣ်ဒ်သိးကထိးဘၣ်အီၤအဂီၢ်န့ၣ်လီၤ.

လံာ်မၢ်ကူး 6:45

တၢ်န့ၣ်ဝံၤတဘျီဃီ, ယ့ၣ်ၡူးမၤလိာ်ဆူၣ်အပျဲၢ်အဘီၣ်တဖၣ်လၢအကလဲၤနုာ်လီၤဆူချံ ပူၤဒီးလဲၤပာ်လၢအဝဲအမဲာ်ညါဆူဝ့ၢ်ဘ့ၤသစဲဒၤ, အိၣ်လၢပီၣ်လဲၣ်ကၤလံၤလါဝၢ်ဘးခီ, ဖဲအဝဲဒၣ်ပျၢ်ကွံာ်ပှၤဂီၢ်မုၢ်တဖၣ်ဆူအဟံၣ်အဃီဒၣ်ဝဲအကတီၢ် န့ၣ်လီၤ.

လံာ်လူၤကၣ် 10:13

“ဝ့ၢ်ဃရၤစံၣ်ဧၢ, တၢ်ကနးကဖှီၣ်လၢနဂီၢ်ဆံးဒိၣ်လဲၣ်. နၤစ့ၢ်ကီး, ဝ့ၢ်ဘ့ၤသစဲဒၤဧၢ, တၢ်ကနးကဖှီၣ်လၢနဂီၢ်ဆံးဒိၣ်လဲၣ်. တၢ်လီၤလးလၢအဘၣ်တၢ်မၤတ့ၢ်အီၤလၢသုပူၤတဖၣ် မ့ၢ်ဘၣ်တၢ်မၤတ့ၢ်အီၤလၢဝ့ၢ်ထါယၢၣ်ဒီးဝ့ၢ်စံဒိၣ်န့ၣ်, ပှၤထံဖိကီၢ်ဖိတဖၣ်ကဆ့ၣ်နီၤဝဲအိၣ်ဒီးတၢ်ကူထီၣ်သိးထီၣ် ထၢၣ်တၢ်ကံးယာ်ဒီးဖှံလီၤက့ၤဖၣ်ဆါလၢအလိၤဒ်သိး အကပာ်ဖျါလၢအဝဲသ့ၣ်ပီၢ်ယၢ်လီၤက့ၤအသးဃဲးဃဲးလံန့ၣ်လီၤ.

လံာ်လူၤကၣ် 9:10

ပှၤတၢ်မၢဖိတဖၣ်ဟဲက့ၤဒီးစံးဘၣ်တဲဘၣ်ယ့ၣ်ၡူး ကယဲၢ်တၢ်လၢအဝဲသ့ၣ်မၤတ့ၢ်ဝဲခဲလၢာ်လီၤ. အဝဲဒၣ်ကိးအဝဲသ့ၣ်ဒီးလဲၤဒၣ်ထဲအဝဲသ့ၣ်တဖုဧိၤဆူ ဝ့ၢ်တဖျၢၣ်လၢအမံၤမ့ၢ်ဝဲဘ့ၤသစဲဒၤလီၤ.

လံာ်ယိၤဟၣ် 1:44

(စီၤဖံလံးပူးမ့ၢ်ပှၤဘၣ်ဃးဒီးဝ့ၢ်ဘ့ၤသစဲဒၤ, ဝ့ၢ်လၢစီၤအၣ်ဒရ့းဒီးစီၤပ့းတရူးအိၣ်လၢအပူၤန့ၣ်လီၤ.)

လံာ်ယိၤဟၣ် 12:21

အဝဲသ့ၣ်လဲၤဆူစီၤဖံလံးပူး (ပှၤဝ့ၢ်ဘ့ၤသစဲဒၤဖိလၢကီၢ်ကၤလံၤလါ) အအိၣ်ဒီးစံးဘၣ်အီၤ, “တၢ်ဒိၣ်ဧၢ, ပသးအိၣ်ထံၣ်ဘၣ်ယ့ၣ်ၡူးလီၤ.”