လံာ်မၢ်ကူး 8:2 - Sgaw Karen Common Bible

² “ယသးကညီၤဘၣ်ပှၤတဖၣ်အံၤမ့ၢ်လၢအဟဲအိၣ်တ့ၢ်ဝဲဒီးယၤသၢ သီလံ, ဒီးခဲကနံၣ်အံၤတၢ်အီၣ်လၢကအီၣ်ဝဲအဂီၢ်တအိၣ်လၢၤဘၣ်န့ၣ်လီၤ.

လံာ်မၢ်ကူး 8:2 Iomraidhean Croise

လံာ်စီၤပၤအခီၣ်ထံးတဘ့ၣ် 19:6

အဝဲကွၢ်ဝးတရံးတၢ်ဒီးထံၣ်ဘၣ်ကိၣ်တလိၣ်ဒီးထံတကိအိၣ်ဘူး ဒီးအခိၣ်န့ၣ်လီၤ. အဝဲအီၣ်တၢ်ဒီးအီထံဒီးမံလီၤကဒီးဝဲန့ၣ်လီၤ.

စံးထီၣ်ပတြၢၤ 103:13

ဒ်ပၢ်သူၣ်ကညီၤသးကညီၤအဖိအလံၤအသိးန့ၣ်, ယွၤသူၣ်ကညီၤသးကညီၤပှၤလၢအပျံၤအီၤလီၤ.

စံးထီၣ်ပတြၢၤ 145:15

ကယဲၢ်တၢ်အိၣ်ဒီးအသးသမူခဲလၢာ် ကွၢ်ထီၣ်နၤလၢတၢ်မုၢ်လၢ်အပူၤ, ဒီးနဟ့ၣ်အဝဲသ့ၣ်လၢတၢ်အီၣ်ဖဲ အဝဲသ့ၣ်လိၣ်ဘၣ်ဝဲဒၣ်န့ၣ်လီၤ.

စံးထီၣ်ပတြၢၤ 145:8

ယွၤသူၣ်ကညီၤသးကညီၤတၢ်, ဒီးသူၣ်အိၣ်သးအိၣ်တၢ်, ဒီးအသးထီၣ်ကီ, ဒီးအဘျုးအဖှိၣ်အိၣ်ဒိၣ်နီၢ်မးလီၤ.

လံာ်မံကၤ 7:19

နကသူၣ်ကညီၤသးကညီၤဒံးကဒီးပှၤတဘျီလီၤ. နကယီၢ်တံၢ်ပတၢ်ဒဲးဘးတဖၣ်လၢနခီၣ်အဖီလာ်ဒီးကွံာ်လီၤကွံာ် အီၤဆူပီၣ်လဲၣ်အခံဒးလီၤ.

လံာ်မးသဲ 14:14

ဖဲယ့ၣ်ၡူးစံၣ်လီၤလၢချံအလိၤဒီးထံၣ်ပှၤဂီၢ်မုၢ်ဖးဒိၣ်န့ၣ်, အသူၣ်ကညီၤသးကညီၤဘၣ်အဝဲသ့ၣ်ဒီး, မၤဘျါက့ၤအဝဲသ့ၣ်အပှၤဆူးပှၤဆါတဖၣ်လီၤ.

လံာ်မးသဲ 20:34

ယ့ၣ်ၡူးသးကညီၤအဝဲသ့ၣ်, ဒီးထိးဘၣ်အဝဲသ့ၣ်အမဲာ်ချံတဖၣ်လၢ အစု, ဒီးတကီၢ်ခါအဝဲသ့ၣ်ထံၣ်ထီၣ်က့ၤတၢ်, ဒီးပိာ်ထီၣ်အခံလီၤ.

လံာ်မးသဲ 9:36

တုၤအဝဲထံၣ်ပှၤဂီၢ်မုၢ်တဖၣ်ဒီးအသးပှဲၤဒီးတၢ်သးကညီၤဘၣ် အဝဲသ့ၣ်လီၤ. အဂ့ၢ်ဒ်အံၤ, အဝဲသ့ၣ်အသူၣ်ကိၢ်သးဂီၤဒီးပှၤမၤစၢၤအီၤတအိၣ်ဘၣ်ဒီး လီၤဂာ်ဒ်သိလၢအပှၤကွၢ်သိတအိၣ်ဘၣ်တဖၣ်အသိးလီၤ.

လံာ်မၢ်ကူး 1:41

ယ့ၣ်ၡူးသးကညီၤဘၣ်အီၤဒီးယူာ်ဃီၤအစုဒီးထိးဘၣ်အီၤဒီး စံးဝဲ, “ယသးအိၣ်နၤ, မ်နကဆှီထီၣ်က့ၤတက့ၢ်.”

လံာ်မၢ်ကူး 5:19

ဘၣ်ဆၣ်ဒီးယ့ၣ်ၡူးတပျဲအီၤဘၣ်. မ့မ့ၢ်စံးဘၣ်အီၤ, “က့ၤက့ၤဆူနဟံၣ်နဃီဒီးတဲဘၣ်ပှၤအိၣ်ဒီးနၤတဖၣ်လၢ ကစၢ်မၤတ့ၢ်တၢ်လၢနဂီၢ်ဆံးအါဒီးအတၢ်သးကညီၤအိၣ်တ့ၢ်လၢနဖီ ခိၣ်ဆံးအါလဲၣ်န့ၣ်တက့ၢ်.”

လံာ်မၢ်ကူး 6:32

လၢတၢ်န့ၣ်အဃိအဝဲသ့ၣ်ဒိးထီၣ်ချံတဘ့ၣ်ဒီးလဲၤဝဲထဲ အဝဲသ့ၣ်ဆူတၢ်လီၢ်တပူၤဖဲပှၤတအိၣ်နီတဂၤဘၣ်န့ၣ်လီၤ.

လံာ်မၢ်ကူး 6:34

တုၤယ့ၣ်ၡူးစံၣ်လီၤလၢချံပူၤဝံၤဒီးထံၣ်ဘၣ်ပှၤဂီၢ်မုၢ်ဖး ဒိၣ်အံၤန့ၣ်သးကညီၤဘၣ်အဝဲသ့ၣ်, မ့ၢ်လၢအဝဲသ့ၣ်လီၤဂာ်ဒီးသိတဖုလၢပှၤကွၢ်အီၤတအိၣ်ဘၣ် အသိးအဃိန့ၣ်လီၤ. လၢတၢ်န့ၣ်အဃိ, အဝဲစးထီၣ်သိၣ်လီၤသီလီၤအဝဲသ့ၣ်လၢတၢ်မၤလိအါထံၣ်အါဘီလီၤ.

လံာ်မၢ်ကူး 8:3

ဖဲအဝဲသ့ၣ်တၢ်သၣ်ဝံၤအသးအခါအံၤ, ယမ့ၢ်ပျဲက့ၤအီၤဆူအဟံၣ်အဃီဒၣ်ဝဲန့ၣ်, ကလီၤဘှါဒီးလီၤဃံၤလၢကျဲလီၤ. အဂ့ၢ်မ့ၢ်လၢအဝဲသ့ၣ်အကျါတနီၤဟဲဘၣ်ဝဲတၢ်ဒ့ၣ်စၢၤယံၤဒိၣ်မးအဃိလီၤ.”

လံာ်မၢ်ကူး 9:22

တၢ်နါအဲၣ်ဒိးမၤသံအီၤသတးဒီး အတၢ်တ့ၢ်လီၤအီၤဆူမ့ၣ်အူပူၤဒီးဆူထံကျါတလီၢ်လီၢ်န့ၣ်လီၤ. နဲဒၣ်အံၤနမၤစၢၤပှၤမ့ၢ်သ့တမံၤမံၤဒီးသးကညီၤပှၤဒီးမၤစၢၤ ဘၣ်ပှၤတက့ၢ်.”

လံာ်လူၤကၣ် 15:20

လၢတၢ်န့ၣ်အဃိအဝဲဒၣ်ဂဲၤဆၢထၢၣ်ဒီးက့ၤကဒါက့ၤဝဲဆူအပၢ် အအိၣ်လီၤ. ဖဲအဝဲဒၣ်အိၣ်စီၤစုၤယံၤဒံးလၢအဟံၣ်န့ၣ်, အပၢ်ထံၣ်အီၤ, အသးပူၤပှဲၤဒီးတၢ်သးကညီၤဒီးအဝဲဒၣ်ဃ့ၢ်ဝဲ, ဖိးဃာ်အဖိခွါဒီးနၢမူအီၤလီၤ.

လံာ်လူၤကၣ် 7:13

ဖဲကစၢ်ထံၣ်ပိာ်မုၣ်အဝဲန့ၣ်, အဝဲဒၣ်အသးပူၤပှဲၤဒီးတၢ်သးကညီၤဘၣ်အီၤ, ဒီးစံးဘၣ်ပိာ်မုၣ်န့ၣ်, “တဘၣ်ဟီၣ်တဂ့ၤ.”

ဧ့ၤဘြံၤ 2:17

လၢတၢ်န့ၣ်အဃိအဝဲဘၣ်ကဲထီၣ်ဒ်အဒီပုၢ်ဝဲၢ်တဖၣ်အသိး လၢတၢ်ကိးမံၤဒဲးအပူၤဒ်သိးလၢအတၢ်မၤကစၢ်ယွၤအတၢ်မၤ အပူၤန့ၣ်ကမ့ၢ်ပှၤလုၢ်တၢ်အခိၣ်အဒိၣ်ကတၢၢ်လၢအသူၣ် ကညီၤသးကညီၤတၢ်ဒီးအကလုၢ်တီဝဲတဂၤသတးဒီးကမၤ ပူၤဖျဲးတၢ်လၢပှၤကညီအတၢ်ဒဲးဘးအဂီၢ်န့ၣ်လီၤ.

ဧ့ၤဘြံၤ 4:15

ပပှၤလုၢ်တၢ်အခိၣ်အဒိၣ်ကတၢၢ်အံၤ တမ့ၢ်ပှၤလၢအနၢ် ပၢၢ်စၢၤပတၢ်ဂံၢ်စၢ်ဘါစၢ်တသ့ဘၣ်တဂၤန့ၣ်ဘၣ်. မ့ၢ်ပှၤတဂၤလၢအဘၣ်တၢ်လ့ပစီအီၤလၢကျဲကိးဘိဒဲးဒ်ပဝဲဒၣ် အသိးဘၣ်ဆၣ်အတၢ်ဒဲးဘးတအိၣ်ဘၣ်.

ဧ့ၤဘြံၤ 5:2

ဒ်အနီၢ်ကစၢ်ဒၣ်ဝဲအိၣ်ဒီးတၢ်ဂံၢ်စၢ်ဘါစၢ်လၢကျဲအါဘိအပူၤ အသိး, အဝဲဘၣ်ထွဲဒီးပှၤလၢအတသ့ၣ်ညါတၢ်ဒီးပှၤလၢအမၤ ကမၣ်တၢ်တဖၣ်န့ၣ်လၢတၢ်သးအိၣ်အပူၤသ့ဝဲန့ၣ်လီၤ.