လံာ်မၢ်ကူး 8:18 - Sgaw Karen Common Bible

¹⁸ သုအိၣ်ဒီးသုမဲာ်ချံကစီဒီ, မ့ၢ်သုတထံၣ်တၢ်ဘၣ်ဧါ. သုအိၣ်ဒီးသုနၢ်တဖၣ်ကစီဒီ, မ့ၢ်သုတနၢ်ဟူတၢ်ဘၣ်ဧါ. သုတသ့ၣ်နီၣ်လၢၤဘၣ်ဧါ.

လံာ်မၢ်ကူး 8:18 Iomraidhean Croise

စံးထီၣ်ပတြၢၤ 69:23

မ်အမဲာ်ခံးလီၤဒ်သိးအသုတထံၣ်ဘၣ် တၢ်တဂ့ၤအဂီၢ်န့ၣ်တက့ၢ်. ဒီးဒုးကနိးအယီၢ်ဒ့တထံၣ်ဃီန့ၣ်တက့ၢ်.

လံာ်ယၡါယၤ 44:18

ပှၤဒ်န့ၣ်သိးတဖၣ်ဟးဂီၤနးနးကလဲာ်လၢတသ့ၣ်ညါတၢ်လၢအဝဲသ့ၣ် မၤဝဲအဂ့ၢ်အဃိန့ၣ်လီၤ. အဝဲသ့ၣ်ဘံၣ်ဃးအမဲာ်ဒီးကးတံၢ်အသးတြီတၢ်မ့ၢ်တၢ်တီန့ၣ်လီၤ.

လံာ်ယံးရမံယၤ 5:21

သုဝဲပှၤဂီၢ်မုၢ်လၢအမၢးဒီးအသးတဆးတဖၣ်, ပှၤတဖၣ်လၢအအိၣ်ဒီးအမဲာ်ချံတဖၣ်ဘၣ်ဆၣ်ထံၣ်တၢ်တသ့ဘၣ်, ပှၤတဖၣ်လၢအအိၣ်ဒီးနၢ်တဖၣ်ဘၣ်ဆၣ်နၢ်ဟူတၢ်တသ့ဘၣ်သ့ၣ်ဧၢ, ပာ်သူၣ်ပာ်သးတက့ၢ်.

လံာ်မၢ်ကူး 4:12

လၢတၢ်န့ၣ်အဃိအဝဲသ့ၣ်ကကွၢ်ဝံၤကကွၢ်က့ၤကဒီး, ဘၣ်ဆၣ် တထံၣ်ဝဲဘၣ်. အဝဲသ့ၣ်ကကနၣ်ဝံၤကနၣ်က့ၤကဒီး, ဘၣ်ဆၣ်တနၢ်ပၢၢ်ဝဲဘၣ်. အဂ့ၢ်ဒ်အံၤ, အဝဲသ့ၣ်မ့ၢ်ထံၣ်ဒီးနၢ်ပၢၢ်ဝဲတခီကဃၣ်က့ၤ အသးဆူကစၢ်ယွၤအအိၣ်, ဒီးအဝဲဒၣ်ကပျၢ်ကွံာ်အတၢ်သရူး အတၢ်ကမၣ်လီၤ.”

လံာ်ယိၤဟၣ် 12:40

“ကစၢ်ယွၤမၤဘျီၣ်အဝဲသ့ၣ်အမဲာ်ချံတဖၣ် ဒီးမၤကိၤထီၣ်အဝဲသ့ၣ်အသး, ဒ်သိးအမဲာ်ချံတဖၣ်သုတထံၣ်တၢ်တဂ့ၤ ဒီးအသးအသုတနၢ်ပၢၢ်တၢ်တဂ့ၤ, ဒီးအဝဲသ့ၣ်အသုတဃၣ်အသးဆူအအိၣ် လၢအကမၤဘျါက့ၤအဝဲသ့ၣ်အဂီၢ်တဂ့ၤန့ၣ်လီၤ” (ၡါ ၆:၁၀).

ရိမ့ၤ 11:8

ဒ်တၢ်ကွဲးအသးစံးဝဲအသိး, “ကစၢ်ယွၤဟ့ၣ်အဝဲသ့ၣ်လၢ တၢ်သူၣ်ဃၢသးဃၢဒီးတုၤမုၢ်မဆါတနံၤအံၤန့ၣ်အဝဲသ့ၣ် တထံၣ်တၢ်လၢအမဲာ်ချံဒီးတနၢ်ဟူတၢ်လၢအနၢ်ဒၣ်ဝဲဘၣ်.”

လံာ်သိၣ်လီၤသီလီၤတၢ် 29:4

ဘၣ်ဆၣ်တုၤလီၤလၢမုၢ်မဆါတနံၤအံၤဒၣ်လဲာ်, အဝဲတပျဲဒံးသုနၢ်ပၢၢ်တၢ်လၢသုကထံၣ်ဘၣ်တ့ၢ်အီၤတဖၣ်န့ၣ်ဘၣ်.

၂ သ့းစၤလနံ 2:5

သုကသ့ၣ်နီၣ်ထီၣ်ကစီဒီလီၤ. ယစံးဘၣ်တဲဘၣ်သုတၢ်သ့ၣ်တဖၣ် အံၤခဲလၢာ်, ဖဲယအိၣ်ဒံးဒီးသုအဖၢမုၢ်န့ၣ်လီၤ.

၂ ပ့းတရူး 1:12

လၢတၢ်န့ၣ်အဃိ, သုသ့ၣ်ညါပာ်စၢၤတၢ်သ့ၣ်တဖၣ်အံၤ, ဒီးသုမ့ၢ်အိၣ်ဂၢၢ်ဆိးကျၢၤတ့ၢ်လၢတၢ်မ့ၢ်တၢ်တီလၢသုဒိး န့ၢ်ဘၣ်တ့ၢ်လံအီၤအပူၤဘၣ်ဆၣ်ဒီး, ယကဒုးသ့ၣ်နီၣ်ထီၣ်သုလၢတၢ်ဂ့ၢ်တဖၣ်အံၤထီဘိန့ၣ်လီၤ.