လံာ်မၢ်ကူး 8:13 - Sgaw Karen Common Bible

¹³ အဝဲဒၣ်ဟးထီၣ်ကွံာ်လၢအဝဲသ့ၣ်အအိၣ်ဝံၤ, ဒိးထီၣ်က့ၤချံန့ၣ်ဒီးခီဃီၤဝဲဆူပီၣ်လဲၣ်ဝၢ်ဘးခီလီၤ.

လံာ်မၢ်ကူး 8:13 Iomraidhean Croise

စံးထီၣ်ပတြၢၤ 81:12

အဃိ, ယပျဲလဲၤအဝဲသ့ၣ်ဆူအသးအၢအကျဲပူၤ ဒီးဒုးမၤအီၤတၢ်လၢ အအဲၣ်ဒိးဝဲန့ၣ်လီၤ.

လံာ်ယံးရမံယၤ 23:33

ယွၤစံးဘၣ်ယၤ, “စီၤယံးရမံယၤဧၢ, ဖဲယပှၤဂီၢ်မုၢ်အကျါတဂၤမ့ၢ်ဂ့ၤ, ဝံတဂၤမ့ၢ်ဂ့ၤ, ပှၤလုၢ်တၢ်အခိၣ်တဂၤမ့ၢ်ဂ့ၤမ့ၢ်သံကွၢ်နၤ, ‘ယွၤအတၢ်ဝံတၢ်ယိးမ့ၢ်မနုၤလဲၣ်’ န့ၣ်, နဘၣ်တဲဘၣ်အီၤ, ‘နမ့ၢ်တၢ်ဝံတၢ်ယိးလၢယွၤ အဂီၢ်ဒီးအဝဲဒၣ်ကမၤဟးဂီၤကွံာ်နၤ’ န့ၣ်လီၤ.

လံာ်ဟိၤၡ့ 4:17

ကီၢ်အံၣ်စရ့လးအပှၤဂီၢ်မုၢ်အိၣ်လၢတၢ်ဂီၤတၢ်ဖီၣ်တဖၣ်အတၢ်ရဲၣ်သံ အဖီလာ်န့ၣ်လီၤ. ပျဲအဝဲသ့ၣ်လဲၤလၢအကျဲဒၣ်ဝဲန့ၣ်တက့ၢ်.

လံာ်ဟိၤၡ့ 9:12

ဘၣ်ဆၣ်အဝဲသ့ၣ်မ့ၢ်ဒုးဒိၣ်ထီၣ်ဖိသၣ်တဖၣ်ဒၣ်လဲာ်န့ၣ်, ယကဟံးန့ၢ်ကွံာ်အီၤဒီးတပာ်တ့ၢ်မူဒံးအီၤနီတဂၤဘၣ်. တုၤယစူးကွံာ်ညိကွံာ်ပှၤဂီၢ်မုၢ်အံၤန့ၣ်, တၢ်လီၤပျံၤလီၤဖုးတဖၣ်ကမၤအသးဒီးအဝဲသ့ၣ်န့ၣ်လီၤ.

လံာ်မးသဲ 15:14

ပျဲအဝဲသ့ၣ်အိၣ်ဒၣ်အတၢ်တက့ၢ်. အဝဲသ့ၣ်မ့ၢ်ပှၤဆှၢတၢ်လၢအမဲာ်ဘျီၣ်တဖၣ်လီၤ. ဒီးဖဲပှၤမဲာ်ဘျီၣ်ဆှၢပှၤမဲာ်ဘျီၣ်န့ၣ်, အဝဲသ့ၣ်ကလီၤတဲာ်နုာ်ဆူတၢ်ပူၤခံဂၤလၢာ်န့ၣ်လီၤ.”

လံာ်မးသဲ 7:6

တဘၣ်ဟ့ၣ်လီၤတၢ်စီဆှံလၢထွံၣ်တဖၣ်တဂ့ၤ. အဝဲသ့ၣ်ကဃၣ်တရံးအသးဒီးအ့ၣ်နၤလီၤ. တဘၣ်ကွံာ်လီၤသုတၢ်မျၢ်ပလဲတဖၣ်လၢထိးတဖၣ်အမဲာ်ညါတဂ့ၤ. အဝဲသ့ၣ်ကယီၢ်တံၢ်ဒၣ်အီၤလၢအခီၣ်လီၤ.

လံာ်မၢ်ကူး 8:12

ဘၣ်ဆၣ်ယ့ၣ်ၡူးကအုထီၣ် လၢအသးကံၢ်ပူၤဒီးစံးဝဲဒၣ်, “ဘၣ်မနုၤအဃိပှၤတစိၤအံၤဃ့လၢအကထံၣ်ဘၣ်တၢ်ပနီၣ်လီၤ လးန့ၣ်လဲၣ်. ယစံးဘၣ်သုတီတီလိၤလိၤ, တၢ်တဒုးနဲၣ်ဖျါထီၣ်တၢ်ပနီၣ်လီၤလးလၢပှၤ တစိၤအံၤကထံၣ်ဘၣ်အီၤအဂီၢ်နီတမံၤဘၣ်.”

လံာ်မၢ်ကူး 8:14

အပျဲၢ်အဘီၣ်တဖၣ်သးပ့ၤနီၣ်လဲၤစိာ်ကိၣ်လၢလၢလီၣ်လီၣ် လၢအတၢ်လဲၤတဘျီအံၤအဂီၢ်, ဒီးအကိၣ်အိၣ်ထဲတဖျၢၣ်ဧိၤလၢချံပူၤန့ၣ်လီၤ.

လံာ်လူၤကၣ် 8:37

တုၤနုၤတစုပှၤဂီၢ်မုၢ်လၢအအိၣ်ဖဲကီၢ်ကဒါရၤအခိၣ်အဃၢၤ တဖၣ်ခဲလၢာ်မၢယ့ၣ်ၡူးဟးထီၣ်ကွံာ်, အဂ့ၢ်မ့ၢ်လၢအဝဲသ့ၣ်ပျံၤတၢ်ဖုးတၢ်နးနးကလဲာ်အဃိလီၤ. သတးဒီးယ့ၣ်ၡူးနုာ်လီၤဆူချံပူၤဒီးဟးထီၣ်ကွံာ်ဝဲဒၣ်လီၤ.

လံာ်ယိၤဟၣ် 12:36

လၢတၢ်န့ၣ်အဃိ, ဖဲသုအိၣ်ဒံးဒီးတၢ်ကပီၤန့ၣ်, စူၢ်က့ၤနာ်က့ၤတၢ် ကပီၤအံၤဒ်သိးသုကကဲထီၣ်ပှၤတၢ်ကပီၤဖိတဖၣ်အဂီၢ်န့ၣ်တက့ၢ်. ယ့ၣ်ၡူးစံးတၢ်အံၤဝံၤဒီး, အဝဲဟးထီၣ်ကွံာ်ဒီးပာ်သဒၢကွံာ်အသးလၢအဝဲသ့ၣ်န့ၣ်လီၤ.

လံာ်ယိၤဟၣ် 8:21

ယ့ၣ်ၡူးစံးဘၣ်ကဒီးအဝဲသ့ၣ်, “ယကဟးထီၣ်လဲၤတၢ်, ဒီးသုကဃုယၤဘၣ်ဆၣ်သုကသံလၢသုတၢ်ဒဲးဘးတဖၣ် အပူၤလီၤ. တၢ်လီၢ်လၢယလဲၤန့ၣ်သုလဲၤတသ့ဘၣ်.”

မၤတၢ် 18:6

ဖဲအဝဲသ့ၣ်ထီဒါဒီးကတိၤဒုၣ်ဒွဲၣ်အီၤန့ၣ်, အဝဲဒၣ်တြုၤလီၤကွံာ် ဟီၣ်ခိၣ်ကမူၣ်လၢအကူအသိးအလိၤဒီးစံးဘၣ်အဝဲသ့ၣ်, “သုမ့ၢ်တုၤလၢတၢ်ဟးဂီၤဒီးမ့ၢ်သုတၢ်ကမၣ်ဒၣ်သုဝဲလီၤ. တၢ်ကမၣ်တလီၤတီလၢယလိၤဘၣ်. စးထီၣ်ခဲအံၤဒီးဆူညါန့ၣ်ယကလဲၤစံၣ်တဲၤတဲလီၤတၢ် လၢပှၤကလုာ်ဂၤတဖၣ်အသိးအကျါလီၤ.”

မၤတၢ် 27:2

ပဒိးထီၣ်ကဘီလၢအဟဲလၢဝ့ၢ်အဒြၤမူးတ့ၣ်တဘ့ၣ်လၢအအိၣ် ကတဲာ်ကတီၤအသးဒ်သိးအကဟးထီၣ်ဒီးလဲၤဆူဝ့ၢ်အိၣ်လၢကီၢ် အၤစံအသရ့ၤတဖၣ်န့ၣ်လီၤ. ပှၤသ့းစၤလနံဖိလၢအဘၣ်ဃးဒီးကီၢ်မၤက့းဒနံစီၤအရံ စတၢ်ဃူးတဂၤလဲၤဃုာ်တၢ်ဒီးပှၤလီၤ.