လံာ်မၢ်ကူး 8:11 - Sgaw Karen Common Bible

¹¹ ပှၤဖၤရံၤၡဲတနီၤဟဲဆူယ့ၣ်ၡူးအအိၣ်ဝံၤဂ့ၢ်လိာ်ဘှီလိာ်တၢ် ဒီးအီၤလီၤ. အဝဲသ့ၣ်အဲၣ်ဒိးမၤကွၢ်အီၤသတးဒီးမၢ အဝဲဒၣ်မၤဖျါထီၣ်တၢ်ပနီၣ်လီၤလးတမံၤမံၤလၢအဟဲလီၤလၢမူခိၣ် တခီ, ဒ်သိးကဒုးနဲၣ်အဝဲသ့ၣ်လၢကစၢ်ယွၤဘၣ်အသးလီၤဆီလၢအီၤ အဂီၢ်လီၤ.

လံာ်မၢ်ကူး 8:11 Iomraidhean Croise

လံာ်တၢ်ဟးထီၣ်ကွံာ် 17:2

ဒီးအဝဲသ့ၣ်ကဒူးကဒ့ၣ်တၢ်လၢစီၤမိၤၡ့အလိၤဒီးစံးဝဲ, “ဟ့ၣ်ပှၤထံလၢပကအီအဂီၢ်တက့ၢ်.” စီၤမိၤၡ့စံးဆၢဝဲ, “ဘၣ်မနုၤလၢသုကဒူးကဒ့ၣ်တၢ်ဒီးလ့ပစီယွၤန့ၣ်လဲၣ်.”

လံာ်တၢ်ဟးထီၣ်ကွံာ် 17:7

တၢ်လီၢ်န့ၣ်ဘၣ်တၢ်ယုၢ်အမံၤလၢမးစၤ, ဒီးမရံၤဘါလီၤ. အဂ့ၢ်ဒ်အံၤ, ပှၤအံၣ်စရ့လးဖိတဖၣ်ကဒူးကဒ့ၣ်တၢ်ဒီးလ့ပစီ ယွၤဖဲအဝဲသ့ၣ်စံးဝဲ, “မ့ၢ်ယွၤအိၣ်ဒီးပှၤဧါ, မ့တမ့ၢ်တအိၣ်ဘၣ်ဧါ,” အဃိန့ၣ်လီၤ.

လံာ်မၤလကံ 3:15

ဒ်ပထံၣ်တ့ၢ်လံအသိးန့ၣ်, ပှၤလၢအပာ်ထီၣ်ထီအသးတဖၣ်န့ၣ်မ့ၢ်ပှၤ လၢအဘၣ်ဆိၣ်ဂ့ၤန့ၣ်လီၤ. ပှၤတတီတလိၤတဖၣ်တမ့ၢ်ထဲအဘီၣ် ထီၣ်ညီထီၣ်ဘၣ်. မ့မ့ၢ်, အဝဲသ့ၣ်မၤကွၢ်ကစၢ်ယွၤအတၢ်သးစူၤလၢအတၢ်မၤအအၢ အသီတဖၣ်ဒီးလူၤပိာ်ထွဲဝဲအခံန့ၣ်လီၤ.”

လံာ်မးသဲ 12:38

တုၤနုၤတစု, ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတနီၤဒီးပှၤ ဖၤရံၤၡဲတနီၤစံးဘၣ်ယ့ၣ်ၡူး, “သရၣ်ဧၢ, ပအဲၣ်ဒိးထံၣ်ဘၣ်နမၤတၢ်လီၤလး တမံၤလီၤ.”

လံာ်မးသဲ 19:3

ပှၤဖၤရံၤၡဲတနီၤဟဲဆူအအိၣ်, ဒီးဒ်သိးအကမၤကွၢ်အီၤအဂီၢ်န့ၣ်, သံကွၢ်တၢ်ဒီးစံးဝဲ, “မ့ၢ်ပတၢ်သိၣ်တၢ်သီဟ့ၣ်ပှၤကညီတၢ်ပျဲလၢအကပာ်မၢ် အမါလၢတၢ်ဂ့ၢ်တမံၤဂ့ၤတမံၤဂ့ၤအဃိဧါ.”

လံာ်မးသဲ 21:23

ယ့ၣ်ၡူးက့ၤကဒါက့ၤဆူတၢ်လုၢ်ဟံၣ်အပူၤ, ဒီးဖဲအဝဲသိၣ်လီၤသီလီၤတၢ်အဖၢမုၢ်န့ၣ်, ပှၤလုၢ်တၢ်အခိၣ်အဒိၣ်တဖၣ်ဒီးပှၤယူဒၤဖိကရၢအခိၣ်အနၢ်တဖၣ် ဟဲဆူအအိၣ်ဒီးသံကွၢ်အီၤ, “လၢနကမၤတၢ်တဖၣ်အံၤအဂီၢ်န့ၣ်, နန့ၢ်ဘၣ်တၢ်စိတၢ်ကမီၤဖဲလဲၣ်. မတၤတဂၤဟ့ၣ်စိဟ့ၣ်ကမီၤနၤလဲၣ်.”

လံာ်မးသဲ 22:15

ပှၤဖၤရံၤၡဲတဖၣ်ဟးထီၣ်, ဒီးလဲၤကူၣ်ထီၣ်ဖးလီၤသကိးဝဲလၢ အကဘၣ်ဖီၣ်ယ့ၣ်ၡူးလၢအတၢ်ကတိၤဒၣ်ဝဲလၢကျဲဒ်လဲၣ်အဂ့ၢ်လီၤ.

လံာ်မးသဲ 22:18

ဘၣ်ဆၣ်, ယ့ၣ်ၡူးသ့ၣ်ညါစိအဝဲသ့ၣ်အတၢ်ကူၣ်အၢကူၣ်သီဒီးစံးဘၣ် အဝဲသ့ၣ်, “ပှၤပာ်မၤအသးသ့ၣ်ဧၢ, ဘၣ်မနုၤလၢသုဘၣ်သံကွၢ်သံ ဒိးယၤဒ်သိးသုကဖီၣ်န့ၢ်ယၤလၢယတၢ်ကတိၤဒၣ်ယဲန့ၣ်လဲၣ်.

လံာ်မးသဲ 22:23

တနံၤဃီအဝဲန့ၣ်, ပှၤစးဒူၤကဲလၢအစံးဝဲလၢတၢ်ဂဲၤဆၢထၢၣ် သမူထီၣ်က့ၤတအိၣ်ဘၣ်တနီၤ, ဟဲဆူယ့ၣ်ၡူးအအိၣ်ဒီးသံကွၢ်အီၤဒီးစံး,

လံာ်မၢ်ကူး 12:15

ဘၣ်ဆၣ်ဒီးယ့ၣ်ၡူးသ့ၣ်ညါန့ၢ်အတၢ်ပာ်မၤအသးသတးဒီးစံးဆၢ အဝဲသ့ၣ်, “ဘၣ်မနုၤသုဘၣ်သံကွၢ်သံဒိးယၤဒ်သိးသုကဖီၣ်န့ၢ်ယၤလၢ ယတၢ်ကတိၤဒၣ်ယဲန့ၣ်လဲၣ်. ဟဲစိာ်န့ၢ်ယၤစ့ဒန့ၤရံတဘ့ၣ်ဒီးပျဲယကွၢ်အီၤတက့ၢ်.”

လံာ်မၢ်ကူး 2:16

တုၤပှၤသ့လံာ်တၢ်သိၣ်တၢ်သီတနီၤလၢအမ့ၢ်ပှၤဖၤရံၤၡဲတဖၣ် ထံၣ်ဘၣ်ယ့ၣ်ၡူးအီၣ်သကိးတၢ်ဒီးပှၤဘၣ်တၢ်ဟီထီၣ်ကွံာ်အီၤဒီး ပှၤဃ့သွဲတဖၣ်အံၤဒီး, အဝဲသ့ၣ်သံကွၢ်အပျဲၢ်အဘီၣ်တဖၣ်ဒီးစံး, “ဘၣ်မနုၤလၢအဝဲဒၣ်အီၣ်ဃုာ်အီဃုာ်သကိးတၢ်ဒီးပှၤဒ်သိး အံၤတဖၣ်န့ၣ်လဲၣ်.”

လံာ်မၢ်ကူး 9:16

ယ့ၣ်ၡူးသံကွၢ်အပျဲၢ်အဘီၣ်တဖၣ်, “သုကတိၤဂ့ၢ်လိာ်ဘှီလိာ်သုသးဒီးအဝဲသ့ၣ်ဘၣ်ဃးတၢ်ဂ့ၢ် မနုၤတမံၤလဲၣ်.”

လံာ်လူၤကၣ် 10:25

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဂၤဂဲၤဆၢထၢၣ်ဒီး ဂုာ်ကျဲးစၢးဝဲဒ်သိးအကဖီၣ်န့ၢ်ယ့ၣ်ၡူးလၢအတၢ်ကတိၤဒၣ်ဝဲလီၤ. အဝဲဒၣ်သံကွၢ်ယ့ၣ်ၡူး, “သရၣ်ဧၢ, ဒ်သိးယကဒိးန့ၢ်ဘၣ်တၢ်မူအထူအယိာ်န့ၣ်ယကဘၣ်မၤဒ်လဲၣ်.”

လံာ်လူၤကၣ် 11:16

မ့မ့ၢ်ပှၤအဂၤတဖၣ်သးအိၣ်မၤကွၢ်အီၤသတးဒီး, မၢအဝဲဒၣ်မၤတၢ်လီၤလးတမံၤဒ်သိးအကပာ်ဖျါထီၣ် ကစၢ်ယွၤအတၢ်ဘၣ်အသးလၢအီၤအဂီၢ်န့ၣ်လီၤ.

လံာ်ယိၤဟၣ် 4:48

ယ့ၣ်ၡူးစံးဘၣ်အီၤ, “သုမ့ၢ်တထံၣ်ဘၣ်တၢ်လီၤလိၢ်လီၤလးဒီးတၢ်ပနီၣ်လီၤလး တဖၣ်ဘၣ်န့ၣ်, သုတစူၢ်က့ၤနာ်က့ၤတၢ်နီတဂၤဘၣ်.”

လံာ်ယိၤဟၣ် 6:30

အဝဲသ့ၣ်စံးဆၢဝဲ, “ဒ်သိးပကထံၣ်ဘၣ်ဒီးစူၢ်က့ၤနာ်က့ၤနၤ အဂီၢ်န့ၣ်, နကမၤတၢ်လီၤလးမနုၤတမံၤလဲၣ်. နကမၤတၢ်မနုၤလဲၣ်.

လံာ်ယိၤဟၣ် 7:48

ခိၣ်နၢ်အကျါတဂၤဂၤ, မ့တမ့ၢ်ပှၤဖၤရံၤၡဲအကျါတဂၤဂၤ စူၢ်က့ၤနာ်က့ၤအီၤန့ၣ်, မ့ၢ်သုနၢ်ဟူဘၣ်တဘျီဘျီလံဧါ.

လံာ်ယိၤဟၣ် 8:6

အဝဲသ့ၣ်စံးတၢ်ဒ်အံၤမ့ၢ်ဒ်သိးကဖီၣ်န့ၢ်ယ့ၣ်ၡူးလၢအတၢ်ကတိၤ ဒၣ်ဝဲ, ဒီးပာ်တၢ်ကမၣ်လၢအလိၤကသ့အဂီၢ်လီၤ. ဘၣ်ဆၣ်ယ့ၣ်ၡူးသကူးလီၤအသးဝံၤဒီးကွဲးလံာ်လၢဟီၣ်ခိၣ်လိၤ လၢအစုမုၢ်စုနၢန့ၣ်လီၤ.

မၤတၢ် 5:9

အန့ၣ်ဒီးစီၤပ့းတရူးစံးဘၣ်အီၤ, “ဘၣ်မနုၤလၢနၤဒီးနဝၤ, သုပာ်လီၤသုသးလၢသုကမၤကွၢ်ကစၢ်အသးစီဆှံန့ၣ်လဲၣ်. ပှၤတဖၣ်လၢအလဲၤခူၣ်လီၤနဝၤအစိၣ်န့ၣ်ဟဲက့ၤတုၤဖဲတြဲၤအခီၣ် ထံးလံ. ဒီးကစိာ်ထီၣ်ကွံာ်စ့ၢ်ကီးနၤန့ၣ်လီၤ.”

1 ကရံၣ်သူး 10:9

ပတဘၣ်လ့ပစီကစၢ် ဒ်အဝဲသ့ၣ်တနီၤမၤဝဲအသိးန့ၣ် ဘၣ်. ဒီးအဝဲသ့ၣ်ဘၣ်တၢ်မၤသံအီၤလၢဂုၢ်သ့ၣ်လီၤ.

လံာ်သိၣ်လီၤသီလီၤတၢ် 6:16

သုတလ့ပစီယွၤ, သုကစၢ်ယွၤဒ်သုမၤတ့ၢ်အီၤလၢဝ့ၢ်မးစၤအပူၤ အသိးန့ၣ်တဂ့ၤ.