လံာ်မၢ်ကူး 7:9 - Sgaw Karen Common Bible

⁹ ယ့ၣ်ၡူးစံးကဒီးဝဲ, “ဒ်သိးသုကဟံးဃာ်ဘၣ်သုတၢ်သိၣ်လိသီလိလၢ အဟဲလီၤစၢၤလၢမိၢ်ပၢ်ဖံဖုလၢပျၢၤတဖၣ်အအိၣ်အဂီၢ်န့ၣ်, သုဃုထံၣ်န့ၢ်ကျဲလၢသုကညိကွံာ်ကစၢ်ယွၤအတၢ်မၤလိာ်န့ၣ်သ့ဒိၣ်မးလီၤ.

လံာ်မၢ်ကူး 7:9 Iomraidhean Croise

စံးထီၣ်ပတြၢၤ 119:126

ဆၢကတီၢ်ဘၣ်လံလၢယွၤကမၤတၢ်လီၤ. အဂ့ၢ်ဒ်အံၤ, နတၢ်သိၣ်တၢ်သီတဖၣ် ဘၣ်တၢ်ဘိးကဒါကွံာ်အီၤလံ.

လံာ်ယၡါယၤ 24:5

ပှၤဂီၢ်မုၢ်မၤဘၣ်အၢတ့ၢ်ဟီၣ်ခိၣ်ခီဖျိတၢ်လုၣ်သ့ၣ်ခါပတာ် ကစၢ်ယွၤအတၢ်သိၣ်တၢ်သီတဖၣ်ဒီးတၢ်မၤဟးဂီၤကွံာ် တၢ်အၢၣ်လီၤလၢအမၤတ့ၢ်ဝဲလၢကဘၣ်အိၣ်လီၤ ထူလီၤယိာ်န့ၣ်လီၤ.

လံာ်ယၡါယၤ 29:13

ဒီးယွၤစံးဝဲဒၣ်, “မ့ၢ်ပှၤဂီၢ်မုၢ်အံၤသုးဘူးအသးဆူ ယအိၣ်လၢအထးခိၣ်ဒီးမၤလၤကပီၤယၤလၢအပျူၤ ဘၣ်ဆၣ်ဒီးပာ်အသးယံၤဒီးယၤလီၤ. အတၢ် ဘူၣ်တၢ်ဘါန့ၣ်မ့ၢ်ဒၣ်ပှၤကညီအတၢ်သိၣ်တၢ်ဘျၢ တဖၣ်ဒီးတၢ်ဟဲလီၤစၢၤတဖၣ်ဧိၤ, လၢအဝဲသ့ၣ်တိၢ်ရူးဝဲန့ၣ်လီၤ.

လံာ်ဒၤနံးယ့လး 11:36

ကီၢ်စူၤရံအစီၤပၤကမၤတၢ်ဒ်အသးအိၣ်မၤဝဲအသိးလီၤ. ကကတိၤတၢ်ကဖၢလၢ, ဒီးစံးဝဲလၢအဝဲမ့ၢ်ပှၤဒိၣ်န့ၢ်ကစၢ်တဂၤလၢ် လၢ်, ဒီးဒိၣ်န့ၢ်ဒံးတၢ်ထီကတၢၢ်ကစၢ်ယွၤဒၣ်လဲာ်န့ၣ်လီၤ. မၤတၢ်အံၤကသ့ဝဲတုၤတၢ်အကတီၢ်ဖဲကစၢ်ယွၤစံၣ်ညီၣ်အီၤန့ၣ် လီၤ. ကစၢ်ယွၤကမၤတၢ်လီၤတံၢ်လီၤဆဲးဒ်တၢ်လၢအကူၣ် ပာ်တ့ၢ်ဝဲအသိးလီၤ.

လံာ်ဒၤနံးယ့လး 7:25

အဝဲကကတိၤထီဒါတၢ်ထီကတၢၢ်ကစၢ်ယွၤဒီးမၤနးမၤဖှီၣ် ကစၢ်ယွၤအပှၤဂီၢ်မုၢ်လီၤ. အဝဲကကျဲးစၢးမၤဒ်သိးကလဲလိာ် ကွံာ်အဝဲသ့ၣ်တဖၣ်အတၢ်ဘူၣ်တၢ်ဘါအတၢ်သိၣ်တၢ်သီ တဖၣ်ဒီးအဘူၣ်တဖၣ်, ဒီးကစၢ်ယွၤအပှၤဂီၢ်မုၢ်ကအိၣ် လၢအစိကမီၤအဖီလာ်သၢနံၣ်ဒီးဃုလါန့ၣ်လီၤ.

လံာ်မၢ်ကူး 7:13

သုမၤဒ်အံၤန့ၣ်, မ့ၢ်သုဒုးကဲထီၣ်ကစၢ်ယွၤအကလုၢ်ကထါလၢတၢ် ကလီကလီခီဖျိသုဟ့ၣ်ယုၢ်လီၤမိၢ်ပၢ်ဖံဖုလၢပျၢၤ အတၢ်သိၣ်လိသီလိတဆီဘၣ်တဆီအဃိန့ၣ်လီၤ. ဒီးတၢ်ဒ်သိးအံၤလၢသုမၤအီၤန့ၣ်, အိၣ်အါမံၤလီၤ.”

လံာ်မၢ်ကူး 7:3

(အဂ့ၢ်မ့ၢ်လၢပှၤဖၤရံၤၡဲဒီးပှၤယူဒၤဖိအဂၤတဖၣ်စ့ၢ်ကီး မၤဝဲဒ်မိၢ်ပၢ်ဖံဖုလၢပျၢၤအလုၢ်အလၢ်အသိးအဃိဒီး အဝဲသ့ၣ်မ့ၢ်တသ့ကဆှီဘၣ်အစုဒ်တၢ်သိၣ်တၢ်သီအိၣ်ဝဲအသိး ဘၣ်ဒီးတအီၣ်တၢ်နီတမံၤဘၣ်.

လံာ်မၢ်ကူး 7:5

အန့ၣ်သတးဒီး ပှၤဖၤရံၤၡဲဒီးပှၤသ့တၢ်ဘူၣ်တၢ်ဘါ အတၢ်သိၣ်တၢ်သီတဖၣ်သံကွၢ်ယ့ၣ်ၡူးဒီးစံးဝဲ, “ဘၣ်မနုၤနပျဲၢ်နဘီၣ်တဖၣ်တအိၣ်မူဒ်မိၢ်ပၢ်ဖံဖုလၢပျၢၤ အလုၢ်အလၢ်အသိးဘၣ်, မ့မ့ၢ်အီၣ်တၢ်အီတၢ်လၢအစုလၢအတကဆှီဘၣ်န့ၣ်လဲၣ်.”

ရိမ့ၤ 3:31

တၢ်အဝဲအံၤအခီပညီမ့ၢ်ပတၢၤကွံာ်တၢ်သိၣ်တၢ်သီလၢတၢ် စူၢ်တၢ်နာ်အံၤန့ၣ်ဧါ. တမ့ၢ်ဒ်န့ၣ်ဘၣ်. မ့မ့ၢ်ပပာ်ဂၢၢ်ပာ်ကျၢၤတၢ်သိၣ်တၢ်သီအံၤတခီန့ၣ်လီၤ.

၂ ကရံၣ်သူး 11:4

အဂ့ၢ်ဒ်အံၤ, သုတူၢ်လိာ်ပှၤတဂၤလၢ်လၢ်လၢအဟဲဆူသုအိၣ် ဒီးစံၣ်တဲၤတဲလီၤယ့ၣ်ၡူးအဂၤတဂၤ, တမ့ၢ်တဂၤဃီလၢပစံၣ်တဲၤတဲလီၤလၢအဂ့ၢ်ဘၣ်. ဒီးသုတူၢ်လိာ်သးလၢအလီၤဆီဝဲဒၣ်လၢာ်လၢာ်ဆ့ဆ့ ဒီးသးလၢသုဒိးန့ၢ်လၢပအိၣ်, ဒီးတၢ်သးခုကစီၣ်လၢအလီၤဆီဝဲလၢာ်လၢာ်ဆ့ဆ့ဒီးတၢ် သးခုကစီၣ်လၢသုဒိးန့ၢ်သုဝဲလၢပအိၣ်န့ၣ်လီၤ.

ကလၤတံ 1:14

လၢယတၢ်ဘူၣ်ထီၣ်ဘါထီၣ်ယွၤဒ်ပှၤယူဒၤဖိအလုၢ်အလၢ်အိၣ်ဝဲ အသိးအပူၤန့ၣ်, ယလဲၤလၢပှၤယူဒၤဖိတကျဲကျဲဒီးယၤတဖၣ် အမဲာ်ညါဒီးယဟ့ၣ်လီၤယသးဒိၣ်န့ၢ်အဝဲသ့ၣ်ဖဲလၢအဘၣ် ဃးဒီးတၢ်လူၤထွဲပိာ်ထွဲပမိၢ်ပၢ်ဖံဖုလၢပျၢၤအလုၢ်လၢ်လီၤစၢၤတဖၣ် န့ၣ်လီၤ.

ကလၤတံ 2:21

ယတပာ်ကွံာ်ကစၢ်ယွၤအဘျုးအဖှိၣ်န့ၣ်ဘၣ်. ဘၣ်ဆၣ်ဒီး, ပှၤတဂၤဂၤမ့ၢ်ဘၣ်တၢ်မၤလိၤမၤဘၣ်အီၤဒီးကစၢ်ယွၤ ခီဖျိတၢ်သိၣ်တၢ်သီဒီး, အခီပညီခရံာ်တူၢ်သံအသးမ့ၢ်တၢ် ကလီကလီလီၤ.

၂ သ့းစၤလနံ 2:4

အဝဲဒၣ်ကထီဒါကယဲၢ်တၢ်လၢပှၤကိးအီၤလၢယွၤဒီးတၢ်လၢ ပှၤကညီဘါထီၣ်ဝဲဒီးကပာ်ဖျါထီၣ်အသးဒ်အဒိၣ်န့ၢ် အဝဲသ့ၣ်ခဲလၢာ်န့ၣ်လီၤ. အဝဲဒၣ်ကလဲၤနုာ်ဒီးဆ့ၣ်နီၤဒၣ်လဲာ်လၢကစၢ်ယွၤ အတၢ်လုၢ်ဟံၣ်အပူၤဒီးစံးလီၤအသးလၢအမ့ၢ်ကစၢ်ယွၤ န့ၣ်လီၤ.