လံာ်မၢ်ကူး 7:5 - Sgaw Karen Common Bible

⁵ အန့ၣ်သတးဒီး ပှၤဖၤရံၤၡဲဒီးပှၤသ့တၢ်ဘူၣ်တၢ်ဘါ အတၢ်သိၣ်တၢ်သီတဖၣ်သံကွၢ်ယ့ၣ်ၡူးဒီးစံးဝဲ, “ဘၣ်မနုၤနပျဲၢ်နဘီၣ်တဖၣ်တအိၣ်မူဒ်မိၢ်ပၢ်ဖံဖုလၢပျၢၤ အလုၢ်အလၢ်အသိးဘၣ်, မ့မ့ၢ်အီၣ်တၢ်အီတၢ်လၢအစုလၢအတကဆှီဘၣ်န့ၣ်လဲၣ်.”

လံာ်မၢ်ကူး 7:5 Iomraidhean Croise

လံာ်မးသဲ 15:2

“ဘၣ်မနုၤလၢနပျဲၢ်နဘီၣ်တဖၣ်လုၣ်သ့ၣ်ခါပတာ် ပမိၢ်ပၢ်ဖံဖုလၢပျၢၤအလုၢ်အလၢ်တဖၣ်လဲၣ်. တချုးလၢအဝဲသ့ၣ်အီၣ်တၢ်အီၣ်န့ၣ်, အဝဲသ့ၣ်တသ့အစုဒ်တၢ်အလုၢ်အလၢ်အိၣ်ဝဲအသိးဘၣ်.”

လံာ်မၢ်ကူး 7:13

သုမၤဒ်အံၤန့ၣ်, မ့ၢ်သုဒုးကဲထီၣ်ကစၢ်ယွၤအကလုၢ်ကထါလၢတၢ် ကလီကလီခီဖျိသုဟ့ၣ်ယုၢ်လီၤမိၢ်ပၢ်ဖံဖုလၢပျၢၤ အတၢ်သိၣ်လိသီလိတဆီဘၣ်တဆီအဃိန့ၣ်လီၤ. ဒီးတၢ်ဒ်သိးအံၤလၢသုမၤအီၤန့ၣ်, အိၣ်အါမံၤလီၤ.”

လံာ်မၢ်ကူး 7:8

သုညိကွံာ်ကစၢ်ယွၤအတၢ်မၤလိာ်ဒီးဟံးဃာ်ဂၢၢ်ကျၢၤ ပှၤကညီအတၢ်သိၣ်တၢ်သီလီၤ.”

လံာ်မၢ်ကူး 7:9

ယ့ၣ်ၡူးစံးကဒီးဝဲ, “ဒ်သိးသုကဟံးဃာ်ဘၣ်သုတၢ်သိၣ်လိသီလိလၢ အဟဲလီၤစၢၤလၢမိၢ်ပၢ်ဖံဖုလၢပျၢၤတဖၣ်အအိၣ်အဂီၢ်န့ၣ်, သုဃုထံၣ်န့ၢ်ကျဲလၢသုကညိကွံာ်ကစၢ်ယွၤအတၢ်မၤလိာ်န့ၣ်သ့ဒိၣ်မးလီၤ.

မၤတၢ် 21:21

အဝဲသ့ၣ်ဘၣ်တၢ်စံးဘၣ်တဲဘၣ်အီၤလၢနဂ့ၢ်, လၢနသိၣ်လိတ့ၢ်ပှၤယူဒၤဖိအိၣ်ဖဲထံဂၤကီၢ်ဂၤတဖၣ်ဒ်သိး အကညိကွံာ်စီၤမိၤၡ့အတၢ်သိၣ်တၢ်သီ, ဒီးလၢအသုတကူးတရံးအဖိတဖၣ်ဒီးအသုတမၤထွဲပိာ်ထွဲ ယူဒၤအလုၢ်အလၢ်တဖၣ်, တဂ့ၤအဂီၢ်န့ၣ်လီၤ.

မၤတၢ် 21:24

လဲၤဃုာ်ဒီးအဝဲသ့ၣ်ဒီးမၤဃုာ်သကိးတၢ်မၤကဆှီထီၣ်သး အလုၢ်အလၢ်ဒီးအီၤဒီးဟ့ၣ်လီၤအတၢ်လၢာ်ဘူၣ်လၢာ်စ့ၤ တက့ၢ်. တုၤနုၤတစု, အဝဲသ့ၣ်လူၤအခိၣ်ကသ့ဝဲလီၤ. လၢကျဲဒ်အံၤအပူၤန့ၣ်, ပှၤကိးဂၤဒဲးကသ့ၣ်ညါလၢနဂ့ၢ်နကျိၤလၢအဘၣ်တၢ်တဲအီၤတဖၣ် တမ့ၢ်ဝဲတီဝဲနီတမံၤဘၣ်, ဒီးလၢနနီၢ်ကစၢ်ဒၣ်နဲနအိၣ်မူပိာ်ထွဲစီၤမိၤၡ့အတၢ်သိၣ်တၢ် သီအခံကစီဒီန့ၣ်လီၤ.

ရိမ့ၤ 4:12

အဝဲမ့ၢ်စ့ၢ်ကီးပှၤဒိးတၢ်ကူးတရံးခဲလၢာ်အပၢ်, အခီပညီတမ့ၢ်ထဲအဝဲသ့ၣ်ကူးတရံးအသးအဃိဘၣ်. မ့မ့ၢ်, မ့ၢ်လၢအဝဲသ့ၣ်အိၣ်မူစ့ၢ်ကီးတၢ်နာ်အတၢ်အိၣ်မူ တမံၤဃီလၢပပၢ်စီၤအၤဘြၤဟၣ်အိၣ်မူတ့ၢ်ဝဲ တချုးလၢ အဒိးတၢ်ကူးတရံးအဃိန့ၣ်လီၤ.

ကလၤတံ 1:14

လၢယတၢ်ဘူၣ်ထီၣ်ဘါထီၣ်ယွၤဒ်ပှၤယူဒၤဖိအလုၢ်အလၢ်အိၣ်ဝဲ အသိးအပူၤန့ၣ်, ယလဲၤလၢပှၤယူဒၤဖိတကျဲကျဲဒီးယၤတဖၣ် အမဲာ်ညါဒီးယဟ့ၣ်လီၤယသးဒိၣ်န့ၢ်အဝဲသ့ၣ်ဖဲလၢအဘၣ် ဃးဒီးတၢ်လူၤထွဲပိာ်ထွဲပမိၢ်ပၢ်ဖံဖုလၢပျၢၤအလုၢ်လၢ်လီၤစၢၤတဖၣ် န့ၣ်လီၤ.

၂ သ့းစၤလနံ 3:11

ပစံးတၢ်အံၤအဂ့ၢ်မ့ၢ်လၢပနၢ်ဟူလၢပှၤအိၣ်လၢသုကျါတနီၤ အိၣ်မူလၢတၢ်ကၢၣ်တၢ်ကျူအပူၤဒီးတမၤတၢ်နီတမံၤဘၣ်. မ့မ့ၢ်အိၣ်ထဲအမၤတံာ်တာ်တၢ်လၢပှၤဂၤအတၢ်ဂ့ၢ်တၢ်ကျိၤ အပူၤန့ၣ်လီၤ.

၂ သ့းစၤလနံ 3:6

ပဒီပုၢ်ဝဲၢ်သ့ၣ်ဧၢ, ပမၤလိာ်သုလၢပကစၢ်ယ့ၣ်ၡူးခရံာ်အမံၤ အပူၤ, ဒ်သိးသုကဟးဆှဲးဒီပုၢ်ဝဲၢ်လၢအအိၣ်ကၢၣ်အိၣ်ကျူဒီး တမၤဘၣ်ဒ်ပတၢ်သိၣ်လိနဲၣ်ယုၤသုအသိးဘၣ်တဖၣ်န့ၣ်လီၤ.