လံာ်မၢ်ကူး 7:4 - Sgaw Karen Common Bible

⁴ တုၤအဝဲသ့ၣ်ဟဲက့ၤလၢဖၠါပူၤန့ၣ်, မ့တမ့ၢ်လၢအမၤကဆှီ ဘၣ်တၢ်အီၣ်လၢအဟဲက့ၤစိာ်ဝဲလၢဖၠါပူၤဘၣ်ဒီး အဝဲသ့ၣ် တအီၣ်ဝဲဘၣ်. မိၢ်ပၢ်ဖံဖုလၢပျၢၤအလုၢ်အလၢ်အဂၤလၢ အဝဲသ့ၣ်ဟံးဃာ်ဒီးမၤဝဲတဖၣ်အိၣ်ဒံးအါမံၤ, ဒ်တၢ်ကဘၣ်သ့ကဆှီလီခီ, သပၢၤ, လီခီတိၢ်ဘီဒီးလီၢ်မံခးတဖၣ်လၢကျဲအဘၣ်န့ၣ်လီၤ.)

လံာ်မၢ်ကူး 7:4 Iomraidhean Croise

စံးထီၣ်ပတြၢၤ 26:6

ယွၤဧၢ, ယသ့ယစုလၢတၢ်ဒဲးဘးတအိၣ်ဘၣ်အပူၤ ဒီးလဲၤဆူနတၢ်လုၢ်လီၢ်လၢ တၢ်ဘူၣ်ထီၣ်ဘါထီၣ်နၤအဂီၢ်လီၤ.

လံာ်ယၡါယၤ 1:16

သ့စီကွံာ်သုသးဒီးမၤကဆှီထီၣ်သုသးတက့ၢ်. ဆိကတီၢ်တၢ်အၢလၢယထံၣ်လၢသုမၤအီၤအံၤန့ၣ်တက့ၢ်. မ့ၢ်လီၤ, ဆိကတီၢ်တၢ်မၤအၢမၤသီတၢ်,

လံာ်ယံးရမံယၤ 35:5

အန့ၣ်ဝံၤဒီး, ယပာ်လီၤလီခီဒီး သလၢတဖၣ်ပှဲၤဒီး စပံးထံလၢ ပှၤရ့ကးဖိတဖၣ်အမဲာ်ညါ, ဒီးယစံးဘၣ် အဝဲသ့ၣ်, အီစပံးထံတက့ၢ်.”

လံာ်ယံးရမံယၤ 4:14

ဝ့ၢ်ယရူၤၡလ့ၣ်ဧၢ, သ့စီကွံာ်တၢ်အၢလၢနသးကံၢ်ပူၤ, ဒ်သိးနကဘၣ်တၢ်အုၣ်က့ၤခီၣ်က့ၤနၤတက့ၢ်. နကဆိကမိၣ်ထွဲဒံးနတၢ်ဆိကမိၣ်အအၢအသီတဖၣ်န့ၣ်ဆံးယံာ်လဲၣ်.

လံာ်မးသဲ 23:25

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီဒီးပှၤဖၤရံၤၡဲတဖၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုသ့စီသုလီခီ တဖၣ်အချၢ, ဘၣ်ဆၣ်လီခီတဖၣ်အပူၤတခီအိၣ်ပှဲၤဒီး တၢ်လၢသုမၤန့ၢ်အီၤလၢတၢ်စုဆူၣ်ခီၣ်တကး, ဒီးတၢ်အဲၣ်လီၤသုသးအပူၤန့ၣ်လီၤ.

လံာ်မးသဲ 23:26

ပှၤဖၤရံၤၡဲဘျီၣ်မဲာ်သ့ၣ်ဧၢ, မၤကဆှီတၢ်အိၣ်လၢလီခီတဖၣ်အပူၤ လၢညါ, ဒ်သိးလီခီတဖၣ်အချၢစ့ၢ်ကီးကကဆှီထီၣ်ဝဲအဂီၢ်န့ၣ်တက့ၢ်.

လံာ်မးသဲ 27:24

တုၤစီၤပံၤလးထံၣ်လၢအဝဲမ့ၢ်သံကွၢ်တၢ်ဆူညါနာ်သက့အဘျုး တအိၣ်လၢၤဘၣ်. မ့မ့ၢ်တၢ်ကတၢထီၣ်တၢလီၤဘၣ်ဖုးအဃိ, အဝဲဟံးန့ၢ်ထံဝံၤသ့လီၤအစုလၢပှၤဂီၢ်မုၢ်တဖၣ်အမဲာ်ညါဒီး စံး, “ပှၤအံၤအသွံၣ်တလီၤတီလၢယဖီခိၣ်ဘၣ်. ဘၣ်ဃးဒၣ်ဒီးသုလီၤ.”

လံာ်မၢ်ကူး 7:8

သုညိကွံာ်ကစၢ်ယွၤအတၢ်မၤလိာ်ဒီးဟံးဃာ်ဂၢၢ်ကျၢၤ ပှၤကညီအတၢ်သိၣ်တၢ်သီလီၤ.”

လံာ်ယိၤဟၣ် 2:6

ပှၤယူဒၤဖိတဖၣ်အိၣ်ဒီးအလုၢ်အလၢ်လၢတၢ်မၤ ကဆှီသးအဂီၢ်ဒီးလၢတၢ်အံၤအဂီၢ်ထံကတံၤလၢၢ်လၢအတြီၢ်ဝဲ အပီၢ် ၃၀-၄၀ အိၣ်ဝဲဖဲန့ၣ်ဃုဖျၢၣ်လီၤ.

လံာ်ယိၤဟၣ် 3:25

တၢ်ကတိၤဂ့ၢ်လိာ်အိၣ်ထီၣ်ဝဲလၢစီၤယိၤဟၣ်အပျဲၢ်အဘီၣ်တနီၤ ဒီးပှၤယူဒၤဖိတဂၤအဘၢၣ်စၢၤလၢတၢ်မၤကဆှီအလုၢ်အလၢ် အဂ့ၢ်န့ၣ်လီၤ.

ဧ့ၤဘြံၤ 9:10

အဂ့ၢ်မ့ၢ်လၢအဝဲသ့ၣ်ဘၣ်ဃးဒၣ်ဒီးတၢ်အီၣ်တၢ်အီဒီးတၢ်မၤ ကဆှီထီၣ်သးအလုၢ်အလၢ်တဖၣ်အဃိန့ၣ်လီၤ. တၢ်တဖၣ်အံၤခဲလၢာ်မ့ၢ်တၢ်သိၣ်တၢ်သီဒီးတၢ်ဘျၢဘၣ်ဃးဒီး နီၢ်ခိနီၢ်ခီ, ဒီးတၢ်ကမၤဒၣ်အီၤတချုးဒံးဖဲကစၢ်ယွၤဒုးအိၣ်ထီၣ် တၢ်အလုၢ်အလၢ်အသီန့ၣ်လီၤ.

ယၤကိာ် 4:8

သုးဘူးသုသးဆူကစၢ်ယွၤအအိၣ်, ဒီးအဝဲကသုးဘူးအသးဆူ သုအိၣ်လီၤ. ပှၤတၢ်ဒဲးဘးဖိသ့ၣ်ဧၢ, သ့စီကွံာ်သုစုတက့ၢ်. ပှၤလၢအပာ်မၤအသးသ့ၣ်ဧၢ, မၤကဆှီသုသးတက့ၢ်.

၁ ယိၤဟၣ် 1:7

ဘၣ်ဆၣ်ပမ့ၢ်အိၣ်မူလၢတၢ်ကပီၤအပူၤ, ဒ်အဝဲဒၣ်အိၣ်လၢတၢ်ကပီၤအပူၤအသိးန့ၣ်ဒီး, မ့ၢ်ပရ့လိာ်မုာ်လိာ်ပသးတဂၤဒီးတဂၤဒီးကစၢ်ယွၤ အဖိခွါယ့ၣ်ၡူးခရံာ်အသွံၣ်သ့စီကွံာ်ပှၤလၢပတၢ် ဒဲးဘးခဲလၢာ်န့ၣ်လီၤ.