လံာ်မၢ်ကူး 7:37 - Sgaw Karen Common Bible

³⁷ အဝဲသ့ၣ်တဖၣ်န့ၣ်တၢ်လီၤကမၢကမၣ်ဘၣ်အီၤဒိၣ်မးဒီးစံးဝဲ, “အဝဲဒၣ်တဂၤအံၤ, မၤတၢ်ကိးမံၤဒဲးသ့ဝဲဂ့ၤဂ့ၤဘၣ်ဘၣ်လီၤ. ပှၤလၢအနၢ်တအၢဒၣ်လဲာ်န့ၣ်ဒုးနၢ်ဟူထီၣ်က့ၤဝဲတၢ်, ဒီးပှၤလၢအအုးအးန့ၣ်ဒုးကတိၤထီၣ်က့ၤဝဲတၢ်လီၤ.”

လံာ်မၢ်ကူး 7:37 Iomraidhean Croise

လံာ်တၢ်ကဲထီၣ်အခီၣ်ထံး 1:31

ကစၢ်ယွၤကွၢ်တၢ်လၢအမၤတ့ၢ်ဝဲခဲလၢာ်ဒီးအဝဲအသးခုသးမုာ်ဒိၣ်မးလီၤ. မုၢ်ဟါပူၤကွံာ်ဒီးမုၢ်ဂီၤဟဲဝဲ, ဒီးတၢ်န့ၣ်မ့ၢ်မုၢ်ဃုနံၤတနံၤန့ၣ်လီၤ.

စံးထီၣ်ပတြၢၤ 139:14

ယစံးထီၣ်ပတြၢၤနၤ, အဂ့ၢ်ဒ်အံၤ နမ့ၢ်တၢ်လီၤပျံၤအလီၢ် နတၢ်မၤတဖၣ်န့ၣ် မ့ၢ်တၢ်လီၤကမၢကမၣ်ဒီး တၢ်လီၤလးလီၤ. နသ့ၣ်ညါလၢလၢပှဲၤပှဲၤန့ၣ်လီၤ.

လံာ်ယၡါယၤ 29:18

ဖဲမုၢ်နံၤန့ၣ်ဟဲတုၤဝဲဒီး, ပှၤနၢ်တအၢနၢ်ဟူလံာ်တဘ့ၣ်ဘၣ် တၢ်ဖးအီၤလၢကလုၢ်ဖးဒိၣ်ကသ့, ဒီးပှၤမဲာ်ဘျီၣ်, လၢအအိၣ်မူတ့ၢ်လၢ တၢ်ခံးတၢ်နၤအပူၤန့ၣ်, ကအိးထီၣ်အမဲာ်ချံဒီးကထံၣ်တၢ်လီၤ.

လံာ်မးသဲ 9:32

ဖဲပှၤခံဂၤအံၤဟးထီၣ်ကွံာ်ဝဲအဖၢမုၢ်န့ၣ်, ပှၤတနီၤဟဲကိးန့ၢ်ပှၤလၢတၢ်နါဒိးအီၤဒီးအုးအးကတာ်ပျ့ၤ တဂၤဆူယ့ၣ်ၡူးအအိၣ်လီၤ.

လံာ်မၢ်ကူး 1:27

ပှၤလၢအထံၣ်ဘၣ်တၢ်မၤအသးတဖၣ်အံၤကမၢကမၣ်ဝဲဒိၣ်မးတုၤဒၣ် လဲာ်သံကွၢ်လိာ်အသးဒီးစံးဝဲ, “တၢ်အံၤမ့ၢ်တၢ်ဒ်လဲၣ်. တၢ်သိၣ်လီၤသီလီၤအံၤမ့ၢ်တၢ်အသီလီၤ. ပှၤတဂၤအံၤအိၣ်ဒီးအစိကမီၤလၢကဒူတၢ်နါတဖၣ်အလိၤတုၤဒၣ် လဲာ်အဝဲသ့ၣ်ဒိကနၣ်အီၤလီၤ.”

လံာ်မၢ်ကူး 2:12

ဖဲပှၤကိးဂၤဒဲးကွၢ်အီၤအခါ, ပှၤတဂၤန့ၣ်ဂဲၤဆၢထၢၣ်ဟံးထီၣ်အလီၢ်မံဒါ ဒီးဟးထီၣ်ကွံာ်ဝဲလီၤ. ပှၤသ့ၣ်တဖၣ်လၢအထံၣ်တၢ်မၤအသးအဝဲအံၤကိးဂၤဒဲးန့ၣ်, ကမၢကမၣ်ဝဲဒိၣ်မးဒီးစံးထီၣ်ပတြၢၤကစၢ်ယွၤဒီးစံးဝဲ, “တၢ်မၤအသးဒ်သိးအံၤပတထံၣ်ဘၣ်ဒံးနီတစုနီတခီၣ်ဘၣ်.”

လံာ်မၢ်ကူး 4:41

မ့မ့ၢ်အဝဲသ့ၣ်တဖၣ်ပျံၤတၢ်ဒိၣ်ဒိၣ်ကလဲာ်ဒီးစံးလိာ်အသးတဂၤဒီးတဂၤ, “ပှၤတဂၤအံၤ မ့ၢ်ပှၤဒ်လဲၣ်တဂၤလဲၣ်. ကလံၤသီၣ်ဂီၤဒီးပီၣ်လဲၣ်လပီတဖၣ်ဒၣ်လဲာ်ဒိကနၣ်အကလုၢ်လီၤမးလဲၣ်.”

လံာ်မၢ်ကူး 5:42

ဖိသၣ်မုၣ်န့ၣ်ဂဲၤဆၢထၢၣ်ဒီးဟးဝဲတဘျီဃီလီၤ. (အဝဲဒၣ်အသးအိၣ်တဆံခံနံၣ်လီၤ) တၢ်မၤအသးအံၤဒုးကမၢကမၣ်ပှၤတဖၣ်န့ၣ်ဒိၣ်မးလီၤ.

လံာ်မၢ်ကူး 6:51

အန့ၣ်ဝံၤအဝဲဒၣ်လဲၤနုာ်ဒိးထီၣ်ချံလၢအဝဲသ့ၣ်အသိးဒီးကလံၤ န့ၣ်အိၣ်က့ၤဂၢၢ်တပၢၢ်လီၤ. အပျဲၢ်အဘီၣ်တဖၣ်တၢ်လီၤကမၢကမၣ်ဘၣ်အီၤဒိၣ်မးန့ၣ်လီၤ.

လံာ်မၢ်ကူး 7:36

ဝံၤဒီးယ့ၣ်ၡူးမၤလိာ်အဝဲသ့ၣ်ဒ်သိးအသုတစံးဘၣ်တဲဘၣ်တၢ် ဂ့ၢ်အံၤလၢပှၤနီတဂၤတဂ့ၤလီၤ. ဘၣ်ဆၣ်ဒီးဒံးမၤလိာ်ဝဲသပှၢ်ပှၢ်, အဝဲသ့ၣ်ရၤလီၤတၢ်ကစီၣ်ဒ်အါထီၣ်တခီန့ၣ်လီၤ.

လံာ်မၢ်ကူး 8:1

လၢခံတယံာ်ဘၣ်န့ၣ်, ပှၤဂီၢ်မုၢ်ဖးဒိၣ်ဟဲအဂၤတဖုပာ်ဖှိၣ်ထီၣ် ကဒီးအသးန့ၣ်လီၤ. တုၤမ့ၢ်အဝဲသ့ၣ်အတၢ်အီၣ်လၢာ်ကွံာ်ဒီး, ယ့ၣ်ၡူးကိးဃီၤအပျဲၢ်အဘီၣ်တဖၣ်ဆူအအိၣ်ဒီးစံးဝဲ,

လံာ်လူၤကၣ် 23:41

ဘၣ်ဆၣ်ဒီး, ပဝဲပတၢ်တူၢ်ဘၣ်တၢ်န့ၣ်, မ့ၢ်ဒၣ်တၢ်လၢအကြၢးဝဲဘၣ်ဝဲဒီးပှၤလီၤ. အဂ့ၢ်ဒ်အံၤ, ပဒိးန့ၢ်ဘၣ်တၢ်စံၣ်ညီၣ်လၢတၢ်လၢပမၤတ့ၢ်ပဝဲတဖၣ် အဃိလီၤ. မ့မ့ၢ်အဝဲဒၣ်န့ၣ်တမၤကမၣ်တ့ၢ်တၢ်နီတမံၤဘၣ်.”

မၤတၢ် 14:11

ဖဲပှၤဂီၢ်မုၢ်တဖၣ်ထံၣ်ဘၣ်တၢ်လၢစီၤပီလူးမၤတ့ၢ်ဝဲန့ၣ်, အဝဲသ့ၣ်ကိးပသူထီၣ်လၢပှၤလူၤကီၤနံဖိအကျိာ်ဒၣ်ဝဲဒီးစံး, “ယွၤတဖၣ်ဟဲလီၤဆူပအိၣ်, အိၣ်ဒီးပှၤကညီအက့ၢ်အဂီၤလီၤ.”