လံာ်မၢ်ကူး 7:36 - Sgaw Karen Common Bible

³⁶ ဝံၤဒီးယ့ၣ်ၡူးမၤလိာ်အဝဲသ့ၣ်ဒ်သိးအသုတစံးဘၣ်တဲဘၣ်တၢ် ဂ့ၢ်အံၤလၢပှၤနီတဂၤတဂ့ၤလီၤ. ဘၣ်ဆၣ်ဒီးဒံးမၤလိာ်ဝဲသပှၢ်ပှၢ်, အဝဲသ့ၣ်ရၤလီၤတၢ်ကစီၣ်ဒ်အါထီၣ်တခီန့ၣ်လီၤ.

လံာ်မၢ်ကူး 7:36 Iomraidhean Croise

လံာ်မးသဲ 8:4

ယ့ၣ်ၡူးစံးဘၣ်အီၤ, “ပလီၢ်နသးဒ်သိးနသုတဟးဒုးသ့ၣ်ညါပှၤနီတဂၤလၢ တၢ်ဂ့ၢ်အံၤတဂ့ၤ. လဲၤလိၤလိၤဆူပှၤလုၢ်တၢ်အခိၣ်အအိၣ်ဒီးဒုးနဲၣ် နသးလၢအီၤ, ဝံၤလုၢ်ထီၣ်တၢ်လုၢ်ဒ်စီၤမိၤၡ့မၤလိာ်ဝဲအသိး လၢအကကဲထီၣ်တၢ်အုၣ်အသးလၢပှၤကိးဂၤဒဲးအမဲာ်ညါလၢနဘျါက့ၤ လံအဂီၢ်န့ၣ်တက့ၢ်.”

လံာ်မၢ်ကူး 3:12

ယ့ၣ်ၡူးမၤလိာ်တၢ်နါတဖၣ်န့ၣ်လၢတၢ်ကတိၤဆူၣ်ဆူၣ်ကလဲာ်အပူၤ ဒ်သိးအသုတတဲဖျါထီၣ်အဝဲအဂ့ၢ်လၢပှၤနီတဂၤတဂ့ၤအဂီၢ်န့ၣ် လီၤ.

လံာ်မၢ်ကူး 5:43

ဘၣ်ဆၣ်ယ့ၣ်ၡူးမၤလိာ်အဝဲသ့ၣ်လၢတၢ်ကတိၤလၢအဆူၣ် ဒ်သိးအသုတစံးဘၣ်တဲဘၣ်တၢ်ဂ့ၢ်အံၤလၢပှၤနီတဂၤတဂ့ၤ, ဒီးမၢပှၤဟ့ၣ်ဒုးအီၣ်ဖိသၣ်န့ၣ်လၢတၢ်အီၣ်တမံၤမံၤလီၤ.

လံာ်မၢ်ကူး 7:35

တဘျီဃီပှၤတဂၤန့ၣ်နၢ်ဟူထီၣ်က့ၤတၢ်, အပျ့ၤအထူၣ်အပျၢ်လီၤကဆှၣ်ကွံာ်, ဒီးကတိၤထီၣ်က့ၤတၢ်သ့ဝဲဂ့ၤဂ့ၤဘၣ်ဘၣ်န့ၣ်လီၤ.

လံာ်မၢ်ကူး 7:37

အဝဲသ့ၣ်တဖၣ်န့ၣ်တၢ်လီၤကမၢကမၣ်ဘၣ်အီၤဒိၣ်မးဒီးစံးဝဲ, “အဝဲဒၣ်တဂၤအံၤ, မၤတၢ်ကိးမံၤဒဲးသ့ဝဲဂ့ၤဂ့ၤဘၣ်ဘၣ်လီၤ. ပှၤလၢအနၢ်တအၢဒၣ်လဲာ်န့ၣ်ဒုးနၢ်ဟူထီၣ်က့ၤဝဲတၢ်, ဒီးပှၤလၢအအုးအးန့ၣ်ဒုးကတိၤထီၣ်က့ၤဝဲတၢ်လီၤ.”

လံာ်မၢ်ကူး 8:26

ယ့ၣ်ၡူးမၢအက့ၤက့ၤဆူအဟံၣ်ဒီးမၤလိာ်အီၤဒ်သိး အသုတက့ၤနုာ်ကဒါက့ၤဆူသဝီပူၤတဂ့ၤအဂီၢ်န့ၣ်လီၤ.

လံာ်မၢ်ကူး 9:9

ဖဲအဝဲသ့ၣ်ဟဲက့ၤလီၤလၢကစၢၢ်လိၤအခါ, ယ့ၣ်ၡူးမၤလိာ်အဝဲသ့ၣ်လၢတၢ်လၢအထံၣ်ဘၣ်တ့ၢ်ဝဲအံၤန့ၣ်, အသုတစံးဘၣ်တဲဘၣ်ပှၤနီတဂၤတဂ့ၤလီၤ. မ့မ့ၢ်တုၤပှၤကညီအဖိခွါအံၤဂဲၤဆၢထၢၣ်သမူထီၣ်က့ၤလၢတၢ် သံတစုဒီး, စံးဘၣ်တဲဘၣ်ပှၤသ့ဝဲဒၣ်လီၤ.