လံာ်မၢ်ကူး 7:34 - Sgaw Karen Common Bible

³⁴ အန့ၣ်ဝံၤ, ယ့ၣ်ၡူးကွၢ်ထီၣ်တၢ်ဆူမူခိၣ်, ကအုထီၣ်ဝဲဒီးစံးဘၣ်ပှၤတဂၤန့ၣ်, “အ့ၤဖၤသါ” အခီပညီ, “အိးဟိထီၣ်တက့ၢ်,” န့ၣ်လီၤ.

လံာ်မၢ်ကူး 7:34 Iomraidhean Croise

လံာ်တၢ်ဟးထီၣ်ကွံာ် 2:23

အါနံၣ်အါလါပူၤကွံာ်ဝံၤအလီၢ်ခံန့ၣ်ကီၢ်အဲၤကူပတူးအစီၤ ပၤသံဝဲဒၣ်လီၤ. ဘၣ်ဆၣ်ဒီးပှၤအံၣ်စရ့လးဖိတဖၣ်ကအုကစွါဝဲ လၢအဘၣ်တၢ်မၢကဲကုၢ်အဃိဒီးကိးပသူထီၣ်လၢတၢ်မၤစၢၤအဂီၢ် လီၤ. ဒီးအဝဲသ့ၣ်အတၢ်ကိးပသူထီၣ်ဘးဆူကစၢ်ယွၤအအိၣ်လီၤ.

လံာ်ယၡါယၤ 53:3

ပသးဘၣ်အၢအီၤဒီးပညိကွံာ်အီၤလီၤ. အဝဲတူၢ်ဘၣ်တၢ်နးတၢ်ဖှီၣ်ဒီးတၢ်ဆူးတၢ်ဆါန့ၣ်လီၤ. ပှၤတကွၢ်ဃီၤအီၤဒၣ်လဲာ်နီတဂၤဘၣ်. ပကွၢ်ကပာ်ကွံာ်အီၤဒ်အဝဲတမ့ၢ်တၢ်နီတမံၤဘၣ်အသိးန့ၣ်လီၤ.

လံာ်မၢ်ကူး 1:41

ယ့ၣ်ၡူးသးကညီၤဘၣ်အီၤဒီးယူာ်ဃီၤအစုဒီးထိးဘၣ်အီၤဒီး စံးဝဲ, “ယသးအိၣ်နၤ, မ်နကဆှီထီၣ်က့ၤတက့ၢ်.”

လံာ်မၢ်ကူး 15:34

ဖဲသၢနၣ်ရံၣ်ဘၣ်န့ၣ်, ယ့ၣ်ၡူးကိးပသူထီၣ်လၢအကလုၢ်ဖးဒိၣ်, “အ့းလိအံၤ, အ့းလိအံၤ, လၤမါစၤဘၤဃသၤနံ,” လၢအခီပညီမ့ၢ်ဝဲ, “ယကစၢ်ယွၤဧၢ, ယကစၢ်ယွၤဧၢ, ဘၣ်မနုၤနပာ်တ့ၢ်ကွံာ်ယၤလဲၣ်.”

လံာ်မၢ်ကူး 5:41

အဝဲဒၣ်ဟံးထီၣ်ဖိသၣ်မုၣ်န့ၣ်လၢအစုဒီးစံးဘၣ်အီၤ, “တၤလံၤသၤကူမံၤ,” အခီပညီ “ပိာ်မုၣ်ဖိဧၢ, ယစံးဘၣ်နၤ, ဂဲၤဆၢထၢၣ်တက့ၢ်.”

လံာ်မၢ်ကူး 6:41

အန့ၣ်ဝံၤယ့ၣ်ၡူးဟံးထီၣ်ကိၣ်ယဲၢ်ဖျၢၣ်ဒီးညၣ်ခံဘ့ၣ်န့ၣ်, ကွၢ်ထီၣ်တၢ်ဆူမူခိၣ်ဒီးစံးထီၣ်ပတြၢၤကစၢ်ယွၤအဘျုး အဖှိၣ်လီၤ. အဝဲဒၣ်စိၢ်ဘျဲးကိၣ်ဝံၤဟ့ၣ်လီၤဝဲအပျဲၢ်အဘီၣ်တဖၣ် လၢအကဟ့ၣ်နီၤလီၤပှၤဂီၢ်မုၢ်တဖၣ်အဂီၢ်လီၤ. ဟ့ၣ်နီၤလီၤစ့ၢ်ကီးဝဲညၣ်ခံဘ့ၣ်န့ၣ်လၢပှၤခဲလၢာ်အဂီၢ်လီၤ.

လံာ်မၢ်ကူး 7:35

တဘျီဃီပှၤတဂၤန့ၣ်နၢ်ဟူထီၣ်က့ၤတၢ်, အပျ့ၤအထူၣ်အပျၢ်လီၤကဆှၣ်ကွံာ်, ဒီးကတိၤထီၣ်က့ၤတၢ်သ့ဝဲဂ့ၤဂ့ၤဘၣ်ဘၣ်န့ၣ်လီၤ.

လံာ်မၢ်ကူး 8:12

ဘၣ်ဆၣ်ယ့ၣ်ၡူးကအုထီၣ် လၢအသးကံၢ်ပူၤဒီးစံးဝဲဒၣ်, “ဘၣ်မနုၤအဃိပှၤတစိၤအံၤဃ့လၢအကထံၣ်ဘၣ်တၢ်ပနီၣ်လီၤ လးန့ၣ်လဲၣ်. ယစံးဘၣ်သုတီတီလိၤလိၤ, တၢ်တဒုးနဲၣ်ဖျါထီၣ်တၢ်ပနီၣ်လီၤလးလၢပှၤ တစိၤအံၤကထံၣ်ဘၣ်အီၤအဂီၢ်နီတမံၤဘၣ်.”

လံာ်လူၤကၣ် 18:42

တုၤနုၤတစုယ့ၣ်ၡူးစံးဘၣ်အီၤ, “ထံၣ်ထီၣ်က့ၤတၢ်တက့ၢ်. နတၢ်နာ်မၤဘျါက့ၤလံနၤလံ.”

လံာ်လူၤကၣ် 19:41

အဝဲဒၣ်ဟဲဘူးထီၣ်ဒီးဝ့ၢ်ယရူၤၡလ့ၣ်, ဒီးဖဲအထံၣ်ဘၣ်ဝ့ၢ်န့ၣ်, ဟီၣ်ဝဲလၢအဃိဒီး

လံာ်လူၤကၣ် 7:14

တုၤနုၤတစုအဝဲဒၣ်လဲၤဃီၤဒီးထိးဘၣ်ကျုာ်ဒီးပှၤလၢအစိာ်တၢ် တဖၣ်အိၣ်ကတီၢ်ဝဲလီၤ. ယ့ၣ်ၡူးစံးဝဲ, “ပိာ်ခွါသးစၢ်ဧၢ, ယစံးဘၣ်နၤဂဲၤဆၢထၢၣ်တက့ၢ်.”

လံာ်ယိၤဟၣ် 11:33

ယ့ၣ်ၡူးထံၣ်ဘၣ်နီၢ်မၤရံဟီၣ်, ဒီးပှၤယူဒၤဖိလၢအဟဲပိာ်အခံတဖၣ်ဟီၣ်စ့ၢ်ကီးအဃိ, အသးဘၣ်ဒိဘၣ်ထံးဒီးအသူၣ်လီၤအသးလီၤဝဲန့ၣ်လီၤ.

လံာ်ယိၤဟၣ် 11:35

ဒီးယ့ၣ်ၡူးအမဲာ်ထံလီၤဝဲလီၤ.

လံာ်ယိၤဟၣ် 11:38

လၢတၢ်သူၣ်ဘၣ်ဒိသးဘၣ်ထံးအပူၤ, ယ့ၣ်ၡူးလဲၤဆူတၢ် သွၣ်ခိၣ်, လၢအမ့ၢ်လ့အပူၤလၢအခိၣ်ထိးဘၣ်တၢ်ကျၢၢ်ဘၢ အီၤလၢလၢၢ်န့ၣ်လီၤ.

လံာ်ယိၤဟၣ် 11:41

ပှၤသ့ၣ်တဖၣ်န့ၣ်သုးကွံာ်လၢၢ်န့ၣ်လီၤ. ယ့ၣ်ၡူးကွၢ်ထီၣ်တၢ်ဒီးစံးဝဲ, “ပၢ်ဧၢ, ယစံးဘျုးနၤလၢနဒိကနၣ်ယၤအဃိလီၤ.

လံာ်ယိၤဟၣ် 11:43

အဝဲစံးတၢ်အံၤဝံၤဒီး, ကိးပသူထီၣ်ဝဲလၢအကလုၢ်ဖးဒိၣ်, “စီၤလါစရူးဧၢ, ဟဲက့ၤထီၣ်တက့ၢ်.”

လံာ်ယိၤဟၣ် 17:1

ယ့ၣ်ၡူးကတိၤတၢ်အံၤဝံၤဒီး, အဝဲကွၢ်ထီၣ်တၢ်ဆူမူခိၣ်ဒီးစံးဝဲဒၣ်, “ပၢ်ဧၢ, တၢ်ဆၢကတီၢ်နၣ်ရံၣ်တုၤဃီၤဝဲဒၣ်လံ. မၤလၤကပီၤ နဖိခွါ, ဒ်သိးဖိခွါကမၤလၤကပီၤနၤအဂီၢ်န့ၣ်တက့ၢ်.

မၤတၢ် 9:34

စီၤပ့းတရူးစံးဘၣ်အီၤ, “စီၤအဲၤန့းဧၢ, ယ့ၣ်ၡူးခရံာ်မၤဘျါက့ၤနၤလီၤ. ဂဲၤဆၢထၢၣ်ဒီးထူထီၣ်က့ၤနလီၢ်မံတက့ၢ်.” ဒီးတဘျီဃီအဝဲဒၣ် ဂဲၤဆၢထၢၣ်ဝဲဒၣ်လီၤ.

မၤတၢ် 9:40

စီၤပ့းတရူးမၢပှၤကိးဂၤဒဲးဟးထီၣ်ကွံာ်ဆူတၢ်ချၢဝံၤ, ချံးလီၤအခီၣ်ဒီးဃ့ထုကဖၣ်ယွၤလီၤ. အန့ၣ်ဝံၤအဝဲဒၣ်ဃၣ်ဃီၤအသးဆူပှၤစိၣ်အအိၣ်ဒီးစံး, “နီၢ်တဘံၤသါဧၢ, ဂဲၤဆၢထၢၣ်တက့ၢ်.” ပိာ်မုၣ်န့ၣ်အိးထီၣ်အမဲာ်ဒီးတုၤအထံၣ်ဘၣ်စီၤပ့းတရူးန့ၣ်ဒီး, ဂဲၤထၢၣ်ဒီးဆ့ၣ်နီၤဝဲဒၣ်လီၤ.

ဧ့ၤဘြံၤ 4:15

ပပှၤလုၢ်တၢ်အခိၣ်အဒိၣ်ကတၢၢ်အံၤ တမ့ၢ်ပှၤလၢအနၢ် ပၢၢ်စၢၤပတၢ်ဂံၢ်စၢ်ဘါစၢ်တသ့ဘၣ်တဂၤန့ၣ်ဘၣ်. မ့ၢ်ပှၤတဂၤလၢအဘၣ်တၢ်လ့ပစီအီၤလၢကျဲကိးဘိဒဲးဒ်ပဝဲဒၣ် အသိးဘၣ်ဆၣ်အတၢ်ဒဲးဘးတအိၣ်ဘၣ်.