လံာ်မၢ်ကူး 7:3 - Sgaw Karen Common Bible

³ (အဂ့ၢ်မ့ၢ်လၢပှၤဖၤရံၤၡဲဒီးပှၤယူဒၤဖိအဂၤတဖၣ်စ့ၢ်ကီး မၤဝဲဒ်မိၢ်ပၢ်ဖံဖုလၢပျၢၤအလုၢ်အလၢ်အသိးအဃိဒီး အဝဲသ့ၣ်မ့ၢ်တသ့ကဆှီဘၣ်အစုဒ်တၢ်သိၣ်တၢ်သီအိၣ်ဝဲအသိး ဘၣ်ဒီးတအီၣ်တၢ်နီတမံၤဘၣ်.

လံာ်မၢ်ကူး 7:3 Iomraidhean Croise

လံာ်မၢ်ကူး 7:13

သုမၤဒ်အံၤန့ၣ်, မ့ၢ်သုဒုးကဲထီၣ်ကစၢ်ယွၤအကလုၢ်ကထါလၢတၢ် ကလီကလီခီဖျိသုဟ့ၣ်ယုၢ်လီၤမိၢ်ပၢ်ဖံဖုလၢပျၢၤ အတၢ်သိၣ်လိသီလိတဆီဘၣ်တဆီအဃိန့ၣ်လီၤ. ဒီးတၢ်ဒ်သိးအံၤလၢသုမၤအီၤန့ၣ်, အိၣ်အါမံၤလီၤ.”

လံာ်မၢ်ကူး 7:5

အန့ၣ်သတးဒီး ပှၤဖၤရံၤၡဲဒီးပှၤသ့တၢ်ဘူၣ်တၢ်ဘါ အတၢ်သိၣ်တၢ်သီတဖၣ်သံကွၢ်ယ့ၣ်ၡူးဒီးစံးဝဲ, “ဘၣ်မနုၤနပျဲၢ်နဘီၣ်တဖၣ်တအိၣ်မူဒ်မိၢ်ပၢ်ဖံဖုလၢပျၢၤ အလုၢ်အလၢ်အသိးဘၣ်, မ့မ့ၢ်အီၣ်တၢ်အီတၢ်လၢအစုလၢအတကဆှီဘၣ်န့ၣ်လဲၣ်.”

လံာ်လူၤကၣ် 11:38

ပှၤဖၤရံၤၡဲတဂၤန့ၣ်ကမၢကမၣ်ဝဲ, ဖဲအပာ်သူၣ်ပာ်သးလၢယ့ၣ်ၡူးတချုးအီၣ်တၢ်ဒံးဘၣ်ဒီး, တသ့အစုဘၣ်အဃိန့ၣ်လီၤ.

လံာ်ယိၤဟၣ် 2:6

ပှၤယူဒၤဖိတဖၣ်အိၣ်ဒီးအလုၢ်အလၢ်လၢတၢ်မၤ ကဆှီသးအဂီၢ်ဒီးလၢတၢ်အံၤအဂီၢ်ထံကတံၤလၢၢ်လၢအတြီၢ်ဝဲ အပီၢ် ၃၀-၄၀ အိၣ်ဝဲဖဲန့ၣ်ဃုဖျၢၣ်လီၤ.

ကလၤတံ 1:14

လၢယတၢ်ဘူၣ်ထီၣ်ဘါထီၣ်ယွၤဒ်ပှၤယူဒၤဖိအလုၢ်အလၢ်အိၣ်ဝဲ အသိးအပူၤန့ၣ်, ယလဲၤလၢပှၤယူဒၤဖိတကျဲကျဲဒီးယၤတဖၣ် အမဲာ်ညါဒီးယဟ့ၣ်လီၤယသးဒိၣ်န့ၢ်အဝဲသ့ၣ်ဖဲလၢအဘၣ် ဃးဒီးတၢ်လူၤထွဲပိာ်ထွဲပမိၢ်ပၢ်ဖံဖုလၢပျၢၤအလုၢ်လၢ်လီၤစၢၤတဖၣ် န့ၣ်လီၤ.

ကလီးစဲ 2:8

ဒ်သိးသုသုတဘၣ်တၢ်ဖီၣ်န့ၢ်ဟံးဃာ်သုလၢဟီၣ်ခိၣ်ဖိအတၢ် ကူၣ်သ့လၢအဘျုးတအိၣ်ဘၣ်ဒီးအလီန့ၢ်တၢ်တဂ့ၤဒီးပလီၢ် သုသးတက့ၢ်. တၢ်သိၣ်လိသီလိတဖၣ်အံၤမ့ၢ်ပှၤဟီၣ်ခိၣ်ဖိအတၢ်ဟ့ၣ်ခီ ဃီၤတဆီဘၣ်တဆီလၢအဟဲလၢဟီၣ်ခိၣ်အကစူၤကစၢ် အအိၣ်ဒီးတမ့ၢ်ဘၣ်လၢခရံာ်အအိၣ်န့ၣ်ဘၣ်လီၤ.

၁ ပ့းတရူး 1:18

အဂ့ၢ်ဒ်အံၤ, သုသ့ၣ်ညါတၢ်လၢအပှ့ၤက့ၤသုဒ်သိးသုကထူၣ် ဖျဲးထီၣ်လၢတၢ်အိၣ်မူလၢအတကဲဘျုးလၢသုန့ၢ်သါလၢမိၢ် ပၢ်ဖံဖုလၢပျၢၤတဖၣ်အအိၣ်န့ၣ်လီၤ. တၢ်အံၤတမ့ၢ်တၢ်တမံၤလၢတၢ်မၤဟးဂီၤအီၤသ့ဒ်စ့ဒီးထူ အသိးန့ၣ်ဘၣ်.