လံာ်မၢ်ကူး 7:28 - Sgaw Karen Common Bible

²⁸ အဝဲဒၣ်စံးဆၢက့ၤအီၤ, “မ့ၢ်ယၢာ်, ကစၢ်ဧၢ, ဘၣ်ဆၣ်ဒီးထွံၣ်အိၣ်လၢစီၢ်နီၤခိၣ်အဖီလာ်တဖၣ်ဒၣ်လဲာ် အီၣ်ဘၣ်ဝဲဖိတဖၣ်အတၢ်အီၣ်အိၣ်ဘျဲၣ်အိၣ်စဲၢ်တဖၣ်န့ၣ်လီၤ.”

လံာ်မၢ်ကူး 7:28 Iomraidhean Croise

စံးထီၣ်ပတြၢၤ 145:16

နဟ့ၣ်အဝဲသ့ၣ်လၢလၢပှဲၤပှဲၤ ဒီးဒုးသူၣ်မံသးမံအတၢ်လိၣ်ခဲလၢာ်န့ၣ်လီၤ.

လံာ်ယၡါယၤ 45:22

ကယဲၢ်ပှၤဂီၢ်မုၢ်လၢဟီၣ်ခိၣ်ဒီဘ့ၣ်ညါသ့ၣ်ဧၢ, ဃၣ်သုသးဆူယအိၣ်ခဲအံၤဒီးမ်သုဘၣ်တၢ်အုၣ်က့ၤခီၣ်က့ၤသုတ က့ၢ်. ယမ့ၢ်ကစၢ်ယွၤထဲတဂၤဧိၤလၢအအိၣ်ဝဲန့ၣ်လီၤ.

လံာ်ယၡါယၤ 49:6

ယွၤစံးဘၣ်ယၤ, “ယခ့ယပှၤဧၢ, ယအိၣ်ဒီးတၢ်မၤဒိၣ်န့ၢ်အလီၢ်တမံၤလၢနဂီၢ်လီၤ. ယပှၤဂီၢ်မုၢ်အံၣ်စရ့လးလၢအအိၣ်လီၤတဲာ်တ့ၢ်တဖၣ်အံၤ, တမ့ၢ်ထဲနကပာ်ထီၣ်က့ၤအီၤဆူတၢ်ဒိၣ်တၢ်မုၢ်အလီၢ်ဧိၤဘၣ်, မ့မ့ၢ်ယကဒုးကဲထီၣ်စ့ၢ်ကီးနၤတၢ်ကပီၤတဖျၢၣ်လၢပှၤကလုာ်တဖၣ် အဂီၢ်, ဒ်သိးဟီၣ်ခိၣ်ဒီဘ့ၣ်ကတုၤလၢတၢ်အုၣ်က့ၤခီၣ်က့ၤ န့ၣ်လီၤ.”

လံာ်မးသဲ 15:27

ပိာ်မုၣ်စံးဆၢတၢ်ဒီးစံး, “ကစၢ်ဧၢ, နတဲတၢ်န့ၣ်မ့ၢ်တီမးလီၤ. ဘၣ်ဆၣ်, တၢ်အီၣ်အဘျဲၣ်အစဲၢ်လၢအဟဲလီၤတဲာ်လၢ ကစၢ်အစီၢ်နီၤခိၣ်ဒၣ်လဲာ်န့ၣ်, ထွံၣ်အီၣ်ဘၣ်ဝဲလီၤ.”

လံာ်မးသဲ 5:45

မၤတၢ်အံၤဒ်သိးဒီးသုကကဲထီၣ်သုပၢ်အိၣ်လၢမူခိၣ်အဖိတဖၣ် န့ၣ်တက့ၢ်. အဂ့ၢ်ဒ်အံၤ, အဝဲဒုးကပီၤထီၣ်အမုၢ်လၢပှၤအအၢဒီးပှၤအဂ့ၤတဖၣ်အဂီၢ်ဒီး ဒုးစူၤလီၤတၢ်လၢပှၤလၢအအိၣ်မူတီတီလိၤလိၤဒီးပှၤလၢ အအိၣ်မူတတီတလိၤဘၣ်တဖၣ်အဂီၢ်ဒ်သိးသိးလီၤ.

လံာ်မၢ်ကူး 7:27

ဘၣ်ဆၣ်ဒီးယ့ၣ်ၡူးစံးဘၣ်အီၤ, “တၢ်အီၣ်န့ၣ်ပျဲပဒုးအီၣ်ဆိဖိတဖၣ်တက့ၢ်. ပကဟံးန့ၢ်ဖိအတၢ်အီၣ်ဒီးကွံာ်လီၤန့ၢ်ထွံၣ်တဖၣ် န့ၣ်တကြၢးဘၣ်.”

လံာ်မၢ်ကူး 7:29

အန့ၣ်ဒီးယ့ၣ်ၡူးစံးဘၣ်အီၤ, “မ့ၢ်လၢနတၢ်ကတိၤတထံၣ်အံၤအဃိ, က့ၤမုာ်မုာ်ဆူနဟံၣ်န့ၣ်တက့ၢ်. နဖိမုၣ်န့ၣ်တၢ်နါဟးထီၣ်ကွံာ်လၢအလိၤလံ.”

ရိမ့ၤ 10:12

တၢ်အံၤဘၣ်ဃးဒီးပှၤကိးဂၤဒဲး, မ့ၢ်လၢတၢ်လီၤဆီတအိၣ် လၢပှၤယူဒၤဖိဒီးပှၤကလုာ်ဂၤတဖၣ်အဘၢၣ်စၢၤဘၣ်အဃိလီၤ. ကစၢ်ယွၤမ့ၢ်ကစၢ်တဂၤဃီလၢပှၤခဲလၢာ်အဂီၢ်ဒီးပှၤလၢအကိး ထီၣ်အီၤန့ၣ် ဆိၣ်ဂ့ၤဝဲထူးထူးတီၤတီၤခဲလၢာ်လီၤ.

ရိမ့ၤ 3:29

ကစၢ်ယွၤအံၤမ့ၢ်ဒၣ်ထဲပှၤယူဒၤဖိတဖၣ်အကစၢ်ယွၤဧိၤန့ၣ်ဧါ. မ့ၢ်အတမ့ၢ်စ့ၢ်ကီးပှၤကလုာ်ဂၤတဖၣ်အကစၢ်ယွၤဘၣ်ဧါ. မ့ၢ်သပှၢ်ကတၢၢ်ပှၤကလုာ်ဂၤတဖၣ်အကစၢ်ယွၤစ့ၢ်ကီးလီၤ.

အ့းဖ့းစူး 3:8

ယမ့မ့ၢ်ပှၤအဆံးန့ၢ်ဒံးပှၤအဆံးကတၢၢ်လၢပှၤစီဆှံတဖၣ် အကျါနာ်သက့, ကစၢ်ယွၤဟ့ၣ်ယၤတၢ်ဘျုးတၢ်ဖှိၣ်အံၤလၢယကစံၣ် တဲၤတဲလီၤန့ၢ်ဘၣ်ပှၤကလုာ်အဂၤတဖၣ်လၢခရံာ် အတၢ်လုၢ်ဒိၣ်ပှ့ၤဒိၣ်လၢတၢ်ဃုထံၣ်န့ၢ်အီၤတလၢာ်ဘၣ်,