လံာ်မၢ်ကူး 7:26 - Sgaw Karen Common Bible

²⁶ ပိာ်မုၣ်န့ၣ်မ့ၢ်ပှၤကြံးခ်မုၣ်တဂၤလၢအအိၣ်ဖျဲၣ်ထီၣ်လၢ ဖံၤနံက့ၤဘၣ်ဃးဒီးကီၢ်စူၤရံန့ၣ်လီၤ. အဝဲဒၣ်ဃ့သကွံၢ်ကညးယ့ၣ်ၡူးလၢအကဟီထီၣ်ကွံာ် တၢ်နါလၢအဒိးအဖိမုၣ်န့ၣ်လီၤ.

လံာ်မၢ်ကူး 7:26 Iomraidhean Croise

လံာ်ယၡါယၤ 49:12

ယပှၤဂီၢ်မုၢ်ကဟဲလၢလီၢ်အယံၤ, လၢကလံၤစိးဒီးလၢမုၢ်နုာ်, ဒီးလၢကီၢ်စံၣ်လၢကီၢ်အဲၤကူပတူး အကလံၤထံးတခီန့ၣ်လီၤ.”

လံာ်မးသဲ 15:22

ဒီးပှၤကနၤဧၣ်မုၣ်တဂၤ, လၢအအိၣ်ဖဲတၢ်လီၢ်န့ၣ်ဟဲဆူအအိၣ်ဒီးကိးထီၣ်ဝဲ, “စီၤဒၤဝံးအဖိခွါ, ကစၢ်ဧၢ, သူၣ်ကညီၤသးကညီၤလၢ်ယၤတက့ၢ်. ယဖိမုၣ်န့ၣ် တၢ်နါဒိးအီၤဒီးဘၣ်တူၢ်ဝဲနးမးလီၤ.”

လံာ်မးသဲ 4:24

ယ့ၣ်ၡူးအကစီၣ်ဟူထီၣ်သါလီၤလၢကီၢ်ဒီဘ့ၣ်ညါပၢၢ်တုၤလၢကီၢ် စူၤရံဒီးပှၤဟဲကိးန့ၢ်အီၤလၢပှၤဆူးပှၤဆါလၢအတူၢ်ဘၣ်တၢ်ဆူး တၢ်ဆါအကလုာ်ကလုာ်လၢအတူၢ်ဘၣ်တၢ်နးနးကျံၤကျံၤတဖၣ်, ဒ်ပှၤလၢတၢ်နါဒိးအီၤ, ပှၤလၢအပျုၢ်ထိးတဖၣ်ဒီးပှၤသံတခီပၤတဖၣ်, ဒီးယ့ၣ်ၡူးမၤဘျါက့ၤအဝဲသ့ၣ်ခဲလၢာ်လီၤ.

လံာ်မၢ်ကူး 7:25

ပိာ်မုၣ်လၢအဖိမုၣ်ဖိတၢ်နါဒိးအီၤတဂၤန့ၣ်, နၢ်ဟူယ့ၣ်ၡူးအဂ့ၢ်တဘျီဃီဟဲဝဲဆူအအိၣ်ဒီးထိၣ်လီၤပှီၤ အသးဖဲအခီၣ်ထံးန့ၣ်လီၤ.

လံာ်မၢ်ကူး 7:27

ဘၣ်ဆၣ်ဒီးယ့ၣ်ၡူးစံးဘၣ်အီၤ, “တၢ်အီၣ်န့ၣ်ပျဲပဒုးအီၣ်ဆိဖိတဖၣ်တက့ၢ်. ပကဟံးန့ၢ်ဖိအတၢ်အီၣ်ဒီးကွံာ်လီၤန့ၢ်ထွံၣ်တဖၣ် န့ၣ်တကြၢးဘၣ်.”

ကလၤတံ 3:28

အဃိ, တၢ်လီၤဆီလိာ်သးတအိၣ်ဘၣ်လၢပှၤယူဒၤဖိဒီးပှၤ ကလုာ်ဂၤတဖၣ်အဘၢၣ်စၢၤ, ပှၤကုၢ်ဖိဒီးပှၤသဘျ့ဖိတဖၣ် အဘၢၣ်စၢၤ, ပှၤပိာ်ခွါဒီးပှၤပိာ်မုၣ်တဖၣ်အဘၢၣ်စၢၤန့ၣ်ဘၣ်. သုဝဲခဲလၢာ်န့ၣ်သုမ့ၢ်တၢ်တမံၤဃီလၢယ့ၣ်ၡူးခရံာ်အပူၤ န့ၣ်လီၤ.

ကလီးစဲ 3:11

လၢတၢ်အိၣ်မူအသီအံၤအပူၤန့ၣ်, တၢ်ပာ်တၢ်အဒူၣ်အဆၢဒ် ပှၤကလုာ်အဂၤ, ဒီးပှၤယူဒၤဖိ, ပှၤဒိးတၢ်ကူးတရံးဒီးပှၤတဒိးဘၣ် တၢ်ကူးတရံး, ပှၤတခီထံတခီကီၢ်, ပှၤရၢၢ်ပှၤစၢၢ်, ပှၤကုၢ်ဖိဒီးပှၤသဘျ့ဖိတဖၣ်အိၣ်တသ့လၢၤဘၣ်. အဂ့ၢ်ဒ်အံၤ, ခရံာ်မ့ၢ်တၢ်ခဲလၢာ်ဒီးအိၣ်ဝဲဆိးဝဲလၢပှၤခဲလၢာ်အပူၤလီၤ.